«Диқасапэ андо раё!»

1, 2. Со и мануша гиндон пала раё?

И ԤРАЛА И ԤЭЯ авелэ по международно канӷрэсо андо форо Сеуло (Южно Корея). Кала прожыля о канӷрэсо и вонэ линэ тэ ужантар па стадионо, и катутнэ ԥрала и ԥэя стидэпэ, кай тэ проандярэн лэн. Бут андар лэндэ махыинас лэ вастэса и ԥэнэнас: «Диқасапэ андо раё!» Када фартэ лэлас лэ одестар! Сар ту гиндос, пала саво раё вонэ дэнас дума?

² Адес и мануша па пэстирятэ полэн, со када раё. Дэко ԥэнэн, кай и мануша вигиндосардэ о раё. Лэс па чачимастэ нинай. Ай авэр ԥэнэн, кай о раё важ лэндэ, када ҭан, андэ саво лэнди драго. О боқало мануш, саво бэшэл пала столо, пэ саво бут хамос, гиндой, кай во сар андо раё. Чи, кала варико додиқэл и шукарни природа, кай барён бут цвиторя можэт тэ ԥэнэн: «Катэ, сар андо раё!» Ай сар гиндос ту, со када раё? Патяс ту, кай авэла раё?

3. Кай андэ Библия пэрво разо пистромэ пала раё?

³ Андэ Библия пистромэ пала раё, саво сас варикала, и саво авэла англэ. Пэрво разо амэ адиносарас пала лэстэ андэ пэрво ла Библиятири книӷа, андэ Бытие 2:8. Андэ «Дуэско Библия» па латынско шыб пэрэандярдэ кадэва стихо кадя: «Спэрва о Ӷосподо о Дэл посадисардя о раё, андэ саво сас вся фартэ драгоa. Во стодя интя лэ Адамос, савэс создал». Кадяжэ пала «садо Эдэмо» запистромэ андэ пэрво еврейско тексто. О алав «Эдэмо» сыкавэл, кай котэ сас «вся фартэ драго». Кадэва садо сас па чачимастэ шукарно ҭан. Котэ сас фартэ шукарни природа, бут хамос и на ханаспэ и жывотни (Бытие 1:29 жы кай 31).

4. Васо по садо Эдэмо ԥэнэса раё?

⁴ Еврейско алав «садо» пэрэандярдо пэ ӷреческо шыб, сар пара́дейсос. Андэ инцыклапедия кай о Макклинтоко и Стронго пистромэ, кала о ӷреко ашунэлас о алав пара́дейсос, во гиндояс пала баро шукарно парко. Кодэлэнди, ко котэ жувэнас, нико и нисо на терэлас вэрыто, ай пэ шукарнэ витки барёнас плодоря. Кадэла витки барёнас паша вужэ лэна, ай па бэрэӷо пасынаспэ антилопы и бакрэ (Диқэн Бытие 2:15, 16.)

5, 6. Сар и мануша хасардэ о раё и со дэко пушэл?

⁵ О Дэл дя тэ жувэл лэ Адамости и ла Евати андо шукарно садо, андо раё. Но вонэ лэс хасардэ, сар важ пэстэ, кадяжэ и важ пэстирэ бэятцэ. Но васо? Важ кода кай вонэ на канглэ лэ Дэвлэс (Бытие 3:23, 24). И мануша будэр на жувэнас андо раё. Но здэлпэ, кай во сас инке жы кай о потопо, саво сас андэ лэ Ноёстирэ деса.

⁶ Но дэко можэт тэ пушэл: «Авэла варикала упалэ раё пэ ԥув?» Ай исин, со доԥэнэн, кай о раё упалэ авэла пэ ԥув? Васо ту патяс, кай жувэса андо раё лэ манушэнца, савэ тути куч? Сар ту росԥэндоп, васо пэ ԥув авэла раё?

КАТАР АМЭ ӶАНАС, КАЙ О РАЁ АВЭЛА ПЭ ԤУВ?

