Патян лэ Иеговасти и жувэн!
«Патя лэ Иеговасти всаворэ тирэ одеса и на патя кодэлэсти, сар ту полэс» (ПРИТЧИ 3:5).
1. Васо амэнди всаворэнди трэбуй, кай амэн тэ подритярэн?
АМЭНДИ всаворэнди камэлпэ, кай амэн варико тэ подритярэл. Варикастэ андэ жызня тердяпэ бида, варико умэкля и вас, ай варико фартэ загиндойпэ пала ԥаримос андэ жызня. Варикас андар мэндэ вэрыцын. И мануша ашэн май холинатирэ. Дэкасти ԥарэс, кай вонэ ԥурэ. Дэко насвало, ай дэкастэ муля варико анда чаче. Кадэя «фартэ ԥари время» сыкавэл, кай амэ жувас андэ «послидни деса» и дес десэстар и лащи жызня ашэл май пашэ (2 Тимофею 3:1). Дэко андар мэндэ ужэ бут бэрша аштярэл, кай авэла вся па лэ Дэвлэстирэ алава. Но о ԥаримос андэ амари жызня ашэл май бут. Состар тоди амэнди авэла май вушэро?
2, 3. а) Со амэ ӷанас пала книӷа Аввакум? б) Состэ тэ уӷанас, пала со пистромэ андэ кадэя книӷа?
2 Амэ уӷанаса пала када анда книӷа Аввакум. Андэ Библия нисо на ԥэнэнпэ пала лэстири жызня. Но андэ книӷа, сави во пистросардя, исин бут лашэ гиндоря, савэ амэн подритярэн. Алав Аввакум, файма, сыкавэл, «облэс анда вся оди». Када можэт тэ сыкавэл, кай о Иегова анда вся оди облэл амэн, кай тэ подритярэл, чи кода, сар лэстирэ служытеля фартэ ритярдёнпэ пала лэстэ. О Аввакумо пушля кай о Иегова дэсо кода, со камас тэ уӷанас и амэ. Важ када о Иегова стердя кадя, кай о Аввакумо тэ запистрой пэстири дума лэса (Аввакум 2:2).
3 Кадэя дума, сави сас машкар Иегова и пророко, вся со амэ ӷанас пала лэстэ. И книӷа Аввакум сас пистромэ, кай амэ тэ сытювас, кай через кода, кай амэ виритярас о ԥаримос и амэнди по ди ашэл май вушэро лэ алавэндар анда Писании, амэ тэ аштярас англэ о лашимос (Римлянам 15:4). Сар кода, со пистромэ андэ кадэя книӷа, поможыя амэнди? Анда алава, савэ андэр латэ пистромэ, амэ лас тэ полас, сар трэбуй тэ патяс лэ Иеговасти. Кадяжэ кадэя книӷа сыкавэл, кай и тоди, кала амэндэ ԥаримос, всаек вижала, кай по ди тэ авэл вушэро. Акана уӷанам май драго пала кадэя книӷа.
МАНГПЭ ЛЭ ИЕГОВАСТИ
4. Васо кай о Аввакумо сас ԥарэс по ди?
4 Адиносар Аввакум 1:2, 3a. О Аввакумо жувэлас андэ фартэ ԥари время. Машкар лэстэ жувэнас мануша, савэ сас холинатирэ и на жалуинас аврэн. Кадэлэстар лэсти сас фартэ ԥарэс. Во диқэлас, кай и мануша анда израильско народо обжанаспэ ек еқэса кадя, сар вонэ на затердэ и обхохавэнас ек аврэс. Кай о Аввакумо на парашэнас тэ авэн кацавэ гиндоря: «Кала о найлашимос будэр на авэла? Васо о Иегова нисо на терэл?» Во гиндояс, кай ужэ нисо нащи тэ стерэс. Важ када во ля анда вся оди тэ мангэлпэ, кай о Иегова варисо тэ стерэл. Файма, о Аввакумо ля тэ гиндой, кай лэ Иеговасти всаек. Ай тутэ сас варикала кацаво по ди?
