О Иегова паша тутэ андэ нэспокойно время

1, 2. Соса амари время шолпэ пэ лэ евреёнэндири, савэ рисайлэ анда Иерусалимо? (Диқэн кадяжэ и схема «Время, андэ сави жувэнас о Агеё, о Захария и о Ездра».)

ИСИН тутэ пэрэжывании пала кода, сави жызня тутэ авэла англэ? Возможно, ту хасардян и бути и на ӷанэс, сар тэ проправарэс лэ ерес. Ай можэт ту дарас пала ери, важ кода кай андэ тири страна парудёл и власть, лэ манушэнди на чалёл, кай росԥэнэн важ о Дэл, или стодэ запрето пэ лэ Дэвлэстири дила. Тути анэна лашымос, если ту уӷанэса, сар андэ дэлмутни время о Иегова поможыяс лэ израильтянонэнди тэ пэрэандярэн кацаво жэ ԥаримос.

² Кай и евреёря, савэ рисайлэ анда Вавилоно андо Иерусалимо, трэбуй сас тэ авэл вера. Вонэ ашадэ и лащи жызня и жылэ андэ авэр страна. Бут израильтяноря ӷанэнас пала латэ совсем набут. Кала вонэ авелэ интя, лэндэ фартэ ӥто появисайлэ трудности. Лэнди на дохутилэнас и ловэ, кай тэ проправарэн пэстирэ еря. Андо Персицко царство сас нэспокойно. Ай и сосидни народоря вороӷуинас лэнца. Через када дэсавэнди сас ԥарэс тэ стон по пэрво ҭан андэ жызня кода, со сас май ӷлавно, — тэ строин о храмо. Акэ васо варикай андо 520 бэрш до н. э. о Иегова бишалдя каринг лэндэ дуе пророконэн, лэ Агеёс и лэ Захарияс. Вонэ трэбуй сас тэ поможын лэ народости упалэ тэ закамэн тэ терэн дила важ о Иегова (Агг. 1:1; Зах. 1:1). Сар амэ диқаса, кадэлэ пророконэндэ драго вижыля када тэ стерэн. Но варикай через 50 бэрш кай и евреёря упалэ умэклэпэ и вас. Тоди андо Иерусалимо авеля о Ездра анда Вавилоно. Во драго ӷанэнас тэ пэрэпистрой о законо. Во поможысардя лэ народости тэ лэн зор и кай ӷлавно андэ лэндири жызня упалэ тэ авэл служэния лэ Иеговасти (Езд. 7:1, 6).

3. Савэ вопросоря амэ роздиқаса? (Притчи 22:19).

³ Блаӷодаря лэ Агеёсти и лэ Захариясти израильтяноря надеинаспэ по Иегова, хоть пэр лэндэ тасавэнас и вороӷоря анда сосидни народоря. И алава кадэлэ пророконэндирэ поможына и амэнди, саво бы ԥаримос амэндэ тэ на авэл. (Проадинон Притчи 22:19.) Амэ подаса дума пала пророчества, пала савэ ԥэндя о Агеё и о Захария, ай кадяжэ пала лэ Ездраско примеро и даса атветоря пэ дэсавэ вопросоря: Савэ трудности сас кай и евреёря, савэ авелэ андо Иерусалимо? Васо трэбуй тэ стас лэ Дэвлэстири дила по пэрво ҭан, дажэ кала амэндэ исин ԥаримос? И сар амэ можэм май фартэ тэ патяс лэ Иеговасти андэ нэспокойно время?

САВО САС ԤАРИМОС КАЙ И ЕВРЕЁРЯ, САВЭ РИСАЙЛЭ АНДО ИЕРУСАЛИМО?

4, 5. Васо кай и евреёря ашэля най кацави дэ бари жылания тэ строин о храмо?

⁴ Кала и евреёря рисайлэ андо Иерусалимо, вонэ трэбуй сас котэ тэ терэн бут бути. Вонэ ӥто построисардэ о жэртвенико важ о Иегова и зашутэ о фундаменто важ о храмо (Езд. 3:1—3, 10). Но прожыля найбут время и вонэ пэрэкамлэ тэ терэн кадэя дила. Васо? Важ кода кай лэнди трэбуй сас тэ строин най кати о храмо, ай кадяжэ пэсти цэра, тэ засеин и маля и тэ проправарэн и еря (Езд. 2:68, 70). Но лэндэ сас и авэр трудности. И вороӷоря тасавэнас пэр лэндэ и на дэнас тэ строин о храмо (Езд. 4:1—5).

