«Тин о чачимос и на битин лэс»
«Тин о чачимос и на битин лэс, ай кадяжэ тин и мудрость, тин кода, кай тэ сытёс и кай тэ полэс» (ПРИТЧИ 23:23).
1, 2. а) Со важ тумэндэ само куч андэ жызня? б) Саво чачимос амэнди чалёл и васо? (Диқэн и картинка англа статья.)
СО ВАЖ амэндэ андэ жызня само куч? Важ амэндэ, сар важ лэ Иеговастирэ служытеля, куч кода, кай амэ полас лэс. Амэ на паруваса када ни пэр со. Важ амэндэ кадяжэ куч о чачимос анда Библия, через саво амэ ашэлям лэ Иеговастирэ друӷоря (Колоссянам 1:9, 10).
2 О Иегова амаро само лашо учителё, саво сытярэл амэн бутэ чачимасти анда Библия. Во росԥэнэн, со сыкавэл лэско алав и саво во дэ лашо Дэл. Во ԥэнэн амэнди, кай любий амэн кадя фартэ, кай отдя пала амэндэ пэстирэ шавэс, саво лэсти куч. Кадяжэ о Иегова росԥэнэн амэнди пала лэ Христоско царство. Инке во росԥэнэн пала лашимос, саво авэла англэ. Кай и помазанникоря жувэна упрэ по нэбо, ай и христианоря анда «авэр бакрорэ» жувэна андо раё пэ ԥув (Иоанна 10:16). О Иегова сытярэл амэн, сар трэбуй тэ жувас. Важ амэндэ куч вся о чачимос, важ кода кай через лэстэ амэ ашас май пашэ каринг амаро создателё. Кадяжэ, када дэл тэ полас, васо амэ жувас.
3. Камэл о Иегова, кай амэ тэ потинас важ о чачимос ловэ?
3 Кодэлэнди, ко камэл тэ уӷанэн о чачимос, о Иегова дэл бут лашимос. О Иегова дэл анда вся оди. Во отдя важ амэндэ пэстирэ шавэс. Во на аштярэл, кай амэ потинаса важ о чачимос ловэ. О Пётро дэлас зор дэсавэ манушэнди, кай вонэ тэ дэн о свынто духо аврэнди. Кадя ек мануш, савэс ақарэнас Симоно, камэлас тэ дэл ловэ лэ Петрости. Сости? Кай тэ лэл кадэва зор. Тоди о Пётро сындосардя лэс и ԥэндя: «О руп тиро мэк туса и хындёл, важ кода кай ту загиндосардян тэ тинэс о даро лэ Дэвлэстар» (Деяния 8:18 жы кай 20). Но со тоди сыкавэн и алава «тин о чачимос»?
СО СЫКАВЭН И АЛАВА «ТИН О ЧАЧИМОС»?
4. Со амэ уӷанаса пала чачимос, кала адиносараса кадэя статья?
4 Адиносар Притчи 23:23a. Трэбуй тэ стас зор, кай тэ уӷанас о чачимос анда Библия. Амэнди трэбуй бутэстар тэ отԥэндювас важ о чачимос. И сар амэ «тиндям» о чачимос, амэнди никала лэс на трэбуй тэ «битинас». Тэ тинас, када тэ уӷанас о чачимос, ай тэ битинас, када тэ ашавас лэс. Акана подам дума, со сыкавэн и алава «тин о чачимос» и сави цэмин амэнди дэкала прижалпэ тэ потинас пала лэстэ. Када поможыя, кай о чачимос тэ авэл май куч важ амэндэ и дэла амэнди зор никала лэс тэ на ашавас. Амэ поласа, кай о чачимос ашэл, кай амэ тэ закамас тэ потинас пала лэстэ любо цэмин.
5, 6. а) Сар амэндэ авэла о чачимос би ловэнго? Росԥэнэн. б) Саво лашимос амэнди анэна о чачимос?