5. Сости амэ сытювас анда книӷа Аввакум? (Диқэн и картинка англа статья.)
5 О Аввакумо со, парашэля тэ патял лэ Иеговасти и будэр на патялэс лэстирэ алавэнди? Най! Кода, кай о Аввакумо росԥэндя лэ Иеговасти, ай най лэ манушэнди пала ԥаримос, саво лэстэ сас по ди сыкавэл, кай во на парашэля лэсти тэ патял. О Аввакумо фартэ загиндояспэ, важ кода кай на полэлас, васо о Иегова домэкэл, кай о найлашимос тэ авэл май бут и кай лэстирэ пророкости тэ авэл фартэ ԥарэс. О Иегова стердя кадя, кай о Аввакумо тэ запистрой вся, со лэстэ сас по ди. Кадэлэса о Иегова камля, кай амэ тэ сытювас акэ сости. Трэбуй тэ на дарас тэ росԥэнас лэ Иеговасти пала вся амаро ԥаримос и тэ росԥэнас, кала амэ на допатяс лэсти. О Иегова ԥэнэн амэнди, кай амэ тэ росԥэнас лэсти андэ молитва вся, со амэндэ по ди (Псалом 50:15; 62:8). Андэ Притчи 3:5 пистромэ: «Патя лэ Иеговасти всаворэ тирэ одеса и на патя кодэлэсти, сар ту полэс». Кадэла алава о Аввакумо ӷанэнас и жувэлас пар лэндэ.
6. Васо трэбуй тэ мангаспэ?
6 О Аввакумо патялас лэ Иеговасти и камэлас тэ авэл каринг пэско друӷо и дад инке май пашэ. О Аввакумо фартэ загиндояспэ пала кода, со лэстэ терэласпэ, но во на ля вся андэ пэстирэ вас. Во росԥэндя вся, со лэстэ сас по ди лэ Иеговасти андэ молитва. Авелоп драго тэ сытювас лэстар. О Иегова, саво ашунэл амарэ молитвы камэл, кай кала амэ мангаспэ, тэ росԥэнас лэсти вся и кадэлэса тэ сыкавас, кай патяс лэсти (Псалом 65:2). Кала амэ тераса кадя, амэ диқаса, сар о Иегова ашунэл амарэ молитвы. Амэ диқаса, кай сар о Иегова подԥэнэн амэнди и терэл, кай по ди тэ авэл май вушэро, во, ԥэнэса, облэл амэн анда вся о ди (Псалом 73:23, 24). Со тэ на авэл амэндэ по ди, о Иегова дэла амэнди тэ полас, сар во диқэл пэ кода, со амэндэ тердяпэ. Со май фартэ амэ патяс лэ Иеговасти, со май фартэ амэ камас тэ росԥэнас вся, со амэндэ по ди андэ молитвы.
АШУН ЛЭ ИЕГОВАС
7. Со о Иегова гиндояс пала лэ Аввакумостирэ алава?
7 Адиносар Аввакум 1:5 жы кай 7b. О Аввакумо росԥэндя лэ Иеговасти кода, пала со во фартэ загиндояспэ. Тоди во, файма, ля тэ гиндой, сар о Иегова сыкавэла, кай ашундя лэстири молитва. Сар дад, саво фартэ любий, о Иегова поля, со сас андо ди кай о Аввакумо. О Иегова ӷанэнас, кай лэ Аввакумости ԥарэс и во камэл, кай о Иегова тэ поможый лэсти. О Иегова на ля тэ шол лэ Аввакумости када пэ яқа, ай росԥэндя, со во йто стерэла лэ евреёнэнца, савэ лэс на кандэн. Файма, о Аввакумо сас пэрво, касти о Иегова росԥэндя, кай о найлашимос йто на авэла.
8. Васо о Аввакумо на поля кода, со ԥэндя о Иегова?
