Дэн, кай лэ Дэвлэстирэ законоря и алава, пэ савэ ритярдёнпэ и законоря, тэ сытярэн тумаро ди, саво подԥэнэн

1. Со исин кай о мануш, но со нинай кай и животни?

ЛЭ МАНУШЭСТЭ исин оди, саво подԥэнэн, но кай животни када нинай. Кадэва подарко о Иегова дя кати лэ манушэнди. Катар амэ ӷанас, кай лэ Адамостэ и ла Еватэ сас оди, саво подԥэнэнас? Сар вонэ на канглэ лэ Иеговас, вонэ гараделэ. Васо? Лэн ля тэ хал оди, саво лэнди подԥэнэнас.

2. Андэр со оди, саво подԥэнэн шолпэ по рулё чи по хорто? (Диқэн и картинка англа статья.)

² О мануш, саво на сытярэл пэско ди, саво лэсти подԥэнэн, шолпэ по кораблё лэ рулёса. Но, кадэва рулё на терэл кадя, сар трэбуй. Пэ моря исин балваля, савэ андярэн о паи андэ разни рига, ай инке о паи андэ моря, екжэно пэстар жал андэ варисави риг. Вонэ андярэн о кораблё кордэ, каринг лэ кораблёсти на трэбуй. Но о рулё, саво терэл кадя, сар трэбуй, поможый лэ капитаности тэ андярэл о кораблё кордэ, каринг трэбуй. Кадэва рулё шолпэ по ди, саво подԥэнэн, со лашимос, ай со най. Но исин мануша, савэ на досытярэн пэско ди, саво подԥэнэн. И тоди кацаво ди, саво на подԥэнэн, шолпэ по хорто, саво на ӷавкыий. Кала о хорто на ӷавкыий, может тэ авэл бида. Сави? Авэла о чордэӷари и обчорэла о цэр. Но, кала лэ хортос сытярэн кадя сар трэбуй, во фэрия о хабэ. Амаро ди, саво подԥэнэн, шолпэ по рулё, саво драго терэл чи по хорто, савэс драго сытярэн и саво ӷавкыий, кала авэл о чордэӷари. Кай амаро ди, саво подԥэнэн тэ сыкавэл амэнди лашо дром, оди трэбуй тэ сытярас.

3. Со авэла, кала о мануш на сытярэл пэско ди, саво подԥэнэн?

³ Кала о мануш на сытярэл пэско ди, саво подԥэнэн, во на зритярдёла лэ найлашимастар (1 Тим. 4:1, 2). Кацавэ одестар о мануш лэла тэ патял, кай о найлашимос када лашимос (Ис. 5:20). Пала када о Иисусо ԥэнэнас пэстирэ учениконэнди: «Пашол о часо, кала кажно, ко умарэл тумэн, гиндоя, кай кадя во терэл свынто служения лэ Дэвлэсти» (Иоан. 16:2). Ворта кадя гиндонас кодэла, ко умардя лэ Стефанос и аврэ христианонэн (Деян. 6:8, 12; 7:54—60). Кати погиндон, бут мануша, савэ фартэ патянас пэстирэ дэвлэнди терэнас фартэ баро найлашимос. Кала вонэ умарэнас лэ манушэн, вонэ ԥэнэнас, кай терэн када важ о Дэл. Но па чачимастэ вонэ жанас против лэ Дэвлэско законо (Исх. 20:13). Чаче, лэнго ди, саво трэбуй сас тэ подԥэнэн, андярэлас лэн па найлашо дром.

4. Кала амаро ди, саво подԥэнэн, андярэла амэн па лашо дром?

⁴ Сар амэ тэ полас, кай амаро ди подԥэнэн кадя сар трэбуй? И законоря и алава, пэ савэ ритярдёнпэ и законоря, анэн лашимос. Вонэ сытярэн, сыкавэн, со най кадя, парувэн и жизня, сытярэн, сар тэ ритярас лэ Дэвлэско законо (2 Тим. 3:16). Амэнди трэбуй тэ на промэкас тэ сытювас па Библия. Инке драго тэ гиндосарас пала кода, со адиносардям и тэ терас андэ пэстири жизня, со уӷанглям. Кадя амэ ласа тэ сытювас тэ гиндосарас май бут, сар о Иегова. Тоди амэ ӷанаса, кай амаро ди, саво подԥэнэн, андярэла амэн па лашо дром. Подам дума, сар лэ Иеговастирэ законоря и алава, пэ савэ ритярдёнпэ и законоря, поможына тэ сытярас пэско ди, саво подԥэнэн.