5 Дэкала, кай варисо тэ лас би ловэнго, трэбуй важ када варисо тэ терас. О еврейско алав анда Притчи 23:23, саво пэрэандярдэ, сар «тэ тинэс» сыкавэл «тэ лэс». Лэдуй кадэла алава сыкавэн, кай о мануш трэбуй тэ стол зор, кай тэ лэл кода, со лэсти куч, чи во трэбуй тэ отдэл пала када варисо авэр. Погиндосарам акэ пала со. Ԥэнаса, по базаро роздэн и бананы би ловэнго. Авэна вонэ корко пэстар амэндэ по столо? Най. Амэнди трэбуй тэ жас по базаро и тэ лас лэн. Хоть и пала бананы на трэбуй тэ потинэс, трэбуй тэ стос зор, кай вонэ тэ авэн тутэ цэрэ. Кадяжэ и лэ чачимаса. Амэнди на трэбуй пала лэстэ тэ потинас ловэ, но кай тэ уӷанас о чачимос, трэбуй тэ стас зор.
6 Адиносар Исаия 55:1 жы кай 3b. И алава, савэ пистросардя о Исаия, поможын май драго тэ полас, со када тэ тинас о чачимос. Андэ кадэла стихоря о Иегова ԥэнэн пала чачимос, сар пала паи, ҭуд и вино. Лэ Дэвлэстирэ алавэндар пала чачимос ашэл май драго по ди, сар шудрэ и вужэ паестар. Ай сар о ҭуд, саво трэбуй лэ бэятости, кай во тэ барёл, о чачимос дэл амэнди зор и поможый, кай амари вера тэ ашэл май састи. Лэ Дэвлэстирэ алава кадя жэ, сар о вино. Сар када? Андэ Библия пистромэ, кай лэ виностар лэ манушэско ди лэл тэ лошавэл (Псалом 104:15). Важ када, кала о Иегова ԥэндя: «Тинэн о вино», во ԥэндя, кай кала амэ жуваса кадя, сар во ԥэнэн, амэ аваса лошалэ (Псалом 19:8). Кадэлэса о Иегова ԥэнэн, сар амэнди авэла драго, кала амэ уӷанаса о чачимос и жуваса кадя, сар уӷанглям. Ԥэнаса, кай цэмин, сави амэ потинас пала чачимос, када, кала амэ стас зор. Акана подаса дума, со дэсавэнди андар мэндэ прижыляпэ тэ потинэн, сар цэмин.
СО ТУ ОТДЯН, КАЙ ТЭ ТИНЭС О ЧАЧИМОС?
7, 8. а) Васо, кай тэ тинэс о чачимос, трэбуй тэ отдэс и время? б) Сави цэмин потиндя ек манушни, кай тэ уӷанэн о чачимос и, со анда када вижыля?
7 Время. Кадэя цэмин потинэл кажно, ко тинэл о чачимос. Манушэсти трэбуй время, кай тэ виашунэл и лащи весть пала царство, кай тэ на промэкэл тэ адиной и Библия и литература, сави стерди пар латэ. Ай кадяжэ трэбуй время, кай екжэно тэ сытёл па Библия, тэ прожал инке цэрэ кода, со лэна тэ прожан пэ собрании и тэ ԥирэл пэр лэндэ. Кай тэ виарақэл пэ вся када время, о мануш трэбуй тэ отстол и дила, сави най фартэ трэбуй. (Адиносар Эфесянам 5:15, 16c). Скати трэбуй время, кай май драго тэ уӷанэс о пэрво чачимос анда Библия? Кажнонэстэ пэ када жала пэстири время. Ай пала лэ Иеговастири мудрость, пала лэстирэ дрома и дила, амэ ласа тэ уӷанас вечно (Римлянам 11:33). Андэ пэрво «Сторожэво башня» пистромэ, кай о чачимос, сар «райкано цвито». Андэр латэ сас пистромэ: «На парашэн тэ родэн и цвиторя, кала тумэндэ ужэ исин ек. Тэ хутилдоп ек, тоди на трэбуй авелоп тэ родэс и авэр. На парашэн тэ родэн и тэ стидэн инке май бут цвиторя». Важ када пуш пэстар: «Скати дэ бут мэ ужэ ӷанав пала Иегова?» Амэ на парашаса тэ уӷанас варисо нэво пала Иегова, дажэ кала жуваса вечно. Ай адес амэнди трэбуй годявэрнэс тэ витидас время, кай, скати амэндэ вижала, тэ уӷанас пала чачимос. Уӷанам пала ек манушни, сави камэлас тэ уӷанэн о чачимос.