8 О Иегова росԥэндя лэ Аввакумости, кай йто лэла тэ спушэл па иудеёря, савэндэ слинэ барунэ одя и савэ сас найлашэ. О Иегова ԥэндя, кай када авэла «андэ тумарэ деса». Кадэлэса о Иегова сыкадя, кай сындоя лэ народос андэ деса, андэ савэ жувэл о Аввакумо и авэр израильтяноря. О Аввакумо на поля кода, со ԥэндя о Иегова. Лэ халдеёнэндэ, пэ савэ ԥэнэнас кадяжэ вавилоняноря, слинэ инке май барунэ одя, чем кай и иудеёря, савэ ӷанэнас лэ Дэвлэстирэ законоря. Тоди, васо о Иегова закамля тэ спушэл пэстирэ народостар через и мануша, савэндэ сас барунэ одя и савэ патянас андэ хохавнэ дэвла? Со авелоп тутэ андо ди, тэ авелоп ту пэ Аввакумоско ҭан?
9. Со о Аввакумо пушля лэ Иеговастар?
9 Адиносар Аввакум 1:12 жы кай 14c, 17d. Хоть о Аввакумо и поля, сар о Иегова спушэла кодэлэндар, ко терэл о найлашимос, во всаек бут со на дополэлас. Во на гиндояс пала пэстэ бут. О Иегова кадя жэ сас важ лэстэ, сар «плай» (Второзаконие 32:4; Исаия 26:4). О Аввакумо ӷанэнас, кай о Иегова Дэл, саво любий и терэл лашимос. Важ када о Аввакумо на даралас тэ пушэл лэ Иеговастар: «Васо о Дэл домэкля кай андэ Иуда тэ авэл инке май ԥарэс? Васо о Иегова нисо на терэл? Васо о всемоӷущё „ашэл мулком“ и на улэл о найлашимос?» О Иегова свынто Дэл и лэстирэ яқа фартэ вужэ, кай тэ диқэл по найлашимос.
10. Васо дэкала амэндэ андо ди кода жэ, со кай о Аввакумо?
10 Дэкала амэндэ андо ди кадя жэ, сар кай о Аввакумо. Амэ ашунас, со ԥэнэн о Иегова, кала сытювас па Библия. Тоди амэ инке май фартэ лас тэ аштярас о лашимос, саво авэла англэ. Инке амэ уӷанас лэ ԥралэндар анда лэ Иеговастири орӷанизацыя, со о Иегова стерэла англэ. Но всаек амэ пушас: «Кала о ԥаримос будэр на авэла?» Акана уӷанам, со инке ля тэ терэл о Аввакумо и сости амэ сытювас анда када?
АШТЯР ЛЭ ИЕГОВАС
11. Со закамля тэ терэл о Аввакумо?
11 Адиносар Аввакум 2:1e. Кода, со о Аввакумо уӷангля анда дума лэ Иеговаса поможысардя, кай по ди лэстэ тэ авэл май вушэро. Во ля тэ аштярэл, кала о Иегова лэла тэ зашолпэ пэско народо. Во сыкадя када, кала най еқвар ԥэндя: «Но мэ лава спокойно тэ аштярав о дес, андэ саво авэла бида» (Аввакум 3:16). Авэр лэ Иеговастирэ служытеля, савэ лэс кандэнас, кадяжэ патянас лэсти и ӷанэнас лэс тэ аштярэн. Амэ сытювас лэндар, кай кадя жэ, сар и вонэ тэ на парашас тэ патяс лэ Иеговасти и тэ ӷанас тэ аштярас лэс (Михея 7:7; Иакова 5:7, 8).
12. Сости амэ сытювас кай о Аввакумо?
12 Сости амэ сытювас, кала гиндосарас пала кода, со камэлас тэ терэл о Аввакумо? Пэрво, саво бы ԥаримос амэндэ тэ на авэл, трэбуй тэ на парашас тэ мангаспэ лэ Иеговасти. Дуйто, трэбуй тэ приашундювас каринг вся, со ԥэнэн амэнди о Иегова через пэстири орӷанизацыя и через и Библия. Трито, амэнди трэбуй тэ ӷанас тэ аштярас, кала о Иегова зашолапэ пала пэско народо и тэ патяс, кай андэ пэстири время во улэла вся амаро ԥаримос. Кала амэ сытювас лэ Аввакумостар и дас дума лэ Иеговаса, сар пэстирэ друӷоса, ашунас со во амэнди ԥэнэн и ӷанас лэс тэ аштярас, тоди амэндэ авэла драго по ди и амэ виритяраса, кала амэндэ авэла ԥаримос. Кала амэ гиндосарас пала лашимос, саво авэла, када поможыя амэнди тэ ӷанас тэ аштярас лэс. Кадэлэстар амэ на парашаса тэ авас лошалэ, саво бы ԥаримос амэндэ тэ на авэл. Амэ патяс, кай амаро дад, саво по нэбо, вся парувэла (Римлянам 12:12).
