ХРИСТИАНСКО ДРОМ
Ритяр лэ Иеговаско законо, кай тэ авэс вужо англа лэстэ пэ дила и андо гиндо
О Иегова стодя пэско законо, сар и мануша трэбуй тэ андярэн пэс. Во ворта ԥэндя, кай кодэла, ко женисайлэ нащи тэ розжанпэ (Мф 19:4—6, 9). О Дэл ԥэндя, со авэла важ люби билажавардэ отношения (1Кр 6:9, 10). Кадяжэ во ԥэнэн, со гиндосарэл пала кода, сар о мануш тэ утидэлпэ, сави йда тэ витидэл, сави причёска тэ терэл. Лэско народо приашундёлпэ каринг кадэла гиндоря, и ашэл най кацаво, сар и мануша андэ кадэва миро (Вт 22:5; 1Тм 2:9, 10).
Андэ амарэ деса бут ко на кандэн лэ Иеговас (Рм 1:18—32). Вонэ ритярдёнпэ кодэлэсти, сар модно андэ кадэва миро тэ андярэн пэс, тэ утидэнпэ и тэ терэн причёска. И мануша путён кодэлэса, кай билажавардэс пэс андярэн, и асанпэ кодэлэндар, ко ритярэл лэ Дэвлэско законо (1Пт 4:3, 4).
Амэ лэ Иеговастирэ свидетеля и важ када трэбуй тэ тердювас важ лэско законо (Рм 12:9). Сар када тэ терас? Амэ ворта, но ковлэс, ԥэнас аврэнди, со чалёл лэ Дэвлэсти, а со най, ай инке амэ пэс вужэс андярас. Кала витидэс, со тэ лэс пэр пэстэ, сави причёска тэ терэс, пуш пэстар: «Васо мэ када витидав, кай ритярав лэ Дэвлэско законо или, кай ритярав и мода кадэлэ мирости? Сыкавэл кода, сар мэ утидо и сави мандэ йда, кай мэ камав тэ радосарав лэ Дэвлэс?» Ай кала витидэс, сар тэ отцыёс, погиндосар пала када. 1) Чалёла лэ Иеговасти кадэва кино или кода, со жал па телевизоро? 2) Кала мэ диқав кода, со куч важ и мануша, закамава и мэ када тэ терав чи най? 3) Кода, сар мэ камав тэ отцыював, дэла помощь, кай мэ май фартэ авава тэ ритярав лэ Дэвлэско законо? (Пс 101:3). 4) Кодэлэстар, со мэ витидав, может тэ авэл кадя, кай мэрно родо и авэр мануша закамэна тэ ашавэн лэ Иеговас чи най? (1Кр 10:31—33).
Васо када важно тэ ритярас лэ Дэвлэско законо? Важ кода кай о Иисус Христос йто улэла па ԥув всаворэн, ко терэл найлашимос (Иез 9:4—7). Пэ ԥув ашэнапэ кати кодэла, ко кандэн лэ Иеговас (1Ин 2:15—17). Вся время ритярам лэ Дэвлэско законо, кай авэр, ко диқэн пар мэндэ, сар амэ пэс андярас, тэ прославляют лэ Дэвлэс! (1Пт 2:11, 12).
Со мэ сыкавава кодэлэса, сар мэ утидо?
ДИК МУЛЬТИКО «СТАНЬ ДРУГОМ ИЕГОВЫ. ОДИН МУЖЧИНА, ОДНА ЖЕНЩИНА» И ДЭ ОТВЕТОРЯ ПЭ КАДЭЛА ВОПРОСОРЯ
Васо годявэрнэс тэ жувэс па лэ Дэвлэско законо?
Васо и родителя трэбуй тэ росԥэнэн лэ бэятонэнди инке андэ цыкнэ бэрша пала лэ Иеговаско законо?
Сар и взросли и бэятцэ могут тэ дэн помощь аврэнди, кай вонэ тэ ашэн лэ Иеговастирэ другоря?