О Иегова тут блаӷословий

1, 2. а) Васо амэ на удивисавас, кала амэндэ исин ԥаримос? б) Со амэ роздиқаса андэ кадэя статья?

АМЭ на удивисавас кодэлэсти, кай амэнди прижалпэ тэ пэрэжувас о ԥаримос. Важ кода кай андэ Библия ԥэнэнпэ: «Амэ трэбуй тэ пэрэандярас бут ԥаримос, англа кода, сар тэ авас андэ лэ Дэвлэско Царство» (Деян. 14:22). Кадяжэ амэ полас, кай дэсавэ проблемы амэ полностью на ришысараса, пока на авэла о раё пэ ԥув, андэ саво «и смэрть будэр на авэла, нисави бида, ни дук будэр на авэла» (Отк. 21:4).

² О Иегова на фэрий амэн лэ ԥаримастар, но во поможый амэнди лэс тэ виритярас. Шон сама, со пистросардя о апостало Павло лэ христианонэнди андо Римо. Спэрва во ԥэндя пала бут трудности, савэ сас лэстэ и кай лэстирэ ԥрала. Тоди во пистросардя: «Амэ победисарас блаӷодаря кодэлэсти, ко амэн полюбисардя» (Рим. 8:35—37). Вижал, о Иегова можэт тэ поможый и тути, кала андэ тири жызня исин ԥаримос. Давайте диқаса, сар о Иегова поможыяс лэ Иосифости и сар во можэт тэ поможый амэнди.

КАЛА ВСЯ ӤТО ПАРУДЁЛ

3. Сар ӥто паруделя лэ Иосифостири жызня?

³ О Иаково фартэ любияс пэстирэ шавэс лэ Иосифос (Быт. 37:3, 4). Через када лэстирэ барэдэр шавэ фартэ линэ тэ завидуин лэ Иосифости. Кала лэндэ появисайля возможность, вонэ битиндэ лэс лэ манушэнди анда Мадиамо. Кадэла мануша сас торӷовцоря. Вонэ одындярдэ лэ Иосифос фартэ дур андо Египто. Котэ лэс упалэ битиндэ, пэ кадэва разо лэ Патифарости, саво сас начальнико пэ охрана кай о фараоно. Сар жэ ӥто паруделя лэ Иосифостири жызня: кати найдэлмут во сас любимо шаво кай пэско дад, ай акана ашэля рабо кай о египтянино! (Быт. 39:1).

4. Саво ԥаримос амэндэ можэт тэ авэл?

⁴ Андэ Библия ԥэнэнпэ, кай и бида можэт тэ авэл кажнонэ манушэстэ (Эккл. 9:11). Дэкала амэндэ исин ԥаримос, саво «обычно важ и мануша», аврэ алавэнца, кацаво ԥаримос пэрэандярэн всаворэ (1 Кор. 10:13). Ай авэр проблемы амэндэ исин кати важ кода, кай амэ лэ Христостирэ ученикоря. Например, через амари вера амэндар моӷут тэ приасанпэ, тэ тасавэн пар мэндэ и дажэ тэ преследуют (2 Тим. 3:12). Саво бы ԥаримос амэндэ тэ на авэл, о Иегова поможыя тэ виритярас лэс. Ай сар во поможысардя лэ Иосифости?

5. Со поля о Патифаро, кала диқэлас, сар андярэлас пэс о Иосифо? (Бытие 39:2—6).

⁵ Проадинон Бытие 39:2—6. О Патифаро шутя сама, кай о Иосифо драго терэлас и дила и сас лашо работнико. И о Патифаро ӷанэнас васо. Во диқэлас, кай «о Иегова сас лэ Иосифоса и... лэстэ вся вижалас»b. Прожыля время, и о Патифаро стодя, кай о Иосифо тэ авэл лэско лично слуӷо и кай во тэ диқэл пала лэско цэр. Посли када о Иегова ля тэ блаӷословий лэ Патифарос.

6. Со, возможно, сас андо ди кай о Иосифо?