13. Со о Иегова тердя кай лэ Аввакумостэ тэ авэл май вушэро по ди?
13 Адиносар Аввакум 2:3f. О Иегова сас фартэ лошало, кала диқля кай о Аввакумо закамля тэ аштярэл, кала о Иегова лэла тэ зашолпэ пала пэско народо. О всемоӷущё Дэл ӷанэнас, сар дэ ԥарэс сас лэ Аввакумости. Важ када о Иегова через кода, кай любий стердя кадя, кай лэстирэ пророкостэ по ди тэ авэл май вушэро. О Иегова ԥэндя, кай ашундя лэ Аввакумостирэ молитвы и кода, со во пушэлас лэстар. Йто вся пала, со загиндояспэ о Аввакумо трэбуй сас тэ прожал. Ԥэнэса о Дэл ԥэндя лэ Аввакумости: «По аштяр, патя манди. Мэ всаек стерава кода, пала со ту мангэс, дажэ сар тути здэлпэ, кай када залэл бут время». О Иегова инке еқвар ԥэндя, кай уже стодя время, андэ сави стерэла кода, пала со дя алав. Важ када во ԥэндя, кай о Аввакумо тэ на парашэл тэ аштярэл. И када на сас евья.
Васо амэ камас тэ терас важ о Иегова вся, со па амаро зор? (Диқэн о абзацо 14.)
14. Со амэнди трэбуй тэ терас, кала амэндэ ԥаримос?
14 Амэнди кадяжэ трэбуй тэ аштярас, кала о Иегова зашолапэ пала пэско народо. Кадяжэ амэнди трэбуй драго тэ ашунас, со о Иегова ԥэнэн амэнди. Тоди амэ патяса лэсти и амэндэ авэла вушэро по ди. О Иисусо ԥэндя, кай амэнди на трэбуй тэ гиндосарас пала время, сави о Дэл амэнди инке на ԥэндя (Деяния 1:7). Амэнди трэбуй тэ патяс, кай о Иегова май драго ӷанэн, кала трэбуй варисо тэ терэл. Важ када на ласа тэ умэкас и вас, тэ гиндосарас пала пэстэ бут и ласа тэ аштярас лэ Иеговас. Кадяжэ ласа годяса тэ диқас, каринг жал амари время и тэ терас лэ Иеговастири дила инке май драго (Марка 13:35 жы кай 37; Галатам 6:9).
О ИЕГОВА ДЭЛА ЖЫЗНЯ КОДЭЛЭНДИ, КО ПАТЯЛ ЛЭСТИ
15, 16. а) Савэ лэ Дэвлэстирэ алава, пистромэ андэ книӷа Аввакумо? б) Сости амэ сытювас анда алава, савэ дя о Дэл?
15 О Иегова дэл алав, кай: «кодэлэстэ, ко кандэл лэс, авэла вечно жызня» и кай «пэ вся и ԥув лэна тэ ӷанэн, кай о Иегова ашунгло Дэл» (Аввакум 2:4, 14). Чаче, кодэла, ко ӷанэн тэ аштярэн и патян лэ Иеговасти жувэна вечно.
16 И алава, савэ дя о Дэл и савэ запистромэ андэ Аввакума 2:4 фартэ трэбуй. О апостоло Павло сыкадя када, кала тривар пистросардя важ када андэ пэстирэ письморя (Римлянам 1:17; Галатам 3:11; Евреям 10:38). Кала андо ԥаримос амари вера ашэлпэ састи и амэ патяс лэ Дэвлэсти, амэ пэстирэ яқэнца диқаса, сар о Дэл зритярэла пэстирэ алава. О Иегова камэл, кай амэ тэ на диқас по ԥаримос, ай тэ гиндосарас пала лашимос, саво амэндэ авэла англэ.
