И книӷа Откровение сыкавэл, со аштярэл лэ Дэвлэстирэ вороӷонэн

1. Со пэрэандярэл лэ Дэвлэско народо, сар ԥэнэнпэ андэ книӷа Откровение?

АНДА книӷа Откровение амэ уӷанас, кай лэ Дэвлэско Царство ужэ правий, ай лэ Сатанас сшутэ пэ ԥув (Отк. 12:1—9). Када андя бари радость важ кодэла, ко жувэн по нэбо. Но амэнди кадэлэстар ашэля фартэ ԥарэс. Васо? Важ кода кай о Сатана акана фартэ холинако, и во ля инке май фартэ тэ тасавэл по лэ Дэвлэско народо (Отк. 12:12, 15, 17).

2. Со поможыя амэнди тэ ашаспэ верни лэ Иеговасти?

² Со поможыя амэнди тэ ашаспэ верни лэ Иеговасти, хоть о Сатана и тасавэл пар мэндэ? (Отк. 13:10). Амэнди фартэ придэл зор, кала амэ гиндосарас пала лашимос, саво авэла англэ. О апостоло Иоанно пистросардя, сави дэ райкани жызня аштярэл амэн андо раё. Например, ӥто о Иегова улэла амарэ вороӷонэн. Давайте подаса дума, со андэ книӷа Откровение росԥэнэнпэ пала лэ Дэвлэстирэ вороӷоря и со лэнца авэла.

ПАЛА ЛЭ ДЭВЛЭСТИРЭ ВОРОӶОРЯ ԤЭНЭНПЭ «АНДЭ СИМВОЛОРЯ»

3. Росԥэнэн пала дэсавэ символоря анда книӷа Откровение.

³ Кала лэс тэ адинос и книӷа Откровение, ужэ лэ пэрвонэ стихостар дицол, кай бут со андэр латэ пистромэ образно или «андэ символоря» (Отк. 1:1). Пала пэ Дэвлэстирэ вороӷоря андэ кадэя книӷа тожэ ԥэнэнпэ найворта. Спэрва амэ диқас лэ «зверёс, саво вазгляпэ анда моря. Лэстэ сас дэш роӷоря и семь шэрэ» (Отк. 13:1). Пала лэстэ жал авэр зверё. О Иоанно ԥэндя, кай во «ваздэласпэ анда ԥув» и «дэлас дума сар драконо». Кадэва зверё «дажэ бишалэл и яг па нэбо пэ ԥув» (Отк. 13:11—13). И акэ появийпэ о «лоло зверё», ай пэр лэстэ бэшэл и «роспутно манушни». Кадэла трин зверёря сыкавэн лэ вороӷонэн, савэ ужэ дэлмут жан против о Иегова и лэско Царство. Давайте уӷанаса пала лэндэ май бут (Отк. 17:1, 3).

4, 5. Сар и алава анда Даниила 7:15—17 поможын амэнди тэ полас, со сыкавэн и символоря анда книӷа Откровение?

⁴ Кай тэ уӷанас, ко кадэла лэ Дэвлэстирэ вороӷоря, амэнди трэбуй тэ полас, со сыкавэл и образно шыб андэ книӷа Откровение. Андэ када амэнди поможый и Библия. Пала бут символоря анда Откровение ужэ росԥэнэнаспэ андэ авэр книӷи, савэ ужан андэ Библия. Например, о Даниило андэ ек пэско пророческо суно диқля, кай «анда моря вижылэ штар фартэ барэ зверёря» (Дан. 7:1—3). И екжэно о Даниило росԥэндя, кас вонэ сыкавэн. Када штар царёря или штар правительства. (Проадинон Даниила 7:15—17.) Блаӷодаря кадэлэсти амэ полас, кай и зверёря анда книӷа Откровение сыкавэн кода, со связано ла политикаса.

⁵ Акана давайте роздиқаса и символоря анда книӷа Откровение. Андэ кадэя статья амэ уӷанаса, сар и Библия поможый амэнди тэ полас, со вонэ сыкавэн. Спэрва амэ подаса дума пала трин зверёря. Амэ диқаса: 1) кас вонэ сыкавэн, 2) со лэн аштярэл, и 3) васо амэнди трэбуй пала када тэ ӷанас.

АМЭ ПОЛАС, КО ЛЭ ДЭВЛЭСТИРЭ ВОРОӶОРЯ

6. Кас сыкавэл о зверё, савэстэ семь шэрэ? (Откровение 13:1—4).

