Сытён кай о Даниило

1. Васо и вавилоняноря шутэ сама по Даниило?

КАЛА о Даниило сас тэрноро, лэс залинэ анда лэско форо и ундярдэ андо плено андо Вавилоно. Котэ пэр лэстэ сразу шутэ сама. Всаворэ диқэнас, кай лэ Даниилостэ на сас нисаво нэдостатко, во сас драго пар пэстэ и сас анда лашо ери. Важ када и вавило́няноря линэ тэ сытярэн лэс, кай во тэ ашэл баро мануш андо дварецо кай о царё (Дан. 1:3, 4, 6; 1 Сам. 16:7).

2. Сар о Иегова диқэлас по Даниило? (Иезекииль 14:14).

² О Иегова любияс лэ Даниилос най важ кода, кай во сас драго пар пэстэ или ашунгло англа мануша, ай важ кода, кай кадэва тэрно мануш старыияспэ анда вся оди тэ радуий лэс. Кати погиндон: лэ Даниилости сас кати 20 варисоса бэрш, ай о Иегова ужэ сыстояс лэс кацавэ ашунглэ служытелёнэнца, сар о Ноё и о Иово, савэ бут бэрша предано служынас лэ Дэвлэсти (Быт. 5:32; 6:9, 10; Иов 42:16, 17; проадинон Иезекииль 14:14). О Иегова на парашэлас тэ любий лэ Даниилос вся лэстири долӷо и интересно жызня (Дан. 10:11, 19).

3. Пала со амэ подаса дума андэ кадэя статья?

³ Андэ кадэя статья амэ шаса сама пэ дуй качестворя, через савэ о Иегова фартэ цэнияс лэ Даниилос. Спэрва амэ набут подаса дума пала кажно андар лэндэ и диқаса, андэ савэ ситуацыи о Даниило лэн сыкавэлас. Потом амэ уӷанаса, со поможысардя, кай лэстэ тэ авэн кадэла качестворя. В концэ амэ подаса дума, сар тэ андярас пэс кадя жэ, сар во. Хоть кадэя статья май бут важ и молодёжь, всаворэ амэ можэм бутэсти тэ сытювас кай о Даниило.

АВЭН СМИЛИ, САР О ДАНИИЛО

4. Сар о Даниило сыкадя и смилость?

⁴ Кай и смили мануша можэт тэ авэл дар. Но вонэ на домэкэн, кай кадэя дар тэ на дэл лэнди тэ терэн правильно. О Даниило сас фартэ смило тэрно мануш. Роздиқам дуй случаёря анда лэстири жызня, савэ доԥэнэн када. О пэрво, возможно, сас варикай через дуй бэрш посли кода, сар и вавилоняноря розмардэ о Иерусалимо. Лэ Вавилонсконэ царёсти лэ Навуходоносорости снисайля страшно суно, андэ саво во диқля розбари статуя. Во ԥэндя, кай если всаворэ лэстирэ мудрецы, и о Даниило тожэ, на росԥэнэна о суно и со во значит, тоди вонэ авэна умардэ (Дан. 2:3—5). О Даниило нащи сас тэ цырдэл и время — бут мануша через када моӷли тэ мэрэн. Важ када «о Даниило жыля каринг о царё и мангля, кай тэ дэл лэсти время, кай во моӷ тэ росԥэнэн, со значит о суно» (Дан. 2:16). Кай када тэ стерэл, лэсти трэбуй сас смилость и вера. Важ кода кай никай на ԥэнэнпэ, кай май данглал во моӷ тэ росԥэнэн и сунэ. Во мангля пэстирэ друӷонэн, савэнди и вавилоняноря динэ алава Шадрахо, Мешахо и Аведнего, «тэ мангэнпэ лэ небеснонэ Дэвлэсти, кай о Дэл тэ жалуий лэн и тэ ԥэрнавэл кадэя тайна» (Дан. 2:18). О Иегова атветил пэ кадэла молитвы. Лэ Дэвлэстирэ зорэса кай о Даниило вижыля тэ росԥэнэн лэ царёско суно. Кадя о Даниило и лэстирэ друӷоря ашэлэпэ жундэ.

5. Андэ сави инке ситуацыя о Даниило трэбуй сас тэ авэл смило?