7, 8. а) Саво алав о Дэл дя лэ Авраамости? б) Пала со о Авраамо ля тэ гиндой, кала ашундя о алав, саво дя о Дэл?

⁷ О раё стердя о Дэл. Тоди авелоп драго лэстар тэ уӷанас пала кадэва раё. Диқам андэ Библия, важ кода кай вой лэ Дэвлэстар. Сэрэн тумэ, со о Иегова ԥэндя пэстирэ друӷости лэ Авраамости? О Дэл дя лэсти алав, кай кодэлэн, ко лэстар жала, авэла фартэ бут, «сар о писко по морско бэрэӷо». Акэ со во ԥэндя: «Через кодэва, ко тутар жала, авэла лашимос всаворэ народонэндэ па вся и ԥув, важ кода кай ту канглян мэрно ӷолосо» (Бытие 22:17, 18). О Дэл инке еқвар ԥэндя пала кадэва алав лэ Авраамостирэ шавэсти и внукости. (Адиносар Бытие 26:4b; 28:14c.)

⁸ Андэ Библия никай най пистромэ, кай Авраамо гиндояс, кай о Дэл подария лэ манушэнди жызня андо раё по нэбо. Кала о Дэл ԥэндя: «Авэла лашимос всаворэ народонэндэ па вся и ԥув», о Авраамо полэлас, кай и мануша жувэна пэ ԥув. Кай инке пистромэ пала кода, кай о раё авэла пэ ԥув?

9, 10. Савэ лэ Дэвлэстирэ алава дэн амэнди тэ патяс, кай о раё авэла пэ ԥув?

⁹ О Давидо, ек анда кодэла, ко жыля лэ Авраамостар. Во пистросардя, кай авэла время, и пэ ԥув «найлашэ манушэн будэр на авэла» (Псалом 37:1, 2, 10). Ай ко тоди жувэла пэ ԥув? Жувэна кодэла, кастэ ковло ди. Лэнди «ашэлапэ и ԥув и вонэ авэна лошалэ и чалёна кодэлэстар, кай авэла бут лашимос андо ди и всаворэ ладина ек аврэса». Инке о Дэл через о Давидо ԥэндя, кодэлэнди «ко кандэн лэ Дэвлэс, ашэлапэ и ԥув. И вонэ жувэна пэр латэ вечно» (Псалом 37:11, 29; 2 Самуила 23:2). Сар па тирятэ, со динэ кадэла алава лэ манушэнди, савэ камэнас тэ терэн лэ Иеговастири воля? Кадэла алава дэнас тэ патян, кай, ко кандэн лэ Дэвлэс, жувэна пэ ԥув. Кадяжэ тэ патян, кай и ԥув упалэ ашэла кацаво раё, сар сас о Эдэмо.

¹⁰ Но май бут израильтяноря ашадэ лэ Иеговас. Хоть вонэ и ԥэнэнас, кай лэ Иеговасти тэлён, вонэ отбанделэ лэстар и парашэлэ лэсти тэ служын. Важ када о Дэл домэкля, кай и вавилоняноря тэ захутилэн лэн, тэ розмарэн лэндирэ фороря и бутэн андар лэндэ тэ залэн андо плено (2 Летопись 36:15 жы кай 21; Иеремия 4:22 жы кай 27). Дэсавэ лэ Дэвлэстирэ пророкоря ӷанэнас, кай израильтяноря ринапэ пэ пэстири ԥув через 70 бэрш. Кадэла пророчества ужэ стердэпэ. И вонэ фартэ поджан и важ амэндэ. Проадиносарам дэсавэ андар лэндэ и погиндосарам, сар кадэла алава дэн амэнди тэ патяс, кай о раё авэла пэ ԥув.

11. а) Сар стердэпэ и пророчества анда Исаия 11:6 жы кай 9? б) Саво кадэлэстар амэндэ можэт тэ авэл вопросо?

