О интересо каринг и мануша анэн лашымос пэ вся и жызня

О дадэ сас барэдэр андэ катутни объединёно канацко қандири. Важ када кажно курко тэсара во бишалэлас амэн ла ԥьяса пэ урокоря андэ қандири. Ай потом в одиннацать амэ жасас лэса пэ служба андэ қандири. Посли обедо амэ жасас ла мамаса андо Зало Царства. Амэнди драго дицолас и разница машкар кадэла дуй веры.

И мама росԥэндя пала пэстири нэви вера пэстирэ друӷонэнди, савэн ақарэнас Бо́бо и Мэ́рион Ха́тчесон. Вонэ тожэ прилинэ о чачимос. Андо 1958 бэрш и Хатчесоны вмести пэстирэ тринэ шавэнца лаглэ по международно канӷрэсо «Лэ Дэвлэстири воля», саво жалас восемь деса. Во прожалас андо Нью-Йорко, и вонэ линэ ман пэса. Адес, кала мэ вспоминаю кодэя время, мэ полав, сар лэнди сас найвушэро тэ диқэн пала штар шаворэ. Но кодэва канӷрэсо ашэля ек анда со май важни событии андэ мэрни жызня.

О ЛИЧНО ИНТЕРЕСО ФАРТЭ ПОВЛИЯЛ ПЭ МЭРНИ ЖЫЗНЯ

Кала мэ сымас подростко, амэ жувасас пэ ферма и манди чалёлас тэ заботисавав пала жывотни. Мэ загиндосававас, кай тэ ашав врачо важ и жывотни. И мама росԥэндя пала када лэ барэдэрэ ԥралэсти андэ собрания. Во ковлэс напомнил манди, кай амэ жувас андэ послидни деса, и пушля, сар мэрни учоба андо университето повлияет пэ мэрни дружба лэ Иеговаса (2 Тим. 3:1). И мэ ришыл тэ на жав тэ сытював андо университето.

Но тоди соса мэ тэ залавпэ посли школа? Хоть мэ кажно курко пэ выходни служысаравас, манди на чалёлас тэ росԥэнав пала Дэл и мэ на камавас тэ авав пианеро. О дадэ и о како, най Свидетеля, побудинас ман тэ жав терав андэ бари страхово кампания андо Торонто. О како сас котэ баро мануш и важ када мэ жылэм.

Андо Торонто мандэ фартэ бут время ужалас пэ бути и сас най христианско окружения. Важ када мэ лэм тэ промэкав и собрании и май набут тэ служысарав. Спэрва мэ жувавас мэрнэ папоса, саво на сас Свидетелё. Но потом во муля, и манди прижыляпэ тэ родав кай тэ жував.

И Хатчесоны, савэнца мэ сымас по канӷрэсо андо 1958 бэрш, сас манди сар родителя. Вонэ ақардэ ман тэ пожував лэндэ и поможысардэ тэ стерав мэрни дружба лэ Иеговаса май састи. Андо 1960 бэрш, мэ и лэнго шаво, о Джоно вмести болделям. О Джоно ашэля пианероса, и, кала мэ диқавас пэр лэстэ, мэ тожэ лэм тэ служысарав май бут. И ԥрала шутэ сама, кай мэ духовно барював, и через дэсави время стодэ, кай мэ тэ авав служытелё важ и Школа теократического служэнияa.

ВИАРАҚЛЭМ РАЙКАНЭ НАПАРНИКОС И АШЭЛЭМ ПИАНЕРО

Андо 1966 бэрш мэ жэнисайлэм пэ Па́лмер Берг, сави анда вся оди служыяс пианероса и камэлас тэ служый котэ, кай на хутилэлас Свидетелёнэн. Амаро разъездно барэдэр ԥрал шолас амэнди бут сама. Во побудисардя амэн тэ пэрэладас андэ собрания андэ Ори́ллия (Онта́рио), кай трэбуй сас помощь. Важ када амэ стидямпэ и лаглям интя.

Сар кати амэ авелям андэ Ориллия, мэ стердэм, сар и Палмер, и ашэлэм пианеро. Через лако примеро мэ тожэ закамлэм тэ служысарав май бут. Мэ анда вся оди закамлэм тэ терав май бут андэ пианерско служэния. Манди чалёлас тэ росԥэнав лэ манушэнди и библейски стихоря. Кала мэ диқавас, сар о чачимос лэл лэн лэ одестар, мэрно ди сас ԥэрдо лошаса. Сэрав, сар амэ изучали и Библия еқэ ереса. Сар дэ приятно сас тэ поможысарас лэнди тэ парувэн пэстири жызня и тэ ашэн лэ Иеговастирэ служытеля!

