Вонэ дэна па северо

1. а) Сар виарақэнас атветоря пэ пэстирэ вопросоря о ԥрал Расселло и кодэла, ко кадяжэ камэнас тэ полэн и Библия? б) Васо кода, сар вонэ родэнас атветоря, сас вушэро?

МАЙ БУТ чем шэл бэрш палпалэ о ԥрал Чарлзо Тейзо Расселло ля тэ стидэлпэ лэ манушэнца, кай май драго тэ полэн лэ Дэвлэско Алав, и Библия. Кодэлэ манушэн сас найбут. Вонэ закамлэ драго тэ полэн о чачимос анда Библия пала Дэл Иегова, пала Иисусо, пала выкупо и пала кода, со терэлапэ лэ манушэса посли смэрть. Кода, сар вонэ родэнас атветоря пэ кадэла вопросоря, сас найԥарэс. Варико ек задэлас вопросо, ай авэр адинонас всаворэ стихоря пэ кадэя тема. Тоди всаворэ дэнас дума пала кода, со проадиносардэ. Кала вонэ полэнас, кай кадэла стихоря сжанаспэ ек еқэса, вонэ, стидэнас кадэла гиндоря и запистронас лэн. О Иегова блаӷословисардя и дила, сави терэнас кадэла христианоря анда оди. Вонэ уӷанглэ со май ӷлавно анда Библия. Кадэва чачимос куч амэнди и акана.

2. Васо можно най кадя, сар трэбуй, тэ полас о пророчество анда Библия?

² Кодэла мануша, савэ камэнас драго тэ розлэнпэ андэ Библия йто полинэ, кай ек дила тэ полэн, сости сытярэл и Библия, ай авэр дила тэ полэн и пророчества анда Библия. Васо? Пэрво, и мануша лэн тэ полэн и пророчества кати тоди, кала диқэн пэстирэ яқэнца, сар вонэ терэнпэ чи тоди, кала вонэ ужэ стердэпэ. Дуйто, кай правильно тэ полэн и пророчества, трэбуй тэ роздиқэн всаворэ алава андар лэндэ. Ай если тэ шон сама кати пэ дэсавэ алава и тэ на шон сама пэ вся, со котэ пистромэ, тоди можно тэ полэн и пророчества най кадя. Кадя и вижыля, кала розлэнас о пророчество анда книӷа Иоиль. Сгиндосарам, пала со ԥэнэнпэ андэ кадэва пророчество и подам дума, васо трэбуй лэс тэ полас па аврятэ.

3, 4. Сар дэ май англал амэ поласас о пророчество анда книӷа Иоиль 2:7—9?

³ Адиносар Иоиль 2:7—9b. О Иоилё ԥэнэн, кай англэ по Израилё дэла и саранча и шушарэла вся и ԥув. Кадэя саранча найобычно. Латэ «данда, сар кай о лево...». Вой чорымаса похал вся, со пэ лако дром (Иоиль 1:4, 6). Бут бэрша амэ гиндосарасас, кай кадэя саранча, сави сас фартэ бут и ла нисар на тердярэса, сыкавэлас по Иеговаско народо, саво росԥэнэн лэстири весть. Амэ гиндосарасас, кай амари дила, кай росԥэнас важ о Дэл, шушарэла и «ԥув». Аврэ алавэнца, анэна найлашимос лэ манушэнди, савэ патян лэ барэдэрэнди андэ хохавнэ верыc.

⁴ Если тэ диқас кати пэ алава анда Иоиль 2:7—9, тоди здэлапэ, кай дэ май англал амэ правильно поласас о пророчество. Но сар шаса сама, со пистромэ англа кадэва пророчество и посли лэстэ, тоди додиқаса, кай трэбуй тэ полас лэс па аврятэ. Пэ када исин штар причины.

