Со амэ уӷанаса пала Дэл анда кода, кай во рия каринг и жызня лэ манушэн, савэ мулинэ?

1. Васо о Иегова дя и жызня?

ВАРИКАЛА о Иегова сас екжэно и кадэлэстар лэсти на сас скучно. И во радуияспэ, дажэ кала никас на сас. Но о Дэл камэлас, кай и авэр тэ радуинпэ ла жызняти. И важ кода кай любий, о Иегова ашэля Создателё (Псалом 36:9; 1 Иоанна 4:19).

2. Со сас по ди кай о Иисусо и кай и анӷелоря, кала диқэнас, сар о Иегова вся создавал?

² Спэрва о Иегова создал кодэлэс, ко терэлас дила еқэҭанэ лэса, пэстирэ Шавэс. Потом вмести лэса о Дэл стердя вся, ай кадяжэ фартэ бутэ анӷелонэн (Колоссянам 1:16). О Иисусо сас лошало тэ терэл дила пэстирэ Дадэса (Притчи 8:30). И анӷелоря кадяжэ лошавэнас. Вонэ кабута бэшэнас андэ пэрво рядо и диқэнас, сар о Иегова и лэско лашо мастеро, о Иисусо, создавали о нэбо и ԥув. Сар кадэла лэ Дэвлэстирэ шавэ сыкавэнас, со лэндэ по ди? Вонэ «линэ ӷромко тэ хвалин лэс» (Иов 38:7). Вонэ хвалинас лэ Дэвлэс, кала и ԥув сас стерди, и на парашэнас тэ хвалин лэс, кала диқэнас, сар во создал вся авэр, ай со май фартэ, кала во создавал лэ манушэн (Притчи 8:31). Андэ вся, со стердя о Иегова, дицол лэстири любовь и мудрость (Псалом 104:24; Римлянам 1:20).

3. Со, сар запистромэ андэ 1 Коринфянам 15:21, 22, андя лэ Иисусостири жэртва?

³ О Иегова загиндосардя, кай и мануша тэ жувэн вечно пэ шукарни ԥув, сави во стердя. Но о Адамо и Ева жылэ против пэско небесно Дад, саво лэн любияс. И важ када вонэ и лэндирэ потомкоря линэ тэ мэрэн и ужэ нэ моӷли тэ жувэн вечно (Римлянам 5:12). Со о Иегова стердя? Во сразу ԥэндя, кай спасыя лэ манушэн, савэ жана лэндар, и росԥэндя, сар во када стерэла (Бытие 3:15). О Иегова дя алав, кай отдэла пэстирэ Шавэс, лэ Иисусос, кай тэ витинэл лэ Адамостирэ и ла Еватирэ потомконэн, кай вонэ тэ авэн свободни лэ ӷрехостар и ла смэртятар. Кадя во сможэт тэ дэл вечно жызня кажнонэсти, ко закамэла лэсти тэ служый (Иоанна 3:16; Римлянам 6:23; адиносар 1 Коринфянам 15:21, 22b).

4. Пала со амэ подаса дума андэ кадэя статья?

⁴ Кала амэ уӷанас, кай о Иегова рия каринг и жызня кодэлэн, ко муля, амэндэ появинпэ бут вопросоря. Сар во лэла тэ рий каринг и жызня? Ӷатяраса амэ амарэн чачен чи най? Пэ скати дэ бари радость када амэнди анэна? Сар дицол через кода, кай о Дэл рия каринг и жызня, кай во любящё, мудро и ӷанэн тэ аштярэл? Погиндосарам пала када.

САР О ДЭЛ РИЯ КАРИНГ И ЖЫЗНЯ КОДЭЛЭН, КО МУЛЯ?

5. Васо можно тэ ԥэнас, кай кодэла, ко мулинэ, на ринапэ андэ ек время каринг и жызня?

⁵ Кала о Иегова через пэско Шаво рия каринг и жызня фартэ бутэ манушэн, файма, най всаворэ андэр лэндэ ринапэ каринг и жызня андэ ек время. Васо? О Иегова ӷанэн, кай важ кода кай и мануша тэ жувэн мирно, трэбуй тэ авэл порядко (1 Коринфянам 14:33). Важ кода кай, если пэ ԥув появинапэ сразу бут мануша, тоди на авэла порядко. Но о Иегова нэ можэт тэ домэкэл кацаво. Кадяжэ о Иегова мудро и во ӷанэн тэ аштярэл. Када дицэля тоди, кала во лэ Иисусоса терэлас, кай пэ ԥув тэ авэл вся важ о мануш. Кала о Иисусо лэла тэ правий тысяча бэрш, во точно кадя жэ сыкавэла пэстири мудрость и кай ӷанэн тэ аштярэл. Када дицола тоди, кала во еқэҭанэ кодэлэнца, ко пэрэжувэла о Армагеддоно, лэла тэ терэл, кай пэ ԥув тэ авэл вся важ и мануша, савэ ринапэ каринг и жызня.