СЫТЮВАС НЭВИ ШЫБ И ЛАС ТЭ ГИНДОСАРАС ПА АВРЯТЭ

Еқвар амэ самас андо Торонто, и мэ уӷанглэм лэ ԥралэс, савэс ақарэнас А́рнолдо Макнама́ра. Во сас ек анда ԥрала, савэ диқэнас пала бути андо Вефилё. Во пушля, камлоп амэ тэ служысарас сар специальни пианероря. Мэ сразу жэ ԥэндэм: «Канешно! Кай уӷодно, кати най андо Квебе́ко!» Пэр мандэ влиял о найлашо настроё, саво сас андэ Канада лэ манушэндэ, савэ дэн дума пэ анӷлийско шыб. Кадэла мануша найдраго относились каринг и мануша андо Квебеко, савэ дэнас дума пэ французско шыб. Андэ кодэя время и мануша жанас против правительство и камэнас, кай о Квебеко тэ на ужал андэ Канада.

О Арнолдо ԥэндя: «О Квебеко — када единствено ҭан, каринг акана о филиало бишалэл специальнонэ пианеронэн». Тоди мэ сразу жэ соӷласисайлэм. Мэ ужэ ӷанавас, кай и Палмер камэлас котэ тэ служый. Потом мэ полэм, кай када сас ек анда со май лашэ ришэнии андэ амари жызня.

Панч курте амэндэ сас курсоря важ и французско шыб. Ай потом амэ и инке ек ери пэрэлаглям андо форо Риму́ски. Када варикай 540 километроря каринг о северо-востоко от Монреа́ля. Амэ инке най фартэ драго дасас дума пэ французско. Особенно када дицэля пэ ек встреча, кала мэ адиносаравас и объявлении. Трэбуй сас тэ ԥэнав, кай амэндэ по канӷрэсо авэна бут «австрийски ӷостёря», ай мэ пэ пэстири французско шыб ԥэндэм, кай авэна «страусини ӷостёря».

Андэ Римуски амэнца линэ тэ служын штар ԥэя, савэ на сас миростэ, ай кадяжэ о ери Юбердо́ пэстирэ дуе щеянца. О ери Юбердо важ амэндэ всаворэндэ зля баро пианерско цэр. Амэ ԥэнасас пэр лэстэ «Парно цэр», важ кода кай лэстэ сас парнэ колоны и парнэ стины. Котэ жувэнас от 12 до 14 мануша. Кадя сар мэ и Палмер самас специальни пианероря, амэ росԥэнасас пала Дэл утром, посли обедо и вэчэром. Важ када амэ фартэ цэнисарасас, кай амэнца вся и время варико моӷ тэ жал андэ служэния — дажэ если када сас шудро ӥвэндицко вэчэро.

Амэ и кадэла предани пианероря ашэлям фартэ пашэ. Вонэ ашэлэ важ амэндэ сар ери. Дэкала амэ стидасаспэ паша яг или проандярасас «дес важ и вареникоря». Андэ кадэва дес амэ всаворэ леписарасас вареникоря разнонэ начинкэнца. Ек ԥрал сас музыканто. Важ када в субботу вэчэром амэ часто дилабасас и цэласас.

Бут мануша андэ Римуски камэнас тэ уӷанэн о чачимос анда Библия. Важ панч бэрш амэ диқлям, сар дэсавэ мануша, савэ изучали и Библия, болделэ, ай андэ собрания ашэля варикай 35 вазвещятеля.

Андо Квебеко амэ бут сости сытелям андэ служэния. Амэ диқасас, сар о Иегова поможыяс амэнди андэ служэния и заботияспэ пала кода, со амэнди сас трэбуй. Инке амэ полюбисардям лэ манушэн, савэ дэнас дума пэ французско шыб, лэндири шыб и культура. Ай када поможысардя амэнди тэ полюбисарас и авэр культуры (2 Кор. 6:13).