ОДИ, САВО ПОДԤЭНЭН, И ЛЭ ДЭВЛЭСТИРЭ ЗАКОНОРЯ

5, 6. Саво лашимос анэн амэнди лэ Иеговастирэ законоря?

⁵ Амэ камас, кай лэ Дэвлэстирэ законоря тэ поможын амэнди. Тоди амэ трэбуй най кати тэ ӷанас и законоря, ай и тэ любисарас, и тэ ценисарас лэн. Андэ Библия пистромэ: «Вэрыцын о найлашимос и любин о лашимос» (Ам. 5:15). Но со тэ терас, кай кадя тэ авэл? Трэбуй пэ вся тэ диқас лэ Иеговастирэ яқэнца. Ԥэнэса, ек мануш найдраго совэл, и важ када о врачо ԥэнэн лэсти, кай во тэ парашэл тэ хал о хамос, саво вэрыто важ лэско зор. Инке, кай о мануш тэ терэл зарядка и тэ парувэл варисо андэ пэстири жизня, со на дэл зор. Кай о мануш драго тэ совэл, во терэл кадя, сар ԥэнэн о врачо. И акэ, о зор лэстэ ашэл май лашо. Хэба, на авэла кадэва мануш блаӷодарно лэ врачости?

⁶ Кадя же терэл и амаро создателё. Во дэл амэнди законоря, кай тэ фэрий амэн кодэлэстар, со анэн о бэзэх и кай тэ стерэл амари жизня май лащи. Андэ Библия запистромэ законоря, савэ сытярэн, кай нащи тэ хохавэн, тэ загиндон тэ терэн о найлашимос, тэ чорэн, тэ андярэн пэс билажавардэс, тэ марэнпэ и тэ умарэн и тэ терэн о бэнгалимос. (Адиносар Притчи 6:16—19a; Отк. 21:8.) Кала амэ терас кадя, сар камэл о Иегова, амэ диқас лашимос. Тоди амэ лас май фартэ тэ любисарас лэ Иеговас и лэстирэ законоря.

7. Сар амэнди поможый, кала гиндосарас пала кода, со сас запистромэ андэ Библия пала мануша?

⁷ Кай варисости тэ сытювас, амэнди на трэбуй тэ ԥагас лэ Дэвлэстирэ законоря, и тэ диқас, саво ԥаримос кодэлэстар. Кала адиносарас лэ Дэвлэско алав, амэ полас, сар тэ на терас кода вэрыто, со терэнас авэр. Андэ Притчи 1:5 ԥэнэнпэ: «Мудро мануш ашунэла и фэдэр полэла, сости сытярэн». Кала адиносарас анда Библия, со сас лэ манушэнца и гиндосарас пала када, амэ бутэсти сытювас. Погиндон, сави дук андя лэ Давидостирэ одести, кала во ԥагля лэ Дэвлэско законо, кала стердя о бэзэх ла Вирсавияса (2 Сам. 12:7—14). Кала амэ адиносарас када анда Библия, амэ пушас пэстар: «Со о Давидо трэбуй сас тэ стерэл, кай тэ на авэл о бэзэх и кадэлэстар тэ на авэл ԥарэс по ди? Сар манди закамэлапэ кода, со нащи, авэла мандэ зор тэ на стерав бэзэх? Со мэ стерава, нашаватар, сар о Иосифо чи подавапэ, сар о Давидо?» (Быт. 39:11—15). Сар амэ загиндосавас, со анэна кода, кай стераса о бэзэх, тоди амэ май фартэ ласа тэ вэрыцысарас найлашимос.

8, 9. а) Васо о Дэл дя амэнди оди, саво подԥэнэн? б) Кала амаро ди подԥэнэн амэнди кадя, сар ԥэнэнпэ андэ алава, пэ савэ ритярдёлпэ лэ Дэвлэско законо?