17. Со о Иегова стерэла важ амэндэ, сар амэ ласа тэ патяс лэсти?
17 Анда книӷа Аввакум бут сости сытён кодэла, ко жувэн андэ послидни деса. О Иегова дэл алав, кай всаворэ, ко кандэн лэс и патян лэсти, жувэна вечно. Важ када на парашам тэ терас вся, кай май фартэ тэ патяс лэ Дэвлэсти, саво ԥаримос амэндэ тэ на авелоп. Через о Аввакумо о Иегова дэл алав, кай дэла зор тэ пэрэндярас о ԥаримос и спасыя амэн. Во мангэл, кай амэ тэ патяс лэсти и тэ ӷанас тэ аштярас кодэя время, кала во лэла тэ хулаий ла ԥувьяса через пэско царство. Тоди андэ кодэя время пэ ԥув жувэна кати кодэла мануша, савэ бахталэ и кастэ ковло ди (Матфея 5:5; Евреям 10:36 жы кай 39).
ПАТЯН ЛЭ ИЕГОВАСТИ И АВЭН ЛОШАЛЭ
18. Сар лэ Иеговастирэ алавэндар о Аввакумо ля тэ гиндой па аврятэ?
18 Адиносар Аввакум 3:16 жы кай 19g. О Аввакумо лэ Иеговастирэ алавэндар ля па аврятэ тэ гиндой. О Аввакумо ля тэ гиндой пала кода, со о Иегова терэлас важ пэско народо, саво жувэлас дэлмут. Кадэлэстар во ля инке май фартэ тэ патял лэ Иеговасти. Во ӷанэнас, кай о Иегова ужэ йто лэла варисо тэ терэл. Када подритярдя лэ пророкос, хоть во и полэлас, кай инке дэсави время, лэсти прижалапэ тэ жувэл андо ԥаримос. Кай о Аввакумо будэр на сас, андэр со тэ на допатял лэ Дэвлэсти и акана во патяя, кай о Иегова спасыя лэс. Во ԥэндя алава, анда савэ дицэля, сар дэ фартэ во патялас лэ Иеговасти. Сар ԥэнэн дэсавэ учони, 18 стихо пэрэандярдёл кадя: «Мэ лава тэ хукав ла лошатар андо Ӷосподо, лава тэ цэлав важ о Дэл». Сар када драго сытярэл амэн! Но о Иегова най кати дя алав пала лашимос, ай терэл вся, кай тэ зритярэл лэс.
19. Сар о Иегова подритярэла и амэн кадя жэ, сар лэ Аввакумос?
19 Сости амэ сытювас анда книӷа Аввакум? Амэ сытювас андэ вся тэ патяс лэ Иеговасти (Аввакум 2:4). Амари дружба лэ Иеговаса трэбуй тэ авэл инке май лащи. Важ када трэбуй акэ со. Пэрво, тэ на парашас тэ мангаспэ лэ Иеговасти и андэ молитва тэ росԥэнас пала вся ԥаримос, саво амэндэ по ди. Дуйто, тэ приашундювас каринг вся, со ԥэнэн амэнди о Иегова через и ԥрала анда пэстири орӷанизацыя и через и Библия. Трито, тэ на парашас тэ патяс и тэ ӷанас тэ аштярас кодэя время, кала о Иегова вся парувэла. Кадя и терэлас о Аввакумо. Хоть лэсти и сас ԥарэс по ди, кала во кати ля тэ дэл дума лэ Иеговаса, потом во ашэля лошало и лэсти ашэля драго по ди. Авелоп драго тэ сытювас кай о Аввакумо. Тоди амэндэ андо ди авэла кадя, ԥэнэса, о Иегова, амаро дад по нэбо, саво амэн любий, облэл анда вся оди амэн! Со инке май райкано амэнди трэбуй андэ кадэя найлащи люма?