6. Савэ мануша, сар запистромэ андэ Деяния 24:15, авэна машкар кодэла, кас о Иегова рия каринг и жызня?

⁶ Но май важно кода, кай кодэлэнди, ко пэрэжувэла о Армагеддоно, авэла трэбуй тэ сытярэн лэ Иеговастирэ законости и тэ росԥэнэн пала лэско Царство о чачимос кодэлэнди, ко ринапэ каринг и жызня. Васо када май важно? Важ кода кай машкар кодэла, касти о Дэл рисарэла и жызня, май бут авэна «нэправедни». (Адиносар Деяния 24:15c.) Лэнди авэла трэбуй бут андэр со тэ парудён, кай тэ получин о лашимос, саво исин амэндэ через лэ Иисусостири жэртва. Кати погиндон, скати трэбуй авэла зор, кай тэ сытярэн лэ чачимасти пала Иегова фартэ бутэ манушэн, савэ на ӷанэн пала лэстэ нисо. Ласа амэ тэ сытярас па Библия по ек мануш, сар адес сытярас чи сразу бутэн? Ԥэнэна лэнди, кай вонэ трэбуй тэ ԥирэн андэ собрания? Лэна вонэ тэ сытён тэ сытярэн аврэн, ко рияпэ каринг и жызня посли лэндэ? Кала пожуваса, тоди диқаса. Но амэ ӷанас тоди, кала парашэла тэ правий о Иисусо тысяча бэрш, «пала Иегова уӷанэна па вся и ԥув» (Исаия 11:9). Амэ тераса фартэ бут интересно бути андэ кадэя тысяча бэрш!

7. Васо лэ Иеговастирэ служытеля трэбуй тэ подритярэн лэ манушэн, савэ ринапэ каринг и жызня, и савэн вонэ лэна тэ сытярэн?

⁷ Кала о Иисусо правия тысяча бэрш, всаворэ лэ Иеговастирэ служытеля, савэ жувэна пэ ԥув, на парашэна тэ стон зор, кай тэ парудёнпэ. Вонэ када терэна, важ кода кай тэ радуин лэ небеснонэ Дадэс. Амэнди авэла трэбуй тэ подритярас кодэлэн, ко рияпэ каринг и жызня, кала вонэ лэна тэ парудён и кала лэна тэ улэн найлашэ гиндоря. И кадяжэ ласа тэ поможысарас лэнди, кай вонэ тэ жувэн па лэ Иеговастирэ законоря (1 Петра 3:8). Вонэ додиқэна, кай лэ Иеговастирэ служытеля на гиндон пала пэстэ бут, на парашэн тэ парудёнпэ и «домардён, кай тэ спасынпэ». Важ када вонэ закамэна еқэҭанэ амэнца тэ тэлён лэ Дэвлэсти (Филиппийцам 2:12).

СМОЖЭМ АМЭ ТЭ ӶАТЯРАС КОДЭЛЭН, КО ЖУНДЁЛА?

8. Васо амэ гиндосарас, кай ӷатяраса кодэлэн, ко рияпэ каринг и жызня?

⁸ Васо амэ гиндосарас, кай сможэм тэ ӷатярас кодэлэн, ко жундёла? Важ кода кай кадя сас най еқвар, кала о Иегова рияс каринг и жызня лэ манушэн, савэ жувэнас дэлмут. Вижал, о Иегова рия лэ манушэн каринг и жызня кацавэ жэ гиндонэнца, вонэ авэна кацавэ, савэ сас пар пэстэ, и вонэ лэна кадя жэ тэ дэн дума, сар и дэнас дума. О Иисусо сыстосардя и смэрть лэ сунэса. Ай кала о мануш рийпэ каринг и жызня, во сыстосардя кодэлэса, сар о мануш прошолпэ (Матфея 9:18, 24; Иоанна 11:11—13). Кала варико прошолпэ лэ сунэстар, лэстэ кацаво жэ видо, ӷолосо и во вся сэрэл. Погиндосарам, со сас лэ Лазарёса. Во на сас жундо штар дес, и лэсти тила ужэ қандэлас. Но кала о Иисусо рисардя лэ Лазарёс каринг и жызня, лэстирэ ԥэя сразу лэс ӷатярдэ, и екжэно о Лазарё лэн сэрэлас (Иоанна 11:38—44; 12:1, 2).

