СТАТЬЯ, КАЙ ТЭ СЫТЮВАС 47
Сости сытярэл амэн и книӷа Левит?
«Всаворэ алава андэ Писания лэ Дэвлэстар и вонэ лашэ, кай тэ сытярэн» (2 ТИМОФЕЮ 3:16).
ДИЛИ 98 Писание вдохновлено Богом
ПАЛА СО УӶАНАСА АНДА СТАТЬЯ?a
1, 2. Васо и книӷа Левит интересно важ амэндэ адес?
О АПОСТОЛО Павло ԥэндя пэстирэ друӷости лэ Тимофеёсти, кай «всаворэ алава андэ Писания лэ Дэвлэстар и вонэ лашэ» (2 Тимофею 3:16). Андэ Свынто Писания ужал и книӷа Левит. Со тумэ гиндон пала кадэя книӷа? Дэко гиндой, кай андэ кадэя книӷа законоря, савэ на поджан адес каринг амари жызня. Но и чачунэ христианоря гиндон па аврятэ.
2 И книӷа Левит сас пистромэ варикай 3500 бэрш палпалэ, и всаек о Иегова позаботисайля, кай вой тэ ашэлпэ, «кай амэ тэ сытювас» (Римлянам 15:4). Вой поможый тэ полас, сар гиндой о Иегова, важ када амэнди трэбуй драго ла тэ уӷанас. Андэ кадэя книӷа исин бут кацаво, со амэ можэм тэ сытювас. Роздиқам штар маменторя андар латэ.
СО ТЭ ТЕРАС, КАЙ О ИЕГОВА АМЭН ТЭ ХВАЛИЙ?
3. Васо андо Дес, кала витинэн лэ бэзэхэстар трэбуй сас тэ анэн и жэртвы?
3 Пэрво маменто. Кай о Иегова тэ прилэл амарэ жэртвы, амэнди трэбуй, кай во амэн тэ хвалий. Кажно бэрш, андо Дес, кала витинэн лэ бэзэхэстар, всаворэ израильтяноря стидэнаспэ еқэҭанэ, и о само баро рашай анэнас андэ жэртва лэ жывотнонэн. Кадэла жэртвы сас важ кода, кай и израильтяноря тэ на бистрэн, кай лэнди сас трэбуй тэ вивужардён лэ бэзэхэстар. Но англа кода, сар тэ зажал андо ҭан, пэ саво ԥэнэн Свынто май анда свынти, лэ жэртвенонэ ратэса, о само баро рашай терэлас кода, со май важно, чем тэ простинпэ и ӷрехоря всаворэ народости.
(Диқэн о абзацо 4.)i
4. Со, сар пистромэ андэ Левит 16:12, 13, терэлас о само баро рашай, кала пэрво разо зажалас андо Свынто май анда свынти, андэ кодэва Дес, кала витинэн лэ бэзэхэстар? (Диқэн и картинка пэ обложка.)
4 Адиносар Левит 16:12, 13b. Погиндосарам, со терэласпэ андо Дес, кала витинэн лэ бэзэхэстар. О само баро рашай зажалас андэ свынто бари катуна. Андэ кадэва дес лэсти прижаласпэ триварэс тэ зажал андо ҭан, пэ саво ԥэнэн Свынто май анда свынти, и када во зажалас пэрво разо. Андэ ек вас лэстэ чароро, андэ саво и смесь, сави драго қандэл, ай андэ авэр вас сомнаконо совко, андэ саво ԥэрдо ԥабардо янгар. Во тердёл англа занавеска, сар тэ зажал андо ҭан, пэ саво ԥэнэн Свынто май анда свынти. Во баря пативаса зажал интя и тердёл англа ковчеӷо. Када, можно тэ ԥэнэс, во тердёл, сар англа о Иегова! О рашай полокорэс вишол и свынто смесь, сави драго қандэл по ԥабардо янгар и андо воздухо лэл драго тэ қандэлc. Потом во упалэ зажалас андо Свынто май анда свынти, лэ жывотнонэндирэ ратэса, савэн динэ андэ жэртва важ о бэзэх. Шон сама, о само баро рашай сԥабарэл и смесь, сави драго қандэл англа кода, сар тэ анэн лэ жывотнонэско рат важ и жэртва.
