Терэн вся, кай и любовь тэ авэл май бари

1. Со тумэ уӷанглэ, кала линэ изучать и Библия?

ВСПОМНИТЕ, кала тумэ линэ тэ изучаете и Библия. Можэт, тумэ фартэ удивисайлэ, кай лэ Дэвлэстэ исин алав. Май ӥто всаворэстар тумэнди ашэля май вушэро, кала тумэ уӷанглэ, кай о Дэл на мучий лэ манушэн андо адо. И, наверно, тумэ фартэ обрадосайлэ, кай упалэ сможэте тэ диқэн лэ пашутнэн, савэ мулинэ, и тэ жувэн вмести лэнца андо раё пэ ԥув.

2. Росԥэнэн, сар тумэ линэ тэ барён духовно (Эфесянам 5:1, 2).

² Со май бут тумэ уӷанэнас анда Библия, со май бари ашэлас тумари любовь каринг о Иегова. Кадэя любовь побудисардя тумэн тэ терэн кадя, сар уӷанэнас. Тумэ линэ тэ жувэн па библейски принцыпоря и май часто тэ прилэн лашэ ришэнии. Тумэ закамлэ тэ радуин лэ Дэвлэс и важ када линэ па аврятэ пэс тэ андярэн и парудэ пэстирэ гиндоря. Сар о бэято, саво камэл тэ шолпэ пэ пэстирэ родителя, тумэ линэ тэ терэн вся, кай тэ шонпэ по тумаро небесно Дад. (Проадинон Эфесянам 5:1, 2.)

3. Со тумэ можэте тэ пушэн пэстар?

³ Пушэн пэстар: «Ашэля май бари мэрни любовь каринг о Иегова кодэлэ десэстар, сар мэ болделэм? Можно тэ ԥэнав, кай кода, сар мэ пэс андярав и сар гиндосарав, акана май фартэ шолпэ пэ кода, сар гиндой и андярэл пэс о Иегова? Например, сыкавав мэ май бут любовь каринг и ԥрала и ԥэя?» Если тумэ ужэ любин най кадя, сар любинас спэрва, на умэкэн и вас. Варисо кацаво жэ сас и кай и христианоря андо пэрво вико. Но о Иисусо на одбанделя лэндар. Во на одбандёла и тумэндар (Отк. 2:4, 7). Во ӷанэн, кай тумэ можэте упалэ тэ любин кадя, сар любинас тоди, кала кати уӷанглэ о чачимос.

4. Пала со амэ подаса дума андэ кадэя статья?

⁴ Андэ кадэя статья амэ спэрва уӷанаса, сар амэ можэм май фартэ тэ любисарас лэ Иеговас и лэ пашутнэн. Ай потом амэ подаса дума пала кода, савэ блаӷословении аштярэн амэн и аврэн, если амари любовь ашэла май бари.

ТЕРЭН ВСЯ, КАЙ ТЭ АВЭЛ МАЙ БАРИ ЛЮБОВЬ КАРИНГ О ИЕГОВА

5, 6. а) Саво ԥаримос сас кай о апостало Павло? б) Со дэлас лэ Павлости зор тэ на ашавэл и служэния лэ Иеговасти?

⁵ О апостало Павло сас бахтало, кала служыяс лэ Иеговасти. Но лэстэ сас и бут ԥаримос. Во часто марэлас барэ дрома, ай андэ кодэя время када сас найвушэро. Андо дром во най еқвар «чуть на [муля] андэ лэна» и трэбуй сас «тэ [фэрийпэ] лэ бандитонэндар». Кадяжэ лэс най еквар марэнас кодэла, ко сас против о чачимос (2 Кор. 11:23—27). И ԥрала най всегда цэнинас кода, кай во анда оди стол зор, кай тэ поможый лэнди (2 Кор. 10:10; Флп. 4:15).

⁶ Со поможысардя лэ Павлости тэ на здэлпэ? Анда Писания и анда кода, со сас андэ лэстири жызня, во уӷангля, саво о Иегова. О Павло поля, кай о Иегова лэс любий (Рим. 8:38, 39; Эф. 2:4, 5). И во екжэно фартэ полюбисардя лэ Иеговас. Лэстири любовь каринг о Дэл дицолас андэ кода, кай во бут терэлас дила, кай тэ поможый «лэ свынтонэнди» (Евр 6:10).

