СТАТЬЯ, КАЙ ТЭ СЫТЮВАС 36
Лащи новость, пашол о Армагеддоно!
«Вонэ стидэ лэн пэ ԥув, пэ сави ԥэнэн... Армагеддоно» (ОТКРОВЕНИЕ 16:16, анда сноска).
ДИЛИ 150 Ищи Иегову, чтобы спастись
ПАЛА СО УӶАНАСА АНДА СТАТЬЯ?a
1, 2. а) Васо о Армагеддоно, када лащи новость? б) Савэ вопросоря амэ роздиқаса андэ кадэя статья?
ТУМЭ, файма, ашундэ, кай о алав «Армагеддоно» ԥэнэн пэ ядерно война чи кала терэлпэ варисави бида андэ природа. Но андэ Библия пистромэ, кай о Армагеддоно анэна каринг о лашимос (Откровение 1:3). Кадэя война на умарэла всаворэн манушэн, ай фэрия лэн ла смэртятар!
2 Сар пистромэ андэ Библия, и война о Армагеддоно спасыя лэ манушэн, важ кода кай улэла манушыканэ правлении. О Армагеддоно улэла па ԥув лэ найлашэ манушэн, ай ашэнапэ кати кодэла, ко кандэл лэ Иеговас. Кадяжэ о Армагеддоно фэрия амари ԥув (Откровение 11:18). Кай май драго када тэ полас, роздиқам штар вопросоря. Со када о Армагеддоно? Со авэла англа лэстэ? Сар лэс тэ пэрэжувас? Сар тэ на парашас тэ кандас лэ Дэвлэс андэ кадэя послиднё время?
СО КАДА О АРМАГЕДДОНО?
3. а) Со сыкавэл о алав «Армагеддоно»? б) Сар анда Откровение 16:14, 16 дицол, кай о Армагеддоно, када най варисаво ҭан пэ ԥув?
3 Адиносар Откровение 16:14b, 16c. О алав «Армагеддоно» кати еқварэс пистромэ андэ Библия и жал лэ еврейсконэ алавэстар, саво сыкавэл «плай Мегиддо» (Откровение 16:16, андэ сноска). О Мегиддо сас форо андо Израилё (Иисус Навин 17:11). Но о Армагеддоно, када най варисаво ҭан пэ ԥув. Можно тэ ԥэнас, када время, кала и «царёря всаворя ԥувьятирэ» стидэнапэ, кай тэ жан против о Иегова (Откровение 16:14). Но андэ кадэя статья о алав «Армагеддоно» кадяжэ сыкавэл война, сави авэла сразу посли кода, сар стидэнапэ всаворэ царёря. Катар амэ ӷанас, кай о Армагеддоно, када най варисаво ҭан пэ ԥув? Пэрво, кадэва плай Мегиддо нинай. Дуйто, кай тердёл о форо Мегиддо фартэ набут ҭан, кай котэ тэ поместинпэ и «царёря всаворя ԥувьятирэ» пэстиря армияса и пэстиря техникаса важ и война. Трито, сар амэ диқаса андэ кадэя статья, и война Армагеддоно залэлапэ, кала и царёря ла ԥувьятирэ дэна пэ Дэвлэстирэ служытеля, ай вонэ жувэн па вся и ԥув.
4. Васо о Дэл ԥэндя пэ пэстири послиднё война Армагеддоно?
4 Васо о Иегова сыстосардя пэстири послиднё бари война лэ Мегиддоса? Андэ библейско время андэ Мегиддо и андэ Изреельско мал, сави сас пашэ, марэнаспэ бут разоря. Дэкала о Иегова екжэно зашоласпэ андэ война. Например, «паша паи Мегиддо» о Дэл поможыяс лэ израильсконэ сындомарести лэ Варакости тэ победий о ханаанско войско, саво андярэлас о Сисара. О Варако и Девора, сави ԥэнэнас, со авэла англэ, блаӷодаринас лэ Иеговас, кай во стердя чуда, и вонэ вицэлдэ кадэя война. Вонэ дилабэнас: «И черӷая марэнаспэ па нэбо... лэ Сисароса. И лэн Киссон схаладя лэн» (Судей 5:19—21).