ШТАР ПРИЧИНЫ, ВАСО ТРЭБУЙ ТЭ ПОЛАС О ПРОРОЧЕСТВО ПА АВРЯТЭ

5, 6. Со амэ камас тэ пушас, кала адиносарас а) Иоиль 2:20? б) Иоиль 2:25?

⁵ Кай тэ полас пэрво причина, трэбуй тэ шас сама пэ кода, пала со дя алав о Иегова. Ай во дя алав, кай дэла и саранча: «Кодэлэс, ко авеля па северо [када и саранча], мэ видаравава тумэндар» (Иоиль 2:20). Если и саранча сыкавэл лэ Иеговастирэ свидетелёнэн, савэ кандэн лэ Иисусос, росԥэнэн важ о Дэл и сытярэн лэ учениконэн, тоди васо о Иегова дя алав, кай лэн видаравэла? (Иезекииль 33:7—9; Матфея 28:19, 20). Амэ полас, кай о Иегова видаравэла най пэстирэн служытелёнэн, савэ на парашэн тэ кандэн, ай кодэлэн, ко жал против лэско народо.

⁶ Пала дуйто причина уӷанаса, кала проадиносараса Иоиль 2:25. О Иегова ԥэндя: «Мэ лашимаса тумэнди рисарава важ кодэла бэрша, андэ савэ вся похаля разно саранча, тэрни саранча, саранча, сави вурял, и и саранча, сави вся римой. Када мэрно баро войско, саво мэ бишалдэм каринг тумэндэ». Шон сама, кай о Иегова дэл алав, кай рия палпалэ кода, со и саранча похаля. Если и саранча сыкавэл кодэлэн, ко росԥэнэн важ лэ Дэвлэско Царство, тоди вижал лэндири весть трэбуй тэ анэн ԥаримос. Но па чачимастэ, кадэя весть спасый и жызня и через латэ и мануша, савэ терэн бэзэх, моӷут тэ закамэн тэ каинпэ (Иезекииль 33:8, 19). Када анэна бах важ и мануша!

7. Васо трэбуй тэ шос сама пэ алава «посли кода» анда книӷа Иоиль 2:28, 29?

⁷ Адиносар Иоиль 2:28, 29d. Акана подам дума пала трито причина. Уӷанаса, со пала со трэбуй тэ авэл андо пророчество. Шон сама, кай о Иегова ԥэндя, кай дэла пэско свынто духо «посли кода», сар и саранча стерэла пэстири дила. Если и саранча сыкавэл кодэлэн, ко росԥэнэн важ лэ Дэвлэско Царство, тоди, васо во дэла пэско свынто духо посли кода, сар вонэ парашэна тэ росԥэнэн важ о Дэл? Если лэндэ тэ на авелоп лэ Дэвлэско свынто духо, тоди лэндэ на вижылоп тэ росԥэнэн важ о Дэл бут бэрша, хоть пэр лэндэ тасавэнас и дажэ заԥандавэнэс лэндири дила.

8. Ко када и саранча, пала сави пистромэ андэ Откровение 9:1—11? (Диқэн и картинка пэ обложка.)

⁸ Адиносар Откровение 9:1—11e. Акана уӷанаса пала штарто причина. Сас время, кала амэ гиндосарасас, кай и саранча анда пророчество Иоиль, сыкавэл пэ амари дила, кай амэ росԥэнас пала Дэл. Амэ гиндосарасас кадя, важ кода кай андэ книӷа Откровение исин пророчество, саво шолпэ по пророчество анда книӷа Иоиль. Андэ кадэва пророчество анда книӷа Откровение кай и саранча манушыканэ муя, ай пэ шэрэ «варисо, сар короны, кабута анда сомнак» (Откровение 9:7). И саранча терэлас найдраго лэ «манушэнди [лэ Иеговастирэ вороӷонэнди], савэндэ нинай по чикат печать лэ Дэвлэстар». Кадя сас панч шона, скати жувэл и саранча (Откровение 9:4, 5). Када драго поджал каринг и памазаникоря, савэ служын лэ Иеговасти. Вонэ смило росԥэнэн пала сындо, саво виандярдя о Дэл важ и люма, андэ сави бут найлашимос. Када фартэ найдраго важ кодэла, касти чалёл и люма, савяса правий о Сатана.