¹¹ Адиносар Исаия 11:6 жы кай 9d. О Дэл через о пророко Исаия ԥэндя, кай лэ израильтянонэнди, савэ ринапэ пэ пэстири ԥув, нико и нисо на терэла вэрыто. Лэнди на трэбуй авэла тэ даран ни лэ зверёнэндар, ни лэ манушэндар. И ԥурэ и тэрнэ мануша жувэна лащя жызняса. Хэба на шолпэ када пэ жызня, сави сас андо садо Эдэмо? (Исаия 51:3). Кадяжэ о Исаия ԥэндя, кай важ о Дэл лэна тэ ӷанэн най кати и израильтяноря. Во ԥэндя, кай «пала Иегова лэна тэ ӷанэн па вся и ԥув кадя бут, сар о паи андэ моря». Кала када авэла?

12. а) Саво лашимос сас кай и израильтяноря, савэ рисайлэ анда вавилонско плено? б) Васо можно тэ ԥэнэс, кай и алава анда Исаия 35:5, 6, 8, 9а инке трэбуй тэ авэн?

¹² Адиносар Исаия 35:5, 6, 8, 9аe. О пророко Исаия инке еқвар ԥэнэн, кай кала и израильтяноря ринапэ, лэнди на трэбуй авэла тэ даран лэ зверёнэндар чи лэ манушэндар. Инке о Исаия ԥэндя, пэ лэндири ԥув авэла бут уражаё, важ кода кай котэ авэна бут лэна, сар андо садо Эдэмо (Бытие 2:10 жы кай 14; Иеремия 31:12). Кадэва пророчество стердяпэ кати андэ кодэя время? Шон сама, кай о Исаия ԥэндя, кай и корэ и ланганэ, и кашукэ виличинапэ. Но кадя на сас лэ израильтянонэнца, савэ рисайлэ анда Вавилоно. Кадэлэса о Дэл камля тэ сыкавэл, кай инке на поджыля и время, андэ сави во улэла о насвалимос.

13, 14. а) Сар пэ израильтяноря стердэпэ и пророчества анда Исаия 65:21 жы кай 23? б) Савэ инке алава анда кадэла пророчества трэбуй тэ авэн англэ? (Диқэн и картинка англа статья.)

¹³ Адиносар Исаия 65:21 жы кай 23f. Кала и евреёря рисайлэ пэ пэстири ԥув, вонэ на виарақлэ котэ ни лашэ цэра, ни лашэ маля, ни винаӷрадникоря. Но о Дэл блаӷословисардя лэн, и сар прожыля время, лэндэ вся ашэля фэдэр. Преставьте, пэ скати дэ лошалэ сас и мануша, кала строинас пэсти цэра и кала вибарярэнас уражаё!

¹⁴ Шон сама пэ ек важно маменто, пала саво ԥэнэнпэ андо пророчество. Котэ ԥэнэнпэ, кай амарэ деса «авэна, сар деса кай и витка». Дэсавэ витки жувэн тысяча бэрш. Кай и мануша тэ прожувэн кадя дэ долӷо, лэндэ трэбуй тэ авэл лашо зор. Тэ жудоп вонэ кадя дэ драго, сар ԥэндя о Исаия, када авелоп, сар андо раё! Инке алава анда кадэла пророчества трэбуй тэ авэн англэ!

15. Ԥэнэн пала дэсавэ блаӷословении, савэ запистромэ андэ книӷа Исаия.

¹⁵ Погиндон, сар кода, пала со амэ подям дума, сыкавэл, кай о раё авэла. О Дэл блаӷословия всаворэ манушэн. Нико на авэла тэ дарал, кай пэр лэстэ дэна и жывотни чи и вэрыти мануша. И корэ и кашукэ, и ланганэ мануша будэр на авэна насвалэ. И мануша смоӷут тэ строин пэсти цэра и тэ вибарярэн лашо уражаё. Вонэ лэна тэ жувэн май бут бэрша чем и витки. Андэ Библия пистромэ, кай вся када амэндэ авэла англэ. Но дэсавэ мануша моӷут тэ ԥэнэн, кай кадэла пророчества на сыкавэн, кай раё авэла пэ ԥув. Со лэнди можно тэ ԥэнас? Васо амэ патяс, кай пэ ԥув авэла раё? Амэ патяс кадэлэсти, важ кода кай амэнди пала када ԥэндя о само баро и ашунгло мануш о Иисусо.