⁶ Прецтавьте, со сас по ди кай о Иосифо. Со во май фартэ камэлас? Хэба тэ уӷодий лэ Патифарости? Най, наверно, во камэлас, кай лэс тэ одмэкэн, и во тэ рийпэ каринг пэско дад. Хоть лэсти и динэ бут дила андэ лэ Патифароско цэр, во всаек сас рабо. О Иегова на побудисардя лэ Патифарос тэ одмэкэл лэ Иосифос. Прожыля время, и лэ Иосифостэ ашэлэ инке май барэ проблемы.

КАЛА АШЭЛ ИНКЕ МАЙ ԤАРЭС

7. Сар лэ Иосифостири жызня ашэля инке май ԥари? (Бытие 39:14, 15).

⁷ Сар ԥэнэнпэ андэ 39 ӷлава Бытие, по Иосифо шутя сама лэ Патифаростири хулаи. Вой най еқвар ԥэнэнас лэсти, кай во тэ пэрэл ласа. Кажно разо о Иосифо отԥэнэнас лати андэ када. Тоди вой фартэ росхоляйля и дошалярдя лэс, кай во камля тэ стерэл ласа нахально билажавардимос. (Проадинон Бытие 39:14, 15.) Кала о Патифаро уӷангля пала када, во шутя лэс андо баруно, и во котэ сас дэсавэ бэрша (Быт. 39:19, 20). Со за баруно када сас? О еврейско алав, саво ԥэндя о Иосифо, можэт тэ сыкавэл хранилище важ о паи или яма (Быт. 40:15). Дицол, кай кодэва ҭан сас фартэ тэмно, и лэ Иосифости здэласпэ, кай нисо лашо ужэ на авэла. Кадяжэ андэ Библия ԥэнэнпэ, кай дэсави время во сас заԥандадо андэ цэпоря (Пс. 105:17, 18). Лэстири жызня ашэля инке май ԥари: во сас слуӷо, ай акана ашэля барунари.

8. Андэр со амэ можэм тэ авас уверени, дажэ если ашэл май ԥарэс?

⁸ Сас тутэ варикала кацави ситуацыя, сави ашэлас май ԥари и май ԥари, хоть ту и фартэ мангэсаспэ? Кацаво можэт тэ авэл. О Иегова на фэрий амэн лэ ԥаримастар андэ кадэя люма, савяса правий о Сатана (1 Иоан. 5:19). Но ту можэш тэ авэс уверено, кай о Иегова драго ӷанэн, со тути прижалпэ тэ пэрэандярэс, и во заботийпэ пала тутэ (Матф. 10:29—31; 1 Пет. 5:6, 7). Во дэл алав: «Никала на ашавава тут и никала на мэкава тут» (Евр. 13:5). О Иегова можэт тэ поможый амэнди, дажэ если здэлпэ, кай и ситуацыя на парудёл андо лашымос. Давайте диқаса, сар о Иегова дя зор лэ Иосифости.

9. Андар со дицол, кай о Иегова сас лэ Иосифоса, кала во бэшэлас андо баруно? (Бытие 39:21—23).

⁹ Проадинон Бытие 39:21—23. Дажэ андэ ԥари ситуацыя, кала о Иосифо бэшэлас андо баруно, о Иегова лэс блаӷословияс. Сар? О Иосифо затердя лашо алав англа барэдэр по баруно, и кадэва мануш доверял лэсти и столас патив кадя жэ, сар раньшэ када терэлас о Патифаро. Тоди «о барэдэр по баруно стодя лэ Иосифос пэ всаворэ барунаря». Андэ Библия ԥэнэнпэ, кай во «нэ пэрэжывал пала кода, со отдя андэ лэ Иосифостирэ вас». Акана кай о Иосифо сас дила, сави поможысардя лэсти тэ на загиндойпэ пала пэско ԥаримос. Сар дэ резко паруделя и ситуацыя! О Иосифо сас барунари. Ай инке лэс дошалярдэ, кай во камэлас тэ стерэл нахально билажавардимос лэ Патифаростиря хулаяса. Тоди сар лэсти моӷли тэ дэн кацави почотно дила? Атвето исин андэ Бытие 39:23: «О Иегова сас лэ Иосифоса и о Иегова андэ вся подритярэлас лэс».

10. Росԥэнэн, васо, возможно, о Иосифо на гиндояс, кай о Иегова блаӷословий лэс андэ вся?

