Кала муля варико анда чаче

ЕСЛИ тутэ муля варико анда чаче, тутэ можэт тэ ровэл оди, ту можэш тэ гиндос, кай ту ашэлянпэ екжэно и кай нисо на вижала тэ стерэс. Ай можэт тэ авэл холи, и дош и дар. Можэт ту дажэ на ӷанэс, трэбуй тэ жувэс май дур чи най.

Нинай нисо вэрыто андэ кода, кай ԥарэс по ди. Када сыкавэл, кай тути сас фартэ куч кодэва, ко муля. Но можэт варисостар тэ авэл май вушэро по ди?

СО ПОМОЖЫСАРДЯ АВРЭНДИ

Щяс ту можэш тэ гиндос, кай кадэя дук никала на улэлапэ. Но попробуй тэ стерэс кадя, сар ԥэнэнпэ май дур.

ДЭ ПЭСТИ ВРЕМЯ ТЭ ПОРОВЭС

Кажнонэ манушэстэ андо ди можэт тэ авэл по разному, и кажнонэсти трэбуй пэстири время, кай тэ прилэл кода, кай лэ манушэс будэр нинай. И всаек, кала вировэспэ, кадэлэстар можэт тэ ашэл май вушэро. И Ванесса, савятирэ алава ужэ слинэ пистромэ, росԥэнэн: «Мэ просто ровавас. Манди трэбуй сас тэ вировавпэ». Кай и София муля и ԥэй, савяти сас 36 бэрш. Вой ԥэнэн: «Сас фартэ ԥарэс тэ гиндосарав пала кода, со тердяпэ. Мэ ԥэнэса ԥэрнававас и шынди рана и вихалававас ла. Сас фартэ дуқанэс, но када поможыяс тэ лав зор».

РОСԤЭН ПАЛА КОДА, СО ТУТЭ ПО ДИ

Да, дэкала тути закамэлапэ, кай паша тутэ никас тэ на авэл. Но екжэнэсти найвушэро тэ пэрэандярэс кадэва ԥаримос. Кай о Джередо, савэсти 17 бэрш, муля о дад. Во ԥэнэн: «Мэ росԥэнавас кода, со сас мандэ по ди. И можэт, кода, сар мэ росԥэнавас, най вся сас понятно, но манди ашэлас май вушэро, кала мэ моӷ тэ виԥэндювавпэ». Ай акэ пэр со шутя сама и Джанис, кастирэ алава пистромэ андэ пэрво статья: «Кала мэ росԥэнавас аврэнди кода, пала со пэрэжываю, кадэлэстар манди ашэлас пэ бутэстэ май вушэро. Мэ диқавас, кай ман полэн и кай мэ най екжэни».

ПРИЛЭ ПОМОЩЬ

Ек врачо ԥэнэн: «Сар кати тердяпэ и бида май вушэро пэрэандярэн кадэва ԥаримос кодэла, ко прилэл и помощь лэ ерестар и лэ друӷонэндар». Ԥэн пэстирэ друӷонэнди, со вонэ важ тутэ моӷут тэ стерэн. Вонэ камэн тути тэ поможын, но на ӷанэн сар (Притчи 17:17).

АВ МАЙ ПАШЭ КАРИНГ О ДЭЛ

И Тина ԥэнэн: «Мэрно хулай йто муля лэ ракостар. Раньшэ всаворэ мэрнэ пэрэжывания мэ росԥэнавас лэсти. Но акана, кала лэс нинай, мэ росԥэнав пэстирэ пэрэжэвания лэ Дэвлэсти. Кажно тэсара мэ мангав лэс тэ поможый манди фартэ тэ нэ пэрэжываю пала кода, со авэла андэ кадэва дес. О Дэл поможый манди кадя, сар мэ и на гиндосардэм». И Тарша, савяти сас 22 года, кала муля латири дэй, ԥэнэн: «Мэ кажно дес адиносаравас и Библия и када ман подритярэлас. Мандэ вся и время андо шэро сас варисо лашо, пала со можно сас тэ погиндосарав».

ПРЕДСТАВЛЯЙ И ВРЕМЯ, КАЛА О ДЭЛ РИЯ КАРИНГ И ЖЫЗНЯ КОДЭЛЭН, КО МУЛЯ

И Тина росԥэнэн: «Спэрва манди на сас вушэро кодэлэстар, кай о Дэл рия каринг и жызня кодэлэн, ко муля. Манди трэбуй сас, кай паша мандэ тэ авэл мэрно хулай щяс, ай най потом. Ай мэрнэ шавэнди трэбуй сас лэнго дад. Но акана, сар прожылэ штар бэрш, кадэя надежда фартэ поможый манди. Вой спасый ман. Мэ представляю, кай упалэ лэс диқава, и кадэлэстар мандэ лошавэл оди и мэ спокойно».

Тэ улэс вся о ԥаримос на вижала. Но и алава, савэ ԥэндя и Ванесса, моӷут тэ подритярэн. Вой ԥэнэн: «Здэлпэ, ту никала на виӷулеса анда кадэва ԥаримос. Но потом и тучи розжанпэ и вижал о қам».

Хоть вся и дук, сави андо тиро ди, можэт, и на ужала, но и жызня ашэл, кай тэ жувэс. Тути упалэ закамэлапэ тэ жувэс и тэ лошавэс кодэлэсти, кай проандярэс и время лэ друӷонэнца. Вся када можэт тэ авэл через и помощь амарэ Дэвлэстар, саво фартэ любий амэн. Ай йто авэла и время, кала во рия каринг и жызня кодэлэн, ко муля. Во фартэ камэл тэ диқэл, кала ту облэса лэ манушэс, саво тути куч. Тоди анда тиро ди ужала вся о ԥаримос пэ вся вечность!