⁶ Кас сыкавэл о зверё, савэстэ семь шэрэ? (Проадинон Откровение 13:1—4.) Кадэлэ зверёстэ дэш роӷоря, во шолпэ по леопардо, лэстэ пэрнэ — сар кай о медведё, ай о муй — сар кай о лево. Интересно, кай андэ книӷа Даниила росԥэнэнпэ пала штар зверёря, савэндэ сас кацавэ жэ части. Но андэ Откровение всаворэ кадэла части стидэ андэ ек зверё, ай най андэ штар. Вижал, кадэва зверё на сыкавэл варисаво ек правительство или мирово держава. Лэ зверёсти «динэ и власть пэ всаворэ племена, нацыи и народоря, савэ дэн дума пэ разни шыба» (Отк. 13:7). Важ када лэстэ май бари власть, чем кай ек варисаво правительство. Кадэва зверё сыкавэл всаворэ правительства, савэ правинас манушэнца важ вся и времяb (Эккл. 8:9).

7. Кас сыкавэн кажно анда семь шэрэ?

⁷ Кас сыкавэн кажно анда семь шэрэ? Тэ полас када амэнди поможый и 17 ӷлава Откровение. Котэ росԥэнэнпэ, саво пар пэстэ о зверё анда 13 ӷлава. Андэ Откровение 17:10 ԥэнэнпэ: «Кадяжэ вонэ — када семь царёря: панч, андар лэндэ ужэ нинайлэ, ек исин акана, ай послиднё инке на авеля. Но кала во авэла, ашэлапэ най пэ долӷонэстэ». Семь мирови державы, савэ использовал о Сатана, сас фартэ зоралэ, и важ када вонэ сыстонпэ лэ шэрэнца. Кадэла правительства фартэ тасавэнас по лэ Дэвлэско народо. Каринг кодэя время, сар о Иоанно диқля и Откровение, панч андар лэндэ ужэ парашэлэ тэ правин. Када о Египто, и Ассирия, о Вавилоно, и Мидо-Персия и Греция. Ай о шовто правительство, о Римо, инке правияс. Ай сави держава авэла послиднё и сыкавэла о седьмо шэро?

8. Кас сыкавэл лэ зверёско седьмо шэро?

⁸ Тэ полас, кас сыкавэл о седьмо шэро кай о зверё, амэнди поможый и книӷа Даниила. Сави мирово держава лэла тэ правий андэ послидни деса, андэ «лэ Ӷосподоско дес»? (Отк. 1:10). Када дуй зоралэ правительства — и Великобритания и США, савэ вмести терэн ек дила, и пэр лэндэ ԥэнэн Англо-Американско мирово держава. Важ када о седьмо шэро кай о зверё — када имено кадэя держава (Откровение 13:1—4).

9. Со сыкавэл о зверё, савэстэ дуй роӷоря, сар кай о бакроро?

⁹ Андэ 13 ӷлава Откровение кадяжэ росԥэнэнпэ, кай и Англо-Американско мирово держава сыстойпэ лэ зверёса, савэстэ дуй роӷоря, сар кай о бакроро, и саво дэл дума сар драконо. Кадэва зверё «терэл барэ чудеса англа мануша и дажэ бишалэл и яг па нэбо пэ ԥув» (Отк. 13:11—15). Ай андэ Откровение 16 и 19 ӷлава ԥэнэнпэ, кай о зверё — када хохавно пророко. О Даниило кадяжэ ԥэндя, кай и Англо-Американско мирово держава «фартэ бут со розмарэла» (Дан. 8:19, 23, 24). Кадя и тердяпэ, кала сас и Дуйто мирово война. И учони анда Великобритания и Америка стердэ дуй атомни бомбы, через савэ тердярдэ и война андэ страны паша Тихо океано. Кала вонэ сшутэ кадэла бомбы, вонэ кабута бишалдэ «и яг па нэбо пэ ԥув».

10. Со сыкавэл «и изображэния лэ зверёстири»? (Откровение 13:14, 15; 17:3, 8, 11).

¹⁰ Дальшэ росԥэнэнпэ пала авэр зверё. Во фартэ шолпэ по зверё, савэстэ семь шэрэ, но кати кадэва зверё лоло. Пэр лэстэ ԥэнэн, кай во — «и изображэния лэ зверёстири [савэстэ семь шэрэ]», ай кадяжэ «восьмо царё»c. (Проадинон Откровение 13:14, 15; 17:3, 8, 11.) Кадэва царё «сас, и нинай лэс, но ӥто во ваздэлапэ анда бездна». Када драго поджал каринг и ООН. Андэ кадэя арӷанизацыя стидэпэ и политикоря анда разни страны, кай тэ ришын и проблемы, савэ исин андо миро. Спэрва пэр латэ ԥэнэнас и Лига Нацый. Но потом андэ Дуйто мирово война ла на ашэля. Ай сар прожыля время, вой упалэ появисайля, и акана пэр латэ ԥэнэн ООН.

