Тэ патяс, када качество, саво поможый амэнди тэ авас састэ

КАЛА мануш патял, кадэлэстар лэстэ исин баро зор. Например, кала амэ патяс, када дэл амэнди зор тэ одмарас «всаворэ лэ Сатанастирэ стрелы ягаса», саво камэл тэ умарэл амари вера (Эфесянам 6:16). Кадяжэ, када дэл амэнди зор тэ пэрэандярас о ԥаримос, саво баро, сар и плая. О Иисусо ԥэндя пэстирэ учениконэнди: «Кала тумэндэ авэла вера, сар ӷорчично зэрно, тоди тумэ ԥэнэна кадэлэ плаести: „Пэрэжа катар пэ авэр ҭан“, и во пэрэжала» (Матфея 17:20). Инке кала амэ патяс, кадэлэстар авэла май лащи дружба лэ Иеговаса. Важ када трэбуй тэ погиндосарас пала кацавэ вопросоря, со када вера? Со кадэлэстар амэндэ по ди? Со тэ терас, кай май фартэ тэ патяс? Андэр кастэ тэ патяс? (Римлянам 4:3).

СО КАДА ВЕРА?

Вера, када найпросто тэ прижанас варисаво чачимос или андэ варисо тэ патяс. Васо? Важ кода кай дажэ «и бэнга патян и тинонпэ даратар» (Иакова 2:19). Со када вера?

Сар пистромэ андэ Библия, андэ вера исин дуй важни маменторя. Пэрво. «И вера, када, кала лэ манушэстэ исин, васо тэ патял и тэ аштярэл кода, со авэла англэ» (Евреям 11:1а). Если тумэндэ исин вера, тоди тумэ фартэ патян андэ вся, со ԥэнэн о Иегова, кай лэстирэ алава, када чачимос и вся кадя и авэла. Например, о Иегова ԥэндя лэ израильтянонэнди: «Если тумэндэ вижала тэ отменин мэрно доӷоворо пала о дес и рят, кай на тэ авэл о дес и рят андэ пэстири время, тоди и мэ отменисардоп мэрно доӷоворо мэрнэ служытелёса лэ Давидоса» (Иеремия 33:20, 21). Тумэндэ сас кацаво, кай тэ даран кодэлэстар, кай о қам парашэла тэ вижал и тэ зажал, и через када на авэла о дес и рят? Тумэ патян, кай авэла и рят и о дес и кай када на парашэла? Канешно, тумэ патян! Тоди тумэ трэбуй тэ патян, кай о Создателё, саво стердя о дес и рят, зритярэла пэско алав (Исаия 55:10, 11; Матфея 5:18).

Дуйто. Кала о мануш патял, тоди лэстэ исин, «со драго доԥэнэн, кай исин кода, со на дицол» (Евреям 11:1б). Тэ полас када можно па кацаво примеро. О бэято пушэл: «Катар ту ӷанэс, кай исин воздухо?» Хоть тумэ никала на диқлэ о воздухо, тумэ поможына лэ бэятости тэ погиндой пала кода, со доԥэнэн, кай воздухо исин. Например, амэ можэм лэсти тэ ԥэнас, кай ашунас, сар ԥурдэл и балвал и диқас, сар мишкиинпэ и листоря и витки, и инке варисо. Кала о бэято полэла, со ту лэсти росԥэндян, во полэла, кай можно тэ патяс андэ кода, со на дицол. Кадя и амэ патяс андэ кода, со исин, но на дицол (Римлянам 1:20).

САВО ТРЭБУЙ ТЭ АВЭЛ АМАРО ДИ?

И вера ритярдёл пэ кода, со драго доԥэнэн о чачимос. И кай лэ манушэстэ тэ авэл вера, во трэбуй драго тэ полэл «о чачимос» (1 Тимофею 2:4). Но када на хутилэл. О апостоло Павло пистросардя: «И вера андо ди андярэл каринг кода, кай тэ кандэн лэ Дэвлэс» (Римлянам 10:10). Лэ манушэсти трэбуй найпросто тэ прилэл о чачимос, но и тэ авэл во лэсти фартэ куч. Кати тоди во камэла тэ сыкавэл пэстири вера, када тэ терэл кадя, сар пистромэ андэ Библия (Иакова 2:20). Кодэва, кастэ андо ди нинай блаӷодарность пала чачимос анда Библия, во можэт тэ отшол дажэ кода, со драго доԥэнэн важ о чачимос. Васо? Важ кода кай во отԥэндёл тэ парувэл пэстирэ гиндоря или камэл тэ терэл кадя, сар лэсти чалёл (2 Петра 3:3, 4; Иуды 18). Акэ васо андэ библейско время най всаворэ мануша, ко диқэнас и чудеса, терэнас кадя, сар камэлас о Дэл (Числа 14:11; Иоанна 12:37). Лэ Дэвлэско свынто духо поможый тэ авэл май бут вера андо ди, кати кодэлэнди, ко па чачимастэ любий о чачимос и на камэл тэ патял андо хохаимос (Галатам 5:22; 2 Фессалоникийцам 2:10, 11).

