Сости амэ сытювас анда лэ Петростирэ письморя?

1. Сави задания о Дэл дя лэ Петрости, кала пашолас лэстири время?

О АПОСТАЛО Пётро най ек бэрш служыяс лэ Иеговасти. Кала о Иисусо росԥэнэнас пала Дэл, во сас паша лэстэ. Через кадэва апостало пала лащи новость уӷанглэ и найевреёря. Ӷэт май интя во служыяс андо руководящё совето. Варикай андо 62—64 бэрш н. э. о Иегова дя лэсти инке ек задания: тэ пистрой дуй письморя. Када сас тоди, кала ужэ пашолас лэстири время. Кадэла письморя адес исин андэ Библия. Амэ ӷанас лэн сар 1 и 2 Пётро. О апостало надеияспэ, кай и гиндоря анда кадэла письморя поможына лэ христианонэнди тэ ашэнпэ верни лэ Дэвлэсти дажэ тоди, кала лэс ужэ на ашэла (2 Пёт. 1:12—15).

2. Васо лэ Петростирэ письморя сас тоди, кала када фартэ трэбуй?

² О Пётро пистрояс пэстирэ письморя тоди, кала и ԥрала и ԥэя пэрэандярэнас «бут разно ԥаримос» (1 Пёт. 1:6). Дэсавэ мануша анда собрания розындярэнас о хохаимос и подмарэнас аврэн тэ терэн о билажавардимос (2 Пёт. 2:1, 2, 14). Пашолас о дес, кала и римски халавдэ трэбуй сас тэ розмарэн о Иерусалимо и лэско храмо. Но и христианоря андэ кодэва форо трэбуй сас тэ авэн внимательни (1 Пёт. 4:7). Лэ Петростирэ письморя поможынас лэ ԥралэнди и лэ ԥэянди тэ виритярэн вся о ԥаримос и тэ авэн ӷотови тэ пэрэандярэн и трудности англэb.

3. Васо трэбуй май драго тэ роздиқас лэ Петростирэ письморя?

³ Хоть о Пётро пистросардя пэстирэ письморя лэ христианонэнди андо пэрво вико, о Иегова позаботисайля, кай вонэ тэ авэн андэ Библия. Када сыкавэл, кай вонэ моӷут тэ анэн лашымос и амэнди (Рим. 15:4). Амэ тожэ жувас андэ люма, кай андо билажавардимос нинай нисо. Через вся када амэнди можэт тэ авэл найвушэро тэ служысарас лэ Иеговасти. Тай инке ӥто авэла и бари бида, сави авэла май ԥари, чем сас, кала розмардэ о Иерусалимо и лэско храмо. Андэ дуй лэ Петростирэ письморя амэ арақаса лашэ советоря. Вонэ поможына амэнди тэ аштярас лэ Иеговаско дес, тэ улас и дар англа мануша и тэ сытювас анда вся оди тэ любисарас ек еқэс. Кадяжэ кадэла советоря поможына лэ барэдэрэ ԥралэнди инке май драго тэ диқэн пала ԥрала и ԥэя андэ собрания.

АШТЯРЭН ЛЭ ИЕГОВАСКО ДЕС

4. Через со можэт амари вера тэ ашэл май слабо, сар дицол анда 2 Пётро 3:3, 4?

⁴ Андэ Библия запистромэ кода, со аштярэл амэн англэ. Но амэ жувас машкар и мануша, савэ на патян андэ када. Вонэ подасанпэ амэндар, кай амэ най пэрво бэрш росԥэнас, кай пашол ла люматири время. Дэко дажэ ԥэнэн, кай када никала на авэла. (Проадинон 2 Пётро 3:3, 4.) Кацаво гиндо амэ можэм тэ ашунас лэ родостар, кодэлэндар, касти росԥэнас важ о Дэл или каса терас бути. Кода, кай вонэ подасанпэ амэндар, можэт найдраго тэ влияет пэ амари вера. О Пётро росԥэндя, сар када тэ на домэкас.

5. Со поможыя амэнди тэ аштярас, кала о Дэл улэла кадэя люма? (2 Пётро 3:8, 9).