11. Со стерэна кадэла зверёря и васо амэ на трэбуй тэ дарас?

¹¹ Кадэла зверёря, или правительства, подмарэна лэ манушэн, кай вонэ тэ жан против о Иегова и против лэско народо. О Иоанно ԥэндя, кай вонэ «вижан каринг и царёря всаворя ԥувьятирэ, кай тэ стидэн лэн пэ война [Армагеддоно], сави авэла андо баро дес лэ Всемоӷущёнэ Дэвлэско» (Отк. 16:13, 14, 16). Но амэ на трэбуй тэ дарас. Амаро зорало Дэл о Иегова фартэ ӥто зашолапэ пала кодэла, ко подритярэл лэстири правления (Иез. 38:21—23).

12. Со авэла кадэлэ зверёнэнца?

¹² Со авэла кадэлэ зверёнэнца? Андэ Откровение 19:20 ԥэнэнпэ: «И лэ зверёс астардэ, ай лэса и лэ хохавнэ пророкос, саво терэлас чудеса англа лэстэ и через савэ во дилярэлас кодэлэн, ко стодя пэр пэстэ лэ зверёско знако и ко тэлёл лэстиря статуяти. Лэдуй вонэ слинэ жундэ, кала лэн шутэ андо озеро ягаса, саво фартэ ԥаболас». Кала кадэла лэ Дэвлэстирэ вороӷоря инке лэна тэ правин, вонэ авэна уничтожэни.

13. Сар и власти тасавэн пэ христианоря?

¹³ Сар када влияет пар мэндэ? Сар христианоря, амэ трэбуй тэ сыкавас пэстири преданость каринг о Дэл и каринг лэско Царство (Иоан. 18:36). Важ када амэ на залас никастири риг андэ политика. Но када можэт тэ авэл фартэ найвушэро. И власти тасавэн пар мэндэ, кай амэ андэ вся лэн тэ подритярас. Кодэлэнди, ко терэл кадя, сар вонэ камэн, стон лэ зверёско знако (Отк. 13:16, 17). О Иегова фартэ нэдовольно кацавэ манушэнца, и вонэ хасарэна и возможность тэ жувэн вечно (Отк. 14:9, 10; 20:4). Важ када фартэ важно нисар тэ на участвуем андэ политика, сар бы пар мэндэ тэ на тасавэн.

«РОСПУТНО МАНУШНИ». СО ЛА АШТЯРЭЛ?

14. Сости удивисайля о апостоло Иоанно? (Откровение 17:3—5).

¹⁴ Проадинон Откровение 17:3—5. Тоди о Иоанно додиқля «ла жувля, сави бэшэл по лоло зверё». Пэ кадэя «роспутно манушни» ԥэнэн «о Вавилоно Велико». «Ласа терэнас билажавардимос ла ԥувьятирэ царёря». О Иоанно ԥэндя: «Кала мэ ла диқлэм мэ фартэ, фартэ удивисайлэм» (Отк. 17:1, 2, 6).

15, 16. Со када о Вавилоно Велико и катар амэ када ӷанас?

¹⁵ Со када о Вавилоно Велико? Кадэя «роспутно манушни» терэлас билажавардимос лэ барэдэрэнца андэ политика (Отк. 18:9). Вой бэшэлас пэ кадэва зверё и, ԥэнэса, ритярэлас лэс андэ вас, или управляла лэса. Вижал, вой нэ можэт тэ сыкавэл и политика. Кадяжэ вой нэ можэт тэ сыкавэл и жадни комерчески арӷанизацыи, важ кода кай андэ Откровение пэр лэндэ ԥэнэнпэ, кай вонэ — «ла ԥувьятирэ торӷовцоря» (Отк. 18:11, 15, 16).