7. Со поможыя амэнди май фартэ тэ любисарас лэ Иеговас?

⁷ Кай тэ любисарас лэ Дэвлэс инке май фартэ, амэнди трэбуй драго тэ изучаем лэско Алав. Кала ту адинос и Библия, старысав тэ полэс, со кажно стихо росԥэнэн тути пала Иегова. Пуш пэстар: «Сар кадэва расказо сыкавэл, кай о Иегова любий ман? Сар кадэла библейски стихоря побудин ман тэ любисарав лэ Иеговас?»

8. Сар и молитва поможый амэнди май фартэ тэ любисарас лэ Дэвлэс?

⁸ Кадяжэ амэ сможэм май фартэ тэ любисарас лэ Иеговас, если вся и время ласа тэ росԥэнас лэсти андэ молитва кода, со амэндэ по ди (Пс. 25:4, 5). Ай о Иегова, пэстиря ригатар, лэла атвечать пэ амарэ молитвы (1 Иоан. 3:21, 22). И ԥэй анда Азия, савя ақарэн Кханb, ԥэнэн: «Кала мэ лэм тэ изучаю и Библия, мэ уӷанглэм лэ Иеговас и полюбисардэм лэс. Ай кала мэ диқлэм, сар во атвечает пэ мэрнэ молитвы, мэ полюбисардэм лэс инке май фартэ. И манди закамляпэ вся и время тэ терав кадя, кай о Иегова тэ авэл довольно манца».

ТЕРЭН ВСЯ, КАЙ ТЭ АВЭЛ МАЙ БАРИ ЛЮБОВЬ КАРИНГ АВЭР

9. Андар со дицол, кай о Тимофеё терэлас вся, кай май фартэ тэ любий лэ ԥралэн и лэ ԥэян?

⁹ Через дэсавэ бэрша посли кода, сар о Павло ашэля христианино, во уӷангля райканэ тэрнэ манушэс, савэс ақарэнас Тимофеё. О Тимофеё любияс лэ Иеговас и лэ манушэн. Прожылэ бэрша, и о Павло пистросардя пала лэстэ лэ христианонэнди андэ Филиппы: «Мандэ авэр нико нинай, савэстэ авелоп кацаво жэ настроё, кай анда оди тэ заботийпэ пала тумэндэ» (Флп. 2:20). Катэ о Павло на дэл дума пала кода, кай о Тимофеё сас лашо арӷанизаторо или кай во шукарнэс ӷанэнас тэ дэл дума. О Павло шолас сама, кай о Тимофеё фартэ любияс лэ ԥралэн и лэ ԥэян. Амэ уверени, кай и ԥрала и ԥэя андэ собрании фартэ аштярэнас кодэя время, кала лэндэ авэла о Тимофеё (1 Кор. 4:17).

10. Сар и Анна и лако хулай сыкадэ пэстири любовь каринг и ԥрала и ԥэя?

¹⁰ Амэ тожэ родас возможность тэ поможысарас лэ ԥралэнди и лэ ԥэянди (Евр. 13:16). Акэ примеро ла Аннако, пала сави амэ дям дума андэ кодэя статья. Посли баро ураӷано вонэ лэ хуласа авелэ кай ек ери, савэ сас лэ Иеговастирэ свидетеля, и додиқлэ, кай и крыша па лэнго цэр пэля. Через када кодэлэ ерестэ на ашэляпэ вужи йда. И Анна росԥэнэн: «Амэ лям лэндири ӥда, вихаладям, виӷладосардям, драго стидям и андярдям лэнди. Важ амэндэ када сас найбари дила. Но кадя появисайля лащи дружба, и амэ дружым идоси». Через и любовь кадэва мисианерско ери сас ӷотово тэ поможый пэ дила (1 Иоан. 3:17, 18).

11. а) Со лэ манушэндэ по ди, кала амэ сыкавас и любовь каринг лэндэ? б) Сар анда Притчи 19:17 дицол, со по ди кай о Иегова, кала амэ сыкавас пэстири любовь?