САР КАЙ О ДАВИДО АШЭЛЯ САСТИ ВЕРА?

Машкар кодэла, кастэ сас састи вера, сас и о царё Давидо (Евреям 11:32, 33). Но андэ лэско ери най всаворэндэ сас кацави вера. Еқвар кай лэско барэдэр ԥрал, кай о Елиаво на хутилдя вера. Во ля тэ лажаварэл лэ Давидос, саво пэрэжывал, кай о Голиафо приасаласпэ. Када сыкадя, кай о Елиаво на допатялас лэ Иеговасти (1 Самуила 17:26—28). Нико на арақадёлпэ кодэлэса, кай сразу тэ патял андо Дэл, и када на пэрэжал лэ дадэстар и ла датар. Вижал, кай о Давидо сас састи вера, важ кода кай лэстэ сас лащи дружба лэ Иеговаса.

Андэ 27 Псалом, андэ 1 стихо, о Давидо росԥэнэн, со поможысардя лэсти, кай тэ авэл лэстэ састи вера. Андо 2 и 3 стихо о Давидо пистросардя, сар во гиндояс пала кода, сар о Иегова спасыяс лэс лэ вороӷонэндар. Андо 4 стихо во пистрояс, сар куч лэсти сас и свынто бари катуна. Андо 6 стихо росԥэнэнпэ, сар во тэлёлас лэ Дэвлэсти еқэҭанэ аврэ служытелёнэнца. Андэ 7 и 8 стихо пистромэ, сар во анда вся оди мангэласпэ лэ Иеговасти. Андо 11 стихо пистромэ, кай во камэлас тэ сытёл кай о Иегова. Андо 13 стихо, саво пэрэандярдэ анда Библия па английско шыб, сави вимэклэ андо 2013 бэрш, во пистросардя: «Кай мэ авелоп, если мэ тэ на патяёп!»

СО ТЭ ТЕРАС, КАЙ МАЙ ФАРТЭ ТЭ ПАТЯС?

Тумэндэ кадяжэ можэт тэ авэл кацави састи вера, сар кай о Давидо, если тумэндэ авэла кацавэ лашэ привычки и кацавэ жэ гиндоря, пала савэ пистромэ андэ 27 Псалом. Кай тэ авэл вера, трэбуй драго тэ ӷанэн. Со май бут тумэ сытёна па Библия и па библейско литература, со май вушэро тумэнди авэла тэ терэн вся, кай тэ авэл май састи вера. И вера, када ек анда кода, соса лэ Дэвлэско свынто духо поможый лэ манушэсти (Псалом 1:2, 3). Кала сытён па Библия, витидэн время, кай тэ погиндон пала кода, со адинон. Если тумэ гиндон пала кода, сости тумэ сытелэ, тумари блаӷодарность каринг о Иегова авэла май бари. Важ кода кай тумэндэ андо ди ашэл май бут блаӷодарность лэ Иеговасти, тумэ май бут закамэна тэ кандэн лэ Иеговас. Када тэ ԥирэн пэ собрании и тэ росԥэнэн аврэнди пала лашимос, саво авэла андо раё пэ ԥув (Евреям 10:23—25). Кадяжэ тумэ сыкавэна, кай тумэндэ исин вера, если на парашэна тэ мангэнпэ и на умэкэна и вас (Луки 18:1—8). Важ када «на парашэн тэ мангэнпэ» и патян, кай «во диқэл и фэрий тумэн» (1 Фессалоникийцам 5:17; 1 Петра 5:7). Важ кода кай тумэ патян, тумэ закамэна тэ терэн варисо важ о Иегова, и через када тумари вера авэла инке май састи (Иакова 2:22).

