«На дэ тэ отцыёл пэстирэ вастэсти»

1, 2. Со исин еқэндар андэ кода, со запистромэ андэ Экклезиаст 11:6 и кай росԥэнас пала Царство?

АНДЭ дэсавэ страны и мануша фартэ камэн тэ ашунэн, со росԥэнэнпэ андэ Библия. Ай андэ авэр страны лэ манушэнди най фартэ интересно, ко када о Дэл и со запистромэ андэ Библия. Ай котэ, кай тумэ жувэн, и мануша камэн тэ ашунэн пала Дэл чи най? Сар бы тэ на авэл, о Иегова камэл, кай амэ тэ росԥэнас пала лэстэ, пока во на ԥэнэна хутила.

² О Иегова ужэ витидя время, кала парашэна тэ росԥэнэн пала лэстэ, и «тоди авэла конец» (Матфея 24:14, 36). Ай со акана амэ можэм тэ терас, кай амаро вас тэ на отцыёлb? (Адиносар Экклезиаст 11:6c.)

3. Со амэ уӷанаса анда кадэя статья?

³ Андэ кодэя статья амэ дям дума, со поможыя амэнди драго тэ росԥэнас пала Дэл (Матфея 4:19). Ай андэ кадэя статья амэ уӷанаса, со поможыя амэнди со бы тэ на авэл, тэ на парашас тэ росԥэнас пала Дэл. Амэ уӷанаса, васо трэбуй, пэрво, тэ сэрас, со важ амэндэ май ӷлавно. Дуйто, васо трэбуй тэ аштярас и трито, васо трэбуй тэ на парашас фартэ тэ патяс лэ Дэвлэсти.

СЭРЭН, СО ВАЖ ТУМЭНДЭ СО МАЙ ӶЛАВНО

4. Васо трэбуй тэ сэрас, кай со май ӷлавно тэ терас и дила, сави амэнди дя о Иегова?

⁴ О Иисусо росԥэндя, со авэла, сар пашола о конец кадэла люмати, савяса правий о Сатана. О Иисусо ӷанэнас, кай через кода, со авэла андэ люма, лэстирэ ученикоря моӷут тэ парашэн тэ росԥэнэн пала Дэл. Важ када во и ԥэндя лэнди: «Вся время терэн кода, со камэл о Дэл» (Матфея 24:42). Кода, со на дэлас лэ манушэнди андэ лэ Ноёсти время тэ приашундён, можэт тэ на дэл и амэнди (Матфея 24:37—39; 2 Петра 2:5). Важ када важ амэндэ трэбуй тэ авэл со май ӷлавно тэ терас и дила, сави дя о Дэл.

5. Пэ скати дэ бут пэ ԥув лэна тэ ӷанэн пала Царство, сар пистромэ андэ Деяния 1:6—8?

⁵ Адес важ амэндэ со май ӷлавно, тэ росԥэнас важ о Царство. О Иисусо ԥэндя, кай посли кода, сар во мэрэла, лэстирэ ученикоря на парашэна тэ росԥэнэн пала Царство и дажэ росԥэнэна май бутэнди, чем кала во сас пэ ԥув (Иоанна 14:12). Но кала о Иисусо муля, дэсавэ упалэ линэ тэ астарэн о мащё. Посли кода, сар о Дэл рисардя и жызня лэ Иисусости, о Иисусо стердя чуда. Во стердя кадя, кай лэстирэ ученикоря тэ астарэн фартэ бут маще. Посли када во дя дума лэнца, кай со май важно дила, када тэ росԥэнэн пала Царство (Иоанна 21:15—17). Англа кода, сар о Иисусо вазгляпэ по нэбо, во ԥэндя лэ учениконэнди, кай кадэя дила лэна тэ терэн най кати андо Израилё. (Адиносар Деяния 1:6—8d.) Сар прожылэ бут бэрша, о Иисусо стердя кадя, кай о апостоло Иоанно тэ диқэл видения пала кода, со лэла тэ терэлпэ андэ лэ Ӷосподоско десe. Кадяжэ о Иоанно додиқля кода, состар лэсти ашэля драго по ди. Во додиқля, кай лэ анӷелостэ сас лащи новость важ «кажно нацыя, ери, народо и шыб» (Откровение 1:10; 14:6). Вижал, адес о Иегова камэл, кай амэ тэ росԥэнас пала Царство па вся и ԥув, пока вся кадэя дила на авэла стерди.

