Кажно мечтает, кай андэ жызня тэ авэл стабильность
Сави жызня ту камлоп, кай тутэ тэ авэл? Наверно ту, сар и авэр бут мануша, камэс, кай тутэ и кай тиро родо тэ авэл бахтали жызня, лашо зор, достатко и тэ на авэл нисави опасность.
Бут мануша на патян, кай авэла и жызня кацави, сар вонэ камэн. Вонэ диқэн, кай кацавэ нэожыданни события, сар КОВИДО-19, моӷут фартэ тэ повлияют пэ кода, сар жувэн и мануша, пэ экономика и через кадэла события варико дажэ можэт тэ хасарэл и жызня. Важ када и мануша даран, кай англэ на авэла нисаво лашимос.
Через кода, кай и мануша на ӷанэн, со авэла англэ, вонэ родэн кода, со поможыя лэнди точно тэ ӷанэн, кай англэ и жызня авэла лащи. Дэко патял андо невидимо зор, кацаво сар судьба или удача, авэр гиндон, кай лэндэ авэла стабильно жызня, если лэндэ исин лащи образования и достатко. Ай авэр мануша уверени, кай если лэна тэ терэн лашимос, тоди лэндэ авэла вся драго мишто.
Сар ту гиндос, поможыя тути варисо анда кода, со сас пистромэ май англал, кай тири жызня тэ авэл май лащи? Кай тэ полэс када, трэбуй спэрва тэ уӷанэс атветоря пэ кадэла вопросоря.
Состар па чачимастэ зависит тири жызня англэ?
Можэт образования и ловэ тэ ӷарантируют стабильно жызня?
Авэла тутэ лащи жызня, если ту просто авэса лашо мануш?
Со па чачимастэ поможыя, кай и жызня тэ авэл стабильно?
Андэ кадэва выпуско «Сторожэво башня» ту можэш тэ виарақэс атветоря пэ кадэла вопросоря.