8 Тэрни манушни анда Япония, савя ақарэн Марикоd, авеля тэ сытёл андо Нью-Йорко, США. Ек ԥэй пионерка авеля латэ цэрэ, кай тэ росԥэнэн пала Дэл. Кай и Марико ужэ сас пэстири вера, но вой ля тэ сытёл па Библия амаря ԥэяса. Лати фартэ чалёлас кода, со вой уӷанэнас, и вой мангля, кай и ԥэй тэ сытярэл ла па Библия дувар андо курко. Хоть и Марико сытёлас и терэлас бути най вся о дес, вой ля тэ ԥирэл пэ собрания. Вой май набут время отцыёлас, кай латэ тэ авэл май бут время, кай тэ сытёл па Библия. Кала вой жыля пэ када, вой май фартэ ля тэ патял андо Иегова. На прожыля и бэрш, сар вой болделя. Ай сар прожыля инке епаш бэрш андо 2006 бэрш, вой ашэля пионеро. Вой идоси служый пионероса.
9, 10. а) Сар о чачимос парувэл амаро гиндо пала барвалимос? б) Состар отԥэнделя ек тэрни манушни и со вой пала када ԥэнэн?
9 Барвалимос. Дэкала, кай тэ уӷанэс о чачимос трэбуй тэ ашавэс о лашо затеримос чи и бути, пэ сави ашэса баро мануш. О Пётро и о Андрей залэнаспэ лэ мащеса. Ай кала о Иисусо ԥэндя лэнди, кай вонэ тэ ашэн лэстирэ ученикоря, вонэ «ашадэ и сетки» (Матфея 4:18 жы кай 20). Када на сыкавэл, кай кала ту уӷанглян о чачимос, тути трэбуй тэ мэкэс и бути. О мануш трэбуй тэ терэл бути и тэ диқэл, со трэбуй лэстирэ ерести (1 Тимофею 5:8). Но кала ту уӷанэс о чачимос, тоди пала барвалимос ту гиндос па аврятэ. Ту лэс тэ полэс, со па чачимастэ трэбуй андэ жызня. О Иисусо ԥэндя: «Парашэн тэ стидэн пэсти барвалимос пэ ԥув... Ай стидэн пэсти барвалимос по нэбо» (Матфея 6:19, 20). Кадя и тердя ек тэрни манушни, савя ақарэн Мария.
10 И Мария цэлэлас андо ӷольфо инке жы бэятатар. Вой барёлас и цэлэлас май драго и май драго. Важ када лати динэ ловэ, кай вой тэ сытёл андо университето. Важ и Мария май куч сас кода, кай вой тэ ӷанэн драго тэ цэлэл андо ӷольфо и тэ затерэл па када бут ловэ. Но потом вой ля тэ сытёл па Библия. Лати фартэ чалёлас о чачимос анда Библия и вой сас лошали кодэлэсти, кай кода, со вой уӷанэн парувэл латири жызня. Вой ԥэнэн: «Со май бут мэ уӷанавас анда Библия и теравас кадя андэ пэстири жызня, со май бахтали мэ ашавас». И Мария поля, кай лати авэла ԥарэс тэ отдэл вся и время, кай тэ барвадёл и кай тэ уӷанэн о чачимос (Матфея 6:24). Важ када вой отԥэнделя тэ авэл ашунгли андо ӷольфо и тэ затерэл па када барэ ловэ. И Мария ашэля пионеро и ԥэнэн, кай акана вой фартэ бахтали и ӷанэн сости жувэл.
