2 | И алава анда Писания поможын

АНДЭ БИБЛИЯ ԤЭНЭНПЭ: «Вся, со сас пистромэ, када важ амэндэ. Через кода, кай амэ виритярас о ԥаримос и кай амэн подритярэн алавэнца анда Писании, амэ тэ аштярас англэ о лашимос» (РИМЛЯНАМ 15:4).

Со када сыкавэл?

Андэ Библия можно тэ виарақас и гиндоря, савэ подритярэн, и поможын тэ на сдаспэ, кала амэндэ исин гиндоря, савэндар ашэл ԥарэс. Инке андэ Библия ԥэнэнпэ пала надежда: ӥто будэр никастэ на лэла тэ дуқал оди через и пэрэжывании.

Сар када можэт тэ поможый?

Всаворэ амэ дэкала через варисо ростроисавас. Но кодэлэндэ, кастэ исин депрессия или пэрэжывании, кацавэ чуства моӷут тэ авэн постояно. Сар лэнди можэт тэ поможый и Библия?

Андэ Библия исин лашэ алава, савэ поможын тэ улас кодэла гиндоря, савэндар ашэл ԥарэс по ди (Филиппийцам 4:8). Кала адиносарас и Библия, када поможый, кай андэ амари годи тэ авэн лашэ гиндоря, савэ поможын тэ диқас пала пэстири настроения (Псалом 94:18, 19).
И Библия поможый амэнди тэ на гиндосарас, кай амэ нисо на ашас (Луки 12:6, 7).
Андэ Библия исин бут стихоря, савэ дэн тэ патяс, кай амэ най екжэнэ и кай о Дэл, амаро Создателё, полностью полэл кода, со амэндэ по ди (Псалом 34:18; 1 Иоанна 3:19, 20).
Андэ Библия исин обещяния, кай блаӷодаря лэ Дэвлэсти, авэла кацави время, кала амэ ужэ на ласа тэ сэрас кода, состар ашэлас ԥарэс (Исайя 65:17; Откровение 21:4). Када поможый тэ на умэкас и вас, кала появинпэ найлашэ гиндоря и чуства.

Сар поможый и Библия? Джэссика

Сар пэр мандэ влияет и депрессия?

«Андэ 25 бэрш мандэ тердяпэ нервно срыво, и врачоря ԥэндэ, кай мандэ ԥари депрессия. Манди ашэлас фартэ ԥарэс лэ гиндонэндар пала кода, со сас, и мэ нисар нэ моӷла лэн тэ улав. И врачоря поможысардэ манди тэ полав, кай мэрни депрессия ляпэ кодэлэстар, кай мэ пэ вся диқав найлащя ригатар, важ кода кай гиндосарав пала найлашэ событии, савэ сас андэ мэрни жызня. Манди випистросардэ драба и назначили личения, сави поможысардя манди тэ полав, со най кадя андэ мэрни мышления, и тэ парував када».

Сар манди поможый и Библия?

«Кала и депрессия май фартэ тасавэлас, мандэ сас панически атаки. Ай инке ман мучинас фартэ барэ пэрэжывании и бессоница. Часто рятенца мандэ андо шэро болдэнаспэ и гиндоря, савэ на дэнас манди покоё. Сар ԥэнэнпэ андо Псалом 94:19, кала амэнди ашэл ԥарэс через и пэрэжывании, о Дэл можэт тэ стерэл кадя, кай амэнди тэ ашэл май вушэро по ди. Важ када мэ всегда паша кро́вать ритяравас и Библия и блакното, андэ саво сас и библейски стихоря, савэ манди поможынас. Кала мэ нэ моӷла тэ засовав, мэ адиносаравас дэсавэ библейски стихоря, и лэ Дэвлэстирэ гиндоря подритярэнас ман.

Андэ Библия ԥэнэнпэ, кай трэбуй тэ улас и гиндоря, через савэ амэ нэправильно гиндосарас пала Дэл. Раньшэ мэ гиндосаравас, кай ман нико на любий, кай никасти мэ на трэбуй и кай мэ нисо на ашав. Но потом анда Библия мэ уӷанглэм, кай када най кадя, важ кода кай андэр латэ ԥэнэнпэ, кай о Дэл — када любящё и заботливо Дад и во поможый кажнонэсти андар мэндэ. Мэ сымас рабо кай пэстирэ найлашэ гиндоря. Но полокорэс мэ сытелэм лэн тэ кантралирую и тэ диқав пэр пэстэ кадя, сар о Дэл. Када сас важно, важ кода кай кадя мэ сытелэм правильно тэ диқав пэр пэстэ.

Мэ ӷанав, кай ӥто авэла время, кала и воспоминании, савэндар ашэл ԥарэс, и нэправильно мышления будэр на авэна. Тоди будэр на авэла психическо насвалимос. Кадэва гиндо дэл манди зор ужэ адес тэ жував пэстирэ насвалимаса и мэ фартэ аштярав и время, кала мэ победисарава мэрни депрессия».