9. Соса на шонпэ и саранча анда книӷа Иоиль и анда книӷа Откровение?

⁹ О пророчество анда Откровение и о пророчество анда книӷа Иоиль бут соса шонпэ. Но лэндэ исин и кода, соса вонэ фартэ на шонпэ. Со када? Анда пророчество, саво пистросардя о Иоилё и саранча похал вся, со барёл пэ лако дром (Иоиль 1:4, 6, 7). Ай андэ книӷа Откровение ла саранчати сас ԥэндо тэ на терэл вэрыто «нисости, со барёл пэ ԥув» (Откровение 9:4). И саранча, савя додиқля о Иоилё, авеля па северо (Иоиль 2:20). Ай кодэя, савя додиқля о Иоанно, вижыля анда пропасть (Откровение 9:2, 3). Ла саранча анда пророчество андэ книӷа Иоиль о Иегова видаравэл. Ай ла саранча анда Откровение о Иегова на видаравэл, ай розришый лати тэ дотерэл кода, со вой терэл. Нисо на сыкавэл, кай вой на чалёл лэ Иеговасти. (Диқэн и рамка «И пророчества пала саранча. Соса вонэ на шонпэ?».)

10. а) Еқэндар чи най и саранча анда книӷа Иоиль и анда книӷа Откровение? б) Росԥэнэн, сар андэ Библия моӷут еқэ алавэса тэ ԥэнэн пэ кода, со на шолпэ ек еқэса.

¹⁰ Кода, кай вонэ на шонпэ, сыкавэл, кай кадэла пророчества най еқэндар. Вижал чи най, кай и саранча, пала сави жал и дума андэ книӷа Иоиль, и и саранча, пала сави дэлпэ дума андэ Откровение, када най еқэндар? Да. И андэ када нинай нисо. Андэ Библия еқэ алавэса моӷут тэ ԥэнэн пэ кода, со на шолпэ ек еқэса. Ԥэнаса, андэ Откровение 5:5 по Иисусо ԥэнэн «Лево анда лэ Иудастири племя», ай андэ 1 Петра 5:8 по Сатана ԥэнэн, кай во «о лево, саво рычий». Исин бут вопросоря пала кода, сар дэ май англал поласас и алава анда книӷа Иоиль. Када сыкавэл, кай трэбуй па аврятэ тэ полас кадэва пророчество. Сар лэс тэ полас?

СО СЫКАВЭЛ О ПРОРОЧЕСТВО?

11. Сар и алава анда книӷа Иоиль 1:6 и 2:1, 8, 11 дэн тэ полас, кас сыкавэл и саранча?

¹¹ Если тэ шас сама пэ авэр стихоря анда пророчества андэ книӷа Иоиль, тоди драго дицола, кай и дума жал пала кода, кай дэна войнаса (Иоиль 1:6; 2:1, 8, 11). О Иегова ԥэндя, кай бишалэла «баро войско» (када о вавилонско войско), кай тэ дэн пэ израильтяноря, важ кода кай вонэ на кандэнас лэ Иеговас (Иоиль 2:25). О Иегова ԥэнэн, кай о войско, саво захутилэла, «авеля па северо», важ кода кай и вавилонски воиноря трэбуй сас тэ дэн по Израилё ворта котар (Иоиль 2:20). Кадэла воиноря шонпэ пэ саранча, сави драго терэл пэсти дила. О Иоилё пала лэндэ ԥэнэн: «Вонэ на толкыин ек еқэс, кажно жал англэ. [...] Вонэ дэн по форо, заӷулен пэ стина, ваздэнпэ пэ цэра, заӷулен андэ фэлястры, сар чора» (Иоиль 2:8, 9). Представь пэсти, везде и вавилонски воиноря. Лэндар никай на загарадёса. И нико на спасыяпэ лэндирэ мечонэндар!