⁵ Кай израильтяноря, савэ рисайлэ анда плено, сас бут ԥаримос лэ ловэнца и через кода, кай парудёлас и власть. Андэ кодэя время по Израилё ля тэ правий и Персия. Посли кода, сар о Киро Дуйто муля андо 530 бэрш до н. э., посли лэстэ ля тэ правий о Камби́зо Дуйто. Во жыля войнаса по Египто. Лэстирэ халавдэ прожанас через и израильско ԥув и, возможно, вонэ мангэнас кай и катутнэ мануша хамос, паи и ҭан, кай тэ ратярэн. Через вся када лэ израильтянонэнди сас инке май ԥарэс. Посли царё Камби́зо Дуйто андэ Персия ля тэ правий Дариё Пэрво. Но всаек андэ разни ҭана андэ Персицко царство и мануша жанас против лэ царёстири власть и терэнас бунторя. Канешно, через када бут евреёря запэрэжывали, сар вонэ лэна тэ проправарэн пэстирэ еря. Через кода кай на ӷанэнас, со лэн аштярэл, дэсавэ линэ тэ гиндон, кай акана най вой и время тэ строин лэ Иеговаско храмо (Агг. 1:2).

6. Савэ трудности сас кай и евреёря и со ԥэндя лэнди о Захария? (Захария 4:6, 7).

⁶ Проадинон Захария 4:6, 7. Но и проблема сас най кати лэ ловэнца и кодэлэса, кай парудёлас и власть. Кадяжэ лэ евреёнэн преследовали. Андо 522 бэрш до н. э. лэндирэ вороӷонэндэ вижыля тэ стон о запрето, кай тэ на строин лэ Иеговаско храмо. Но о Захария ԥэндя лэ народости, кай лэ Иеговастирэ свынтонэ зорэса, лэндэ вся вижала. Андо 520 бэрш до н. э. о царё Дариё зля о запрето па бути. Во дя ловэ, ай кадяжэ поможысардя, кай тэ строин о храмо (Езд. 6:1, 6—10).

7. Сар о Иегова блаӷословил лэ евреёнэн, кала вонэ линэпэ тэ строин о храмо?

⁷ Через о Агеё и о Захария о Иегова дя алав, кай если вонэ лэна тэ ваздэн о храмо, во авэла лэнца (Агг. 1:8, 13, 14; Зах. 1:3, 16). Лэ евреёнэнди када придя зор и вонэ линэ тэ строин о храмо андо 520 бэрш до н. э. Почти через 5 бэрш о храмо сас вазгло. Хоть сас бут ԥаримос, и мануша анда вся оди линэпэ тэ терэн лэ Иеговастири дила. И во подритярэлас лэн лэ ловэнца, ай кадяжэ сыкавэлас, кай лэсти чалёл кода, со вонэ терэн. И вонэ сас лошалэ, кай служынас лэ Иеговасти (Езд. 6:14—16, 22).

ВСЯ И ВРЕМЯ СТОН ЛЭ ДЭВЛЭСТИРИ ДИЛА ПО ПЭРВО ҬАН

8. Сар и алава анда Аггея 2:4 поможын тэ стас по пэрво ҭан лэ Дэвлэстири дила? (Диқэн кадяжэ и сноска.)

⁸ Амэ жувас андэ время, кала ӥто авэла и бари бида. Амэнди фартэ важно тэ росԥэнас лэ манушэнди и лащи новость (Мар. 13:10). Но амэнди можэт тэ авэл найвушэро тэ стас лэ Дэвлэстири дила по пэрво ҭан, кала амэндэ исин ԥаримос лэ ловэнца или тасавэн важ и вера. Со поможыя, кай амэндэ андэ жызня ӷлавно тэ авэл лэ Дэвлэско Царство? Трэбуй тэ патяс, кай амэнца «о Иегова, Хулай пэ войскоря»b. Во подритярэла амэн, если диқэл, кай важ амэндэ май важно най пэстири дила, ай кодэя дила, сави во дя амэнди. Важ када амэнди най состар тэ дарас. (Проадинон Аггея 2:4.)