5. Сости амэн сытярэл кода, кай о само баро рашай сԥабарэлас и смесь, сави драго қандэл, андо Дес, кала витинэн лэ бэзэхэстар?
5 Сости амэн сытярэл кода, кай о само баро рашай сԥабарэлас и смесь, сави драго қандэл, андо Дес, кала витинэн лэ бэзэхэстар? Андэ Библия кадэя смесь сыстон лэ молитвэнца, савэ ԥэнэнас и служытеля, савэ на парашэнас тэ кандэн лэ Иеговас (Псалом 141:2; Откровение 5:8). Сар сас пистромэ май англал, о само баро рашай сԥабарэлас и смесь, сави драго қандэл, англа Иегова баря пативаса. Кацавя пативаса и амэ дас дума лэ Иеговаса андэ молитва. Амэндэ андо ди каринг лэстэ бари патив. Сар жэ амэ блаӷодарни, кай кодэва, ко вся создал, домэкэл, кай амэ лэса тэ дружысарас кадя, сар и бэятцэ лэ дадэса (Иакова 4:8). Во полэл амэн, сар друӷонэн! (Псалом 25:14). Важ амэндэ када фартэ куч и амэ на камас никала лэс тэ холярас.
6. Сар кода, кай о само баро рашай трэбуй сас тэ сԥабарэл и смесь, сави драго қандэл, жы каринг кода, сар тэ анэн андэ жэртва лэ жывотнонэн, сыкавэлас по Иисусо?
6 Ай инке, о само баро рашай трэбуй сас тэ сԥабарэл и смесь, сави драго қандэл, жы каринг кода, сар тэ анэн андэ жэртва лэ жывотнонэн. Через када во патялас, кай о Иегова анда оди прилэла лэстири жэртва. Кадяжэ, и о Иисусо англа кода, сар тэ отдэл пэстири жызня, кай тэ витинэл всаворэн, трэбуй сас тэ стерэл варисо май важно, чем просто тэ спасый лэ манушэн. Кай о Иегова тэ прилэл лэстири жэртва, о Иисусо трэбуй сас вся и жызня тэ ашэлпэ вужо англа лэстэ и вся и время тэ кандэл. Кадэлэса о Иисусо сыкадоп, кай тэ терэл кода, со камэл о Иегова, кай када ек чачуно дром и доԥэндоп, кай кати лэ Иеговастири правления само справедливо.
7. Васо, кала о Иисусо жувэлас пэ ԥув, во радуияс лэ Иеговас?
7 Вся пэстири жызня о Иисусо андэ вся кандэлас лэ Иеговас. О Сатана камэлас, кай о Иисусо тэ стерэл варисо найдраго англа Дэл. Но дажэ ни о ԥаримос, ни мучительно смэрть, сави лэстэ сас трэбуй тэ авэл, нэ смоӷли тэ стерэн кадя, кай о Иисусо тэ на доԥэнэн, кай кати лэ Иеговастири правления со май лащи (Филиппийцам 2:8). Кала лэ Иисусости ашэля ԥарэс, во «анда вся ӷолосо и ясвэнца мангэласпэ» лэ Иеговасти (Евреям 5:7). Лэстирэ молитвы, савэ сас анда вся оди, сыкавэнас, кай во никала на ашавэла лэ Иеговас и поможынас лэсти, кай во инке май фартэ тэ кандэл. Важ о Иегова лэ Иисусостирэ молитвы сас, сар лашо запахо, саво жалас, кала ԥабарэнас и смесь, сави драго қандэл. О Иисусо пэстиря жызняса анэнас лэ Иеговасти ек и радость и доԥэнэнас, кай лэ Иеговастири правления со май лащи.
8. Со амэ сытювас кай о Иисусо?