¹⁶ Часто андэ Библия о алав «роспутно» сыкавэл, най кай о мануш терэл билажавардимос, ай кай во нэверно лэ Дэвлэсти. Терэл муй, кай служый лэсти, ай па чачимастэ тэлёл лэ хохавнэ дэвлэнди и дружый кадэлэ мироса (1 Лет. 5:25; Иак. 4:4). Ай пала кодэла, ко верно лэ Дэвлэсти, андэ Библия ԥэнэнпэ, кай вонэ «вужэ, кай ни еқвар на сас лэ жувлянца» (Отк. 14:4; 2 Кор. 11:2). Андо Древнё Вавилоно тэлёнас лэ хохавнэ дэвлэнди, важ када о Вавилоно Велико сыкавэл вся, со ужал андэ хохавнэ веры. Вижал, кадэя «роспутно манушни» — када всаворэ хохавнэ веры, савэ исин пэ люма (Отк. 17:5, 18; адинон и статья «Со када о Вавилоно Велико?» по сайто jw.org, пэ русско шыб).

17. Со аштярэл о Вавилоно Велико?

¹⁷ Со аштярэл о Вавилоно Велико? Андэ Откровение 17:16, 17 пала када ԥэнэнпэ: «И дэш роӷоря, савэ ту диқлян, и о зверё вэрыцына ла роспутнона манушня, вся латар одлэна и злэна пар латэ вся и йда. Вонэ схана пар латэ о мас и сԥабарэна ла андэ яг. Важ кода кай лэ Дэвлэстар авеля лэнди по ди гиндо, кай вонэ тэ стерэн кода, со во загиндосардя». Да, о Иегова дэла гиндо лэ народонэнди, кай вонэ через о «лоло зверё», или ООН, тэ розмарэн всаворэ хохавнэ веры па вся и люма (Отк. 18:21—24).

18. Сар амэ можэм тэ сыкавас, кай ни андэр со на подритярас о Вавилоно Велико?

¹⁸ Сар када влияет пар мэндэ? Фартэ важно тэ тэлювас лэ Иеговасти «найзамэлярдэс и вужэс англа лэстирэ яқа» (Иак. 1:27). Нащи тэ домэкас, кай о Вавилоно Велико тэ замэлярэл амэн через пэстирэ учении, празникоря, билажавардимос и обычаи, савэ сԥанглэ лэ бэнгэнца. Амэ и май дур анда вся о зор ласа тэ поможысарас лэ манушэнди тэ вижан анда Вавилоно Велико, кай латири бида тэ на пэрэл пэр лэндэ (Отк. 18:4).

СЫНДО ВАЖ О ӶЛАВНО ЛЭ ДЭВЛЭСКО ВОРОӶО

19. Кас сыкавэл о «баро драконо, лоло, сар яг»?

¹⁹ Андэ книӷа Откровение ԥэнэнпэ кадяжэ пала «баро драконо, лоло, сар яг», саво марэлпэ лэ Иисусоса и лэстирэ анӷелонэнца (Отк. 12:3, 7—9). Во жал по лэ Дэвлэско народо и дэл власть лэ зверёнэнди, савэ сыкавэн лэ манушэндирэ правительства (Отк. 12:17; 13:4). Када «баро драконо, о пурано сап, пэ саво ԥэнэн Сатана и Найвужо» (Отк. 12:9; 20:2). Всаворэ лэ Иеговастирэ вороӷоря, сар марионетки андэ лэ Сатанастирэ вас.

20. Со аштярэл лэ драконос?

²⁰ Со аштярэл лэ драконос? Андэ Откровение 20:1—3 ԥэнэнпэ, кай лэ Сатанас шона пэ 1000 лет андэ безна, сави, сар баруно. Андэ кодэя время во будэр нэ сможэт тэ обхохавэл лэ манушэн. Ай посли када лэ Сатанас и лэ бэнгэн шона «андэ возэри ягаса и сераса». Аврэ алавэнца вонэ авэна уничтожэни пэ вся и вечность (Отк. 20:10). Кати прецтавь пэсти люма, кай нинай лэ Сатанас и лэ бэнгэн. Сави дэ бахтали авэла жызня!

21. Со амэндэ по ди кодэлэстар, кай амэ роздиқлям и пророчества анда книӷа Откровение?

²¹ Амэнди фартэ придэл зор, кай амэ полас, со означают и символоря анда книӷа Откровение! Амэ ӷанас най кати кас сыкавэн лэ Дэвлэстирэ вороӷоря, но и со лэн аштярэл. Да, «бахтало кодэва, ко адиной вслух и кодэла, ко ашунэн кадэва пророчество»! (Отк. 1:3). Но савэ блаӷословении авэна кай верни лэ Иеговастирэ служытеля, кала о Иегова улэла пэстирэ вороӷонэн? Пала када амэ подаса дума андэ послиднё статья пэ кадэя тема.