¹⁰ Инке еқвар погиндон, со сас по ди кай о Иосифо. Кала пэр лэстэ андярдэ найлашо алав и шутэ андо баруно, гиндояс во, кай о Иегова андэ вся лэс блаӷословий? Со о Иосифо камэлас май фартэ? Хэба тэ затерэл лашо алав англа барэдэр по баруно? Наверно, во камэлас, кай пар лэстэ тэ злэн о хохаимос и тэ одмэкэн. Во дажэ помангля, кай авэр барунари, савэс трэбуй сас ӥто тэ одмэкэн, тэ подэл дума пала лэстэ лэ фараоноса (Быт. 40:14). Но кадэва мануш бистэрдя пала лэстэ. И о Иосифо ашэляпэ андо баруно инке пэ дуй бэрш (Быт. 40:23; 41:1, 14). И всаек о Иегова на парашэлас лэс тэ блаӷословий.

11. Саво зор о Иегова дя лэ Иосифости, и сар через када исполнисайля лэ Иеговаско замысло?

¹¹ Пока о Иосифо бэшэлас андо баруно, о Иегова дя лэ фараоности тэ диқэл дуй сунэ, через савэ во запэрэжывал. О египецко царё фартэ камэлас тэ полэл, со вонэ сыкавэн. Кала во уӷангля, кай о Иосифо можэт тэ росԥэнэн и сунэ, во приԥэндя, кай лэс тэ анэн анда баруно. Лэ Иеговастирэ зорэса о Иосифо объяснисардя и сунэ. О фараоно удивисайля, кала ашундя лэстирэ мудри советоря. О царё диқля, кай кадэлэ манушэса о Дэл, и важ када во стодя лэс тэ диқэл пала вся о хабэ андо Египто (Быт. 41:38, 41—44). Прожыля время, и по Египто дя баро боқалимос. Во сас кадяжэ и андо Ханаано, кай бэшэлас лэ Иосифоско ери. Через кода, кай лэ Иосифостэ сас власть, во моӷ тэ спасый пэстирэ дадэско ери. Блаӷодаря кадэлэсти ашэля возможно, кай анда лэско колено тэ авэл Мисия.

12. Сар о Иегова блаӷословияс лэ Иосифос?

¹² Погиндон пала нэобычно лэ Иосифостири жызня. Ко побудисардя лэ Патифарос тэ шол сама кадэлэ простонэ рабос? Ко дя гиндо лэ барэдэрэсти по баруно тэ стол лэ Иосифос тэ диқэл пала авэр барунаря? Ко дя лэ фараоности сунэ, ай лэ Иосифости — зор тэ полэл лэн? Ко повлиял пэ ришэния тэ дэл лэ Иосифости тэ диқэл пала вся о хабэ андо Египто? (Быт. 45:5). Када о Иегова андэ вся лэс блаӷословияс. Хоть лэ Иосифостирэ ԥрала камэнас тэ умарэн лэс, о Иегова парудя и ситуацыя, кай тэ стерэл кода, со во камэл.

САР О ИЕГОВА БЛАӶОСЛОВИЙ ТУТ

13. Влияет о Иегова пэ кажно ситуацыя андэ амари жызня? Росԥэнэн.

¹³ Сости амэ сытювас анда лэ Иосифостири жызня? Влияет о Иегова пэ кажно амари ситуацыя? Чаче, кала андэ жызня варисо найдраго, када терэлпэ най евья? Най, и Библия кадэлэсти на сытярэл (Эккл. 8:9; 9:11). Но амэ точно ӷанас, кай кала амэндэ исин ԥаримос, о Иегова када диқэл и ашунэл, кала амэ взвисавас лэстэ пала помощь (Пс. 34:15; 55:22; Ис. 59:1). Ай инке о Иегова можэт тэ дэл зор, кай амэндэ драго тэ вижал тэ виритярас о ԥаримос.

14. Сар о Иегова поможый амэнди андэ ԥари время?