Нэожыдано о филиало мангля амэн тэ пэрэладас андо форо Тра́кади по востоко андо Нью-Бра́нсуико. Када сас най вушэро. Амэ кати доԥэнделям, кай тэ злас квартира, и мандэ сас доӷоворо пэ бути учителёса андэ школа. Котэ мэ теравас бути дэсавэ часоря андо курко. Тай инке дэсавэ анда кодэла, каса амэ изучали и Библия, кати ашэлэ вазвещятеля. Но и када инке най вся. Андэ Римуски строинас Зало Царства и котэ сас бут дила.

Пэ выходни амэ бут мангасаспэ пала амаро переездо и лаглям андэ Тракади тэ диқас, со котэ. О форо сас совсем най кацаво, сар и Римуски. Но амэ ришыли: если о Иегова камэл амэн котэ тэ диқэл, амэ пэрэладаса. Амэ проверили лэ Иеговас и диқлям, кай во вужардя важ амэндэ о дром (Мал. 3:10). Сар и май данглал, тэ пэрэладас амэнди сас май вушэро, важ кода кай и Палмер фартэ духовно ԥэй, сави на гиндой пала пэстэ, и вой драго ӷанэн тэ терэл ԥэряса.

Андэ кодэя собрания сас кати ек барэдэр ԥрал. Лэс ақарэнас Ро́берто Россо. Во и лэстири хулаи Линда служынас андэ Тракади сар пианероря. Вонэ закамлэ котэ тэ ашэнпэ, дажэ кала лэндэ арақаделя бэято. Хоть посли када лэндэ и появисайля бут дила, вонэ всегда сас ӷостеприимни и анда вся оди служынас. Важ амэндэ вонэ сас райкано примеро.

РАДОСТЯСА СЛУЖЫСАРАС КОТЭ, КАЙ ТРЭБУЙ ПОМОЩЬ

Амэ прослужысардям андэ Тракади дуй бэрш, и амэн аштярэлас инке ек сюрпризо. Амэн манглэ тэ авас андэ разъездно служэния. Сем бэрш амэ служысарасас андэ английски раёноря, ай посли када амэн бишалдэ андо французско раёно, андо Квебеко. О Лео́нсо Крепо́b, саво сас андэ областно служэния андо Квебеко, всегда хвалияс ман важ и речи. Ай потом во обычно пушэлас: «Со ту можэш тэ стерэс, кай лэн тэ авэл май вушэро тэ прилэн андэ жызня?» Лэско лично интересо поможысардя, кай мэрнэ речи тэ авэн май точни и май прости.

Никала на бистрава и задания, сави сас мандэ по международно канӷрэсо андо 1978 бэрш «Победоносная вера». Во сас андо Монреалё. Мэ трэбуй сымас тэ диқав пала кода, кай тэ авэл хамос важ и ӷостёря. Амэ аштярасас, кай авэна 80 000 мануша. И ԥрала ԥэндэ, кай када разо о хамос лэна тэ гитон най кадя, сар раньшэ. Нэво сас вся: и аборудования, меню и кода, сар гитонас. Амэндэ сас 20 барэ прицепоря-холодильникоря, савэ дэкала ԥадёнас. Англа канӷрэсо амэнди трэбуй сас тэ стас вся и аборудования. Но андэ кодэва дес сас спортивно соревнования. И амэ смоӷли тэ попэрас по стадионо кати посли епаш рят. Ай трэбуй сас тэ включисарас вся жы каринг и тэсара, кай тэ успеем тэ пригитосарас о хамос. Амэ фартэ цэилям. Но мэ бутэсти сытелэм кай кадэла зрели добровольцоря, савэ терэнас бут дила и ӷанэнас тэ терэн ԥэряса. Лэнго примеро лэлас ман лэ одестар. Амэ фартэ подружысайлям и дружысарас идоси. Сар жэ амэ самас ради тэ авас пэ кодэва историческо канӷрэсо андо Квебеко — андэ провинция, кай андэ 40-ви и 50-ти бэрша сас жэстоко приследования!

Мэ бут сости сытелэм кай и отвецтвени ԥрала, кала амэндэ сас барэ канӷрэсоря андо Монреалё. Андэ ек бэрш пала бюро канӷрэса сас ответствено о Дэ́йвидо Сплэ́йно, саво акана служый андо Руководящё совето. Пэ авэр канӷрэсо, кала манди динэ тэ авав отвецтвено пала кадэва отдело, о Дэйвидо ман фартэ подритярдя.

