СТАТЬЯ ВАЖ И ИЗУЧЕНИЯ 30
ДИЛИ 36 Фэрисар пэско ди
Лашэ и найлашэ царёря андо Израилё. Сости амэ сытювас?
«Тумэ упалэ додиқэна, андэр со на шонпэ, ко кандэн лэ Дэвлэс и ко на кандэн, ко служын лэ Дэвлэсти, ай ко най» (МАЛ. 3:18).
АМЭ УӶАНАСА
Васо важ о Иегова ек царёря сас лашэ, ай авэр — найлашэ. И када поможыя амэнди тэ полас, со о Иегова аштярэл амэндар.
1, 2. Со амэ уӷанас анда Библия пала дэсавэ израильски царёря?
АНДЭ Библия пистромэ май бут чем пала 40 израильски царёряa. Андэр латэ росԥэнэнпэ пала найлащи дила, сави терэнас дэсавэ андар лэндэ. Дажэ и лашэ царёря дэкала андярэнас пэс вэрыто. Например, подаса дума пала царё Давидо. О Иегова ԥэндя пала лэстэ: «Мэрно служытелё о Давидо... служыяс манди всаворэ одеса и терэлас кати кода, со правильно андэ мэрнэ яқа» (1 Цар. 14:8). Но авря ригатар, о Давидо стердя билажавардимос ла жувляса, сави сас миростэ, ай потом доԥэнделя, кай тэ умарэн латирэ хулас (2 Сам. 11:4, 14, 15).
2 Андэ кодэя жэ время бут царёря, савэ на кандэнас лэ Иеговас, андярэнас пэс правильно. Ек андар лэндэ — о Раваамо. О Иегова ԥэндя, кай во терэлас о найлашымос (2 Лет. 12:14). Но, кала и 10 коленоря закамлэ тэ отделинпэ и витидэ пэсти нэвэ царёс, о Раваамо кангля лэ Иеговас и на жыля пэ война против лэндэ. Кадяжэ во стердя вся, кай и фороря андэ Иудея тэ ашэн май састэ и кай и мануша андэр лэндэ моӷли тэ фэринпэ лэ вороӷонэндар (1 Цар. 12:21—24; 2 Лет. 11:5—12).
3. Саво исин вопросо и пала со амэ подаса дума андэ кадэя статья?
3 Дэкала и царёря андо Израилё терэнас правильно, ай дэкала — нэправильно. Тоди исин важно вопросо: васо о Иегова диқэлас пэ дэсавэ царёря, кай вонэ лашэ, ай аврэн прижанэнас найлашэнца? Ответо пэ кадэва вопросо поможыя амэнди тэ полас, со о Иегова аштярэл амэндар. Подаса дума пала трин маменторя, пэ савэ о Иегова шолас сама, кай тэ прижанэн варисавэ царёс лашэса, ай аврэс — най. Акэ пэр со диқэлас о Иегова: всаворэ́ одеса о царё любияс лэс? каияспэ во чи най? тэлёлас во лэ Дэвлэсти кадя, сар лэсти уӷодно?
ВСАВОРЭ́ ОДЕСА ВОНЭ ЛЮБИНАС ЛЭ ИЕГОВАС?
4. Соса и лашэ царёря на шонаспэ пэ найлашэ?
4 Важ о Иеговас сас важно, кай кадэла царёря тэ любин лэс всаворэ одесаb. Пала лашо царё о Иасафато ԥэнэнпэ, кай во всаворэ́ одеса служыяс лэ Иеговасти (2 Лет. 22:9). Пала Иосия андэ Библия ԥэнэнпэ: «О Иосия рисайля каринг о Иегова и служыяс лэсти всаворэ́ одеса... Кацавэ царёс, сар во, на сас ни жы каринг лэстэ, ни посли лэстэ» (2 Цар. 23:25). Ай со можно тэ ԥэнас пала Саламоно, саво андэ ԥурэ бэрша парашэля тэ кандэл лэ Иеговас? «Лэско ди ужэ на сас андэ вся предано лэстирэ Дэвлэсти лэ Иеговасти» (1 Цар. 11:4). Пала авэр найлашо царё, о Авиямо, амэ адиносарас: «Во... на сас всаворэ одеса пэстирэ Дэвлэса лэ Иеговаса» (1 Цар. 15:3).