¹⁴ Сар о Иегова поможый амэнди? Например, во подритярэл амэн и дэл зор имено тоди, кала када трэбуй (2 Кор. 1:3, 4). Кадя сас лэ ԥралэса анда Туркменистано, савэс ақарэн Эзизо. Через лэстири вера лэс бэшардэ андо баруно пэ дуй бэрш. Акэ со во росԥэнэн: «Андэ кодэва дес, кала сас мэрно сындо, тэсара, ек ԥрал сыкадя манди Исайя 30:15. Котэ ԥэнэнаспэ: „Тумаро зор андэ кода, кай тэ ашэнпэ спокойни и тэ сыкавэн, кай патян“. Кадэва стихо всегда поможыяс манди тэ авав спокойно и андэ вся тэ надеисавав по Иегова. Кадэла гиндоря придэнас манди зор вся и время, пока мэ бэшавас андо баруно». Ай ту сэрэс, сар о Иегова подритярдя лично тут, кала када сас фартэ трэбуй?

15, 16. Сости амэ сытювас кай и Тори?

¹⁵ Дэкала кати тоди, кала о ԥаримос ужэ прожыля, и амэ вспоминаем, сар амэ лэс пэрэжудям, амэ полас, сар о Иегова поможыяс амэнди. И ԥэй, савя ақарэн Тори, поля када па пэстири жызня. Кай лако шаво о Мейсоно, шов бэрш сас найлащи дук, и через када лэс на ашэля. Лэ ԥаримастар латэ росшындёлас оди. Вой ԥэнэн: «Мэ на ӷанав, со можэт тэ авэл май ԥарэс важ и дэй». Инке вой ԥэнэн: «Мэ уверено, кай кажно ԥэнэна, кай фэдэр тэ мучиспэ екжэно, чем тэ диқэс, сар мучийпэ тиро бэято».

¹⁶ И Тори вспоминала, сар о Иегова поможыяс лати андэ кодэя фартэ ԥари время. Вой ԥэнэн: «Мэ диқав, кай о Иегова ритярэлас ман пала вас всаворэ бэрша, пока мэрно шаво сас мэӷнимэ. Например, дэкала о Мейсоно сас фартэ слабо, кай тэ прилэл лэ манушэн, савэ авелэ лэстэ. Но и ԥрала и ԥэя всаек авэнас андэ больница, кай тэ подритярэн амэн. Хоть о дром залэлас дуй часоря, андэ больница всегда сас варико анда амарэ. Кадяжэ ԥрала и ԥэя заботинаспэ, кай амэндэ тэ авэл вся, со трэбуй важ и жызня. Дажэ андэ само ԥари время амэ ни андэр со нэ нуждались». О Иегова поможысардя, кай и Тори вся тэ виритярэл, и кадяжэ на ашавэлас латирэ шавэс. (Диқэн и рамка «О Иегова дэлас амэнди имено кода, со трэбуй».)

АДИНОН ПЭСТИРЭ БЛАӶОСЛОВЕНИИ

17, 18. Со поможыя амэнди андэ ԥари время тэ диқас и тэ цэнисарас лэ Иеговастири помощь? (Псалом 40:5).

¹⁷ Проадинон Псалом 40:5. Лэ манушэстэ, саво ваздэлпэ по плай, исин цэль тэ дожал каринг и вершына. Пока во жал каринг латэ, во можэт тэ тердёл и тэ диқэл по шукаримос, саво исин круӷом лэстэ. Кадяжэ и ту витидэ время, кай тэ гиндос пала кода, саво лашымос дэл тути о Иегова дажэ андэ найвушэро время. Сар прожал о дес, пуш пэстар: «Сар о Иегова блаӷословил ман адес? Дажэ если о ԥаримос инке на прожыля, сар о Иегова поможый манди тэ ритярдював?» Сар розмышляеш пала кадэла вопросоря, стов зор тэ додиқэс хоть ек лэ Иеговастири блаӷословения.

¹⁸ Канешно, амэ можэм тэ мангаспэ, кай о Иегова тэ улэл амэндар о ԥаримос, и андэ када нинай нисо нэправильно (Флп. 4:6). Но кадяжэ амэнди трэбуй тэ диқас и блаӷословении, савэ исин амэндэ акана. Важ кода кай о Иегова дэл алав, кай подритярэла амэн и поможыя вся тэ виритярас. Важ када ав блаӷодарно пала помощь, сави о Иегова дэл амэнди кажно дес. Тоди ту диқэса, сар дажэ андэ ԥари время о Иегова поможый тути кадя жэ, сар лэ Иосифости, и о Дэл блаӷословия тут андэ вся, со ту терэс (Быт. 41:51, 52).