⁵ Дэко гиндой: «Васо о Дэл на улэл кадэя найлащи люма? Васо во цырдэл и время?» Лэ Петростирэ алава поможын амэнди тэ полас, кай о Дэл на диқэл пэ время кадя, сар и мануша. (Проадинон 2 Пётро 3:8, 9.) Важ лэстэ тысяча бэрш сар ек дес. Кай о Иегова бари терпения, во на камэл, кай варико тэ мэрэл. Но кала лэско дес авэла, во улэла кадэя найлащи люма. Важ када давайте ласа годяса тэ проандярас и время и тэ на витидас, касти тэ росԥэнас важ о Дэл.

6. Со поможыя амэнди вся и время тэ сэрас пала лэ Иеговаско дес? (2 Пётро 3:11, 12).

⁶ О Пётро ԥэнэн амэнди тэ сэрас пала лэ Иеговаско дес. (Проадинон 2 Пётро 3:11, 12.) Сар амэ можэм када тэ терас? Амэнди трэбуй тэ гиндосарас пала райкани жызня, сави авэла андо раё пэ ԥув. Если тутэ исин возможность, тер када кажно дес. Драго прецтавляй пэсти, сар ту ԥурдэс вужэ воздухоса, хас лашо хамос и диқэспэ пэстирэ пашутнэ манушэнца, савэ рисайлэ каринг и жызня. Кадяжэ погиндосар, сар ту лэса тэ сытярэс кодэлэн, ко жувэлас бут викоря палпалэ, и тэ росԥэнэс лэнди, сар о Дэл зритярдя пэстирэ алава. Кацавэ гиндоря поможына тути тэ на цыёс тэ аштярэс и тэ на авэл всаек пэ кода, со терэлпэ андэ люма. Если амэ ӷанас, со авэла англэ, амэн нэ смоӷут тэ обхохавэн кодэла, ко на патян, кай ӥто авэла лэ Иеговаско дес (2 Пёт. 3:17) .

НА ДОМЭК, КАЙ ДАР АНГЛА МАНУША ТЭ ХУЛАИЙ ТУСА

7. Сар пар мэндэ можэт тэ влияет и дар англа мануша?

⁷ Амэ сэрас, кай лэ Иеговаско дес ӥто авэла, и важ када росԥэнас всаворэнди и лащи новость. И всаек дэкала амэндэ на хутилэл смилость тэ задас дума пала Библия. Васо? Важ кода кай дарас, со пала амэндэ гиндона и мануша или со амэнца стерэна. Кадяжэ сас лэ Петроса. И рят, кала лэ Иисусос андярдэ по сындо, о Пётро отԥэнделя, кай во лэ Иисусоско ученико. Во дажэ най еқвар ԥэндя, кай вобще на ӷанэн лэс (Матф. 26:69—75). Но ӷэт май интя кадэва жэ апостало сыкадя пэстири вера. Во пистросардя: «Кодэлэстар, состар лэн шол андэ дар, на́ даран и ни пала со нэ пэрэжывайте» (1 Пёт. 3:14). Лэ Петростирэ алава дэн амэнди зор тэ улас и дар англа мануша.

8. Со поможыя амэнди тэ улас и дар англа мануша? (1 Пётро 3:15).

⁸ Со поможыя амэнди тэ улас и дар англа мануша? О Пётро пистросардя: «Полэн лэ Христос сар Ӷосподинос андэ пэско ди». (Проадинон 1 Пётро 3:15.) Сар када тэ полас? Амэнди важно тэ гиндосарас важ кода, саво зор и сави власть кай о Иисус Христос, амаро Ӷосподо и Царё. Если ту пэрэжываеш, кала тутэ исин возможность тэ росԥэнэс и лащи новость, погиндосар важ амаро Царё. Прецтавь пэсти, сар во бэшэл по небесно троно машкар милионоря анӷелоря. Сэр, кай лэстэ «вся и власть по нэбо и пэ ԥув» и во авэла «тумэнца кажно дес, пока на поджала и время кадэла люмати» (Матф. 28:18—20). О Пётро ԥэнэн амэнди, кай амэ всегда тэ ӷанас, сар тэ зашаспэ пала пэстири вера. Камлоп ту тэ росԥэнэс важ о Дэл пэстирэ однокласниконэнди, лэ учителёнэнди, кодэлэнди, каса ту терэс бути или каса ту кажно дес диқэспэ? Май данглал погиндосар, кала можэт тэ авэл кацави возможность и со ту ԥэнэса. Мангпэ важ и смилость и патя, кай о Иегова поможыя тути тэ улэс любо дар (Дила 4:29).