5. Соса и война Армагеддоно на шолпэ пэ война, андэ сави марэласпэ о Варако?
5 О Варако и Девора парашэлэ тэ дилабэн пэстири дили кацавэ алавэнца: «Мэк помэрэна всаворэ тирэ вороӷоря, о Иегова. Ай кодэла, ко любин тут, мэк авэн, сар о қам, саво вижал андэ пэстири слава!» (Судей 5:31). Андо Армагеддоно лэ Иеговастирэ вороӷоря кадяжэ помэрэна, ай кодэла, ко любин лэ Дэвлэс, спасынапэ. Но машкар кадэла дуй войны исин ек бари разница. Андэ война Армагеддоно лэ Дэвлэстирэ служытеля на лэна тэ марэнпэ. Лэндэ дажэ на авэла оружыя! Лэнго «зор [авэла] андэ кода, кай тэ ашэнпэ спокойни и тэ сыкавэн, кай патян» лэ Иеговасти и лэстирэ небеснонэ войскости (Исаия 30:15; Откровение 19:11—15).
6. Сар о Иегова лэла тэ умарэл пэстирэ вороӷонэн андо Армагеддоно?
6 Сар о Дэл лэла тэ умарэл пэстирэ вороӷонэн андо Армагеддоно? Лэстэ пэ када бут со исин. Например, во лэла тэ терэл землетрясения, ӷрадо и молния (Иов 38:22, 23; Иезекииль 38:19—22). Ай инке во можэт тэ бандярэл пэстирэ вороӷонэн тэ жан ек против ек (2 Летопись 20:17, 22). Во лэ анӷелонэнца можэт тэ умарэл лэ найлашэ манушэн па ԥув (Исаия 37:36). Соса бы тэ на марэлпэ о Дэл, во вицэлэла андэ кадэя война. Всаворэ лэстирэ вороӷоря помэрэна. Ай кодэла, ко кандэн лэ Дэвлэс, спасынапэ (Притчи 3:25, 26).
СО АВЭЛА АНГЛА АРМАГЕДДОНО?
7, 8. а) Пала со ԥэнэна и барэдэра па вся и люма, сар пистромэ андэ 1 Фессалоникийцам 5:1—6? б) Васо кадэя хохавни новость авэла фартэ опасно?
7 Спэрва ԥэнэна «мирно и безопасно», ай тоди залэлапэ «лэ Иеговаско дес». (Адиносар 1 Фессалоникийцам 5:1—6d.) Лэ «Иеговаско дес», пала саво пистромэ андэ 1 Фессалоникийцам 5:2, када «само бари бида» (Откровение 7:14). Сар тэ полас, кай амэ тердювас ворта паша само бари бида? Андэ Библия пистромэ, кай ворта англа када ашунаса фартэ нэобычно новость. Када и сыкавэла, кай залэлпэ само бари бида.
8 «Мирно и безопасно», када и исин кодэя новость, пала сави сас пистромэ андэ Библия. Васо и барэдэра па вся и люма ԥэнэна када? Точно атвето амэ на ӷанас. Ай и барэ мануша анда веры жана пала лэндэ чи най? Файма, жана. Сар бы тэ на авэл кода, кай лэна тэ ԥэнэн «мирно и безопасно», када инке ек хохаимос, пала саво тердён и бэнга. Но кадэва хохаимос анэна со май бари бида. Через кадэва хохаимос и мануша гиндона, кай лэнди най состар тэ даран ворта англа кода, сар залэлапэ само бари бида. Сар пистромэ андэ Библия, «тоди пэр лэндэ дэла и бида. Када, сар кай и жувли, сави трэбуй тэ арақавэл, резко залэнпэ и схватки». Ай со авэла кодэлэнца, ко на парашэл тэ кандэл лэ Дэвлэс? Файма, вонэ удивинапэ кодэлэсти, сар резко залэлапэ лэ Иеговаско дес, но вонэ када аштярэнас.