8 Со амэ сытювас кай о Иисусо? Амэнди трэбуй анда вся о зор тэ старысавас тэ кандас лэ Иеговас и никала тэ на ашавас лэс. Амэ камас тэ радосарас лэ Иеговас и важ када, кала амэндэ ԥаримос, анда оди мангас, кай во тэ поможый амэнди. Кадэлэса амэ подритярас лэ Иеговастири правления. Амэ полас, если амэ терас кода, со на чалёл лэ Иеговасти, во на прилэла амарэ молитвы. Если амэ терас кадя, сар камэл о Иегова, амэ патяс, кай амарэ молитвы, савэ анда оди, чалён лэсти кадяжэ, сар и о лашо запахо, саво жалас, кала ԥабарэнас и смесь, сави драго қандэл. Амэ драго полас кода, кай амэ кандас лэ Иеговас и никала на ашаваса лэс, када радуий лэс, амарэ небеснонэ Дадэс (Притчи 27:11).
АМЭ СЛУЖЫСАРАС, ВАЖ КОДА КАЙ БЛАӶОДАРНИ И ЛЮБИСАРАС
(Диқэн о абзацо 9.)j
9. Васо и израильтяноря анэнас мирно жэртва?
9 Дуйто маменто. Амэ служысарас лэ Иеговасти, важ кода кай блаӷодарни. Кай май драго када тэ полас, роздиқам, васо андо Израилё анэнас мирни жэртвыd. Анда книӷа Левит амэ уӷанас, кай израильтяноря анэнас мирно жэртва «важ кода, кай сас блаӷодарни» (Левит 7:11—13, 16—18). Кадэя жэртва сас най обязательно, и анэнас ла кати кодэла, ко камэнас. Кадэя жэртва и мануша анэнас, важ кода кай любинас пэстирэ Дэвлэс лэ Иеговас. Мануш, саво анэнас андэ кадэя жэртва лэ жывотнонэс, потом халас лэ ереса лэ жывотнонэско мас и дэлас лэ рашанди. Но дэсавэ котора анда жывотно сас кати важ о Иегова. Савэ?
(Диқэн о абзацо 10.)k
10. Сар и мирно жэртва, пала сави пистромэ андэ Левит 3:6, 12, 14—16, поможый тэ полас, васо о Иисусо терэлас кода, со камэлас лэско Дад?
10 Трито маменто. Амэ любисарас лэ Иеговас, и важ када отдас лэсти со май лашо. Важ о Иегова о чичен сас со май лашо андо жывотно. Во кадяжэ сыкадя, кай и почки и букэ, сас фартэ цэни. (Адиносар Левит 3:6e, 12f, 14—16g.) Важ када лэ Иеговасти чалёлас, кала израильтяноря корко пэстар анэнас лэ жывотнонэстирэ почки и букэ и о чичен андэ жэртва. Кадэлэса вонэ сыкавэнас, кай камэн тэ отдэн лэ Дэвлэсти со май лашо. Кадяжэ и о Иисусо любияс лэ Иеговас и важ када отдэлас лэсти со май лашо, кала служыяс лэ Дадэсти анда вся оди (Иоанна 14:31). О Иисусо фартэ лошавэлас, кала терэлас кода, со камэл о Дэл (Псалом 40:8). Во фартэ любияс лэ Дэвлэско законо. Сар о Иегова лошавэлас, кала диқэлас, сар о Иисусо анда вся оди служый лэсти!
Через кода, кай любисарас лэ Иеговас, амэ отдас лэсти, со май лашо (Диқэн и абзацоря 9—12.)l
11. а) Соса шонпэ и мирно жэртва и амари служэния? б) Васо кадэлэстар ашэл вушэро по ди?