⁵ Через дэсави время о Даниило упалэ трэбуй сас тэ авэл смило. О Навуходоносоро диқля инке ек суно, через саво во фартэ запэрэжывал. Пэ кадэва разо лэсти снисайля фартэ бари витка. О Даниило би дарако росԥэндя лэ царёсти лэско суно. Во дажэ ворта ԥэндя лэ Навуходоносорости, кай кодэва пэ время сжала па годятэ и хасарэла и царско власть (Дан. 4:25). О царё моӷ тэ погиндой, кай о Даниило ваздэлпэ против лэстэ, и важ када тэ казний лэс. Но лэ Даниилос када на тердярдя — во сыкадя и смилость и росԥэндя о суно.

6. Со поможыяс лэ Даниилости тэ авэл смило?

⁶ Со поможыяс лэ Даниилости вся и жызня тэ авэл смило? Жы бэятостар во диқэлас ла дако и лэ дадэско райкано примеро. Амэ уверени, кай вонэ кандэнас вся, со о Дэл ԥэнэнас, кай тэ терэн и израильски родителя, и сытярэнас пэстирэ шавэс лэ Дэвлэстирэ законости (Втор. 6:6—9). О Даниило, канешно жэ, ӷанэнас ӷлавни лэ Дэвлэстирэ законоря, кацавэ сар и Дэш заповеди. Но во кадяжэ ӷанэнас и разни детали андо законо. Например, со лэ израильтянонэнди можно сас тэ хан, ай со нащи (Лев. 11:4—8; Дан. 1:8, 11—13)b. О Даниило кадяжэ драго ӷанэнас вся, со сас лэ Дэвлэстирэ народоса, и диқэлас, каринг саво баро ԥаримос андя кода, кай и мануша на кандэнас лэ Иеговас (Дан. 9:10, 11). Важ вся пэстири долӷо жызня о Даниило най еқвар диқэлас, сар лэс подритярэлас о Иегова и лэстирэ фартэ зоралэ анӷелоря. И када доԥэнэнас лэсти, кай о Иегова лэс никала на ашавэла (Дан. 2:19—24; 10:12, 18, 19).

7. Со инке поможысардя лэ Даниилости тэ авэл смило? (Диқэн кадяжэ и картинка.)

⁷ О Даниило изучал лэ Дэвлэстирэ пророконэндирэ книжки, например, лэ Иеремияско пророчество. Блаӷодаря кадэлэсти, во поля, кай ӥто закончица о вавилонско плено, саво жалас бут бэрша (Дан. 9:2). Канешно, кода, кай и библейски пророчества исполнисайлэ, поможысардя, кай о Даниило май фартэ тэ патял лэ Иеговасти. Ай кала о мануш андэ вся патял лэ Дэвлэсти, во можэт тэ авэл фартэ смило. (Сыстон Римлянам 8:31, 32, 37—39.) Но со май ӷлавно, о Даниило часто мангэласпэ пэстирэ небеснонэ Дадэсти (Дан. 6:10). Во прижандёлас лэ Иеговасти андэ пэстирэ бэзэха и росԥэнэнас вся, со лэстэ по ди. Кадяжэ во мангэлас лэ Дэвлэстар помощь (Дан. 9:4, 5, 19). О Даниило сас кацаво жэ мануш, сар и амэ. Ай значит, во на арақаделя сразу смило. Во ашэля кацавэса блаӷодаря кодэлэсти, кай изучал и Свынти Лила, мангэласпэ лэ Иеговасти и патялас лэсти.

8. Сар амэ можэм тэ авас смили?

⁸ Со амэ трэбуй тэ терас, кай тэ авас смили? И родителя моӷут тэ сытярэн амэн тэ авас смили, но вонэ нэ моӷут тэ пэрэдэн кадэва качество па наследство. Амэнди трэбуй тэ сытювас тэ авас смили, сар и тэ терас варисави нэви дила. Ек, со поможыя тэ терас варисо нэво, — када драго тэ диқас, со терэл о учителё, и тэ терас, сар во. Кай тэ сытювас тэ авас смили, амэ трэбуй тэ диқас, сар када терэн авэр, и тэ старысавас тэ андярас пэс, сар вонэ. Сости амэ сытювас кай о Даниило? Амэ тожэ трэбуй драго тэ ӷанас лэ Дэвлэско алав. Амэ трэбуй май фартэ тэ пашувас каринг о Иегова, часто тэ дас дума лэса и пала вся тэ росԥэнас. И амэнди трэбуй тэ патяс лэ Иеговасти, кай во всегда амэн подритярэла. Тоди, кала амэндэ авэла ԥаримос, амэ аваса смили.