⁸ Амэ стас зор, кай тэ ритярдювас май дур кодэлэстар, со о Дэл вэрыцый. Но со тэ терас, кала амэндэ варисави дила и пала латэ андэ Библия нинай о законо? Сар тэ полас, со амэндар камэл о Дэл? Андэ када амэнди поможыя амаро ди, саво подԥэнэн и саво амэ сытярасас па Библия.

⁹ О Иегова амэн фартэ любий. Важ када андэ Библия запистромэ и алава, пэ савэ ритярдёнпэ лэ Дэвлэстирэ законоря. Вонэ поможын амэнди тэ витидас кода, со драго. О Иегова ԥэндя: «Мэ, о Иегова, тиро Дэл, саво сытярэл тут кодэлэсти, со важ тутэ авэла драго, саво андярэл тут па кодэва дром, па саво тути трэбуй тэ жас» (Ис. 48:17, 18). Амэ сытярас пэско ди, саво подԥэнэн, кала акэ со терас. Драго гиндосарас пала алава, пэ савэ ритярдёнпэ лэ Дэвлэстирэ законоря. Инке, кала лэ одеса прилас кадэла алава. Када вся поможый амэнди тэ витидас кода, со драго.

ОДИ, САВО ПОДԤЭНЭН, И АЛАВА, ПЭ САВЭ РИТЯРДЁНПЭ ЛЭ ДЭВЛЭСТИРЭ ЗАКОНОРЯ

10. Сар лэ Дэвлэстирэ алава, пэ савэ ритярдёнпэ и законоря, поможын амэнди? Сар о Иисусо сытярэлас лэ Дэвлэстирэ алавэнца?

¹⁰ Лэ Дэвлэстирэ алава, пэ савэ ритярдёнпэ и законоря поможын амэнди тэ витидас лашимос. Кала амэ ӷанас кадэла алава, када поможыя амэнди тэ полас, васо во дя кодэва чи авэр законо. Кала о Иисусо сас пэ ԥув, во росԥэнэнас лэ Дэвлэстирэ алава. Васо? Кай лэстирэ ученикоря тэ полэн, кай кодэлэстар, со лэндэ андо ди и сар вонэ гиндон, и сар вонэ пэс андярэн, авэла лашимос чи на авэла. О Иисусо сытярэлас, кай ла холятар о мануш закамэла тэ марэл и тэ умарэл варикас. Ай лэ билажавардэ гиндонэндар о мануш анда ери закамэла тэ стерэл билажавардэс (Матф. 5:21, 22, 27, 28). Кала амэ домэкас, кай о Иегова тэ сытярэл амэн через и алава, пэ савэ ритярдёнпэ лэстирэ законоря, амаро ди, авэла драго тэ подԥэнэн. Тоди амэ витидаса кода, состар о Иегова авэла ашунгло (1 Кор. 10:31).

11. Сар пэ ек дила лэ христианонэнго ди дэкала на подԥэнэн еқэндар?

¹¹ И христианоря сытярэн пэско ди, саво подԥэнэн, па Библия. Но дэкала и одя лэдуе христианонэндэ пэ ек дила, на подԥэнэн еқэндар. Подаса дума пала пимос. Андэ Библия най пистромэ, кай нащи тэ пэн. Но и алава, савэ запистромэ андэ Библия, фэрин амэн, кай амэ тэ на пас бут чи тэ на матювас (Прит. 20:1; 1 Тим. 3:8). Вижал, дэкин о христианино на пэл бут, лэсти на трэбуй будэр ни пала со тэ гиндой? Най. Даже кала лэско ди, саво подԥэнэн, мэкэл лэс тэ пэл, во всаек трэбуй тэ погиндой, кай аврэндэ кадяжэ исин оди, саво подԥэнэн лэнди.

12. Сар алава анда Римлянам 14:21 поможын амэнди тэ стас патив пэ кода, со подԥэнэн лэ манушэсти лэско ди?