a Аввакум 1:2, 3: «Скати инке, Иегова, мэ лава тэ мангав, кай ту манди тэ поможыс, ай ту на лэса тэ ашунэс? Скати инке лава тэ ақарав, кай ту тэ поможыс, важ кода кай и мануша марэн и умарэн аврэн, ай ту на фэрис? Васо ту дэс манди тэ диқав о найлашимос и диқэс пэ биды? Васо англа мандэ обчорэн, марэн и умарэн аврэн? Васо и мануша споринпэ и на ладин?».
b Аввакум 1:5 жы кай 7: «Диқэн пэ народоря и придиқэнпэ, диқэн ек пэ ек и дэн наздив. Дэн наздив, важ кода кай андэ тумарэ деса авэла кода, андэр со тумэ на патяёп, кала тумэнди росԥэндоп пала када. Мэ ваздава лэ халдеёнэн, савэ фартэ холинатирэ. Кадэлэ народос нико на тердярэла. Во ԥирэл па вся и ԥув, кай тэ захутилэл аврэ народостирэ цэра. Во фартэ зорало и лэстар даран. Лэстэ пэско чачимос, и во вся терэл па пэстирятэ».
c Аввакум 1:12 жы кай 14: «Иегова, хэба ту най вся и время жувэс? Мэрно Дэл, ту мэрно свынто Дэл, ту жувэса вся и вечность. Ту стодян лэс, кай через лэстэ тэ сындос. Иегова, мэрно баро плай, ту стодян лэс кай через лэстэ тэ спушэс. Тирэ яқа фартэ вужэ, кай тэ диқэн по найлашимос и ту нащи диқэс пэ варикастири бибах. Васо жэ ту диқэс пэ кодэла, ко терэл вэрыто. Васо ту ашэс мулком, кала о найлашо мануш схал кодэлэс, ко май лашо лэстар? Васо ту терэс, кай и мануша тэ авэн, сар о мащё андэ моря и сар и зверёря, савэ ползыин па ԥув, и савэнца нико на хулаий?».
d Аввакум 1:17: «Васо ту домэкэс, кай во тэ ԥэрэл и сети и тэ вишушарэл лэн? И во варикала парашэла тэ умарэл лэ народонэн и тэ на жалуий лэн?».
e Аввакум 2:1: «Мэ тердювава котэ, кай тердёл о сторожо. И мэ тердювава по лунго буӷро, па саво фэрин о форо. Мэ лава тэ диқав, со во лэла тэ ԥэнэн через мандэ и со мэ лава тэ ԥэнав, кала манди ԥэнэна, андэр со мэ дошало».
f Аввакум 2:3: «Важ кода кай кадэя видения инке трэбуй тэ авэл андэ время, сави стодя о Дэл. Кодэя время, андэ сави вой авэла, йто пашол и дажэ, сар заритярдёлапэ, аштяр ла, важ кода кай вой авэла андэ время, сави стодя о Дэл».
g Аввакум 3:16 жы кай 19: «Мэ ашундэм и андэр мандэ вся затиносайля. Кадэла вестятар затиносайлэ мэрнэ вуш. Андэ мэрнэ кокаля ля вся тэ тернёл. Мэ пэрэдарайлэм. Но мэ лава спокойно тэ аштярав о дес, андэ саво авэла бида и о Дэл умарэла кодэлэн, ко жала по народо. И дажэ, сар на розмэкэлапэ о инжыро, и на авэна плодоря пэ виноӷрадни витки, и дажэ, сар пэ оливки на авэна плодоря и пэ маля на авэла урожаё, и дажэ, сар и заӷоноря важ и бакрорэ и гурува ашэнапэ шушэ. Мэ всаек лошавава андо Иегова, лошавава андо Дэл, саво ман спасый. Иегова, ту Дэл, андэ кастирэ вас вся мэрно зор. Во стерэла, кай мэрнэ пэрнэ тэ авэн кацавэ зоралэ, сар кай о оленё, и дэла манди тэ ԥирав па мэрнэ вуче ҭана».