АНДА ВСЯ ОДИ ЛЮБИН ЕК ЕҚЭС

9. Андэ сави ситуацыя о Пётро на сыкадя пэстири любовь каринг ԥрала и ԥэя? (Диқэн кадяжэ и картинка.)

⁹ Кай о Пётро най сразу вижалас тэ сыкавэл и любовь. Амэ ӷанас, кай о Пётро сас паша Иисусо, кала во ԥэндя: «Мэ дав тумэнди нэво законо, любин ек еқэс. Сар мэ любисарав тумэн, кадя и тумэ любин ек еқэс» (Иоан. 13:34). И всаек ӷэт май интя о Пётро парашэля пала ек мисяйля тэ хал лэ ԥралэнца и лэ ԥэянца, савэ сас найевреёря. Во даралас, со пала лэстэ погиндона и христианоря, савэ сас евреёря. О апостало Павло ԥэндя, кай о Пётро андярдя пэс сар лицымеро (Гал. 2:11—14). О Пётро приашунделя каринг лэ Павлоско совето и поля, сар во трэбуй пэс тэ андярэл. Андэ лэдуй пэстирэ письморя во шол сама пэ кода, кай и любовь каринг и ԥрала и ԥэя трэбуй тэ авэл най кати андо ди, но и пэ дила.

10. Со поможыя амэнди тэ сыкавас ек еқэсти и ԥралицко любовь? Росԥэнэн (1 Пётро 1:22).

¹⁰ О Пётро пистрояс лэ христианонэнди андо пэрво вико: «Тумэ... па чачимастэ полюбисардэ ек еқэс, сар ԥрала». (Проадинон 1 Пётро 1:22.) Амэндэ тожэ када вижала, если амэ ласа тэ сыкавас, кай приашундювас каринг о чачимос. Када кала прилас андэ жызня кода, со пистромэ андэ Библия. Например, андэ Библия ԥэнэнпэ, кай «о Дэл всаворэнца обжалпэ еқэндар» (Дила 10:34, 35). Амэ нэ можэм тэ ԥэнас, кай ритярас лэ Иисусоско законо: «Любин ек еқэс», если любисарас кати дэсавэн андэ собрания. Канешно, каринг варикастэ анда ԥрала и ԥэя амэ можэм тэ авас май пашэ. Важ о Иисусо тожэ дэсавэ ученикоря сас май пашэ (Иоан. 13:23; 20:2). Но о Пётро поможый амэнди тэ сэрас, кай трэбуй тэ старысавас тэ сыкавас каринг всаворэ андэ собрания и чачуни любовь. Тоди кажно полэла, кай во трэбуй андэ лэ Дэвлэско дружно ери (1 Пёт. 2:17).

11. Со сыкавэн и алава «тэ любисарас анда вся оди»?

¹¹ О Пётро пистросардя, кай амэ тэ любисарас ек еқэс анда вся оди. Када сыкавэл, кай трэбуй тэ ԥэрнавас амаро ди дажэ важ кодэла, кас ԥарэс тэ любисарас. Ԥэнаса, варико амэн холярдя. Пэрво, со, возможно, амэ камаса тэ стерас, када тэ рисарас. Но о Иисусо поможысардя лэ Пётрости тэ полэл, кай лэ Иеговасти на чалёл, кала о мануш кадя пэс андярэл (Иоан. 18:10, 11). Во пистросардя: «На́ рин пала найлашымос и на́ ԥэнэн нисо вэрыто кодэлэнди, ко абисо дэл дума пала тумэндэ. Но наоборот, терэн лашымос» (1 Пёт. 3:9). Старыинпэ анда оди тэ любин лэ манушэн. Тоди тумэндэ вижала ковлэс и внимательно тэ андярэн пэс дажэ кодэлэнца, ко тумэн холярдя.

12. a) Каринг со инке побудий амэн и любовь? б) Со ту камлоп тэ прилэс анда видео «Дорожите нашим единством»?