9, 10. Сар ек ери поля, кай андэ жызня кадя и исин, сар ԥэндя о Иисусо андэ Матфеё 6:33?

⁹ Давайте подаса дума пала ек ери, савэ служын, сар пианероря. Лэн ақарэн Пэтя и Воляc. Вонэ пэрэлаглэ андэ авэр ҭан, кай тэ служын. Андэ кодэя страна сас найвушэро тэ затерэн ловэ и вонэ нэ моӷли тэ виарақэн бути. И кадя сас лэндэ варикай цыло бэрш. Но со поможысардя лэнди тэ на здэнпэ? Вонэ постояно диқэнас, сар лэн подритярэл о Иегова. Кадяжэ лэн подритярэнас и ԥрала и ԥэя. О Пэтя, саво спэрва умэкэлас и вас, ԥэнэн: «Амэ старысавасас со май часто тэ росԥэнас важ о Дэл. Када поможысардя амэнди тэ ритярас андо гиндо, со андэ жызня май важно». Вонэ служынас лэ Иеговасти и родэнас бути.

¹⁰ Еқвар, кала о Пэтя и Воля рисайлэ цэрэ посли служэния, вонэ додиқлэ паша двэри дуй пакеторя, андэ савэ сас хамос. Лэнго друӷо пролагля 160 километроря, кай тэ анэн лэнди кадэва подарко. О Пэтя ԥэнэн: «Андэ кодэва маменто амэ диқлям, сар дэ фартэ о Иегова и собрания амэн любин. Амэ па пэстири жызня полям: саво бы ԥаримос амэндэ тэ на авэл, о Иегова пэстирэ манушэн никала на ашавэл» (Матф. 6:33).

11. Пэр со амэ можэм тэ надеисавас, если стас по пэрво ҭан лэ Дэвлэстири дила?

¹¹ О Иегова камэл, кай важ амэндэ тэ авэл само ӷлавно дила — тэ сытярас лэ манушэн, кай вонэ тэ авэн лэ Иисусостирэ ученикоря. Кадэя дила спасый лэ манушэнди и жызня. Сар ԥэнэнаспэ андо 7 абзацо, о Агеё поможысардя лэ Иеговастирэ служытелёнэнди. Кай вонэ тэ на обдиқэнпэ палпалэ, ай тэ лэнпэ тэ терэн дила кадя, кабута вонэ пэрво разо зашон о фундаменто важ о храмо. О Дэл дя алав, кай если вонэ кадя стерэна, во лэн лэла тэ блаӷословий (Агг. 2:18, 19). Амэ тожэ можэм тэ патяс: если амэ анда вся зор терас лэ Иеговастири дила, во точно дэла амэнди пэско лашымос.

САР МАЙ ФАРТЭ ТЭ ПАТЯС ЛЭ ИЕГОВАСТИ?

12. Васо кай о Ездра и кай и евреёря трэбуй сас тэ авэл састи вера?

¹² Андо 468 бэрш до н. э., кала дуйто ӷрупа лэ евреёнэн анда Вавилоно рисайля андо Иерусалимо, лэнца кадяжэ жыля и о Ездра. Важ кадэва дром лэндэ трэбуй сас тэ авэл састи вера. Вонэ андярэнас пэса сомнак и руп, савэ динэсас важ о храмо. Па дром пэр лэндэ моӷли тэ дэн и чордэӷаря (Езд. 7:12—16; 8:31). И евреёря полинэ, кай о Иерусалимо сас най безопасно ҭан. Андо форо жувэнас найбут мануша, ай важ и стины и важ и вороты трэбуй сас тэ стерэн ремонто. Но кай о Ездра сас надия по Иегова. Сости амэ можэм лэстар тэ сытювас?

13. Со поможысардя, кай о Ездра май фартэ тэ патял лэ Иеговасти? (Диқэн кадяжэ и картинка.)