¹² О Павло ԥэнэнас лэ христианонэнди тэ стон патив пэ кода, со подԥэнэн лэ манушэсти лэско ди. Во пистросардя: «Фэдэр тэ на хан о мас, тэ на пэн о чихыри и тэ на терэн кода, состар тумаро ԥрал пэрэла» (Рим. 14:21). Закамэна тумэ тэ отԥэндёнпэ тэ терэн кода, со лэ Дэвлэско законо мэкэл тумэн тэ терэн. Васо тэ отԥэндёнпэ? Важ кода кай дэсавэ ԥралэсти оди подԥэнэн па аврятэ и лэстэ на вижылоп тэ зритярдёлпэ. Файма, варисавэ ԥрала варикала на зритярдёнаспэ андо пимос. Но сар вонэ ашэлэ христианоря, отԥэнделэ лэ пимастар. Амэ на камас, кай через амэндэ варико упалэ тэ на зритярдёлпэ андо пимос (1 Кор. 6:9, 10). Хэба, када любовь, кала кодэва, ко ақардя пэстэ тэ побэшэн, ԥэнэн лэ манушэсти, кай во тэ пэл лэса, даже кала кодэва най еқвар отԥэндёлпэ?

13. Сар о Тимофеё стодя патив пэ кода, со подԥэнэн лэ манушэнди лэнго ди, кай вонэ тэ прилэн и лащи весть?

¹³ Кала лэ Тимофеёсти сас варикай 20 бэрш, во жыля, кай лэсти тэ стерэн обрезания. Када сас фартэ дуқанэс. О Тимофеё стердя када, кай и иудеёря тэ ашунэн, со во росԥэнэн важ о Дэл. Важ кода кай иудеёря фартэ шонас сама, сас кай о мануш обрезания чи най. О Тимофеё гиндояс кадя же, сар о Павло и лэстэ сас андо оди кадяжэ (Деян. 16:3; 1 Кор. 9:19—23). Ай ту сытёс кай о Тимофеё? Камэс ту тэ отԥэндёс варисостар, кай аврэнди тэ авэл драго?

«МАЙ ЙТО ТЕРАМ ВСЯ, КАЙ ТЭ АВАС ЛАШЭ ЛЭ ДЭВЛЭСТИРЭ ДРУӶОРЯ»

14, 15. а) Со трэбуй, кай тэ авэс лашо лэ Иеговаско друӷо? б) Сар о христианино, савэстэ лащи дружба лэ Иеговаса, обжалпэ аврэнца?

¹⁴ Всаворэ́ христианонэнди трэбуй тэ ашавэн кода, со кати уӷанглэ важ о Христос и май йто тэ терэн вся, кай тэ авэн лашэ лэ Дэвлэстирэ друӷоря (Евр. 6:1). Амэ на ашаса лэ Дэвлэстирэ лашэ друӷоря кати важ кода, кай бут бэрша уже лэ Иеговастирэ свидетеля. Амэ трэбуй май йто тэ терас вся, кай тэ авас лашэ лэ Дэвлэстирэ друӷоря, но важ када трэбуй тэ стас зор. Кадяжэ инке трэбуй и май дур и май драго тэ уӷанас и тэ полас о чачимос анда лэ Дэвлэско алав. Акэ, васо амэ трэбуй тэ адиносарас лэ Дэвлэско алав кажно дес (Пс. 1:1—3). Ай тумэ присытелэ кажно дес тэ адинон и Библия? Сар када кадя, тоди тумэ май драго лэна тэ полэн лэ Иеговастирэ законоря и алава, пэ савэ ритярдёнпэ и законоря.

¹⁵ Само баро законо важ и христианоря, када тэ любин. О Иисусо ԥэндя: «И кала машкар тумэндэ исин любовь, всаворэ ӷатярэна, кай тумэ мэрнэ ученикоря» (Иоан. 13:35). О Иаково ԥэндя, кай и любовь, када «лэ царёско законо» (Иак. 2:8). Ай о Павло ԥэндя: «Тэ любис, када тэ жувэс па законо» (Рим. 13:10). Амэ полас када, важ кода кай андэ Библия ԥэнэнпэ: «О Дэл исин любовь» (1 Иоан. 4:8). Лэ Дэвлэстири любовь най кати лэстэ андо ди, во сыкадя ла пэ дила. О Иоанно пистросардя: «О Дэл сыкадя пэстири любовь каринг амэндэ через кода, кай во бишалдя андо миро пэстирэ шавэс, саво лэстэ ек, кай через лэстэ амэ тэ жувас» (1 Иоан. 4:9). Амари любовь каринг о Иегова, каринг о Иисусо, каринг и ԥрала и ԥэя и каринг авэр мануша сыкавэл, кай амэ лашэ лэ Иеговастирэ друӷоря (Матф. 22:37—39).