11. Кала амэ уӷанас о чачимос, сар дэкала амэнца лэн тэ обжанпэ амаро ери и амарэ друӷоря?
11 О ери и друӷоря. Кала амэ лас тэ терас, со уӷанас анда Библия, амаро ери и амарэ друӷоря, дэкала лэн тэ обжанпэ амэнца най кадя сар варикала. Васо? О Иисусо росԥэндя када, кала мангэласпэ пала пэстирэ мануша: «Тер, кай через о чачимос англа тутэ вонэ тэ авэн вужэ. Тиро алав исин чачимос» (Иоанна 17:17). О алав «тэ авэн вужэ» сыкавэл, кай вонэ тэ авэн лэ Дэвлэстирэ. Кала амэ терас кода, со уӷанас анда Библия, амэ ашас лэ Дэвлэстирэ, важ кода кай амэ жувас па законоря, савэ пистромэ андэ Библия. Амэ терас вся, кай драго тэ обжаспэ лэ ереса и лэ друӷонэнца. Но всаек дэко парашэл тэ ладий амэнца кадя, сар варикала. Вонэ дажэ фартэ лэн тэ холявэн пар мэндэ через амари вера. Кадэлэстар амэ на дас наздив. О Иисусо ԥэндя: «Лэ манушэско вороӷо ашэла лэско ери» (Матфея 10:36). Но о Иисусо дя алав, кай амэндэ авэла май бут кодэлэстар, состар амэ отԥэнделям важ о чачимос. (Адиносар Марка 10:28 жы кай 30e).
12. Сави цэмин пала чачимос потиндя ек амаро ԥрал?
12 Ек евреё, савэс ақарэн Аароно, вся пэстири жызня гиндояс, кай нащи тэ ԥэнэс лэ Дэвлэско алав. Кадэлэсти лэс сытярэнас жы бэятостар. Еқвар, лэ Иеговаско свидетелё сыкадя лэсти, кай сар каринг и штар еврейски соӷласни буквы андэ лэ Дэвлэско алав тэ достос ӷласни буквы, тоди лэ Дэвлэско алав авэла «Иегова». Лэ Аароности када фартэ чалеля. Фартэ лошало, во жыля андэ синагога кай и раввиноря тэ росԥэнэн лэнди пала када. Во гиндояс, кай лэнди кадяжэ када фартэ чалёла. Но вонэ андярдэ пэс па аврятэ. Вонэ шунгардэ пэр лэстэ и видарадэ анда синагога. Лэ Аароноско ери кадяжэ ля найдраго тэ обжалпэ лэса. Но через када, о Аароно на парашэля тэ уӷанэн май бут пала Иегова. О Аароно ашэля лэ Иеговаско свидетелё и анда вся оди вся пэстири жызня служыяс лэ Иеговасти. Амэнца можэт тэ авэл кадяжэ. Амэ кадя жэ, сар и о Аароно, камас тэ потинас любо цэмин пала чачимос, сар тэ на обжалпэ амэнца о ери и авэр мануша.
13, 14. Со амэнди трэбуй тэ парувас андэ пэстирэ гиндоря, и кода, сар пэс андярас, кала уӷанас о чачимос? Росԥэнэн.