¹³ О Ездра ужэ диқля, сар о Иегова спасысардя пэско народо андэ ԥари время. Андо 484 бэрш до н. э. о царё Ахашверошо приԥэндя тэ умарэн всаворэ евреёнэн андо Персицко царство. Тоди о Ездра, наверно, жувэлас андо Вавилоно (Эсф. 3:7, 13—15). Лэс тожэ моӷли тэ умарэн! Кала и евреёря уӷанглэ пала кода, со приԥэндя о царё, всаворэ вонэ линэ тэ ритярэн о посто и тэ ровэн. Наверно, вонэ анда вся оди мангэнас лэ Иеговас, кай во тэ фэрий лэн (Эсф. 4:3). И акэ и ситуацыя полностью паруделя. Кодэва найлашымос, саво камэнас тэ стерэн лэ евреёнэнди, дя пэ лэндирэ вороӷоря! (Эсф. 9:1, 2). Погиндон, со сас по ди кай о Ездра и кай авэр евреёря. Кода, со пэрэжудя о Ездра, андэ кодэла деса, поможысардя лэсти тэ авэл ӷотово каринг о ԥаримос, саво авэла англэ андэ лэстири жызня. Во кадяжэ ля май фартэ тэ патял, кай лэ Иеговастэ исин баро зор тэ спасый пэстирэ народосd.

14. Сости сытеля ек ԥэй, кала о Иегова поможысардя лати андэ ԥари время?

¹⁴ Кала амэ на ӷанас, со амэн аштярэл, и диқас, сар о Иегова подритярэл амэн, амэ лас инке май фартэ тэ патяс лэсти. Акэ со сас ла Настяса, сави жувэл андэ Восточно Европа. Лати прижыляпэ тэ ужал па бути, кай тэ на залэл никастири риг андэ политика. И ԥэй ԥэнэн: «Раньшэ мэ никала на ашаваспэ би ловэнго». Вой кадяжэ ԥэнэн: «Мэ отдэм кадэва ԥаримос андэ лэ Иеговастирэ вас и диқлэм, сар дэ ковлэс во заботийпэ пала мандэ. Если мэ варикала упалэ хасарава и бути, мэ на лава тэ дарав. Мэрно небесно Дад заботийпэ пала мандэ адес и мэ ӷанав, кай во точно позаботияпэ пала мандэ и тэся».

15. Со поможысардя лэ Ездрасти тэ патял лэ Иеговасти? (Ездра 7:27, 28).

¹⁵ О Ездра диқэлас, сар лэс подритярэлас о Иегова. О Ездра сэрэлас бут случаёря, кала о Иегова поможыяс лэсти. Важ када во патялас лэ Дэвлэсти. Шон сама пэ алава: «Мэрно Дэл о Иегова сас манца» (или «пэр мандэ сас лэ Иеговаско вас, мэрнэ Дэвлэско»). (Проадинон Ездра 7:27, 28.) Кадэва гиндо исин андэ книжка Ездра шов разоря (Езд. 7:6, 9; 8:18, 22, 31).

16. Андэ савэ ситуацыи амэ можэм драго тэ диқас, сар о Иегова амэн фэрий? (Диқэн кадяжэ и картинка.)

¹⁶ О Иегова можэт тэ поможый амэнди андэ ԥари ситуацыя. Например, амэ одмангаспэ кай о начальнико по канӷрэсо. Или мангас, кай амэнди тэ парувэн о ӷрафико пэ бути, кай амэ тэ авас пэ собрания. Кала амэ терас кода, со па амаро зор, амэ дас лэ Иеговасти возможность, кай во амэнди тэ поможый. И можэт тэ авэл пэ бутэстэ май фэдэр, чем амэ аштярасас. Тоди амэ ласа инке май фартэ тэ патяс лэ Иеговасти.

17. Сар андэ ԥари время о Ездра сыкадя, кай во найӷордо? (Диқэн и картинка пэ обложка.)

¹⁷ О Ездра сас найӷордо и мангэлас лэ Иеговас пала помощь. Дэкала через и бари отвецтвеность о Ездра фартэ пэрэжывал. Но кажно разо во сыкавэлас, кай во найӷордо и взвияспэ каринг о Иегова (Езд. 8:21—23; 9:3—5). Авэр мануша диқэнас, сар о Ездра надеияспэ по Иегова и када поможыяс лэнди май фартэ тэ патян. Вонэ подритярэнас лэс и камэнас тэ терэн кадя жэ, сар во (Езд. 10:1—4). Если ту фартэ пэрэжываеш пала родо, кай лэнца тэ авэл вся драго, и пала кода, сар лэн тэ проправарэс, тоди росԥэн пала вся када лэ Иеговасти.