9. Васо, кала о мануш рияпэ каринг и жызня, лэсти годи и тила на ашэна совершэни сразу?

⁹ О Иегова дэл алав, кай кала о Иисусо правия тысяча бэрш, нико на ԥэнэна, кай лэстэ варисо дуқал (Исаия 33:24; Римлянам 6:7). Вижал, всаворэ кодэла, ко ринапэ каринг и жызня, авэна здорови. Но када на сыкавэл, кай вонэ сразу авэна совершэни. Тоди лэндирэ чаче лэн на ӷатярдоп. Кала о Иисусо правия тысяча бэрш, и мануша ашэна совершэни най сразу. И кала о Царство стерэла, со камэл о Иегова, ай кадяжэ стерэла, кай и мануша тэ авэн совершэни, тоди о Иисусо рия о Царство пэстирэ Дадэсти (1 Коринфянам 15:24—28; Откровение 20:1—3).

САВИ ЛОШ АМЭНДИ АНЭНА КОДА, КАЙ И МАНУША ЖУНДЁНА?

10. Со тумэндэ авэла по ди, кала тумэ упалэ диқэна пэстирэ чачен, савэ жундёна?

¹⁰ Со тумэндэ авэла по ди, кала упалэ додиқэна пэстирэ чачен, савэн заля и смэрть? Можэт тумэ лэна радостятар тэ асан, ай можэт лэна тэ ровэн радостятар? Ай можэт лэна тэ дилабэн важ о Иегова? Но можно тэ ԥэнас точно, кай тумэ лэна инке май фартэ тэ любин тумарэ небеснонэ Дадэс, саво заботийпэ пала тумэндэ, ай кадяжэ лэстирэ Шавэс, саво бут пэр со жыля важ тумэндэ. Блаӷодаря лэнди кодэла, ко мулинэ смоӷут упалэ тэ жувэн.

11. Со авэла по ди кодэлэндэ, ко лэла тэ ритярэл лэ Дэвлэско законо, и сар када сжалпэ кодэлэса, со пистромэ андэ Иоанна 5:28, 29?

¹¹ Мануша, савэ упалэ лэна тэ жувэн, фартэ лошавэна кодэлэсти, кай линэ тэ парудён, кай тэ жувэн па лэ Дэвлэско законо. Лэнди о Иегова дэла вечно жызня пэ ԥув. Ай кодэлэнди, ко на закамэла тэ парудёнпэ, во на дэла, кай вонэ тэ терэн варисо, кай тэ на авэл мирно пэ ԥув, и на домэкэла, кай вонэ тэ ашэнпэ андо раё (Исаия 65:20; адиносар Иоанна 5:28, 29d).

12. Сар о Иегова блаӷословия всаворэн, ко лэла тэ жувэл пэ ԥув?

¹² Лэ Дэвлэско Царство лэла тэ правий пэ ԥув, и тоди всаворэ лэ Дэвлэстирэ служытеля додиқэна, кай кода, со пистромэ андэ Притчи 10:22, када чачимос. Котэ пистромэ: «Лэ Иеговастири блаӷословения дэл бут лашимос, и во каринг када на дэл дук». Блаӷодаря кодэлэсти, кай о Иегова дэл пэско свынто духо, кай лэстирэ служытеля авэла инке май лащи дружба лэса. Ай кадяжэ вонэ лэна тэ андярэн пэс, сар о Иисусо, и када лэндэ вижала май драго и май драго (Иоанна 13:15—17; Эфесянам 4:23, 24). Дес десэстар лэнго зор авэла май лашо, ай кадяжэ лэндэ вижала май драго тэ сыкавэн пэстирэ лашэ качестворя. Сави дэ бахтали жызня тоди лэндэ авэла! (Иов 33:25). Но сар кода, кай амэ дас дума пала кодэя время, сави авэла, поможыя амэнди ужэ акана?

СО АМЭ УӶАНАС ПАЛА ЛЭ ИЕГОВАСТИРИ ЛЮБОВЬ?

13. Сар и алава анда Псалом 139:1—4 сыкавэн, кай о Иегова амэн драго ӷанэн, и сар во сыкавэла када, кала лэла тэ рий лэ манушэн каринг и жызня?