¹² Андэ пэско пэрво письмо о апостало Пётро пистросардя, кай и любовь анда оди поможыя амэнди тэ простисарас най ек-дуй, ай бут бэзэха (1 Пёт. 4:8). Возможно, о Пётро сэрэлас, со о Иисусо ԥэндя бут бэрша палпалэ пала кода, скати разоря трэбуй тэ простис. Андэ кодэя время о Пётро, наверно, гиндояс, кай тэ простий 7 разоря, када ужэ фартэ бут. Но о Иисусо ԥэндя лэсти, кай тэ простисарас трэбуй 77 разоря, аврэ алавэнца вся и время (Матф. 18:21, 22). Кадэла алава поджан и каринг амэндэ. Если тути здэлпэ, кай када нэвозможно, на умэк и вас! Амэ всаворэ нэсовершэни и важ када дэкала ԥарэс тэ простисарас. Но важно тэ стерас вся пэстиря ригатар, кай тэ улас пэстар и холи и кай упалэ тэ авэл ладоc.

БАРЭДЭР ԤРАЛА, ДРАГО ДИҚЭН ПАЛА ЛЭ ИЕГОВАСТИРЭ БАКРОРЭ

13. Васо лэ барэдэрэ ԥралэнди можэт тэ авэл найвушэро тэ заботинпэ пала ԥрала и ԥэя?

¹³ Амэ ӷанас, кай о Пётро никала на бистрэлас лэ Иисусостирэ алава, савэ во ԥэндя посли кода, сар рисайля каринг и жызня: «Пасысар мэрнэ бакрорэн» (Иоан. 21:16). Если ту барэдэр ԥрал андэ собрания, тоди ту ӷанэс, кай тожэ трэбуй тэ приашундёс каринг кадэла алава. Но лэ барэдэрэ ԥралэнди най всегда вушэро тэ арақэн время, кай тэ терэн кадэя дила. Вонэ диқэн пала пэско ери, кай тэ авэл вся, со трэбуй важ и жызня. Кадяжэ вонэ заботинпэ, кай андо ери всаворэндэ тэ авэл драго по ди и лащи дружба лэ Иеговаса. Кадяжэ и барэдэр ԥрала анда вся оди росԥэнэн пала Дэл и пристон зор, кай тэ подӷотовят задании пэ собрания и канӷрэсоря. Дэсавэ андар лэндэ служын андэ камитеторя па связи лэ больницэнца или поможын кодэлэнди, ко терэл андо катутно отдело, саво диқэл пала стройка. Важ амэндэ фартэ куч и барэдэр ԥрала, савэ терэн кадя бут дила.

14. Со поможыя лэ барэдэрэ ԥралэнди тэ диқэн пала лэ Дэвлэстирэ бакрорэ? (1 Пётро 5:1—4).

¹⁴ О апостало Пётро пистросардя лэ барэдэрэ ԥралэнди: «Пасын лэ Дэвлэско стадо». (Проадинон 1 Пётро 5:1—4.) Кучутно барэдэр ԥрал, амэ ӷанас, кай ту любис пэстирэ ԥралэн и ԥэян и камэс драго тэ диқэс пала лэндэ. Но дэкала тути можэт тэ здэлпэ, кай через и бут дила или через кода, кай ту цыелян, тутэ на вижала тэ терэс вся, со трэбуй. Со жэ тоди тэ терэс? Росԥэн вся, пала со пэрэжываеш, лэ Иеговасти. О Пётро пистросардя: «Кодэва, ко служый аврэнди, трэбуй тэ надеийпэ пэ лэ Дэвлэско зор» (1 Пёт. 4:11). О ԥаримос, саво исин кай и ԥрала и ԥэя, возможно, авэла улино кати андо раё пэ ԥув. Но сэр, кай ӷлавно пастухо, о Иисус Христос, можэт тэ стерэл важ лэндэ кода, со най па тиро зор. Варисо во терэл ужэ адес, ай варисо стерэла кати англэ. Вся, со о Дэл аштярэл лэ барэдэрэ ԥралэндар — када, кай вонэ просто тэ любин пэстирэ ԥралэн, драго тэ диқэн пала лэндэ и тэ сыкавэн лашо примеро.