12. Сар стердяпэ о пророчество анда книӷа Иоиль пала саранча?

¹² Андэ 607 бэрш жы каринг о И. Х. и вавилоняноря (када халдеёря), сар саранча динэ по Иерусалимо. Андэ Библия пала када ԥэнэнпэ кадя: «Во [Иегова] андя против лэндэ лэ халдеёнэндирэ царёс, саво умардя лэ мечоса лэндирэ тэрнэ манушэн андэ лэ Дэвлэско храмо. Во на жалуисардя ни лэ тэрнэ манушэс, ни ла тэрня манушня, ни лэ ԥурэс, ни кодэлэс, кастэ на сас зор. О Дэл вся отдя андэ лэстирэ вас. Во сԥабардя лэ чачунэ Дэвлэско цэр, розмардя лэ Иерусалимостирэ стины, сԥабардя всаворэ састэ башни и на ашадя нисо, со сас кучутно» (2 Летопись 36:17, 19). Кодэва, ко диқэлас ригатар пэ када вся, моӷ тэ ԥэнэн пала кадэя ԥув кати ек: «Кадэя ԥув ашэля шущи, пэр латэ нинай ни лэ манушэн, ни лэ жывотнонэн. Ла отдинэ лэ халдеёнэнди» (Иеремия 32:43).

13. Росԥэнэн, сар трэбуй тэ полас о пророчество, саво запистромэ андэ Иеремия 16:16, 18?

¹³ Варикай через 200 бэрш посли кода, сар о Иоилё пистросардя пэско пророчество, о Иегова через о Иеремия ԥэрнадя инке варисо пала кода, кала дэна войнаса. Во ԥэндя, кай кодэла, ко лэла тэ захутилэл, лэна тэ родэн лэ израильтянонэн, савэ терэнас о найлашимос, и стерэна лэн рабонэнца. Андэ Иеремия 16:16, 18 пистромэ: «О Иегова ԥэнэн: „Мэ бишалдэм пала рыбакоря, савэн фартэ бут, вонэ лэна тэ астарэн лэн. Ай тоди мэ бишалава пала фартэ бут охотникоря, и вонэ лэна тэ охотяца пала лэндэ пэ всаворэ барэ и цынёне плая и андэ всаворэ ямы андэ плая. ...Мэ рисарава лэнди пала вся лэнго бэзэх и пала лэндирэ ӷрехоря“». И израильтяноря, савэ на каинпэ, нэ смоӷут тэ гарадён лэ вавилонсконэ воинонэндар ни андэ ӷлыбоки океаноря ни андэ ӷусти вэша.

РИЯПЭ О ЛАШИМОС, САВО САС

14. Кала стердяпэ кода, со запистромэ андэ книӷа Иоиль 2:28, 29?

¹⁴ Андэ книӷа Иоиль запистромэ лащи новость. И ԥув упалэ авэла лащи (Иоиль 2:23—26). Посли када авэла кацави время, кала о чачимос важ о Дэл лэна тэ росԥэнэн бутэ манушэнди. О Иегова дя алав: «Мэ дава пэско свынто духо разнонэ манушэнди, и тумарэ шавэ и щея авэна тэ росԥэнэн, со авэла англэ. [...] И дажэ пэстирэ слуӷонэнди и лэ служанкэнди мэ дава пэско духо» (Иоиль 2:28, 29). О Дэл дя пэско свынто духо най тоди, кала и израильтяноря рисайлэ андэ пэстири ԥув анда Вавилоно, ай кала прожыля бут бэрша. Када сас андэ Пятидесятница андо 33 бэрш лэ И. Х. Катар амэ када ӷанас?