¹³ Сар амэ ужэ дям дума, кала о Иегова лэла тэ рий лэ манушэн каринг и жызня, вонэ лэна тэ сэрэн кода жэ, со и сэрэнас, и вонэ авэна кацавэ жэ, савэ и сас. Кати погиндон, саво о Иегова! Во кадя фартэ амэн любий, кай сэрэл всаворэ амарэ гиндоря, алава, дила и вся, со амэндэ сас по ди. Важ кода, если авэла трэбуй тэ рий лэ манушэс каринг и жызня, о Иегова вушэро рия лэс кацавэса, саво во и сас. О царё Давидо ӷанэнас, пэ скати дэ драго о Иегова ӷанэн кажнонэс андар мэндэ. (Адиносар Псалом 139:1—4e.) Со амэндэ по ди кодэлэстар, кай о Иегова амэн кадя драго ӷанэн?

14. Со амэндэ по ди, кала амэ гиндосарас, кай о Иегова вся пала амэндэ ӷанэн?

¹⁴ На трэбуй тэ пэрэжываем пала кода, кай о Иегова вся пала амэндэ ӷанэн. Васо? Важ кода кай о Иегова фартэ амэн любий и кажно андар мэндэ лэсти куч. Во сэрэл вся, со сас андэ амари жызня и полэл, васо амэ ашэлям кацавэ, савэ исин акана. Сар дэ драго када тэ ӷанас! Погиндон, вся и время о Иегова пашэ и камэл тэ поможый (2 Летопись 16:9). Вижал, амэ никала на ашасапэ екжэнэ.

СО АМЭ УӶАНАС ПАЛА ЛЭ ИЕГОВАСТИРИ МУДРОСТЬ?

15. Васо, кай о Иегова рия каринг и жызня, кодэлэн ко муля, сыкавэл лэстири мудрость?

¹⁵ Бутэ манушэндэ исин дар ла смэртятар. Важ када и мануша, савэ камэн тэ стерэн аврэнди вэрыто, моӷут тэ тасавэн пэр лэндэ, кай вонэ тэ отԥэндёнпэ лэ друӷонэндар чи кодэлэстар, андэр со патян. Ай если вонэ на отԥэндён, вонэ даравэн, кай умарэна лэн. Но амэ на дарас кадэлэстар, важ кода кай ӷанас, если дажэ амарэ враӷоря одлэна амари жызня, о Иегова рия ла амэнди (Откровение 2:10). Амэ ӷанас, кай нико и нисо нэ можэт тэ заставий амэн тэ парашас тэ служысарас лэ Иеговасти (Римлянам 8:35—39). О Иегова дя алав, кай рия каринг и жызня кодэлэн, ко муля. Андэ када дицол лэстири бари мудрость! Важ када амэ на дарас, кала кодэла, ко кандэл лэ Сатанас, даравэн, кай умарэна амэн, если амэ на ласа тэ терас кода, со вонэ ԥэнэн. Када дэл амэнди зор, со бы тэ на авэл, тэ на парашас тэ кандас лэ Иеговас.

16. а) Со трэбуй пэстар тэ пушэс? б) Сар тирэ атветоря поможына тэ полэс, пэ скати ту патяс лэ Иеговасти?

¹⁶ Патяса ту, кай о Иегова сможэт тэ рий тут каринг и жызня, если лэстирэ вороӷоря ԥэнэна, кай камэн тэ умарэн тут? Сар тэ полэс, ӷотово ту каринг када чи най? Можно тэ пушэс пэстар: «Дицол па кода, со мэ витидав кажно дес, кай мэ патяв лэ Иеговасти?» (Луки 16:10). Инке можно тэ пушэс: «Сыкавэл кода, пэр со ужал мэрни время и мэрнэ ловэ, кай андэ мэрни жызня лэ Дэвлэско Царство пэ пэрво ҭан? И дицол па мэрни жызня, кай мэ патяв, кай о Иегова дэла манди вся, со трэбуй важ и жызня?» (Матфея 6:31—33). Если ту дэс атвето пэ кадэла вопросоря «да», када сыкавэл, кай ту па чачимастэ патяс лэ Иеговасти и ӷотово каринг любо ԥаримос (Притчи 3:5, 6).

СО АМЭ УӶАНАС ПАЛА КОДА, КАЙ О ИЕГОВА ӶАНЭН ТЭ АШТЯРЭЛ?