9. Сар о Дэл умарэла лэ Сатанастири люма?
9 О Иегова на умарэла важ ек разо кода, со исин андэ лэ Сатанастири люма, сар када сас андэ лэ Ноёстирэ деса. Во стерэла када важ дуй разоря. Май англал во розмарэла о Вавилоно Велико, када хохавнэ веры пэ вся и ԥув. Ай посли када андо Армагеддоно во умарэла кода, со ашэлапэ андэ лэ Сатанастири люма. Када, и политика, халавдэ и кодэла, савэ ӷанэн драго тэ тинэн и тэ битинэн. Подам дума пала када май драго.
10. Васо, сар пистромэ андэ Откровение 17:1, 6 и 18:24, о Иегова умарэла о Вавилоно Велико?
10 «Сындо пэ роспутно манушни». (Адиносар Откровение 17:1e, 6f; 18:24g.) О Вавилоно Велико мэлярэл лэ Дэвлэско алав. Кадэя роспутно манушни (хохавнэ веры) росԥэнэн хохаимос важ о Дэл. И хохавнэ веры на кандэнас лэ Иеговас кодэлэса, кай подритярэнас и манушыканэ правительства. Через кода, кай латэ (кай и хохавнэ веры) исин власть, вой тасавэл пэ аврэндэ, кай тэ затерэл ловэ па мануша, савэ латэ авэн. Ай скати вой поумардя манушэн, кардэ ужан и лэ Дэвлэстирэ служытеля! (Откровение 19:2). Сар о Иегова умарэла о Вавилоно Велико?
11. Кас сыкавэл о «лоло зверё» и сар через лэстэ о Иегова умарэла о Вавилоно Велико?
11 О Иегова, кай тэ умарэл ла «роспутнона манушня» (и хохавнэ веры) стерэла када через лэ «лолэ зверёстирэ дэш роӷоря». О зверё, када ООН, ай и дэш роӷоря, када правительства, савэ подритярэн кодэла роспутнона манушня. Андэ время, сави стодя о Дэл, кадэла правительства жана против о Вавилоно, када и хохавнэ веры. Вонэ «вся латар одлэна и злэна пар латэ вся и йда», залэна лако барвалимос и сыкавэна всаворэнди, пэ скати вой дэ вэрыто (Откровение 17:3, 16). О Дэл розмарэла када вся кадя йто, кай здэлапэ, када авэла «андэ ек дес» и кодэла, ко подритярэл и хохавнэ веры фартэ пэрэдарана. Важ кода кай вой долӷо абурояс и ԥэнэнас: «Мэ бэшав, сар царица, мэ най ԥивли и бида никала на диқава» (Откровение 18:7, 8).
12. Со на домэкэла о Иегова и васо?
12 О Дэл на домэкэла, кай и мануша па вся и ԥув тэ умарэн лэстирэ народос. Лэ Иеговастирэ служытеля абурон, кай пэр лэндэ ԥэнэн лэ Дэвлэско алав и кандэн лэс кодэлэса, кай вижан анда Вавилоно Велико (Деяния 15:16, 17; Откровение 18:4). Кадяжэ вонэ на жалуин пэско зор и поможын аврэ манушэнди тэ мэкэн и хохавнэ веры. О Иегова фэрия пэстирэ служытелёнэн, кала о Вавилоно Велико авэла розмардо. Но лэнди всаек трэбуй састи веры, кай тэ виритярэн кода, со авэла англэ.
