«Авэн май пашэ каринг о Дэл, и во пашола каринг тумэндэ» (Иакова 4:8)
Ашунэл ли о Дэл амарэ молитвы?
Сас тутэ кацаво, кай ту на допатясас, кай о Дэл ашунэл тирэ молитвы? Если да, тоди ту най екжэно. Бут мануша мангэнпэ лэ Дэвлэсти пала пэстирэ проблемы, но кадэла проблемы нисар на ришынпэ. Сыкавэл ли када, кай о Дэл на ашунэл амарэ молитвы? Най. Анда Библия дицол, кай о Дэл ашунэл, кала амэ взвисавас каринг лэстэ андэ молитва, но кати если амэ мангаспэ кадя, сар лэсти уӷодно. Давай уӷанаса, со пала молитва пистромэ андэ Библия.
О ДЭЛ АШУНЭЛ И МОЛИТВЫ
«Ту, Кодэва, ко ашунэл и молитвы, каринг тутэ авэна всаворэ мануша» (Псалом 65:2).
Дэсавэ мануша ԥэнэн, кай и молитва поможый лэнди тэ на пэрэжывают. Да, кадэла мануша мангэнпэ, но вонэ всаек на патян, кай варико котэ по нэбо ашунэл лэндирэ молитвы. Но и молитва, када най просто, сар лашо драб важ о зор. Андэ Библия ԥэнэнпэ: «О Иеговаa пашэ каринг всаворэ, ко ақарэл лэс, ко ақарэл лэс анда вся оди. Во... ашунэла, кала и мануша цыпина важ и помощь» (Псалом 145:18, 19).
Кадэла алава анда Библия поможын амэнди тэ патяс, кай о Дэл Иегова ашунэл и молитвы кодэлэндирэ, ко кандэл лэс. Акэ со во ԥэнэн: «Тумэ лэна тэ ақарэн ман, и авэна, и лэна тэ мангэнпэ манди, и мэ лава тэ ашунав тумэн» (Иеремия 29:12).
О ДЭЛ КАМЭЛ, КАЙ ТУ ТЭ МАНГЭСПЭ ЛЭСТИ
«На парашэн тэ мангэнпэ» (Римлянам 12:12).
Андэ Библия ԥэнэнпэ, кай амэ тэ мангаспэ вся и время. Ай када сыкавэл, кай о Дэл Иегова камэл, кай амэ тэ взисавас каринг лэстэ андэ молитва (Матфея 26:41; Эфесянам 6:18).
Васо о Дэл камэл, кай амэ тэ мангаспэ лэсти? Погиндосар, о бэято пашол кай пэско дад и мангэл: «Дадэ, дадуся, поможысар манди». Канешно, о дад ӷанэн, со трэбуй лэ бэятости и пала со во пэрэжывает. Но кала о дад ашунэл, сар о бэято мангэл лэстар пала када, во полэл, кай о бэято доверяет лэсти и кай лэ бэятости трэбуй лэстири помощь. Точно кадяжэ, кала амэ мангаспэ лэ Дэвлэсти, амэ сыкавас, кай доверяем лэсти и кай амэнди трэбуй лэстири помощь (Притчи 15:8; Иакова 4:8).
О ДЭЛ ЛЮБИЙ ТУТ
«Вся, пала со фартэ пэрэжываете, отдэн лэсти, важ кода кай во диқэл и фэрий тумэн» (1 Петра 5:7).
О Дэл любий амэн, и важ када во камэл, кай амэ тэ мангаспэ лэсти. Во диқэл всаворэ амарэ проблемы и пэрэжывании и во фартэ камэл тэ поможый амэнди.
Андэ Библия пистромэ, кай о царё Давидо вся и время мангэласпэ лэ Дэвлэсти лэ Иеговасти пала помощь и росԥэнэнас лэсти пала пэстирэ гиндоря и пэрэжывании (Псалом 23:1—6). Сар о Дэл диқэлас по Давидо? Во фартэ любияс лэ Давидос и ашунэлас всаворэ лэстирэ молитвы (Деяния 13:22). О Дэл ашунэл и амарэ молитвы, важ кода кай любий амэн.
«МЭ ЛЮБИСАРАВ ЛЭ ИЕГОВАС, ВАЖ КОДА КАЙ ВО АШУНЭЛ МЭРНО ӶОЛОСО»
Кадэла алава запистросардя ек псалмопевцо. Во патялас, кай о Дэл ашунэл лэстирэ молитвы, и када дэлас лэсти зор. Во ӷанэнас, кай о Дэл паша лэстэ и поможый лэсти тэ виритярэл о ԥаримос (Псалом 116:1—9).
Если амэ патяс, кай о Дэл ашунэл амарэ молитвы, тоди амэ на парашаса тэ мангаспэ. Акэ со тердяпэ еқэ манушэса анда Испания, савэс ақарэн Педро. Лэско шаво розмарделя андэ авария, кала лэсти сас 19 лет. О Педро росԥэнэнас лэ Дэвлэсти пала пэстири бида и вся и время мангэлас лэстар, кай во тэ подритярэл и тэ поможый лэсти. Ашундя о Дэл лэстири молитва? Акэ со во росԥэнэн: «О Иегова подритярдя ман и мэрня хулая через и друӷоря анда христианско собрания».
Часто о Дэл дэл атвето пэ молитва через амарэ друӷоря
И молитвы на рисардэ лэндирэ шавэс каринг и жызня. Но вонэ фартэ поможысардэ лэ Педрости и лэстирэ ерести. Лэстири хулаи и Мария-Кармен росԥэнэн: «И молитвы динэ манди зор тэ пэрэжував кадэя бида. Мэ чуствовала, кай о Дэл Иегова полэл ман, важ кода кай, кала мэ мангаваспэ лэсти, манди по ди ашэлас спокойно».
Анда Библия и анда кода, со росԥэнэн бут мануша, драго дицол, кай о Дэл па чачимастэ ашунэл и молитвы. Но во ашунэл най всаворэ молитвы. Васо кадя?
a Андэ Библия ԥэнэнпэ, кай лэ Дэвлэс ақарэн Иегова (Псалом 83:18).