Лэ Иеговасти чалён кодэла, ко любин вужимос

«Вихалав и вас. Поприлэ андэ комната. Вишулав о поло. Виандяр о мусоро». Кадя бут родителя сытярэн вужимасти пэстирэ бэятонэн. Но спэрва о законо пала вужимос стодя амаро свынто Дэл (Исход 30:18—20; Второзаконие 23:14; 2 Коринфянам 7:1). Лэ Иеговасти анэн честь, кала амэ и вся, со амэндэ исин, вужо (1 Петра 1:14—16). Ай саво амэндэ о цэр и града? И христианоря най сар авэр мануша, савэ вишон о мусоро по дром и андэ паркоря. И христианоря диқэн, кай и Ԥув тэ авэл вужи (Псалом 115:16; Откровение 11:18). Дажэ кода, каринг амэ вишас и бумажки па конфеторя, и банки па паи и жывачки, сыкавэл, со важ амэндэ о вужимос. Андэ вся амэ камас тэ андярас пэс кадя, кай авэр тэ диқэн, кай амэ лэ Дэвлэстирэ служытеля (2 Коринфянам 6:3, 4).

ДИК ВИДЕО «О ИЕГОВА ЛЮБИЙ ВУЖЭ НАРОДОС» И ДЭ АТВЕТОРЯ ПЭ КАДЭЛА ВОПРОСОРЯ.

• Со ԥэнэн дэсавэ мануша пэ кода, кай лэндэ мэлалимос?

• Со амэ уӷанас анда лэ Моисеёско законо пала кода, сар о Дэл диқэл по вужимос?

• Сар можно би алавэнго тэ прославляем лэ Иеговас?