Кала дэна пэ Дэвлэстирэ служытеля, вонэ па вся и ԥув лэна тэ надеинпэ по Дэл (Диқэн о абзацо 13.)k
13. а) Ко када о Гого? б) Кала, сар пистромэ андэ Иезекииль 38:2, 8, 9, залэлапэ и война о Армагеддоно?
13 О Гого жала бидаса. (Адиносар Иезекииль 38:2h, 8, 9i.) Посли кода, сар всаворэ хохавнэ веры ужэ на авэна, ашэлапэ ек чачуни вера, када лэ Иеговастирэ служытеля. Када фартэ холярэла лэ Сатанас. Во вишола вся пэстири холи через и «найвужэ думы лэ бэнгэндар». Вся када, кай тэ подваздэн и коалицыя нацый против лэ Иеговастирэ служытеля (Откровение 16:13, 14). Андэ Библия пэ коалицыя нацый ԥэнэнпэ «о Гого па ԥув Магого». Кала и народоря, савэ ужан андэ коалицыя нацый, жана по Дэвлэско народо бидаса, вонэ ԥэнэса, стидэнапэ по ҭан, пэ саво ԥэнэн о Армагеддоно (Откровение 16:16, анда сноска).
14. Со прижалапэ тэ прижанэл о Гого?
14 О Гого надеияпэ пэ «манушэско зор», када пэ пэстирэ халавдэнго зор (2 Летопись 32:8). Ай амэ надеисаваса по амаро Дэл о Иегова. Но лэ народонэнди када здэлапэ дилимос, важ кода кай вонэ диқэна, кай и дэвла, савэ сас андо зорало Вавилоно Велико, никас на спасысардэ лэ «зверёстар» и лэ «дэшэ роӷонэндар» (Откровение 17:16). Важ када о Гого лэла тэ гиндой, кай вушэро победия. Во дэла по Иеговаско народо, «сар туча, кай тэ ушаравэл и ԥув» (Иезекииль 38:16). Но фартэ йто о Гого полэла, кай заӷонисардя пэс андэ ловушка. Лэсти, сар варикала лэ фараоности паша Лоли моря, прижалапэ тэ прижанэл, кай во марэлпэ лэ Иеговаса (Исход 14:1—4; Иезекииль 38:3, 4, 18, 21—23).
15. Со о Иисусо стерэла андо Армагеддоно?
15 О Иисусо и лэсти небесни войскоря фэрина лэ Иеговаско народо и розмарэна лэ Гогостирэ халавдэн (Откровение 19:11, 14, 15). Ай со авэла лэ само ӷлавнонэ лэ Дэвлэстирэ вороӷоса, лэ Сатанаса, саво пэстиря хохавня думаса заставия лэ народонэн тэ дэн пэ Дэвлэстирэ служытеля андэ война Армагеддоно? О Иисусо шола лэ Сатанас и лэ бэнгэн андо баруно, кай вонэ пробэшэна тысяча бэрш (Откровение 20:1—3).
САР ТЭ ПЭРЭЖУВАС О АРМАГЕДДОНО?
16. а) Сар тэ сыкавас, кай амэ ӷанас лэ Дэвлэс? б) Со авэла андо Армагеддоно кодэлэнца, ко ӷанэн лэ Иеговас?
16 И всаек, дэлмут амэ ӷанас о чачимос чи най, кай тэ пэрэжувас о Армагеддоно, амэнди трэбуй пэ дила тэ сыкавас, кай ӷанас лэ Дэвлэс и тэ терас кадя, сар ԥэнэн «и лащи весть пала амаро Ӷосподо Иисусо» (2 Фессалоникийцам 1:7—9). Тэ ӷанас лэ Дэвлэс, када тэ полас, со во любий, со во вэрыцый и со во амэндар камэл. Када кадяжэ сыкавэл тэ любисарас лэс, тэ кандас и тэ тэлювас кати лэсти (1 Иоанна 2:3—5; 5:3). Кала амэ па чачимастэ ӷанас лэ Дэвлэс, тоди амэ патяс, кай и во амэн ӷанэн и лэсти чалёл, со амэ терас (1 Коринфянам 8:3). Када бари бах и амэ точно ӷанаса, кай спасысаваса андо Армагеддоно.