16. Васо, сар амэ ашас май лашэ лэ Иеговастирэ друӷоря, амэ май бут ценисарас и алава, пэ савэ ритярдёнпэ лэстирэ законоря?

¹⁶ Кала амэндэ лэ Иеговаса и дружба ашэл май лащи, амэ инке май фартэ ценисарас и алава, пэ савэ ритярдёнпэ лэстирэ законоря. Васо? Важ кода кай и законоря поджан кати андэ варисави дила, ай и алава, пэ савэ ритярдёнпэ и законоря поджан андэ бутэстэ. Подаса дума акэ пала со. О бэято на полэл кай, сар во дружий лэ найлашэ манушэнца, када анэна каринг и бида. Важ када о дад и дэй, кай тэ фэрин лэ бэятос, заԥэнэн лэсти, со тэ терэл, ай со най. Када сар законо (1 Кор. 15:33). Но сар о бэято барёл, во сытёл тэ полэл и алава, пэ савэ ритярдёнпэ и законоря. Через када лэстэ вижала тэ витидэл пэсти лашэ друӷонэн. (Адиносар 1 Коринфянам 13:11b; 14:20c). Кала амэ полас и алава, пэ савэ ритярдёнпэ лэ Дэвлэстирэ законоря, амэ май драго полас, сар о Дэл камэл, кай амэ тэ терас андэ кодэя чи андэ авэр дила. Инке амаро ди лэл тэ подԥэнэн амэнди кадя, сар чалёл лэ Дэвлэсти.

17. Васо ԥэнэса, кай амэндэ исин вся, кай тэ витидас кода, со лашо?

¹⁷ Амэндэ исин вся, кай тэ витидас кода, со лашо, кай о Иегова тэ авэл лошало. Андэ Библия амэ виарақас законоря и алава, пэ савэ ритярдёнпэ и законоря, савэ поможын амэнди тэ авас кацавэ, ко вся полэн и андэ вся ӷанэн тэ терэн лашимос (2 Тим. 3:16, 17). И алава, пэ савэ ритярдёнпэ лэ Дэвлэстирэ законоря, поможын амэнди тэ полас, сар гиндой о Иегова. Но важ када трэбуй тэ стас зор (Эф. 5:17). Андэ када амэнди поможына «Индекс публикаций Сторожевой Башни», «Путеводитель по публикациям» и авэр литература. Вся када поможыя амэнди драго тэ полас и Библия, кала сытювас екжэнэ и сытювас лэ ереса па Библия.

БАРИ БАХ, КАЛА СЫТЯРАС ПА БИБЛИЯ ОДИ, САВО ПОДԤЭНЭН

18. Сави бах кодэлэстар, кай амэ жувас па лэ Иеговастирэ законоря и па алава, пэ савэ ритярдёнпэ и законоря?

¹⁸ Сави бах кодэлэстар, кала амэ жувас па лэ Иеговастирэ законоря и па алава, пэ савэ ритярдёнпэ и законоря? Андэ Псалом 119:97—100 пистромэ: «Сар мэ любисарав тиро законо! Вся о дес гиндосарав пала лэстэ. Тиро законо терэл, кай мэ ашав май годявэрно мэрнэ вороӷонэндар, важ кода кай во мэрно пэ вся вечность. Мэ лэм тэ полав пэ бутэстэ май драго, чем всаворэ мэрнэ учителёря, важ кода кай гиндосарав, сости ту най еқвар сытярэсас. Мэ андярав пэс, сар кодэва, ко полэл май бут, чем и ԥурэ, важ кода кай мэ терав кода, сости ту сытярэс». Кала амэ витидас и время, кай тэ погиндосарас пала лэ Дэвлэстирэ законоря и пала алава, пэ савэ ритярдёнпэ и законоря, амэ май драго полас и ашас май годявэрнэ. Кала амэ стас зор, кай тэ сытярас пэско ди, саво подԥэнэн па лэ Дэвлэстирэ законоря и па алава, пэ савэ ритярдёнпэ и законоря, амэндэ авэла кацави же састи вера, сар кай о Христос (Эф. 4:13).