18. Со поможыя амэнди тэ патяс лэ Иеговасти инке май фартэ?

¹⁸ Если амэ найӷорди и мангас лэ Иеговастар помощь, ай тоди прилас ла лэстирэ служытелёнэндар, амэ ласа май фартэ тэ патяс лэ Иеговасти. Роздиқам о примеро ла ԥьяко, савя ақарэн Эрика. Латэ трин бэяцэ. Андэ латири жызня сас най ек бида. Андэ ек время вой хасардя лэ бэятос, саво инке на арақаделя, и пэстирэ хулас. Вой вся и время патялас лэ Иеговасти. Кала и Эрика гиндой пала кода, со пэрэжудя, вой ԥэнэн: «Ту на ӷанэс заранее, со лэла тэ терэл о Иегова. О Иегова на парашэлас ман тэ удивий. Часто и атветоря пэ пэстирэ молитвы мэ диқавас через и ԥрала и ԥэя андэ собрания. Кода, со вонэ манди ԥэнэнас и терэнас важ мандэ, сас фартэ трэбуй манди андэ кодэва маменто. Лэ друӷонэнди трэбуй тэ ԥэрнавэс пэско оди. Тоди вонэ ӷанэна, сар тэ поможын амэнди».

НА́ ПАРАШЭН ТЭ ПАТЯН ЛЭ ИЕГОВАСТИ

19, 20. Сости амэ сытювас кай и евреёря, савэ нэ моӷли тэ ринпэ андо Иерусалимо?

¹⁹ Амэ можэм бутэсти тэ сытювас кай и евреёря, савэ нэ смоӷли тэ ринпэ андо Иерусалимо. Дэсавэ андар лэндэ ашэлэпэ андо Вавилоно через и ԥурэ бэрша, ԥаро насвалимос или через о ери. Но вонэ анда вся оди подритярдэ лэ Ездрас и кодэлэн, ко жыля лэса. Вонэ динэ вся, со лэнди трэбуй сас (Езд. 1:5, 6). Возможно, кадя вонэ терэнас най еқвар. Например, кала прожылэ варикай 19 бэрш посли кода, сар и пэрви евреёря рисайлэ анда плено, кодэла, ко ашэлэпэ андо Вавилоно, бишалдэ андо Иерусалимо и пожэртвовании (Зах. 6:10).

²⁰ Если амэ нэ можэм тэ терас важ о Иегова скати амэ камас, на трэбуй тэ умэкас и вас. О Иегова цэнуий кода, со амэ терас анда оди, кай тэ радосарас лэс. Катар амэ када ӷанас? Андэ лэ Захариястирэ деса о Иегова ԥэндя лэ пророкости тэ стерэн шукарно винко анда сомнак и руп, савэ бишалдэ и евреёря анда Вавилоно (Зах. 6:11). Кадэва винко трэбуй сас тэ авэл, сар напоминания пала пожэртвовании, савэ вонэ динэ всаворэ одеса (Зах. 6:14). О Иегова никала на бистрэла и тумари дила, сави тумэ терэн андэ нэспокойно время (Евр. 6:10).

21. Со поможыя амэнди тэ патяс лэ Иеговасти со бы тэ на авэл англэ?

²¹ Амэ жувас андэ послиднё время кадэла люмати, важ када амэнди на трэбуй тэ аштярас, кай и жызня ашэла май лащи. Англэ андэ люма можэт тэ авэл инке май ԥарэс (2 Тим. 3:1, 13). Но на трэбуй тэ подаспэ ла дарати. Сэрэн, со о Иегова ԥэндя пэстирэ народости андэ лэ Агеёстирэ деса: «Мэ тумэнца... [...] На даран» (Агг. 2:4, 5). Если амэ анда вся оди пристас о зор, кай тэ терас кода, со камэл о Иегова, во авэла амэнца. Андэ кадэя статья амэ роздиқлям лэ Агеёстирэ и лэ Захариястирэ пророчества, ай кадяжэ лэ Ездраско примеро. Давайте тэ прилас андэ жызня кода, сости сытелям. Када поможыя амэнди смило тэ диқас англэ и андэ любо ситуацыя тэ надеисавас по Иегова.