17. а) Сар кода, кай о Иегова жундярэла лэ манушэн, сыкавэл, кай во ӷанэн тэ аштярэл? б) Сар тэ сыкавас, кай амэ блаӷодарни лэ Иеговасти важ кода, кай во ӷанэн тэ аштярэл?

¹⁷ О Иегова ужэ витидя о дес и о часо, кала улэла и люма, савяса правий о Сатана (Матфея 24:36). Ай жы каринг кодэя время во лэла тэ аштярэл. Канешно, во фартэ камэл тэ рий кодэлэн, ко муля, но на лэла када тэ терэл, пока на пашол май лащи время (Иов 14:14, 15). Во аштярэл, кай тэ рий лэн каринг и жызня (Иоанна 5:28). Амэ блаӷодарни лэ Иеговасти, важ кода кай во ӷанэн тэ аштярэл. Блаӷодаря кодэлэсти бутэ манушэндэ, ай кадяжэ и амэндэ, исин время тэ каисавас (2 Петра 3:9). О Иегова камэл со май бутэ манушэнди тэ дэл вечно жызня. Ласа тэ блаӷодарисарас лэс важ кода, кай во ӷанэн тэ аштярэл. Сар када тэ терас? Трэбуй тэ стас вся о зор, кай тэ виарақас кодэлэн, кас цырдэл «каринг о чачимос, саво дэл вечно жызня», и тэ поможысарас лэнди тэ полюбин лэ Иеговас и тэ служын лэсти (Деяния 13:48). Тоди вонэ, сар и амэ, екжэнэ полэна, пэ скати дэ куч кода, кай о Иегова ӷанэн тэ аштярэл.

18. Васо амэнди трэбуй тэ ӷанас тэ аштярас?

¹⁸ О Иегова лэла тэ аштярэл и время, кала амэ ашаса совершэни. Када авэла, кала лэла тэ кончийпэ лэ Иисусостири Тысячелетнё правления. Ай жы каринг кодэя время во камэл тэ простий амэнди амарэ ӷрехоря. Трэбуй тэ терас, сар о Иегова, тэ шас сама, со исин лашо андэ мануша и тэ на холявас пэр лэндэ. Акэ, со ԥэнэн ек ԥэй, савятэ о хулай парашэля тэ ԥирэл пэ собрания, важ кода кай лэстэ появисайля кацаво ԥаримос, кай во ля тэ дарал и ля фартэ тэ пэрэжывает. Лэстэ када сас, сар насвалимос. Вой росԥэнэн: «Манди сас фартэ ԥарэс. Вся, со амэ камасас тэ стерас, ужэ амэндэ на вижала». Но вой на шолас сама пэ када, и на грабияс тэ холявэл и терэлас лашимос важ пэско хулай. Вой патялас лэ Иеговасти и на умэкэлас и вас. Сар и о Иегова, кадэя ԥэй на диқэлас ек кати пэ проблема, ай диқэлас пэ кода, со исин лашо андэ лако хулай. Вой ԥэнэн: «Кай мэрно хулай исин бут лашэ качестворя. И во анда вся зор камэл тэ победий кадэва ԥаримос, саво лэстэ ляпэ, мэк и полокорэс». Фартэ важно, кай амэ тэ на холявас пэ амаро родо, ай кадяжэ пэ ԥрала и ԥэя андэ собрания, савэндэ исин пэско ԥаримос!

19. Со амэ камас тэ терас?

¹⁹ О Иисусо и анӷелоря фартэ радуинаспэ, кала и ԥув сас создано. Но погиндон, савэ вонэ авэна лошалэ тэ додиқэн и ԥув, пэ сави жувэн ек и совершэни мануша, савэ любин лэ Иеговас и савэ лошалэ, кай лэсти служын. Ай савэ лошалэ авэна кодэла, ко правия вмести лэ Иисусоса, кала диқэна, скати лашимос анэн всаворэ манушэнди кода, со вонэ терэн (Откровение 4:4, 9—11; 5:9, 10). Сави дэ райкани авэла тоди жызня, кала и мануша лэна тэ ровэн кати ла радостятар, ай о насвалимос, биды и смэрть будэр никала на авэна (Откровение 21:4). Ай акана трэбуй тэ сытювас кай амаро небесно Дад, саво любящё, мудро и ӷанэн тэ аштярэл. Тоди, саво бы ԥаримос амэндэ тэ на авэл, амэ на парашаса тэ лошавас (Иакова 1:2—4). Амэ фартэ блаӷодарни лэ Иеговасти, кай авэла кацави время, кала кодэла, ко мулинэ, лэна упалэ тэ жувэн! (Деяния 24:15).