9. Васо амэнди трэбуй смилость?

⁹ Амэнди фартэ важно тэ авас смили. Роздиқаса, со сас кай о Бе́но анда Германия. Во сытёлас андэ школа, кай всаворэ патянас андэ эвалюцыя и гиндонас, кай кода, со пистромэ андэ Библия пала сотворения, — када най чачимос. Еқвар кай о Бено сас возможность англа вся о класо тэ росԥэнэн, васо во патял, кай вся сас создано. Во смило росԥэндя пала кода, андэр со патял. Каринг со када андя? О Бено ԥэнэн: «О учителё ман драго виашундя. Посли када во дажэ стердя копии па материало, саво мэ использовал, и роздя всаворэ учениконэнди андо класо». Ай сар андярдэ пэс лэстирэ однокласникоря? Во росԥэнэн: «Бут касти сас интересно кода, со мэ росԥэнав, и потом вонэ ман хвалинас». Кода, со сас лэ Беноса, сыкавэл, кай часто лэ смилонэ манушэн уважают. Кадяжэ через и смилость амэ можэм тэ поможысарас лэ манушэнди тэ уӷанэн лэ Иеговас. Важ када амэндэ исин бут причины, васо трэбуй тэ сытювас тэ авас смили.

АВЭН ПРЕДАНИ, САР О ДАНИИЛО

10. Со када преданость?

¹⁰ О еврейско алав, саво андэ Библия пэрэандярдо сар «преданость» или «предано любовь», пэрэдэл о гиндо пала фартэ састи дружба. Кацави любовь о Дэл сыкавэл каринг пэстирэ друӷоря. Кадэва жэ алав используется, кай тэ росԥэнэн пала любовь, сави сыкавэн ек каринг еқэстэ лэстирэ служытеля (2 Сам. 9:6, 7). Амари преданость через и время можэт тэ ашэл май бари. Када драго сыкавэл лэ Даниилоско примеро.

11. Сави сас проверка важ лэ Даниилостири преданость, кала во сас ԥуро? (Диқэн и картинка пэ обложка.)

¹¹ Андэ лэ Даниилостири жызня сас бут ситуацыи, кала лэсти сас трэбуй тэ сыкавэл, ашэлапэ во предано лэ Иеговасти чи най. Но ек анда со май ԥарэ испытании лэстэ сас тоди, кала лэсти сас ужэ пала 90 бэрш. Каринг кодэя время о Вавилоно захутилдэ и мидяноря и персоря, и лэса правияс о царё Дариё. Лэ царёстирэ слуӷоря на любинас лэ Даниилос и совсем на стонас патив по Дэл, савэсти во тэлёлас. Важ када вонэ доԥэнделэ тэ умарэн лэ Даниилос. Вонэ стердэ кадя, кай о царё тэ подпистрой о законо, через саво дицэлоп, касти о Даниило авэла предано: пэстирэ Дэвлэсти или лэ царёсти. Вся, со сас трэбуй тэ терэл о ԥуро пророко, — када 30 деса тэ на мангэлпэ лэ Иеговасти. Кадя во сыкадоп, кай предано лэ царёсти, и лэс на казнисардоп. О Даниило отԥэнделя тэ ритярэл кадэва законо. Важ када лэс шутэ андэ яма лэ левонэнца. Но о Иегова блаӷословисардя лэ Даниилос важ лэстири преданость и на домэкля, кай и леворя тэ похан лэс (Дан. 6:12—15, 20—22). Сар амэндэ можэт тэ авэл кацави жэ бари преданость каринг о Иегова?

12. Со терэлас о Даниило, кай лэстэ тэ авэл бари преданость лэ Иеговасти?