5. Росԥэнэн, со сыкавэл, кай о мануш всаворэ́ одеса терэл лэ Иеговастири дила?
5 Со сыкавэл, кай о мануш всаворэ́ одеса терэл лэ Иеговастири дила? Кацаво мануш тэлёл лэ Иеговасти най просто кай кадя трэбуй, ай важ кода кай любий лэс и стол бари патив пэр лэстэ. Во любий и кандэл лэ Иеговас вся пэстири жызня.
6. Сар амэ можэм тэ фэрисарас пэско ди? (Притчи 4:23; Матфеё 5:29, 30).
6 Сар амэ можэм тэ сытювас кай и лашэ царёря тэ любисарас лэ Иеговас всаворэ́ одеса? Амэнди трэбуй тэ фэрисавас кодэлэстар, со най драго влияет пэ амаро ди и можэт тэ римой лэс. Например, амэнди трэбуй тэ слидосарас пала кода, сар амэ отцыювас. Кадяжэ трэбуй годявэрнэс тэ витидас друӷонэн. Ай инке тэ слидосарас, кай тэ на гиндосарас кати пала мищимос и ловэ. Если амэ диқас, кай амари любовь каринг о Иегова ашэл май слабо, амэнди трэбуй сразу тэ дурювас кодэлэстар, со римой амари дружба лэса. (Проадинон Притчи 4:23; Матфеё 5:29, 30.)
7. Васо амэнди трэбуй тэ фэрисавас всаворэстар, со можэт тэ шудрярэл амари любовь каринг о Иегова?
7 Васо важно тэ фэрисарас пэско ди? Варико можэт тэ гиндой, кай если терэл бут дила важ о Дэл, пэр лэстэ на лэла тэ влияет нисаво найлашымос. Но кадя во хохавэл корко пэс. Призындяраса примеро. Прецтавь, кай ту фартэ запаӷосайлян, важ кода кай аврял бари балвал. И акэ ту авэс цэрэ и дэягэс о котло. Но хэба кадэлэстар авэла варисаво толко, если и двэри ашэлэпэ ԥэрнадэ? Най! Важ кода кай кадя андо цэр никала на татёла. Сости амэ сытювас? Кай амари любовь каринг о Иегова тэ на шудрёл, на хутила кати тэ адиносарас и Библия и амарэ публикацыи. Трэбуй, ԥэнэса, «тэ заԥандавас и двэри», кай тэ на пэрэлас о найлашымос кадэла люматар. Нащи тэ мэкас латирэ гиндоря андэ пэско ди, савэ, сар и шудри балвал, моӷут тэ мударэн амари любовь каринг о Иегова (Еф. 2:2).
КАИНАСПЭ ВОНЭ ЧИ НАЙ?
8, 9. Сар андярдэ пэс о Давидо и о Езэкия, кала полинэ, кай стердэ бэзэх англа Иегова? (Диқэн и картинка пэ обложка.)
8 Сар амэ ужэ дям дума, о царё Давидо стердя баро бэзэх. Но кала через лэ Дэвлэско мануш о Нафано во поля, сави дук андя лэ Иеговасти, во анда вся ди каисайля (2 Сам. 12:13). О Давидо на притерэласпэ. Во на терэлас муй, кай лэсти ԥарэс по ди, кай тэ обхохавэл лэ Нафанос и лэстар тэ на спушэн пала кода, со во стердя. Анда 51 Псалом дицол, кай о Давидо па чачимастэ каисайля (Пс. 51:3, 4, 17).
9 О царё Езэкия тожэ стердя бэзэх против о Иегова. Андэ Библия ԥэнэнпэ: «Лэско ди ашэля ӷордо. Важ када о Дэл росхоляйля пэр лэстэ, пэ Иудея и по Иерусалимо» (2 Лет. 32:25). Васо о Езэкия ашэля ӷордо? Возможно, через пэско барвалимос или кай во победисардя лэ ассирийцонэн. Ай можэт, о Езэкия гиндояс, кай во особено, важ кода кай о Иегова стердя чуда и исцэлисардя лэс. Возможно, имено через и ӷордость во путёлас пэстирэ барвалимаса англа вавилоняноря. Лэ Дэвлэско мануш, о Исая, ԥэндя лэсти, кай о Иегова лэса нэдовольно (2 Цар. 20:12—18). Но, сар и о Давидо, о Езэкия тэлярдя пэско ди англа Дэл и каисайля (2 Лет. 32:26). Сар о Дэл диқэлас пэ кадэва царё? Андэ лэ Иеговастирэ яқа во сас лашо и терэлас кода, со правильно (2 Цар. 18:3).