11 Мирно жэртва дэнас кодэла, ко екжэнэ када камэнас. Кадяжэ и амэ служысарас лэ Иеговасти, важ кода кай екжэнэ када камас. Амэ отдас лэсти вся, со май лашо, важ кода кай анда оди любисарас лэс. Кати погиндон, сар радуийпэ о Иегова, кала диқэл, кай милионоря лэстирэ служытеля любин лэс и лэстирэ законоря! Амэнди ашэл вушэро по ди, кала амэ ӷанас, кай о Иегова диқэл и цэний най кати амари дила, но и васо амэ када терас. Например, если тумэ ужэ най тэрнэ и на терэн андэ служэния скати камлоп тэ терэн, на бистрэн, кай о Иегова тумэн драго полэл. Тумэнди можэт тэ здэлпэ, кай тумэ набут терэн лэ Иеговастири дила. Но о Иегова ӷанэн, кай через кода, кай любин лэс, тумэ терэн вся, со па тумаро зор. Во лошало, кай тумэ служын лэсти анда вся оди.
12. Со сас кай о Иегова по ди, кала анэнас и мирно жэртва и васо када амэн подритярэл?
12 Со амэ сытювас кодэлэстар, кала анэнас и мирно жэртва? Кала и яг сԥабарэлас лэ жывотнонэстирэ лашэ котора, савэ анэнас андэ жэртва, и о ҭув ваздэласпэ каринг о нэбо, и када радуияс лэ Иеговас. Патян, кала тумэ андэ служэния отдэн вся, со май лашо, лэ Иеговас када кадяжэ фартэ радуий (Колоссянам 3:23). Кати погиндон, сар лэско муй светийпэ и асал, кала во диқэл пэр тумэндэ. Лэ Иеговасти всаек скати тумэ служын, бут чи набут. Важ лэстэ куч вся, со тумэ терэн и во када никала на бистрэла (Матфея 6:20; Евреям 6:10).
О ИЕГОВА БЛАӶОСЛОВИЙ ПЭСТИРИ АРӶАНИЗАЦЫЯ
13. Сар кода, со пистромэ андэ Левит 9:23, 24, сыкавэл, кай лэ Иеговасти чалелэ и рашая, савэн витидя?
13 Штарто маменто. О Иегова блаӷословий пэстири арӷанизацыя, сави пэ ԥув. Подам дума пала кода, со тердяпэ андо 1512 бэрш жы кай И. Х., кала паша плай Синаё стодэсас и свынто бари катуна (Исход 40:17). О Моисеё стердя обрядо, андэ саво о Аароно и лэстирэ шавэ ашэлэ рашанца. О израильско народо стидяпэ, кай тэ диқэл, сар и рашая пэрво разо лэ жывотнонэн анэна андэ жэртва (Левит 9:1—5). Сар о Иегова сыкадя, кай лэсти чалелэ кадэла рашая? Кала о Моисеё и Аароно блаӷословисардэ лэ народос, лэ Иеговастар па нэбо сжыля и яг и сԥабардя вся, со сас по жэртвеннико. (Адиносар Левит 9:23, 24h.)
14. Васо важ амэндэ фартэ важно, кай о Иегова подритярдя лэ Ааронос и лэстирэ шавэн, савэн во стодя рашанца?
14 Со сыкадя и яг, сави сжыля па нэбо? Кадя о Иегова сыкадя, кай подритярэл лэ Ааронос и лэстирэ шавэн, савэн во стодя тэ авэн рашая. Кала и израильтяноря диқлэ, сар о Иегова подритярэл лэ рашан, вонэ полинэ, кай трэбуй кадяжэ андэ вся тэ подритярэн лэн. Поджал када каринг амэндэ чи най? Канешно. Всаворэ рашая, савэ сас андо Израилё, када сас «тень» кодэлэсти, кай авэла о Само баро рашай о Иисус Христос и 144 000 царёря и рашая, савэ лэна тэ служын лэса по нэбо (Евреям 4:14; 8:3—5; 10:1).
О Иегова блаӷословий и диқэл пала пэстири арӷанизацыя. Амэ анда вся оди ла подритярас (Диқэн и абзацоря 15—17.)a
15, 16. Сар о Иегова сыкавэл, кай подритярэл лэ «кандинэс и годявэрнэс рабос»?