6. Со поможыя амэнди тэ на бистрас, кай со май важно дила, када тэ росԥэнас пала Царство?

⁶ Амэ на бистраса, сави дила со май ӷлавно, если ласа тэ гиндосарас, сар дэ фартэ амэнди поможый о Иегова. О Иегова бут со дэл, кай амэ тэ уӷанас лэс. Када амари литература, сави кадяжэ исин пэ амаро сайто, аудио и видео, ай кадяжэ Бродкастинго. Кати погиндон, пэ амаро сайто можно тэ виарақас бут со пала Дэл и май бут чем пэ 1 000 шыба! (Матфея 24:45—47). Мануша андэ люма на ладин, важ кода кай подритярэн разнонэ манушэн андэ политика, по разному патян андо Дэл, ай кадяжэ, важ кода кай дэко барвало, ай дэко чороро. Но май бут чем восемь милионоря лэ Дэвлэстирэ служытеля, кай бы вонэ тэ на жувэн, ладин и полэн ек еқэс, сар ԥрала. Например, лэ Иеговастирэ свидетеля андэ пятница 19 апреля андо 2019 бэрш па вся и люма диқлэ о видео, кай о ԥрал росԥэнэнас, сар тэ полас о стихо, саво сас по 19 апреля. Андэ кодэва жэ дес вэчэром 20 919 041 мануша, авелэ пэ Иисусостири Вечеря. Сави жэ када бах, тэ диқас пэстирэ яқэнца, скати мануша авелэ пэ Вечеря и тэ поможысарас андэ када! Если амэ на бистрас пала вся када, тоди амэ на парашаса тэ росԥэнас пала Царство.

7. Сар лэ Иисусоско примеро поможый тэ на бистрас, кай тэ росԥэнас пала Дэл фартэ важно?

⁷ Лэ Иисусоско примеро поможый амэнди тэ на бистрас, кай тэ росԥэнас пала Дэл фартэ важно. Во отшолас вся, со лэсти на дэлас тэ росԥэнэн о чачимос пала Дэл (Иоанна 18:37). О Иисусо на подяпэ, кала о Сатана ԥэндя лэсти, кай во тэ хулаий понад всаворэ ла люматирэ царстворя и кодэлэса, со лэндэ исин. Кадяжэ во на подяпэ, кала и мануша закамлэ тэ стерэн лэс пэстирэ царёса (Матфея 4:8, 9; Иоанна 6:15). О Иисусо на камэлас тэ розбарвадёл и во на даралас, кай лэс жэстоко ӷонина (Луки 9:58; Иоанна 8:59). Кала через о ԥаримос, саво амэндэ исин, амэнди можэт тэ авэл ԥарэс тэ патяс лэ Иеговасти, тоди амэ трэбуй тэ шас сама пэ Павлостирэ алава. Во ԥэнэнас лэ христианонэнди, кай вонэ тэ сытён лэ Иисусостар, кай тэ на умэкэн и вас и тэ на сдэнпэ (Евреям 12:3). Если амэ кадя тераса, тоди амэндэ вижала тэ на парашас тэ росԥэнас пала Дэл.

ТРЭБУЙ ТЭ ӶАНАС, САР ТЭ АШТЯРАС

8. Васо трэбуй тэ ӷанас, сар тэ аштярас?

⁸ Амэ бут, кала аштярас. Аштярас, кала ужала варисави проблема или кала аштярас кода, со фартэ камас. О пророко Аввакумо камэлас тэ диқэл, кала и мануша анда Иуда парашэна тэ андярэн пэс жэстоко (Аввакум 1:2). Лэ Иисусостирэ ученикоря гиндонас, кай йто авэла кацаво Царство, саво стерэла, кай о римско правительство парашэла тэ правий лэ иудеёнэнца (Луки 19:11). И амэ аштярас кодэва дес, кала лэ Дэвлэско Царство улэла вся о найлашимос и стерэла, кай пэ ԥув тэ авэл раё, кай жувэна мануша, савэ кандэн лэ Дэвлэс (2 Петра 3:13). Ай пока амэ трэбуй тэ аштярас и время, кала о Иегова стерэла када. Погиндосарам, сар о Иегова сытярэл амэн, кай амэ тэ ӷанас, сар тэ аштярас.