Кала о Давидо и о Езэкия полинэ, кай стердэ бэзэх англа Иегова, вонэ анда вся оди каисайлэ. (Диқэн и абзацоря 8, 9.)
10. Сар о царё Амация андярдя пэс, кала авеля лэ Дэвлэско мануш?
10 О царё Амация на сас кацаво, сар о Давидо и о Езэкия. Во терэлас кода, со сас правильно англа Дэл, но най анда вся ди (2 Лет. 25:2). Со во стердя най кадя? Посли кода сар о Иегова поможысардя лэсти тэ победий лэ эдомитянонэн, во ля тэ тэлёл лэндирэ дэвлэндиc. Тоди о Иегова бишалдя каринг лэстэ пэстирэ манушэс, кай тэ ԥэнэн, андэр со лэстири дош. Но о царё дажэ на ля лэс тэ ашунэл и видарадя (2 Лет. 25:14—16).
11. Сар ԥэнэнпэ андэ 2 Каринфо 7:9, 11, со трэбуй тэ терас, кай о Иегова тэ простий амэн? (Кадяжэ диқэн и картинка.)
11 Сости амэ сытювас анда кадэла примероря? Важно тэ каисавас андэ пэско бэзэх и будэр кадя тэ на терас. Со, если и барэдэр ԥрала динэ тути совето, ай ту гиндос, кай када най фартэ бари проблема? Мэк андэ тиро ди на авэла кацаво, кай вонэ най драго гиндон пала тутэ или кай о Иегова тут на любий. Дажэ лэ царёнэнди андо Израилё о Иегова дэкала дэлас строӷо совето (Евр. 12:6). Кала тути ԥэнэн, андэр со трэбуй тэ парудёс, важно: 1) анда вся оди тэ виашунэс кодэлэс, ко дэл совето; 2) тэ стерэс вся, кай тэ парудёс и 3) тэ на парашэс анда вся оди тэ терэс лэ Иеговастири дила. Если амэ каисавас андэ пэско бэзэх, о Дэл амэн простия. (Проадинон 2 Каринфо 7:9, 11.)
Кала амэнди ԥэнэн, со амэ най кадя стердям, важно: 1) всаворэ́ одеса тэ виашунас кодэлэс, ко дэл амэнди совето; 2) тэ стерас вся, кай тэ парудювас и 3) май дур анда вся ди тэ терас лэ Иеговастири дила. (Диқэн о абзацо 11.)f
ТЭЛЁНАС ВОНЭ ЛЭ ИЕГОВАСТИ КАДЯ, САР ЛЭСТИ УӶОДНО?
12. Соса и лашэ царёря на шонаспэ пэ найлашэ?
12 И царёря, савэ кандэнас лэ Иеговас, тэлёнас лэсти кадя, сар во камэл, и поможынас андэ када лэ народости. Канешно, кадэла царёря на сас идиальни и терэнас ошыбки. Но вонэ полэнас кати лэ Иеговас и терэнас вся, кай тэ вужарэн и ԥув лэ идалонэндарd.
13. Васо андэ лэ Иеговастирэ яқа о Ахаво сас найлашо царё?
13 Ай со можно тэ ԥэнас пала найлашэ царёря? Хэба вся, со вонэ терэнас, сас бибах? Най. Например, кала о царё Ахаво ашундя, кай через лэстэ умардэ лэ Навотос, лэсти ашэля ԥарэс по ди и во дажэ тэлярдя пэс англа Иегова (1 Цар. 21:27—29). Кадяжэ кадэва царё строияс фороря и победияс лэ Израилёстирэ вороӷонэн (1 Цар. 20:21, 29; 22:39). Но во ашунделя кодэлэса, кай терэлас о найлашымос андэ лэ Иеговастирэ яқа. Пэр лэстэ найдраго влияла лэстири хулаи. О Ахаво подмарэлас лэ народос тэ тэлёл лэ хохавнэ дэвлэнди и никала на каияспэ андэ када (1 Цар. 21:25, 26).