13 Тэ на гиндос и тэ на андярэс пэс кадя, сар на чалёл лэ Дэвлэсти. О мануш уӷанэн о чачимос и лэл тэ жувэл па законоря, савэ пистромэ андэ Библия. Тоди во камэл тэ парувэл кода, сар во гиндой и сар пэс андярэл. О апостоло Пётро пистросардя: «Сар кандинэ бэятцэ, будэр на терэн, со тумэ камэнас, кала на ӷанэнас о чачимос. Но... авэн свынти андэ вся, со тумэ терэн, сар кодэва, ко свынто, саво ақардя тумэн» (1 Петра 1:14, 15). Андо форо Коринфо бут мануша, савэ котэ жувэнас, терэнас билажавардимос. Лэнди трэбуй сас бут со тэ терэн, кай тэ авэн вужэ англа Дэл (1 Коринфянам 6:9 жы кай 11). Адес бутэ манушэнди, кала вонэ уӷанэн о чачимос, трэбуй бут андэр со тэ парудён. О Пётро пала када пистросардя кадя: «На терэн будэр, сар тумэ терэнас варикала, сар о миро, саво на полэл лэ Дэвлэс, кала андярэнас пэс билажавардэс, камэнас кода, каринг со цырдэл о бэзэх, тидэнаспэ, кай тэ пэн, ай тоди терэнас варисо абисо, матёнас, ай кадяжэ тэлёнас хохавнэ дэвлэнди, савэндар гряца» (1 Петра 4:3).
14 О Девинно и Джасмин бут бэрша слинэ матимаря. О Девинно сас лашо буӷалтеро. Но важ кода кай во сас матимари, лэс йто вишонас па кажно бути. Ай и Джасмин йто вижалас андар пэстэ и сас фартэ холинатири. Еқвар, кала вой сас мати, вой додиқля лэ ерес, саво сас лэ Иеговастирэ свидетеля. Кадэва ери служыяс миссионеронэнца. Вонэ ԥэндэ лати, кай моӷут тэ авэн, кай тэ сытярэн ла па Библия. Но кала пэ авэр курко и миссионероря авелэ лэндэ цэрэ и Джасмин и о Девинно слинэ матэ. Вонэ на гиндонас, кай и миссионероря кадя шона лэн сама. Пэ авэр разо, кала и миссионероря авелэ лэндэ, вся сас па аврятэ. И Джасмин и о Девинно драго сытёнас па Библия и терэнас кода, со уӷанэнас. На прожылэ и трин шон, сар вонэ мэклэ тэ пэн и май интя, вонэ жылэ и тердэ реӷистрацыя. И мануша анда гав, кай жувэнас и Джасмин и о Девинно, шутэ сама, кай вонэ паруделэ. И тоди и мануша кадяжэ закамлэ тэ сытён па Библия.
15. Сави цэмин дэсавэ потиндэ пала чачимос и васо?
15 Законоря, савэ исин кай и мануша, но нинай андэ Библия. Важ дэсавэ само бари цэмин, кай уӷанэн о чачимос, када, кай тэ на терэн, сар терэлпэ андэ лэндири нацыя, но на чалёл лэ Дэвлэсти. Варикасти вушэро тэ лэн тэ терэн кадя, сар пистромэ андэ Библия и тэ парашэн тэ терэн кода, со о Дэл вэрыцый. Ай аврэнди ԥарэс тэ парашэн тэ терэн кадя, сар терэлпэ андэ лэндири нацыя. Васо? Важ кода кай пэр лэндэ тасавэл лэнго родо, каса вонэ терэн бути и каса дружын. Вонэ ӷанэн, кай варикасти куч, кай трэбуй тэ сэрэн лэ манушэс анда пэско родо, саво муля (Второзаконие 14:1). Со поможыя амэнди тэ парудювас? Амэ сытювас кодэлэндар, ко жувэлас дэлмут. Кала вонэ уӷанглэ о чачимос, вонэ паруделэ. Кадя сас кай и христианоря, савэ жувэнас андо Эфесо андэ пэрво вико.
16. Со стердэ дэсавэ мануша анда Эфесо, кай тэ тинэн о чачимос?