9. Со сыкавэл амэнди, кай о Иегова ӷанэн тэ аштярэл?

⁹ Нико на ӷанэн кадя тэ аштярэл, сар о Иегова. Важ када амэ камас тэ сытювас лэстар. Во дя лэ Ноёсти время, сави лэсти хутилдоп, кай во тэ строий о ковчеӷо и тэ росԥэнэн лэ манушэнди, кай авэла конец важ кадэя найлащи люма (1 Петра 3:20; 2 Петра 2:5). О Иегова виашунэлас лэ Авраамос, кала во ԥэнэнас, кай пэрэжывает, кай о Иегова умарэла билажавардэ манушэн анда Содомо и Гоморра (Бытие 18:20—33). О Иегова бут время аштярэлас, кай и израильтяноря, савэ най еқвар парашэнас лэс тэ кандэн, тэ парудён (Неемия 9:30, 31). Кадя жэ и адес амэ диқас, кай о Иегова ӷанэн тэ аштярэл. Во дэл время всаворэ манушэнди, савэ камэн тэ ашэн лэстирэ друӷоря, кай вонэ «тэ каинпэ пала кода, со най кадя стердэ» (2 Петра 3:9; Иоанна 6:44; 1 Тимофею 2:3, 4). Кода, кай о Иегова ӷанэн тэ аштярэл, сытярэл амэн тэ андярас пэс кадя жэ, сар во, кала росԥэнас лэ манушэнди пала Царство и сытярас лэн па Библия. Кадяжэ андэ Библия исин инке ек примеро, через саво о Иегова сытярэл амэн, кай амэ тэ ӷанас тэ аштярас.

10. Сости амэ сытювас кай о мануш, пала саво запистромэ андэ Иакова 5:7, 8?

¹⁰ Адиносар Иакова 5:7, 8f. Амэ можэм тэ сытювас тэ аштярас кай о мануш, саво залэлпэ ла ԥувьяса. Дэсо барёл йто, но кай тэ авэл уражаё и лэс тэ стидэн, трэбуй бут время. Андо Израилё шов шона сеинас и стидэнас о уражаё. Осенью, кала прожанас и пэрви брышында, о мануш, сеияс пэ мал, ай сар прожанас и послидни брышында, во стидэлас о уражаё (Марка 4:28). Амэнди кадяжэ трэбуй тэ ӷанас тэ аштярас, сар и аштярэлас кадэва мануш, но када можэт тэ авэл найвушэро.

11. Сар кода, кай амэ ӷанас тэ аштярас и на холявас, поможый амэнди андэ служэния?

¹¹ Найсовершэни мануша сразу камэн тэ диқэн, со вижыля анда кода, со вонэ стердэ. Но кай тэ авэл уражаё, трэбуй кай о мануш тэ на парашэл тэ диқэл пала кода, со камэл тэ посадий. Спэрва, во трэбуй тэ пэрэӷанавэл и ԥув, потом тэ посадий, и тэ на бистрэл тэ шол пэр лэстэ паи и тэ вишынэл и чар. Кадяжэ и амэ, кала сытярас лэ манушэн па Библия, трэбуй вся и время тэ стас зор. Амэ нэ можэм тэ застависарас лэ манушэс, савэс сытярас па Библия, кай во май фартэ тэ патял лэ Дэвлэсти. Инке, кадэва мануш можэт найдраго тэ гиндой пала авэр или лэсти можэт тэ авэл всаек пэ вся. Кацавэ гиндоря шонпэ пэ бурьяноря, савэ во трэбуй тэ вишынэл ку корнё анда оди. И пэ када трэбуй время. Дэкала дажэ лэ Иисусостирэ ученикоря най сразу полэнас, сости во лэн сытярэлас (Иоанна 14:9). Если амэ ӷанас тэ аштярас, кала росԥэнас пала Дэл, амэ на ласа тэ холявас, кала и мануша на ашунэн амэн. Но и дажэ тоди, кала амэн камэн тэ ашунэн, амэ всаек трэбуй тэ аштярас. Ласа тэ сэрас, кай амэ кати садисарас и шас паи, но барярэл о Дэл (1 Коринфянам 3:6).

12. Андар со дицол амари терпения, кала росԥэнас пала Дэл лэ родости?