¹¹ Кала амэ сыкавас каринг и мануша и любовь и доброта, вонэ моӷут тэ шон сама, кай кадя амэ старысавас тэ терас, сар о Иегова. Лэн можэт тэ лэл лэ одестар амари доброта, хоть амэ, можэт, пала када и на уӷанаса. И Кхан, пала сави амэ ужэ дям дума, вспоминает кодэлэн, ко лати поможыяс, и ԥэнэн: «Мэ кадя блаӷодарно всаворэ кучутнэ ԥэянди, савэ лэнас ман андэ служэния! Вонэ заладэнас пала мандэ, ақарэнас тэ хас вмести, ай потом подындярэнас ман цэрэ. Акана мэ полав, скати зор вонэ пэ када стодэ. И вся када вонэ терэнас через и любовь». Канешно, най всаворэ ԥэнэна амэнди «наис» важ амари лащи дила. Акэ со и Кхан ԥэнэн пала кодэла, ко лати поможыяс: «Сар бы мэ камлоп тэ поблаӷодарисарав лэн важ лэндири доброта! Жалко, кай мэ на ӷанав, кай вонэ щяс жувэн. Но о Иегова ӷанэн. И мэ мангавпэ, кай во тэ поблаӷодарий лэн важ мандэ». И Кхан ԥэндя лашо гиндо: о Иегова па чачимастэ шол сама пэ любо, дажэ само цынёне амари лащи дила. Важ о Иегова када — кучутни жэртва, важ сави во дэла наӷрада. (Проадинон Притчи 19:17.)

12. Сар и ԥрала моӷут тэ сыкавэн и любовь каринг и собрания? (Диқэн кадяжэ и картинки).

¹² Если ту ԥрал, сар ту можэш тэ сыкавэс пэстири любовь каринг авэр и тэ поможыс лэнди? Ек тэрно ԥрал, савэс ақарэн Джо́рдано, ԥэндя барэдэрэ ԥралэсти, кай камлоп май бут тэ терэл андэ собрания. О ԥрал похвалисардя лэс важ кода, со лэстэ ужэ драго вижал тэ терэл, и ԥэндя лэсти дэсавэ советоря. Например, во ԥэндя, кай о ԥрал Джордано можэт май раньшэ тэ авэл андо Зало Царства и тэ встречает аврэн. Кадяжэ тэ дэл каминтарии пэ собрании, май часто тэ ԥирэл пэ служэния пэстиря ӷруппаса и тэ погиндой, сар пэ дила тэ поможый аврэнди. О Джордано стердя кадя, сар лэсти подԥэндя ԥрал. Во най кати сытеля бут со тэ терэл, но и ля май фартэ тэ любий лэ ԥралэн и лэ ԥэян. О Джордано поля: кала о ԥрал ашэл помошнико андэ собрания, во нэ начинает, ай продолжает тэ поможый аврэнди (1 Тим. 3:8—10, 13).

13. Сар, блаӷодаря кодэлэсти кай о Кристиано на парашэлас тэ сыкавэл и любовь, во упалэ ашэля барэдэр ԥрал?

¹³ Ай со, если ту будэр най помошнико андэ собрания или барэдэр ԥрал? О Иегова всаек сэрэл о зор, саво ту стодян, и любовь, через сави ту терэсас и лащи дила (1 Кор. 15:58). Во кадяжэ шол сама, кай ту на парашэс тэ сыкавэс и любовь. О ԥрал, савэс ақарэн Кри́стиано, фартэ пэрэжывал, кала парашэля тэ служый сар барэдэр ԥрал. И всаек во ԥэнэн: «Мэ ришыл, кай лава и дальшэ тэ служысарав лэ Иеговасти и тэ терав вся, со па мэрно зор, — нэважно, исин мандэ атвецтвеность андэ собрания или най». Прожыля время и во упалэ ашэля барэдэр ԥрал. О Кристиано ԥэнэн: «Пэрво время мэ набут пэрэжывал, но потом мэ ришыл: если о Иегова па пэско лашымос домэкля, кай мэ упалэ тэ авав барэдэр ԥрал андэ собрания, мандэ вся вижала, важ кода кай мэ любисарав лэс и мэрнэ ԥралэн и ԥэян».

14. Сости ту сытёс анда алава, савэ ԥэндя и ԥэй анда Грузия?