15 Андо 1919 бэрш о Иисусо стодя дэсавэн манушэн памазаниконэн, кай вонэ тэ авэн «кандино и годявэрно рабо». Кадэва рабо диқэл пала кода, кай тэ жал и дила важ и проповедь и тэ дэл лэ Христостирэ учениконэнди «о хамос, кала када трэбуй» (Матфея 24:45). Дицол амэнди андэ када, кай о Дэл подритярэл лэ кандинэс и годявэрнэс рабос чи най?
16 О Сатана и люма, савяса во правий, терэн вся, кай о кандино и годявэрно рабо тэ на терэл и дила, сави дя лэсти о Христос. Если о Иегова тэ на подритярдоп лэ кандинэ и годявэрнэ рабос, лэстэ на хутилдоп зор када тэ терэл. Сас дуй мирови войны, андэ всаворэ страны сас ԥарэс лэ ловэнца, на парашэнас тэ ӷонин лэ чачунэ христианонэн и найдраго лэнца обжанас. Но кандино и годявэрно рабо на парашэлас тэ дэл вся, со трэбуй, кай тэ авэл лащи дружба лэ Дэвлэса. Погиндон, дэ бут амэндэ адес библейско литература. Ла вимэкэн май бут чем пэ 900 шыба, и кажно можэт тэ лэл ла би ловэнго. Амэ всаворэ драго полас, кай вся када подритярэл о Иегова! Инке ек, со сыкавэл, кай о Иегова подритярэл лэ кандинэс и годявэрнэс рабос, када кай на парашас тэ росԥэнас и лащи весть. И лащи весть па чачимастэ росԥэнэн «па вся и ԥув» (Матфея 24:14). Амэ патяс, кай о Иегова диқэл пала пэстири арӷанизацыя и фартэ блаӷословий ла.
17. Сар тэ сыкавас, кай амэ подритярас лэ Иеговастири арӷанизацыя?
17 Авелоп драго тэ пушэс пэстар: «Ай мэ блаӷодарно, кай андэ лэ Иеговастири арӷанизацыя?» Адес бут, со доԥэнэн, кай амэн подритярэл о Иегова, кадяжэ сар и андэ кодэя время, кала жувэлас о Моисеё и о Аароно, кала сжыля и яг па нэбо. Амэндэ па чачимастэ исин, васо тэ блаӷодарисарас лэ Дэвлэс (1 Фессалоникийцам 5:18, 19). Сар амэ можэм тэ сыкавас, кай подритярас лэ Иеговастири арӷанизацыя? Амэ трэбуй тэ терас кадя, сар сытярэл и Библия через амари литература, через и собрании и через и канӷрэсоря. А инке амэ сыкавас, кай подритярас лэ Иеговастири арӷанизацыя, кала бут росԥэнас важ о Дэл и сытярас лэ манушэн па Библия (1 Коринфянам 15:58).
18. Со ту камэс тэ терэс?
18 Давайте ласа тэ терас кода, со амэ уӷанглям анда книӷа Левит. Амэ камас, кай лэ Иеговасти тэ чалён амарэ жэртвы. Амэ служысарас лэ Иеговасти, важ кода кай блаӷодарни лэсти. Амэ отдас лэ Иеговасти со май лашо, со амэндэ исин, важ кода кай амэ лэс анда вся оди любисарас. Амэ анда вся оди подритярас лэстири арӷанизацыя. Кадэлэса амэ сыкавас лэ Иеговасти, кай важ амэндэ бари бах тэ авас лэстирэ свидетеля!