¹² Дэкала найвушэро тэ аштярас и тэ на холявас, кала амэ росԥэнас пала Дэл лэ родости, савэ на патян амэнца андо ек Дэл. Тоди амэнди поможын и алава анда Экклезиаст 3:7: «Исин время тэ ашэс мулком, ай исин время тэ дэс дума». Амэ можэм тэ росԥэнас амарэ родости пала Дэл би алавэнго. Када кала амэ драго пэс андярас. И андэ кодэя жэ время, амэ трэбуй всегда тэ авас ӷотови тэ росԥэнас, андэр со амэ патяс (1 Петра 3:1, 2). Канешно, амэ камас анда вся оди тэ росԥэнас пала Дэл и тэ сытярас лэ манушэн па Библия. Но амэ трэбуй тэ сэрас, кай всаворэнца, ай кадяжэ амарэ родоса, трэбуй тэ авас терпеливи.

13, 14. Росԥэнэн пала лэ Иеговастирэ служытеля, савэндар амэ можэм тэ сытювас тэ аштярас?

¹³ Амэ кадяжэ можэм тэ сытювас кай о пророко Аввакумо, кай о апостоло Павло и кай авэр лэ Иеговастирэ служытеля, тэ аштярас и тэ на холявас. О Аввакумо хоть и фартэ камэлас, кай тэ кончийпэ вся о найлашимос, во ӷанэнас тэ аштярэл. Во ԥэндя, кай лэла тэ аштярэл и тердёла котэ, кай тердёл о сторожо (Аввакум 2:1). Ай о Павло всаворэ одеса служыяс пэ ԥув, но камэлас тэ получий и наӷрада по нэбо. Во на парашэлас тэ аштярэл и драго тэ росԥэнэн пала Дэл (Деяния 20:24).

¹⁴ Ай акэ, со сас еқэ ереса, савэ сытелэ андэ школа Галаад. Лэн бишалдэ тэ служын андэ страна, кай мало лэ Иеговастирэ свидетелёнэн и май бут миро, савэ жувэнас котэ, на патянас андо Иисусо. Андэ кадэя страна почти нико на камэлас тэ сытёл па Библия. Ай авэр ԥрала и ԥэя, каса сытеля кадэва ери андэ школа Галаад, бишалэнас лэнди письморя, андэ савэ росԥэнэнас, сар лэндэ дэ драго жалас и служэния. Почти всаворэ, кас вонэ сытярэнас па Библия, болдёнас. Но кадэва ери на парашэлас тэ росԥэнэн пала Дэл, хоть лэнди здэласпэ, кай лэндири служэния евья, важ кода кай почти нико на камэлас лэн тэ ашунэн. Но када сас най кадя. Через восемь бэрш болделя и манушни, савя вонэ сытярэнас па Библия. Со сас еқэндар машкар о пророко Аввакумо, о апостоло Павло и кадэва ери? Кадэла лэ Иеговастирэ служытеля, на парашэлэ тэ терэн лэ Дэвлэстири дила и на дэнас тэ отцыён пэстирэ вастэнди. О Иегова блаӷословисардя лэн, важ кода кай вонэ ӷанэнас тэ аштярэн. Сытювам «кодэлэндар, кастэ сас вера и терпения» и тоди амэндэ, сар и лэндэ авэла кода, пала со о Дэл дя алав (Евреям 6:10—12).

НА ПАРАШЭН ФАРТЭ ТЭ ПАТЯН ЛЭ ДЭВЛЭСТИ

15. Васо амэ камас май бут тэ росԥэнас, со пистромэ андэ Библия?

¹⁵ Амэ патяс андэ кода, со росԥэнас, и важ када камас тэ росԥэнас пала Дэл со май бутэ манушэнди. Амэ патяс андэ кода, со пистромэ андэ Библия (Псалом 119:42; Исаия 40:8). Амэ диқас, сар пэ амарэ яқа терэнпэ и пророчества анда Библия, и сар и Библия парувэл лэ манушэн андэ лащи риг. Важ када амэ май фартэ патяс, кай о чачимос пала Царство трэбуй тэ ашунэл кажно мануш.

16. Сар и алава анда Псалом 46:1—3 сыкавэн, кай кода, кай амэ патяс андо Иегова и андо Иисусо, поможыя амэнди тэ служысарас?