«ТУ АВЭСА МАНЦА АНДО РАЁ»

16, 17. Кала о Иисусо дя дума пала раё?

¹⁶ Лэ Иисусос нивасо примардэ по столбо, кай тэ мэрэл. Лэстар па дуй рига, амбладёнас дуй евреёря, савэн сындосардэ важ и преступность. Ек андар лэндэ поля, кай о Иисусо, царё, и мангля лэс: «Вспомни пала мандэ, кала авэса андэ пэско царство» (Луки 23:39 жы кай 42). Лэ Иисусостирэ алава, савэ запистромэ андэ Луки 23:43, савэ во ԥэндя лэсти, кадяжэ и важ амэндэ. Дэсавэ библеисторя, савэ жувэн андэ амари время, стон и запитая англа алав «адес» и пэрэандярэн о стихо кадя: «Чаче ԥэнав тути, адес авэса манца андо раё». Шон сама по алав «адес». Со о Иисусо камля тэ ԥэнэн? Исин бут гиндоря.

¹⁷ Андэ бут современи шыба, стон запитые, кай тэ полэн, саво гиндо пистромэ андэ предложэния. Андэ дэлмутнэ ӷречески рукописи на стонас запитые. Важ када амэ можэм тэ пушас, сар правильно тэ адиносарас лэ Иисусостирэ алава: «Ԥэнав тути, адес ту авэса манца андо раё». Чи во ԥэндя: «Ԥэнав тути адес, ту авэса манца андо раё». И переводчикоря стон и запитая андэ кадэя предложэния кадя, сар вонэ полэн лэ Иисусостирэ алава. Важ када андэ разни переводоря Библии, кадэва стихо пэрэандярдо по разному.

18, 19. Со поможый амэнди правильно тэ полас лэ Иисусостирэ алава?

¹⁸ Сэрэн, со о Иисусо росԥэндя пэстирэ учениконэнди пала пэстири смэрть. Во ԥэндя: «О шаво манушыкано авэла андэ ла ԥувьяко ди трин дес и трин рятя». Кадяжэ во ԥэндя: «Лэ манушэстирэ шавэс трэбуй сас тэ отдэн андэ вас лэ манушэнди, и вонэ лэс умарэна. Но по трито дес во рияпэ каринг и жызня» (Матфея 12:40; 16:21; 17:22, 23; Марка 10:34). О Апостоло Пётро пистросардя, кай вся кадя и сас (Деяния 10:39, 40). Важ када можно тэ ԥэнэс, кала о Иисусо и о приступнико мулинэ, вонэ на попэлинэ андо раё. О Иисусо трин дес сас андо «гадесо» (када ҭан, кай гаравэн лэ мулэн). Во котэ сас, пока о Дэл на рисардя лэс каринг и жызня (Деяния 2:31, 32)g.

¹⁹ Важ када лэ Иисусостирэ алава, савэ во ԥэндя лэ приступникости, трэбуй тэ авэн пэрэандярдэ кадя: «Чачимос ԥэнав тути адес». Кадя дэнас дума и андэ лэ Моисеёстири время. Акэ со еқвар ԥэндя о Моисеё: «Алава, савэ мэ адес тути ԥэнав тэ терэс, трэбуй тэ авэн андэ тиро ди» (Второзаконие 6:6; 7:11; 8:1, 19; 30:15).

20. Со доԥэнэн, кай амэ лэ Иисусостирэ алава полас кадя, сар трэбуй?