16 Андо Эфесо жувэнас мануша, савэ терэнас териматэ. Со стердэ кадэла мануша, савэ терэнас териматэ, ай тоди ашэлэ христианоря? Андэ Библия пистромэ: «Анда кодэла, ко терэнас териматэ чи мало мануша стидэ пэстирэ книжки и сԥабардэ лэн англа всаворэ. И кала виадиносардэ и цэмин, вонэ полинэ, кай кадэла книжки ашэнас пятьдесят тысяч рупунэ монеты. Кадя и мануша андэ бут авэр ҭана ашундэ лэ Иеговастирэ алава и патяе андэр лэндэ» (Деяния 19:19, 20). Кадэла христианоря, савэ на парашэнас тэ кандэн, отԥэнделэ лэ кучутнэ книжкэндар и важ када о Иегова дя лэнди лашимос.
17. а) Сави цэмин пала чачимос дян ту? б) Пала со амэ уӷанаса, кала адиносараса авэр статья?
17 Сави цэмин пала чачимос потиндян ту? Всаворэ амэ дас пэстири время. Дэко отԥэнделяпэ кодэлэстар, кай тэ авэл барвало. Ай дэкасти прижыляпэ тэ присытёл кай о ери, и друӷоря, и авэр мануша на полэна будэр лэс кадя, сар варикала. Бут андар мэндэ парудэ пэстирэ гиндоря и кода, сар пэс андярэнас и отԥэнделэ кодэлэстар, сар терэн андэ амари нацыя. Но амэ фартэ патяс, кай о чачимос анда Библия май куч всаворэстар, со амэ ашадям. Через о чачимос амэ май драго полас лэ Иеговас, сар друӷос. Кала амэ гиндосарас пала лашимос, саво амэнди анэн, кай амэ ӷанас о чачимос, амэ нащи полас, сар можно лэс тэ ашавас. Васо када можэт тэ авэл? Сар амэнди кадя тэ на шылисавас? Подаса дума пала када, кала адиносараса авэр статья
a Притчи 23:23: «Тин о чачимос и на битин лэс, ай кадяжэ тин и мудрость, тин кода, кай тэ сытёс и кай тэ полэс».
b Исаия 55:1 жы кай 3: «Эй, всаворэ, ко камэл тэ пэл, поджан каринг о паи! И тумэ, кастэ нинай ловэ, поджан, тинэн и хан! Поджан тинэн о вино и о ҭуд би ловэнго и на потинэн нисо. Сости тумэ потинэн ловэ пала най марно и терэн и бути, савятар на ашэл драго по ди? Драго ашунэн ман и хан о лашо хамос и мэк тумарэ одя чалён лашэ хамастар. Ашунэн и авэн каринг мандэ. Ашунэн и тумэ авэна жундэ, и мэ пэ викоря терава тумэнца о доӷоворо, саво сас лэ Давидоса, кай о Иегова на ашавэл, важ кода кай любий».
c Андэ кадэя статья, дэсавэн манушэн на ақарэн кадя, сар катэ пистромэ.
d Эфесянам 5:15, 16: «Драго диқэн, кай тумэ тэ андярэн пэс, сар годявэрнэ мануша, ай най сар найгодявэрнэ. Витинэн важ пэстэ время, важ кода кай андэ кадэла деса бут найлашимос».
e Марка 10:28 жы кай 30: «Тоди о Пётро ԥэндя лэсти: „Акэ, амэ ашадям вся и жылям туса“. О Иисусо ԥэндя: „Чаче ԥэнав тумэнди, нинай ни ек мануш, ко тэ ашадоп важ мандэ и важ и лащи весть пэско цэр чи ԥралэн, чи ԥэян, чи дэян, чи дадэн, чи бэятонэн, чи маля, и тэ на авелоп лэстэ акана, андэ кадэя время, в сто раз май бут цэра, и ԥрала, и ԥэя, и дэя, и бэятцэ, и маля, и инке, кай лэс тэ ӷонин важ и вера, ай андэ время, сави авэла, тэ авелоп вечно жызня“».