17. Со када, тэ терас, сар ԥэнэн «и лащи весть пала амаро Ӷосподо Иисусо»?
17 Андэ «лащи весть пала амаро Ӷосподо Иисусо» ужал вся о чачимос, савэсти во сытярэлас (саво запистромэ андэ Библия). Амэ терас кадя, сар ԥэнэн и лащи весть, кала жувас па кадэва чачимос. Амэ сыкавас, кай кандас, кала стас пэ пэрво ҭан и служэния лэ Иеговасти, и жувас па лэстирэ лашэ законоря и росԥэнас пала лэско Царство (Матфея 6:33; 24:14). Кадяжэ трэбуй тэ подритярас лэ Христостирэн ԥралэн, савэ памазани, андэ кодэя важно дила, сави лэнди динэ тэ терэн (Матфея 25:31—40).
18. Сар памазани христианоря смогут тэ отблаӷодарин «аврэн бакрорэн» важ и вся, со вонэ важ лэндэ стердэ?
18 Йто кай лэ Дэвлэстирэ памазани служытеля авэла возможность тэ отблаӷодарин «аврэн бакрорэн» важ и вся, со вонэ важ лэндэ стердэ (Иоанна 10:16). Сар? Англа кода, сар тэ залэлпэ и война о Армагеддоно, кодэла памазаникоря, савэ ашэлэпэ анда 144 000, жана по нэбо, сар анӷелоря. Всаворэ памазаникоря авэна андэ лэ Дэвлэстирэ небесни войскоря, савэ розмарэна лэ Гогос и фэрина «фартэ бутэ манушэн», лэ Дэвлэстирэ служытелёнэн (Откровение 2:26, 27; 7:9, 10). Сар жэ лошалэ авэна кодэла ԥрала и ԥэя, савэ на парашэнас тэ кандэн лэ Дэвлэс, кай подритярэнас лэ Иеговастирэ памазаниконэн, кала вонэ инке жувэнас пэ ԥув!
САР ТЭ НА ПАРАШАС ТЭ КАНДАС ЛЭ ДЭВЛЭС АНДЭ КАДЭЛА ПОСЛИДНИ ДЕСА?
19, 20. Сар англа о Армагеддоно тэ на парашас тэ кандас лэ Дэвлэс, кала исин ԥаримос?
19 Андэ кадэла послидни деса кай лэ Иеговастирэ служытеля исин бут ԥаримос. Но всаворэндэ амэндэ вижала вся тэ виритярас и тэ ашаспэ лошалэ (Иакова 1:2—4). Со амэнди андэ када поможыя? Молитва анда оди (Луки 21:36). Кажно дес тэ сытювас па Библия и тэ гиндосарас пала кода, со андэр латэ пистромэ, ай кадяжэ тэ гиндосарас пала фартэ важни пророчества, савэ йто авэна (Псалом 77:12). Вся када, ай кадяжэ, кай бут служысарас, поможыя амэнди тэ авэл и вера май састи и тэ аштярас о лашимос, саво авэла англэ!
20 Кати погиндон, сар тумэ лошавэна, кала о Вавилоно Велико авэла розмардо и о Армагеддоно ужэ прожала! Ай инке, савэ тумэ авэна бахталэ, кала диқэна, кай всаворэ стон патив по Дэвлэско алав и пэ лэстири правления! (Иезекииль 38:23). Сар амэ диқлям, о Армагеддоно, када лащи новость важ кодэла, ко ӷанэн лэ Дэвлэс и кандэл лэстирэ Шавэс, и важ кодэла, ко виритярэна вся до конца (Матфея 24:13).