¹² Сар ужэ сас ԥэндо, кай тэ авас предани лэ Иеговасти, амэ трэбуй фартэ тэ любисарас лэс. О Даниило фартэ любияс лэ Иеговас, и важ када лэстэ дажэ гиндо на сас тэ придэл пэстирэ небеснонэ Дадэс. Кай о Даниило сас кацави любовь, важ кода кай во размышлял пала лэ Иеговастирэ качестворя и пала кода, сар во лэн сыкавэл андэ вся пэстири дила (Дан. 9:4). Кадяжэ о Даниило сас блаӷодарно пала вся лашымос, саво о Иегова терэлас важ лэстэ и важ лэско народо (Дан. 2:20—23; 9:15, 16).

13. а) Андэ савэ ситуацыи и молодёжь трэбуй тэ сыкавэл преданость? Росԥэнэн о примеро. (Диқэн кадяжэ и картинка.) б) Со можно тэ ԥэнэн, кала тумэндар пушэн, со лэ Иеговастирэ свидетеля гиндон пала гомосэксуалисторя? (Диқэн о видео «Истинная праведность принесёт мир» по сайто jw.org.)

¹³ Сар и андэ лэ Даниилостири время, адес круӷом амари мололодёжь исин мануша, савэ на стон патив ни по Дэл, ни пэ лэстирэ законоря. Вонэ моӷут тэ вэрыцын кодэлэн, ко любий лэ Дэвлэс. Дэсавэ дажэ терэн вся, кай тэ пэрэдаравэн амарэ ԥралэн и ԥэян, кай вонэ тэ жан против лэ Дэвлэско законо. Акэ, например, со сас кай о Гре́ймо анда Австралия, саво сытёлас андэ школа андэ май барэ класоря. Еқвар о учителё пушля кай и ученикоря, со бы вонэ тердоп, если бы о друӷо тэ ԥэндоп лэнди, кай во гомосэксуалисто. О учителё ԥэндя, кай кодэла, ко подритярдоп лэ друӷос, тэ тердён пэ ек риг, ай ко най — тэ тердён пэ авэр. О Греймо вспоминает: «Почти вся о класо подритярдя када. Кати мандэ и инке кай ек Свидетелё сас авэр мнения». Через кода, со тердяпэ потом, о Греймо трэбуй сас тэ сыкавэл, предано во лэ Иеговасти чи най. Во ԥэнэн: «Вся о уроко авэр ученикоря и дажэ о учителё приасанаспэ амэндар и ԥэнэнас пар мэндэ найлашэ алава. Мэ, скати моӷ, ритяравас пэс андэ вас и призындяравас годявэрнэ доказательства, кай тэ зашавпэ пала пэстири вера. Но вонэ вобще на ашунэнас ман». Сар када повлияло по Греймо? Во ԥэнэн: «Канешно, сас нэприятно тэ попэрэс андэ кацави ситуацыя. Но мэ сымас фартэ радо, кай смоӷ тэ зашавпэ пала пэстири вера и на жылэм пэ уступки».

14. Со амэ можэм тэ терас, кай амэндэ тэ авэл бари преданость лэ Иеговасти?

¹⁴ Амэ сможэм тэ авас кацавэ жэ предани, сар о Даниило, если тераса вся, кай май фартэ тэ любисарас амарэ небеснонэ Дадэс. Амэндэ авэла кацави жэ любовь, если ласа май бут тэ уӷанас пала лэ Иеговастирэ качестворя. Ай лэн можно тэ роздиқас андэ лэстирэ тварении (Рим. 1:20). Андэ када амэнди поможына и статьи и видеоря андэ рубрика «Дэзначай чи када сас загиндомэ?». Вонэ поможына, кай амэ инке май фартэ тэ полюбисарас лэ Иеговас и тэ стас пэр лэстэ инке май бари патив. Кадяжэ можно инке еқвар тэ проадиносарас и брашуры «Была ли жизнь создана?» и «У истоков жизни. Пять вопросов, которые требуют ответа». Акэ со пала кадэла брашуры ԥэнэн тэрнёры ԥэй анда Дания, савя ақарэн Э́стер: «И доказательства, пала савэ андэр лэндэ ԥэнэнпэ, — када баро дело! Андэ кадэла брашуры на ԥэнэнпэ, андэр со ту трэбуй тэ патяс. Андэр лэндэ пистромэ кати и факты, ай и ришэнии ту прилэс екжэно». О Бено, кастирэ алава сас пистромэ май данглал, ԥэнэн: «Кадэла брашуры стердэ мэрни вера май састи. Акана мэ инке май фартэ патяв, кай и жызня создал о Дэл». Кала тумэ иследуете кадэва материало, тумэ, май ӥто всаворэстар, соӷласинапэ лэ алавэнца анда Откровение 4:11: «Иегова, амаро зорало Дэл, ту достойно тэ прилэс слава и честь, важ кода кай ту вся создал»c.