СЫКАВ ПЭСТИРИ ВЕРА АНДО ИИСУСО

Вэчэром англа пэстири смэрть о Иисусо ԥэндя пэстирэ учениконэнди: «Сыкавэн пэстири вера андо Дэл и андэр мандэ» (Иоанна 14:1). Вижал, амэнди трэбуй тэ сыкавас пэстири вера най кати андо Иегова, но и андо Иисусо. Сар када тэ терас? Подам дума пала трин маменторя.

Пэрво, прилэ о выкупо, сар подарко, саво о Дэл стердя тути. О апостоло Павло пистросардя: «Мэ жував кодэлэса, кай патяв андэ лэ Дэвлэско Шаво, саво сыкадя пэстири любовь каринг мандэ и отдя пэс важ мандэ» (Галатам 2:20). Если па тири дила дицол, кай ту патяс андо Иисусо, када сыкавэл, кай ту фартэ патяс, кай о выкупо сас потиндо важ тутэ и кадяжэ, кай через о выкупо простинпэ тирэ бэзэха. Инке о выкупо дэл тэ аштярэс тэ жувэс вечно пэ ԥув и кадэлэса о Иегова сыкавэл, кай во фартэ тут любий (Римлянам 8:32, 38, 39; Эфесянам 1:7). Када дэла тути зор тэ улэс и гиндоря, кай ту нисо на ашэс (2 Фессалоникийцам 2:16, 17).

Дуйто, кала мангэспэ лэ Иеговасти, на бистэр, кай када тутэ исин, важ кода кай о Иисусо отдя пэстири жызня важ тутэ. Через кода, кай о Иисусо отдя пэстири жызня важ амэндэ, тоди амэндэ исин муй тэ мангаспэ лэ Иеговасти, «кай амэн тэ жалуин и кай амэндэ тэ авэл о лашимос, саво на затердям, кай тэ авэл помощь, кала када трэбуй» (Евреям 4:15, 16; 10:19—22). И молитва дэл зор тэ одмардювас кодэлэстар, со камэл и ӷрешно тила (Луки 22:40).

Трито, кандэ лэ Иисусос. О апостоло Иоанно пистросардя: «Кодэва, ко сыкавэл, кай патял андо Шаво, жувэла вечно. Ай кодэва, ко на кандэл лэ Шавэс, на диқэла и жызня, но пэр лэстэ лэ Дэвлэстири холи» (Иоанна 3:36). Шон сама, о Иоанно ԥэнэн, кай кала на кандэн, када сыкавэл, кай нинай вера. Кала кандэн лэ Иисусос, тумэ сыкавэн, кай патян андэр лэстэ. Инке, тумэ кандэн лэ Иисусос, кала ритярэн «лэ Христоско законо», када вся, сости во сытярэлас и со приԥэнэнас (Галатам 6:2). Ай инке тумэ кандэн лэ Иисусос, кала терэн, со во амэнди ԥэнэн через о «годявэрно и кандино рабо» (Матфея 24:45). Через кода, кай тумэ кандэн лэ Иисусос, тумэндэ авэла зор тэ виритярэн о ԥаримос андэ жызня (Луки 6:47, 48).

ТЕРЭН ВСЯ, КАЙ ТЭ АВЭН САСТЭ «ЧЕРЕЗ САМО СВЫНТО ВЕРА»

Еқвар, ек мануш, кала дэлас дума лэ Иисусоса, зацыписайля: «Мэ патяв! Поможысар, кай мэрни вера тэ авэл май састи!» (Марка 9:24). Кай кадэва мануш сас вера, но во ԥэндя чачимос, кай вой лэстэ на хутилэлас. Кажнонэстэ амэндэ андэ жызня можэт тэ авэл кацаво жэ, кала амэнди трэбуй авэла май бут вера. Кай тэ авэл и вера май састи, трэбуй ужэ акана варисо тэ терас. Сар амэ диқлям, важ када трэбуй тэ сытювас па Библия и тэ гиндосарас пала кода, со адиносардям. Через када амэндэ авэла май бут блаӷодарность важ кода, со важ амэндэ терэл о Иегова. И вера кадяжэ ашэл май састи, если амэ лэ ԥралэнца и лэ ԥэянца тэлювас лэ Иеговасти, росԥэнас аврэнди пала лашимос, саво авэла андо раё пэ ԥув, и вся и время мангаспэ. «Терэн вся, кай тэ авэн састэ через само свынто вера», тоди тумэндэ авэла лашимос. Лашимос андэр со? Кай о Иегова на парашэла тэ любий тумэн (Иуды 20, 21).