И читателя пушэн

Если о христианино розвэдисайля, кала лэстэ на сас библейско основания, ай потом жэнисайля пэ авэр, сар и собрания трэбуй тэ диқэл пэ лэско прошло и по нэво брако?

Кала о христианино упалэ жэнийпэ, важ и собрания кодэва брако ужэ нинай, акана кай кадэва мануш нэво брако. Васо? Кай тэ полас када, давайте диқаса, со о Иисусо ԥэндя пала розводо и пала нэво брако.

О Иисусо ԥэндя, кай важ о Дэл исин кати ек причина важ о розводо. Пала када запистромэ андэ Матфея 19:9: «Ко розвэдийпэ пэстиря хулаяса най важ кода, кай вой стердя билажавардо бэзэх и жэнийпэ пэ авэр, кодэва терэл билажавардо бэзэх». Кадэла алава сыкавэн: 1) исин кати ек библейско основания важ о розводо — када кала сас измена, 2) о мурш, саво розвэдийпэ ла хулаяса пэ варисави авэр причина и жэнийпэ пэ авэр, измений пэстиря хулаятиa.

Сыкавэн лэ Иисусостирэ алава, кай о мурш, саво изменил ла хулаяти и розвэдисайля ласа, можэт упалэ тэ жэнийпэ? Нэ обязательно. Если о хулай изменил, тоди лэстири хулаи, сави найдошали, трэбуй тэ ришый, простия вой лэс чи най. Если вой на закамэла лэс тэ простий, и вонэ розжанапэ, тоди посли розводо во упалэ можэт тэ жэнийпэ, ай вой тэ жал миростэ.

Но можэт тэ авэл кадя, кай и хулаи закамэла тэ фэрий о брако и простия пэстирэ хулас. Со, если вой стердя вся, кай тэ помирийпэ, ай о хулай всаек розвэдийпэ? Тоди лэстэ нинай библейско основания упалэ тэ жэнийпэ. Если во жал против Библия и до дуйто жэнийпэ, вижал, во упалэ измений ла хулаяти, и важ када и старейшыноря трэбуй упалэ тэ стидэн о правово камитето (1 Кор. 5:1, 2; 6:9, 10).

Если о христианино упалэ жэнисайля, кала лэстэ на сас библейско основания, тоди сар и собрания трэбуй тэ диқэл пэ лэско прошло и по нэво брако? Идоси па Библия во андо брако ла пэрвона хулаяса? Если вой инке камэл лэс тэ простий, можэт вой кадэлэса тэ фэрий о ери? Авэла лэско нэво брако билажавардо важ и собрания?

Сар варикала и собрания диқэлас пэ кацавэ еря? Амэ гиндосарасас кадя: вся кодэя время, пока о хулай жувэл пэстиря нэвя хулаяса, во терэл билажавардимос, пока лэстири найдошали хулаи инке жунди, на жала миростэ или екжэни на стерэла билажавардимос. Но давайте упалэ диқаса, со пистромэ андэ Матфея 19:9. Котэ почти нисо на ԥэнэнпэ пала хулаи, сави найдошали. О Иисусо ԥэнэн, кай если о мурш розвэдийпэ, кала лэстэ нинай библейско основания, и жэнийпэ пэ авэр, во измений пэстиря хулаяти. Вижал, кала о мурш розвэдийпэ и жэнийпэ упалэ, када сар измена, и во будэр най андо брако кодэла хулаяса.

Если о мурш розвэдисайля и жэнисайля упалэ, тоди лэстири хулаи ужэ нэ можэт тэ фэрий о брако, дажэ если вой камэл када тэ стерэл. Лэнго брако будэр нинай, важ када лати ужэ на трэбуй тэ витидэл, тэ простий лэ хулас чи най. Ай и собрания на лэла тэ диқэл по нэво лэ хуласко брако, сар по билажавардимосb.

Амэ роздиқлям ситуацыя, кала о хулай изменил ла хулаяти и вонэ розвэдисайлэ. Но можэт тэ авэл кадя: о хулай нэ изменил ла хулаяти, но всаек розвэдисайля ласа и жэнисайля пэ авэр. Ай можэт, о хулай нэ изменял ла хулаяти, но розвэдисайля ласа, ай потом стердя билажавардимос. И хоть лэстири хулаи камэлас лэс тэ простий, во всаек жэнисайля пэ авэр. Андэ кадэла ситуацыи о розводо и о нэво брако — када измена, и лэнго брако будэр нинай. Важ када лэско нэво брако ашэл законо. Акэ со пала када ԥэнэнаспэ андэ «Сторожэво башня» пала 15 сентябрё 2006 бэрш, пэ страница 30: «Акана лэстэ нэво брако, и важ када нащи просто тэ розжалпэ ла нэвя хулаяса и тэ рийпэ каринг кодэя. Кодэва брако закончился, кала сас розводо, измена и нэво брако».

Кадэя нэви понимания на сыкавэл, кай о брако най свынто и кай и измена най фартэ баро бэзэх. И если о ԥрал розвэдисайля ла хулаяса, кала лэстэ на сас библейско основания, ай потом упалэ жэнисайля, во изменил лати, и када лэла тэ роздиқэл о правово камитето. (Если лэстири нэви хулаи — тожэ лэ Иеговаско свидетелё, тоди и латири дила лэла тэ роздиқэл о правово камитето, важ кода кай сас измена.) Хоть дажэ пэ лэско нэво брако на лэна тэ диқэн, сар по билажавардимос, кадэлэ ԥралэсти всаек дэсавэ бэрша на дэна нисави почотно дила андэ собрания. Када авэла жы каринг кодэя время, пока во на затерэла лашо алав англа ԥрала и ԥэя, и вонэ на забистрэна пала лэско вэрыто поступко. Англа кода, сар упалэ тэ дэн кадэлэ ԥралэсти варисави дила андэ собрания, и ԥрала лэна тэ роздиқэн, нарошно ли во вся стердя, кай тэ ашавэл пэстиря хулая, и, если лэстэ исин нэсовершэнолетни бэяцэ, заботийпэ во пала лэндэ чи най (Мал. 2:14—16).

Если о мануш розвэдийпэ, кала лэстэ нинай библейско основания и упалэ жэнийпэ, во анэн бут ԥаримос и пэсти и аврэнди. Важ и христианоря о брако трэбуй тэ авэл свынто, кадя жэ, сар важ о Иегова (Эккл. 5:4, 5; Евр. 13:4).