15. Савэ алава парудя о Пётро анда книӷа Иоиль 2:28 и со када сыкавэл?

¹⁵ О апостоло Пётро ԥэндя, кай о пророчество анда книӷа Иоиль 2:28, 29 поджал каринг кодэя время, кала сас и Пятидесятница андо 33 бэрш лэ И. Х. Кадэва гиндо лэстэ сас лэ Дэвлэстар. Андэ Пятидесятница варикай андо 9 часо тэсараса, о Дэл стердя чуда. Во дя пэско свынто духо лэ Иисусостирэ учениконэнди. Тоди вонэ линэ тэ дэн дума «пала бари лэ Дэвлэстири дила» (Деяния 2:11). О Иегова стердя кадя, кай о Пётро набут тэ парувэл и алава андо пророчество анда книӷа Иоиль. (Адиносар Деяния 2:16, 17f.) Шутэ тумэ сама, сар паруделэ и алава? И алава «посли кода» о Пётро парудя пэ алава «андэ послидни деса» (катэ и дума жал пала послиднё время англа кода, сар розмардэ о Иерусалимо андо 70 бэрш лэ И. Х.) О Дэл дэла пэско свынто духо «разнонэ манушэнди». Када сыкавэл, кай кадэва пророчество анда книӷа Иоиль стердяпэ кати тоди, сар прожыля най ек шэл бэрш.

16. Сар о свынто духо поможыяс тэ росԥэнэн пала Дэл андэ пэрво вико и андэ амарэ деса?

¹⁶ Посли кода, сар андэ пэрво вико о Дэл дя пэско свынто духо лэ христианонэнди, вонэ линэ тэ росԥэнэн пала лэстэ. Прожыля время и пала Иегова уӷангля вся и люма. Кала о апостоло Павло пистросардя пэско письмо важ и колоссяноря (када сас варикай андэ 61 бэрш лэ И. Х.), можно сас тэ ԥэнэн, кай лащи весть важ о Дэл «росԥэндэ всаворэнди пэ вся люма» (Колоссянам 1:23). Кала о Павло ԥэндя пала разни мануша, во дя дума пала мануша, савэ жувэнас андэ лэстири время. Андэ амарэ деса пала Дэл уӷанглэ фартэ бут мануша. И лащи весть росԥэнэнпэ «жы кай ла ԥувьятирэ краёря»! (Деяния 13:47). И вся када терэлпэ, важ кода кай о Дэл дэл пэско зор, када лэско свынто духо. (Диқэн и рамка «Мэ дава мэрно духо».)

СО ПАРУДЕЛЯ?

17. Сар паруделя кода, сар амэ поласас о пророчество анда книӷа Иоиль пала саранча?

¹⁷ Со паруделя? Акана амэ май драго полас о пророчество анда книӷа Иоиль 2:7—9. Андэ кадэла стихоря ԥэнэнпэ най пала кода, кай амэ служысарас бут и анда вся оди, ай пала кода, кай вавилонско войско дэла по Иерусалимо андэ 607 бэрш жы кай И. Х.

18. Со на паруделя важ лэ Иеговастирэ служытеля?

¹⁸ Со на паруделя? Лэ Иеговастирэ свидетеля на парашэн тэ росԥэнэн и лащи весть, сар кати можно и кай бы вонэ тэ на авелоп (Матфея 24:14). Амэн на тердярэла кода, кай амари дила ԥандавэн. Амэн подритярэл о Иегова, важ када амэ фартэ бут росԥэнас пала Дэл. Амэ смило росԥэнас и лащи весть важ о Царство! Амэ прижанас, кай тэ полас и пророчества анда Библия амэ можэм кати, если о Иегова дэла тэ полас. И амэ патяс, кай кала авэла трэбуй, во сыкавэла о дром каринг вся о чачимос (Иоанна 16:13).