15. Сар ек барэдэр ԥрал заботийпэ пала ԥрала и ԥэя андэ собрания?

¹⁵ О Уи́льямо, саво дэлмут служый барэдэрэ ԥралэса андэ собрания, драго полэл, пэ скати дэ важно тэ заботийпэ пала ԥрала и ԥэя. Кала заляпэ пандэмия COVID-19, во и авэр барэдэр ԥрала прилинэ ришэния, кай лэна еқвар андо курко тэ уӷанэн, сар и дила кажнонэ ԥралэстэ и ԥьятэ андэ пэстири ӷрупа важ и служэния. Во росԥэнэн, васо вонэ прилинэ кадэя ришэния: «Бут ԥрала ашэлэпэ екжэнэ андэ пэско цэр, сар андо баруно. Андэ кацави ситуацыя вушэро тэ хасарэс и радость и тэ диқэс пэ вся найлащя ригатар». Кала лэ ԥралэсти или ла ԥьяти ԥарэс, о Уильямо драго лэн виашунэл, кай тэ полэл, со лэнди трэбуй и сар лэнди тэ поможый. Тоди во виарақэл гиндоря, савэ лэн подритярэна. Часто када видеоря па амаро сайто. О Уильямо росԥэнэн: «Акана, сар никала, важно тэ подритярас аврэн. Амэ пристас бут зор, кай тэ росԥэнас лэ манушэнди пала Иегова. Но кацаво жэ зор амэнди трэбуй тэ пристас, кай драго тэ диқас пала лэ Иеговастирэ бакрорэ и тэ поможысарас лэнди тэ ашэнпэ верни лэ Дэвлэсти».

ДОМЭК, КАЙ О ИЕГОВА ТЭ СЫТЯРЭЛ ТУТ

16. Сар амэ можэм тэ прилас и советоря анда лэ Петростирэ письморя?

¹⁶ Амэ подям дума пала дэсавэ советоря анда лэ Петростирэ письморя. И тумэ, наверно, шутэ сама, андэр со тумэнди трэбуй тэ парудён. Например, камлоп ту май часто тэ гиндос пала кода, со лэса тэ терэс андо раё пэ ԥув? Ай можэт ту стодян цэль, кай тэ проповедуеш кодэлэнди, каса терэс бути, лэ однокласниконэнди, лэ учителёнэнди и кодэлэнди, каса диқэспэ кажно дес? Ай исин тумэндэ возможность тэ сыкавэн пэстири любовь каринг и ԥрала и ԥэя инке май фартэ? Барэдэр ԥрала, ӷотови тумэ и май дур тэ андярэн лэ Иеговастирэ бакрорэн и анда вся оди пала лэндэ тэ заботинпэ? Кала задэс кадэла вопросоря пэсти, дэ чачуно атвето. Кадя ту полэса, андэр со трэбуй тэ парудёс. На умэк и вас! Амаро добро Ӷосподино поможыя тути тэ парудёс (1 Пёт. 2:3). О Пётро ԥэндя амэнди: «О Дэл... екжэно лэла тэ сытярэл тумэн, кай тумэ андэ вся тэ авэн ӷотови каринг и служэния. Во подритярэла тумэн, придэла зор и поможыя вся тэ виритярэн» (1 Пёт. 5:10).

17. Если амэ на здаспэ и домэкас, кай о Иегова амэн тэ сытярэл, саво лашымос када анэна?

¹⁷ Варикала, кай о Пётро сас андо ди кацаво, кай во нэдостойно тэ авэл паша лэ Дэвлэско Шаво (Луки 5:8). Но блаӷодаря кодэлэсти, кай о Иегова и о Иисусо лэс подритярдэ, во на здяпэ и на парашэля тэ пристол вся пэско зор, кай тэ жал пала Христос. Лэ Петрости випэля бари бах тэ авэл «андо вечно Царство, саво прижал амарэ Ӷосподиности и Спасителёсти лэ Иисусос Христости» (2 Пёт. 1:11). Если ту сытёс кай о Пётро тэ на здэспэ и домэкэс, кай о Иегова тут тэ сытярэл, о Дэл дэла тути вечно жызня. Тутэ вижала «через пэстири вера [тэ домардёс] и спасения» (1 Пёт. 1:9).