Андо 2011 бэрш, посли кода сар мэ и Палмер проандярдям андэ разъездно служэния 36 бэрш, ман ақардэ тэ сытярав андэ Школа важ и барэдэр ԥрала андэ собрания. Важ дуй бэрша амэ самас андэ 75 разни ҭана. Но када ашэлас тэ жас пэ жэртвы. Кажно разо посли обучения и барэдэр ԥрала всегда сас фартэ блаӷодарни, важ кода кай вонэ диқэнас, сар о Руководящё совето заботийпэ пала лэндири духовность.

Потом мэ сытяравас андэ Школа блаӷовесников Царства. Котэ сас фартэ бари наӷрузка: почти семь часоря андо дес и ԥрала и ԥэя бэшэнас пэ урокоря, потом вэчэром трин часоря терэнас и домашнё задания и инке лэндэ кажно курко сас штар или панч учебни задании. Мэ и о дуйто учителё вся и время ԥэнасас лэнди, кай лэ Иеговастирэ зорэса лэндэ вся вижала. Мэ никала на бистрава, сар и студенторя удивинаспэ, кала лэндэ вижалас кода, со, сар вонэ гиндонас, най па лэнго зор! Да, лэ Иеговаса вся вижала.

О ЛИЧНО ИНТЕРЕСО КАРИНГ И МАНУША АНЭН БУТ ЛАШЫМОС

О интересо каринг и мануша, саво сас кай мэрни мама, поможысардя, кай латирэ изучающи тэ барён духовно. Дажэ мэрно дад ля тэ диқэл по чачимос па аврятэ. Лэско ди ашэля май ковло. Через трин дес посли кода, сар ла мама на ашэля, амэ всаворэ удивисайлям, кай во авеля пэ дума важ всаворэ андо Зало Царства. И во на парашэлас тэ авэл пэ собрании 26 лет. Хоть о дадэ кадя и на болделя, и барэдэр ԥрала ԥэндэ манди, кай пэ всаворэ собрании андо Зало Царства во авэлас само пэрво.

Кадяжэ и мама фартэ повлияла пэр мандэ и пэ мэрнэ трин ԥэя. Всаворэ вонэ пэстирэ хуланца предано служын лэ Иеговасти. Дуй ԥэя служын андэ филиалоря: ек андэ Португалия, ай авэр пэ Гаити.

Щяс мэ и Палмер служысарас сар специальни пианероря андо Га́мильтоно (Онтарио). Андэ разъездно служэния амэнди чалёлас, кала амэн ақарэнас пэ повторни и пэ изучении Библии. Ай щяс амэ радосавас кодэлэсти, кай амарэ изучающи барён духовно. Амэ подружысайлям лэ ԥралэнца и лэ ԥэянца андэ амари нэви собрания. И сар дэ драго тэ диқас, кай о Иегова лэнца и андэ лащи, и андэ ԥари время.

Амэ анда вся оди блаӷодарни бутэ ԥралэнди и ԥэянди, савэ всаворэ кадэла бэрша сыкавэнас каринг амэндэ лично интересо. Пэстиря ригатар, амэ старысавасас анда оди тэ пэрэжываем пала авэр, и тэ поможысарас лэнди тэ полэн, со вонэ моӷут тэ стерэн важ о Иегова (2 Кор. 7:6, 7). Например, андэ ек ери и дэй пэстирэ шавэса и ла щяса служынас полновремено. Мэ пушлэм кай о хулай лэ ереско, на загиндояспэ во пала пианерско служэния. Во ԥэндя, кай заботийпэ пала трин пианероря. Тоди мэ пушлэм: «Нэужэли ту можэш тэ позаботиспэ пала лэндэ фэдэр, чем о Иегова?» Мэ ԥэндэм лэсти, кай если во лэла тэ служый сар пианеро, тоди лэстэ авэла кацави жэ радость, сар и лэндэ. Прожыля епаш бэрш, и во тожэ ашэля пианеро.

Мэ и Палмер камас и дальшэ тэ росԥэнас лэ ԥралэнди и лэ ԥэянди пала кода удивительно, со стердя о Иегова (Пс. 71:17, 18). И амэ надеисавас, кай вонэ лэна тэ любин и служэния кадя жэ фартэ, сар и амэ.