Ай тумэ ӷанэн?

Пэр со ладэлас о баро мануш анда Ефио́пия, савэсти о Фили́по росԥэнэнас важ о Дэл?

О ӶРЕЧЕСКО алав, саво андэ «Библия. Нэвя люмако переводо» пэрэандярдо сар «вурдон», можэт тэ сыкавэл разни вурдона (Дила 8:28, 29, 38). Но здэлпэ, кай о вурдон, пэ саво ладэлас о баро мануш анда Ефио́пия, сас май баро, чем обычно вурдон важ и война или спорто. Роздиқаса дэсавэ маменторя, васо можно кадя тэ ԥэнас.

О баро мануш анда Ефио́пия проандярэлас бут время андо дром. Во служыяс кай и ефёпско царица и диқэлас пала латирэ ловэ (Дила 8:27). Андэ дэлмутни Ефио́пия ужалас о адесутно Суда́но, ай кадяжэ и само южно часть кай о адесутно Египто. Андэ кацаво баро дром, кадэва мануш ля пэса бут со, хоть лэсти, возможно, и прижыляпэ, тэ парувэл най ек вурдон. Андо пэрво вико, и мануша дэкала ладэнас по вурдон, савэстэ сас штар ротэ и крыша. Андэ ек каминтариё каринг и книжка Дилаa ԥэнэнпэ: «Андэ кацаво вурдон можно сас май бут со тэ стос. Кадяжэ, пэр лэстэ сас май удобно тэ ладэс и, возможно, о мануш моӷ тэ ладэл май баро дром».

О баро мануш анда Ефио́пия адинояс, кала о Филипо лэса задя дума. Андэ Библия ԥэнэнпэ, кай «о Фили́по потпрастая каринг о вурдон» и ашундя, кай «[о баро мануш] адиной кода, со пистросардя о пророко Иса́я» (Дила 8:30). И вурдона на сас кацавэ, кай пэр лэндэ ӥто тэ ладэн. Па када можно тэ полас, кай кала о баро мануш ладэлас по вурдон, во адинояс, ай о Филипо смоӷ лэс тэ доӷоний.

О баро мануш «мангля лэ Филипос тэ бэшэл лэса андо вурдон» (Дила 8:31). Андо обычно вурдон, саво важ о спорто, можно кати тэ тердёс. Ай андо вурдон, саво важ о дром, сас бут ҭан. Важ када о баро мануш и о Филипо моӷли тэ ладэн бэшэндой.

Амэ шутям сама пэ кода, со ԥэнэнпэ андэ 8 ӷлава андэ книжка Дила и пэ кода, со амэ ӷанас пала кодэя время. Важ када андэ амарэ публикацыи амэ лям па аврятэ тэ сыкавас о вурдон, пэ саво ладэлас о баро мануш анда Ефио́пия. Во сас май баро, чем о вурдон важ и война или важ о спорто.