ДИЛИ 96 Божье Слово — сокровище
a Андэ книӷа Левит запистромэ и законоря, савэ о Иегова дя лэ Израилёсти. Хоть кадэла законоря и христианоря на ритярэн, но вонэ моӷут бут сости амэн тэ сытярэн. Андэ кадэя статья амэ подаса дума, сости можэм тэ сытювас анда книӷа Левит.
b Левит 16:12, 13: «Во лэла сосудо важ о янгар, андэ саво ԥэрдо ԥабардо янгар па жэртвеннико, саво англа Иегова, и дуй жмэни похурдярдо фимиамо и заандярэла вся када пала занавеска, сави розделий. Во стола о фимиамо пэ яг англа Иегова, и о ҭув лэ фимиамостар оптидэла и крышка по ковчеӷо важ о доӷоворо, кай во тэ на мэрэл».
c Смесь, сави драго қандэл, сԥабарэнас андо ҭан, пэ саво ԥэнэн Свынто май анда свынти. И смесь сас свынто, и андо Израилё када мэкэнас тэ терэн кати тоди, кала тэлёнас лэ Иеговасти (Исход 30:34—38). И нинай ни кай пистромэ, кай андэ пэрво вико и христианоря сԥабарэнас кадэя смесь, кай тэ тэлён лэ Дэвлэсти.
d Кай май бут тэ уӷанэс пала мирно жэртва, дик и статья «Приношения» андэ инцыклапедия «Понимание Писания».
e Левит 3:6: «Кала во анэн лэ Иеговасти андэ мирно жэртва найбарэ скотос, лэс чи ла, во трэбуй тэ анэн лэс, кай во тэ на авэл насвало».
f Левит 3:12: «Кала во анэн лэ бузнэс, мэк стол лэс англа Иегова».
g Левит 3:14—16: «Акэ со во анэна лэ Иеговасти, сар жэртва, сави сԥабарэн пэ яг, када о чичен андрал, и вся о здоро, лэдуй почки и о чичен, саво пэр лэндэ, паша шолдо. Лэ почкэнца мэк вилэл о чичен, саво пэ букэ. О рашай сԥабарэла вся када по жэртвеннико. Кадэва хамос, саво сԥабарэн пэ яг важ и жэртва, о запахо, саво лэстар жал, чалёл лэ Дэвлэсти. Вся о чичен важ о Иегова».
h Левит 9:23, 24: «Тоди о Моисеё и о Аароно зажылэ андэ катуна, кай стидэнпэ, ай кала вижылэ андар латэ, блаӷословисардэ лэ народос. И о Иегова сыкадя всаворэ народости пэстири слава. О Иегова бишалдя яг, сави сԥабардя вся, со сас важ и жэртва, и о чичен по жэртвеннико. Кала и мануша диқлэ када, вонэ зацыписайлэ и пэлинэ тэлэ моса».
i Пэ картинка. Андо Дес, кала витинэн лэ бэзэхэстар, о израильско само баро рашай зажалас андо ҭан, саво сас Свынто май анда свынти ла смесяса, сави драго қандэл и лэ ԥабардэ янгарэса, кай андо воздухо драго тэ қандэл. Потом во упалэ зажалас андо Свынто май анда свынти лэ ратэса анда жывотни, савэн динэ андэ жэртва важ о бэзэх.
j Пэ картинка. О израильтянино отдэл лэ рашасти лэ бакрорэс, кай тэ анэн мирно жэртва. Кадэлэса во лэ ереса сыкавэл, кай блаӷодарни лэ Иеговасти.
k Пэ картинка. Кала о Иисусо сас пэ ԥув, во ритярэлас лэ Дэвлэстирэ законоря и поможыяс пэстирэ учениконэнди тэ ритярэн и законоря. Кадэлэса во сыкавэлас, кай фартэ любий лэ Иеговас.
l Пэ картинка. Ԥэй, сави андэ бэршэндэ, росԥэнэн лащи весть через и письморя. Вой старыийпэ тэ служый лэ Иеговасти, хоть латэ найдраго лэ зорэса.
a Пэ картинка. Андо февралё андо 2019 бэрш о ԥрал Геррит Лёш, саво служый андо Руководящё совето ԥэндя, кай вижыля «Нэвэ мироско переводо», саво пэрэдиқлэ пэ немецко шыб. Вазвещятеля андэ Германия, машкар савэ кадэла дуй ԥэя, лошалэ тэ служын ла нэвя Библияса.