Психическо насвалимос — фартэ бари проблема
«Мэ всегда пала варисо пэрэжываю, дажэ если мэ цэрэ и паша мандэ никас нинай».
«Кала мэ чуствую, кай вся драго, мэ лав пэрэжывать. Важ кода кай обычно посли када вся парудёл и ашэл ԥарэс по ди».
«Мэ камлоп по набут тэ ришаю кажно проблема, но дэкала лав тэ пэрэжываю сразу пала вся».
Кадя пала пэстири состояния росԥэнэн и мануша, кастэ психическо насвалимос. Сас кацаво тутэ или варикастэ анда тирэ пашутнэ мануша?
Если да, тоди ӷан, кай ту най екжэно. Адес бут мануша или екжэнэ страдают через кадэва насвалимос, или во исин кай лэндирэ чаче или друӷоря.
Амэ жувас андэ «фартэ ԥари время» и када нэ можэт тэ на влияет пэ манушэнго психическо зор (2 Тимофею 3:1). Сар ԥэнэн и Всемирно арӷанизацыя здравоахранения, кажно 8 мануш страдает через о психическо насвалимос. Андо 2020 бэрш через и пандэмия КОВИД-19 ашэля пэ 26 процэнтов май бут манушэн, савэ страдают через и пэрэжывании, и пэ 28 процэнтов май бут кодэлэн, кастэ депрессия.
Хоть и трэбуй тэ ӷанас скати мануша страдают через и пэрэжывании и депрессия, важно тэ ӷанас, сар тэ заботисавас пала пэско и пала пэстирэ чаченго психическо зор.
Со када психическо зор?
О мануш, савэстэ лашо психическо зор, драго пэс чуствует эмоцыонально и лэстэ драго вижал тэ терэл и обычно дила, сави исин кажно дес. Во можэт вушэро тэ пэрэандярэл о стрэсо, драго тэ терэл бути и тэ радуийпэ ла жызняти.
Психическо насвалимос:
КАДА НАЙ лэ манушэстири дош;
КАДА насвалимос, через саво лэ манушэсти ашэл фартэ вэрыто и саво най драго влияет пэ кода, сар во гиндой, сар пэс андярэл и сар во пэс чуствует эмоцыонально;
часто мишает андэ общения аврэ манушэнца и тэ андярэл обычно жызня;
можэт тэ авэл любонэ манушэстэ, саво бы лэстэ тэ на авэл возрасто, культура, нацыя, религия, образования и достатко.
Помощь, если исин психическо насвалимос
Дэкала о мануш резко лэл тэ чуствует пэс па аврятэ. Лэл фартэ долӷо тэ совэл или на висовэлпэ, лэл тэ хал май бут или май набут, чем раньшэ, или лэл фартэ пала варисо тэ пэрэжывает. Если кацаво терэлпэ, лэ манушэсти, можэт, авэла трэбуй тэ жал кай о врачо, кай тэ полэл, через со лэстэ вся кадя паруделя и со лэсти можэт тэ поможый.
О само мудро мануш, о Иисус Христос, варикала ԥэндя: «Най лэ зоралэнди трэбуй о врачо, ай лэ насвалэнди» (Матфеё 9:12). Лэ врачонэндири помощь и драба, савэ трэбуй, поможына, кай о мануш пэ бутэстэ май драго пэс тэ чуствует, тэ андярэл обычно жызня и тэ радуийпэ кадэлэстар. Если лэ манушэстар ужэ долӷо на отжал кадэва насвалимос и во чуствует пэс май хужэ, лэсти трэбуй май ӥто тэ жал кай о врачоa.
Канешно, и Библия — када най медицынско справочнико. Но латирэ советоря моӷут драго тэ повлияют по психическо зор. Уӷан пала када май бут анда авэр статьи.
a О журнало «Сторожэво башня» на подритярэл варисави конкретно личения. Андэ кадэва вопросо кажно мануш трэбуй драго тэ погиндой пала пэстири ситуацыя и тэ прилэл лично ришэния.