¹⁶ Амэ патяс андо Иегова, саво пэрво ԥэндя и лащи новость, ай кадяжэ андо Иисусо, савэсти о Иегова дя власть тэ авэл Царё андэ лэско Царство (Иоанна 14:1). Со бы круӷом тэ на терэлпэ, о Иегова авэла важ амэндэ «кодэва, кастэ амэ гарадювас» и кодэва, ко дэл амэнди зор. (Адиносар Псалом 46:1—3g.) Инке амэ патяс, кай пала служэния пэ ԥув диқэл о Иисусо, и лэсти пэ када о зор и власть дя о Иегова (Матфея 28:18—20).

17. Росԥэнэн о случаё, саво сыкавэл, васо амэ на трэбуй тэ парашас тэ росԥэнас пала Царство.

¹⁷ Кода, кай амэ патяс лэ Иеговасти, поможый амэнди тэ патяс, кай во блаӷословия кода, кай амэ стас зор андэ служэния, и дэкала во терэл када кадя, сар амэ на аштярас (Экклезиаст 11:6). Кажно дес тысячи мануша прожан мимо амарэ стэндоря важ и литература. Када фартэ поможый амэнди тэ росԥэнас пала Дэл. Андэ «Наше священное служение», пала ноябрё 2014 бэрш, акана када «Тетрадка, кай тэ сытювас», росԥэнэнас пала ек тэрни манушни, сави сытёлас андо университето и сави камэлас тэ уӷанэн пала лэ Иеговастирэ свидетеля, кай тэ пистрой пала лэндэ. Вой камэлас тэ виарақэл о Зало Царство, но латэ на вижыля. Ай андо форо, кай вой сытёлас, вой додиқля о столо, пэ саво сас амари литература. И свидетеля динэ лати журналоря, андэ савэ вой виарақля кода, со лати трэбуй сас. Прожыля время и вой болделя, ай акана вой служый, сар общё пианеро. Кацавэ случаёря поможын амэнди тэ на парашас тэ росԥэнас пала Дэл. Када сыкавэл, кай инке исин мануша, савэнди важно тэ ашунэн важ о Царство.

СТОН ЗОР, КАЙ ТЭ НА ДЭН ТЭ ОТЦЫЁЛ ПЭСТИРЭ ВАСТЭСТИ

18. Васо амэ патяс, кай парашаса тэ росԥэнас пала Царство точно андэ кодэя время, сави витидя о Иегова?

¹⁸ Амэ патяс, кай парашаса тэ росԥэнас пала Дэл андэ время, сави витидя о Иегова. Сгиндосарам, со сас андэ лэ Ноёстирэ деса. Тоди о Иегова сыкадя, кай вся андэ лэстирэ вас. Варикай пала 120 бэрш, о Иегова ришысардя, кай о Потопо авэла андэ кодэва дес, саво во витидя. Прожылэ бэрша и во ԥэндя лэ Ноёсти тэ строий о ковчеӷо. Во на парашэлас тэ строий варикай 40 чи 50 бэрш. И мануша лэс на ашунэнас. Но во всаек на парашэлас тэ ԥэнэн лэнди, кай авэла бида и терэлас када, пока о Иегова на ԥэндя, кай трэбуй тэ заандярэл андо ковчеӷо лэ жывотнонэн. И потом, о Иегова андэ время, сави во витидя, «ԥандадя пала лэндэ и вудар» (Бытие 6:3; 7:1, 2, 16).

19. Андэр со амэ можэм тэ патяс, если на дас тэ отцыёл пэстирэ вастэсти?

¹⁹ Йто о Иегова ԥэнэна амэнди, кай будэр на трэбуй тэ росԥэнас лэ манушэнди пала Царство. Посли када во стрия и люма, савяса правий о Сатана, и авэла раё пэ ԥув, андэ саво авэна кати и мануша, савэ кандэн лэс. Ай жы каринг кадэя время амэ ласа тэ сытювас кай о Ноё, кай о Аввакумо и кай авэр лэ Дэвлэстирэ служытеля, савэ на дэнас тэ отцыён пэстирэ вастэнди. Ласа тэ сэрас, со важ амэндэ со май ӷлавно. Кадяжэ трэбуй тэ ӷанас, сар тэ аштярас, ай инке трэбуй тэ на парашас фартэ тэ патяс лэ Дэвлэсти, кай во зритярэла пэско алав.