15. Со инке поможыя, кай тэ авэл састи дружба лэ Иеговаса?

¹⁵ Инке со поможыя май фартэ тэ любисарас лэ Иеговас — када драго тэ розуӷанас пала лэстирэ Шавэстири жызня. Имено кадя и стердя и тэрнёры Сами́ра анда Германия. Вой ԥэнэн: «Мэ май драго уӷанглэм лэ Иеговас, кала адиносаравас пала Иисусо». Кала и Самира сас цынёни, лати сас ԥарэс тэ полэл, кай лэ Иеговастэ исин чуства. Ай акэ лэ Иисусоса вся сас май вушэро. И Самира росԥэнэн: «Манди во чалёлас, важ кода кай во сас добро и любияс лэ бэятонэн». Со май бут вой уӷанэнас пала Иисусо, со май састи ашэлас латири дружба лэ Иеговаса. Васо? Вой ԥэнэн: «Через и время мэ диқлэм, кай о Иисусо андэ вся андярэл пэс, сар лэско Дад. Вонэ фартэ шонпэ. Мэ полэм, кай када ек анда причины, васо о Иегова бишалдя пэстирэ Шавэс пэ ԥув. Кадя и мануша моӷли инке май драго тэ уӷанэн лэ Иеговас» (Иоан. 14:9). Если тумэ камэн, кай тумэндэ тэ авэл састи дружба лэ Иеговаса, на жалуин и время и май бут уӷанэн пала Иисусо. Када поможыя тумэнди инке май фартэ тэ полюбин лэ Иеговас и тэ ашэн инке май предани лэсти.

16. Васо амэ трэбуй тэ авас предани? (Псалом 18:25; Михей 6:8).

¹⁶ Если амэ аваса предани аврэнди, тоди амэндэ авэна надёжни друӷоря, савэ амэн на ашавэна (Руфь 1:14—17). Кадяжэ, кодэлэндэ, ко предано лэ Иеговасти, по ди спокойство. Васо? Важ кода кай о Иегова предано кодэлэсти, ко предано лэсти. (Проадинон Псалом 18:25; Михей 6:8.) Кати погиндон: хоть амэ фартэ цынёне англа Всемоӷущё Создателё, во дэл алав, кай всегда лэла тэ любий амэн! Если о Иегова — амаро со май пашутно друӷо, нико и нисо на стерэла кадя, кай кадэя дружба тэ римойпэ: ни и вороӷоря, ни о ԥаримос, ни дажэ и смэрть (Дан. 12:13; Луки 20:37, 38; Рим. 8:38, 39). Сар жэ важно тэ сытювас кай о Даниило и тэ ашаспэ предани лэ Иеговасти!

НА ПАРАШЭН ТЭ СЫТЁН КАЙ О ДАНИИЛО

17, 18. Пала со амэ подаса дума андэ авэр статья?

¹⁷ Андэ кадэя статья амэ подям дума пала дуй лэ Даниилостирэ качестворя, савэ трэбуй тэ авэн и амэндэ. Но када най вся, сости амэ можэм тэ сытювас кай кадэва пророко. Например, о Иегова дя лэ Даниилости дэсавэ видении и сунэ, ай кадяжэ зор, кай во тэ росԥэнэн и пророчества. Бут анда кадэла пророчества ужэ исполнисайлэ. Ай андэ авэр драго росԥэнэнпэ пала кода, со авэла англэ и повлияет пэ кажно мануш пэ ԥув.

¹⁸ Андэ авэр статья амэ роздиқаса дуй пророчества, савэ запистросардя о Даниило. Всаворэнди амэнди, скати бы амэнди тэ на авэн бэрша, важно лэн тэ полас. Када поможыя амэнди ужэ акана тэ прилас и мудри ришэнии. Кадяжэ кадэла пророчества поможына амэнди тэ авас смили и тэ на парашас тэ авас предани лэ Иеговасти. Кадя амэ подӷотовимся каринг и событии, савэ ужэ ӥто авэна.