²⁰ О мануш анда ближнё востоко, саво пэрэандярэлас и Библия, ԥэндя: «Андэ кадэла алава май бут сама шолпэ по алав „адес“. Важ када тэ адинос кадэва стихо трэбуй акэ сар: „Чачимос ԥэнав тути адес, ту авэса манца андо раё“. О Иисусо дя обещяния андэ кадэва дес, ай тэ авэл кадэя обещяния трэбуй май англэ. Андо панчто вико пэ сирийско шыб кадэва стихо сас пэрэандярдо кадя: «Аминь, мэ ԥэнав тути адес, кай манца авэса ту андо садо Эдэмо». Амэн фартэ подритярэл о алав, саво о Иисусо дя лэ приступникости.

21. Васо ԥэнаса, кай о Дэл на витидя лэ приступникос, кай во тэ правий андо небесно царство?

²¹ О Иисусо дя лэ приступникости алав пала раё, саво авэла пэ ԥув. И о Иисусо на ԥэндя лэ приступникости, кай во ваздэлапэ по нэбо. Со поможыя амэнди тэ полас, кай када правильно? Кала о приступнико мэрэлас, во на ӷанэнас, кай о Иисусо стердя пэстирэ апостолонэнца доӷоворо, па саво вонэ моӷли тэ авэн лэса андо небесно царство (Луки 22:29). Кадяжэ о приступнико дажэ на сас болдо (Иоанна 3:3 жы кай 6, 12). О Иисусо витидя лэ Павлос и аврэн апостолонэн, кай тэ ваздэнпэ упрэ по нэбо и тэ правин лэса, ай лэ приступникос най. Прожылэ бэрша и о апостоло Павло росԥэндя пала видения, андэ сави о мануш «попэля андо раё» (2 Коринфянам 12:1 жы кай 4). Но ԥэнаса, кала о Павло дэлас дума пала раё, во гиндояс пала раё, саво трэбуй тэ авэл пэ ԥув?h Ай ту можэш тэ авэс андэ кадэва раё?

СО АМЭ АШТЯРАС АНГЛЭ?

22, 23. Со амэ аштярас англэ?

²² Сар ужэ сас пистромэ, о Давидо ԥэндя, кай поджала время, кала «кодэлэнди, ко кандэн лэ Дэвлэс, ашэлапэ и ԥув» (Псалом 37:29; 2 Петра 3:13). Во камля тэ ԥэнэн, кай всаворэ мануша лэна тэ жувэн па лэ Дэвлэстирэ законоря. Андэ Исаия 65:22 пистромэ: «Мэрно народо лэла тэ жувэл бут бэрша, сар и витка». Када сыкавэл, кай и мануша лэна тэ жувэн тысячи бэрша. Ай ту камэс тэ аштярэс кадэва лашимос? Да, важ кода кай андэ Откровение 21:1 жы кай 4 пистромэ, кай о Дэл дэла лэ манушэнди бут лашимос. Ек анда кацаво лашимос, кай и «смэрть будэр на авэла».

²³ Акэ со амэ полям. О Адамо и Ева хасардэ о раё, саво сас андо Эдэмо. Но о раё сас хасардо най пэ вся и время. О Дэл дэл алав, кай блаӷословия всаворэ манушэн пэ ԥув. О Давидо ԥэндя, кай лэ манушэнди, савэндэ ковло ди и савэ кандэн лэ Дэвлэс, ашэлапэ и ԥув и вонэ жувэна пэр латэ вечно. Кала амэ адиносарас и пророчества, савэ запистромэ андэ книӷа Исаия, амэ инке май фартэ аштярас и время, кала авэла фартэ лащи жызня андо раё пэ ԥув. Кала жэ авэла кадэя время? Тоди, кала о Иисусо зритярэла пэско алав, саво во дя лэ приступникости. Ту кадяжэ можэш тэ жувэс андэ кадэва раё. Кала и ԥрала и ԥэя розладэнаспэ па канӷрэсо анда Южно Корея, вонэ ԥэндэ: «Диқасапэ андо раё!». И кадя авэла па чачимастэ.