¹⁴ Лэ Иеговастирэ служытеля кадяжэ сыкавэн и любовь каринг и пашутнэ (Матф. 22:37—39). Например, и Еле́на анда Грузия ԥэнэн: «Спэрва мэ росԥэнавас важ о Иегова ек важ кода, кай любисарав лэс. Но кала мэ полюбисардэм пэстирэ небеснонэ Дадэс инке май фартэ, мэ лэм май фартэ тэ любисарав и лэ манушэн. Мэ старысававас тэ полав, саво ԥаримос лэндэ можэт тэ авэл и савэ темы лэнди авэна интересни. И со май бут мэ пала када гиндосаравас, со май фартэ камавас тэ поможысарав лэнди» (Рим. 10:13—15).

И ЛЮБОВЬ КАРИНГ АВЭР АНЭН БУТ ЛАШЫМОС

15, 16. Диқэн пэ картинка. Саво лашымос аштярэл кодэлэн, ко сыкавэл каринг авэр и любовь?

¹⁵ Кала амэ сыкавас и любовь каринг и ԥрала и ԥэя, када анэн лашымос най кати лэнди. Кала сас и пандэмия КОВИДО-19, о Пао́ло и лэстири хулаи поможысардэ бутэ ԥурэ ԥэянди тэ розлэнпэ андэ электрони устройства, кай тэ росԥэнэн пала Дэл. Например, еқа ԥьяти спэрва сас найвушэро тэ розлэлпэ андо планшэто, но блаӷодаря лэнди латэ када вижыля. Када поможысардя лати тэ ақарэл пэ Вечеря пэстирэ родос. И каринг и Вечеря па видеосвязь подключились 60 мануша! Кода, кай о Паоло и лэстири хулаи стодэ зор, андя лашымос ла ԥьяти и латирэ родости. Потом кадэя ԥэй пистросардя лэ Паолости: «Наис, кай сытярэн амэн, лэ ԥурэн манушэн. Мэ никала на бистрава, скати важ амэндэ стердэ о Иегова и тумэ, мэрнэ кучутнэ!»

¹⁶ О Паоло додиқля важ пэстэ важно уроко. Во поля, кай и любовь пэ бутэстэ май важно, чем и знании и способности. Во ԥэнэн: «Май данглал мэ служысаравас сар раёно барэдэр ԥрал. Гиндосарав, и ԥрала и ԥэя ужэ бистэрдэ и речи, савэ мэ ԥэнавас, но мэ уверено, вонэ инке сэрэн и лащи дила, сави мэ важ лэндэ теравас».

17. Касти инке анэн лашымос кода, кай амэ сыкавас и любовь?

¹⁷ Амэ можэм дажэ тэ на полас, са́р амэнди поможыя кода, кай амэ сыкавас и любовь каринг авэр. О Джо́натано анда Нэви Зеландия поля када па пэстири жызня. Еқвар андэ субота, кала сас фартэ жарко, во додиқля пианерос, саво екжэно росԥэнэнас пала Дэл паша дром. О Джонатано ришыл, кай пэ авэр субота жала вмести лэса. Во дажэ на полэлас, сар кадэя лащи дила поможыя лэсти екжэнэсти. Во росԥэнэн: «Андэ кодэя время мэ най фартэ любисаравас тэ росԥэнав пала Дэл. Но кала мэ ашундэм, сар кодэва пианеро сытярэл, и додиқлэм, саво лашымос анэн лэсти и служэния, мэ полюбисардэм и служэния. Кадяжэ мандэ появисайля райкано друӷо, саво поможысардя манди тэ полюбисарав и служэния и тэ авав май пашэ каринг о Иегова».

18. Со амэндар аштярэл о Иегова?

¹⁸ О Иегова камэл, кай амари любовь каринг лэстэ и каринг авэр тэ ашэл май бари. Амэ уӷанглям, кай ласа май фартэ тэ любисарас лэ Иеговас, если ласа тэ адиносарас лэско Алав, тэ розмышляем пала кода, со адиносарас, и часто тэ мангаспэ. Ай и любовь каринг и ԥрала и ԥэя авэла май бари, если амэ ласа пэ дила тэ поможысарас лэнди. Тоди амэ аваса инке май пашэ лэ Иеговаса и амарэ ԥралэнца и ԥэянца. И амари дружба авэла вечно!