ДИЛИ 143 Жди, проповедуй и помни
a Лэ Иеговастирэ служытеля ужэ дэлмут аштярэн о Армагеддоно. Андэ кадэя статья амэ подаса дума, со када Армагеддоно? Со авэла англа Армагеддоно? И сар тэ на парашас тэ кандас лэ Иеговас андэ кадэя послиднё время?
b Откровение 16:14: «Кадэла пророчества лэ бэнгэндар и сыкавэн знакоря. Вонэ вижан каринг и царёря всаворя ԥувьятирэ, кай тэ стидэн лэн пэ война, сави авэла андо баро дес лэ Всемоӷущёнэ Дэвлэско».
c Откровение 16:16: «Вонэ стидэ лэн пэ ԥув, пэ сави ԥэнэн, пэ еврейско шыб, Хар-Магедоно».
d 1 Фессалоникийцам 5:1—6: «Ай пала время и сроко, ԥрала, тумэнди на трэбуй тэ пистросарас. Тумэ и екжэнэ драго ӷанэн, кай лэ Иеговаско дес авэла ворта кадя, сар о чор и рят, кала лэна тэ ԥэнэн: „Мирно и безопасно!“, тоди пэр лэндэ дэла и бида. Када, сар кай и жувли, сави трэбуй тэ арақавэл, резко залэнпэ и схватки. И вонэ нисар на фэринапэ. Но тумэ, ԥрала, най андэ тэмнота, кай кадэва дес тэ захутилэл тумэн, сар лэ чордэӷарен, важ кода кай тумэ шавэ лэ светостирэ и шавэ лэ десэстирэ. Амэ най ла рятятирэ и най ла тэмнотатирэ. Важ када на ласа тэ совас, сар всаворэ, но ласа тэ гиндосарас годявэрнэс и тэ терас вся и время кода, со камэл о Дэл».
e Откровение 17:1: «Посли када ек анда семь анӷелоря, савэндэ сас семь чашы, поджыля каринг мандэ и ԥэндя: „Поджа, мэ сыкавава тути о сындо, пэ само роспутно манушни, сави бэшэл пэ бут пая“».
f Откровение 17:6: «И мэ додиқлэм, кай жувли сас мати лэ ратэстар, саво лэ свынтонэндар и лэ ратэстар лэ Иисусостирэ свидетелёнэндар. Кала мэ ла диқлэм мэ фартэ, фартэ удивисайлэм».
g Откровение 18:24: «Да, андэр латэ додиқлэ о рат лэ пророконэнго, лэ свынтонэнго и всаворэнго, кас умардэ пэ ԥув».
h Иезекииль 38:2: «Шаво манушыкано, бандю каринг о Гого па ԥув Магого, каринг о само баро князё андо Мешэхо и Фувало, и пророчествуй против лэстэ».
i Иезекииль 38:8, 9: «Прожана бут деса и пэр тутэ шона сама. Андэ послидни деса ту зажаса андэ страна лэ народостэ, саво вазгляпэ посли шушимос, саво сас лэ мечостар и саво сас стидо анда бут народоря пэ Израилёстирэ плая, савэ долӷо пашлёнас замэклэ. Кодэла, ко жувэнас андэ кодэя страна, рисайлэ анда авэр народоря и жувэн би дарако. Ту дэса пэр лэндэ, сар буря и ушаравэса и страна, сар туча, ту и всаворэ тирэ мануша и бут народоря, савэ туса».
j Пэ картинки. Кода, со лэла тэ терэлпэ пэ люма. Андэ кодэя время амэ ласа, пэрво, пока вижал тэ ԥирас пэ служэния, дуйто, на парашаса тэ сытювас па Библия и трито, надеисаваса по Дэл.
k Пэ картинка. И халавдэ камэн тэ дэн андо цэр кай о христианско ери, саво састэс патял, кай о Иисусо и лэстирэ анӷелоря диқэн када вся.