14. а) Васо андэ лэ Иеговастирэ яқа о Раваамо сас найлашо царё? б) Соса машкар пэстэ шонаспэ всаворэ найлашэ царёря?
14 Подаса дума инке пала ек найлашо царё, савэс ақарэнас Раваамо. Пала лэстэ ужэ сас пистромэ андо 2 абзацо. Кала во правияс, во стердя бут лашымос. Но кала во ашэля састо царё, во ашадя лэ Иеговаско законо и ля тэ тэлёл лэ хохавнэ дэвлэнди (2 Лет. 12:1). Кодэла времятар во нащи витидэлас, касти тэ служый — лэ Иеговасти или лэ идалонэнди (1 Цар. 14:21—24). Най кати о Раваамо и о Ахаво на кандэнас лэ Иеговас. Кадя терэнас бут израильски царёря, важ кода кай вонэ тэлёнас лэ хохавнэ дэвлэнди или подритярэнас када. Пэр со шолас сама о Иегова, кай тэ ԥэнэн по царё лашо во чи най? Ӷлавно важ о Дэл сас — тэлёлас о царё лэсти кадя, сар во камэлас чи най.
15. Васо важ о Иегова важно, сар о мануш лэсти тэлёл?
15 Васо само ӷлавно важ о Иегова сас кода, сар и царёря тэлёнас лэсти? Пэрво, о царё подэлас примеро лэ народости андэ кода, сар тэ тэлён лэ Дэвлэсти. Дуйто, кала о мануш тэлёл лэ хохавнэ дэвлэнди, во кадяжэ лэл тэ терэл и авэр барэ бэзэха и нэсправедливо тэ обжалпэ аврэнца (Ос. 4:1, 2). Трито, вся о народо, ай кадяжэ и царёря, прижанас лэ Иеговасти. Важ када андэ Библия ԥэнэнпэ, кай кала тэлён аврэ дэвлэнди, када шолпэ пэ измена андо брако (Иер. 3:8, 9). Если о мануш измений андо брако, во терэл фартэ дуқанэс пэстирэ хуласти или хулаяти. Кадяжэ и лэ Иеговасти фартэ ԥарэс по ди, кала лэско мануш ашавэл лэс, кай тэ тэлёл инке варисости или варикасти (Втор. 4:23, 24)e.
16. Саво мануш лашо андэ лэ Иеговастирэ яқа?
16 Сости амэ сытювас анда када? Трэбуй тэ ритярдювас май дур всаворэстар, со исин андэ хохавнэ веры. Но када най вся. Инке трэбуй тэ тэлювас лэ Иеговасти кадя, сар во камэл, и тэ терас када анда вся ди. О Малахия, саво пэрэдэлас лэ Дэвлэстирэ алава, ворта сыкадя, саво мануш лашо важ о Иегова, ай саво най. Во пистросардя: «Тумэ упалэ додиқэна, андэр со на шонпэ, ко кандэн лэ Дэвлэс и ко на кандэн, ко служын лэ Дэвлэсти, ай ко най» (Мал. 3:18). Кочай, со бы тэ на авэл, амэнди нащи тэ парашас тэ служысарас лэ Дэвлэсти. Дэкала амэндэ моӷут тэ умэкэнпэ и вас, кала шылисавас или варисо амэндэ на вижал. Возможно, амэ дажэ закамаса тэ ашавас лэ Иеговас. Но нащи тэ домэкас када! Тэ парашэс тэ служыс лэ Иеговасти — када тожэ баро бэзэх.
17. Васо трэбуй годяса тэ витидэс, пэр кастэ тэ жэниспэ чи тэ жас миростэ?
17 Сар кода, со ԥэндя о Малахия, можэт тэ поможый, если ту камэс тэ жэниспэ чи тэ жас миростэ? Лэстирэ алава сыкавэн, сар тэ витидэс манушэс, саво поджала тути. Например, варисавэ манушэстэ лашо характеро. Када драго. Но если кадэва мануш на служый лэ Иеговасти, авэла во лэсти уӷодно? (2 Кор. 6:14). Если ту закамэса, кай кацаво мануш тэ авэл важ тутэ хулай или хулаи, хэба во поможыя тути тэ пашос каринг о Иегова? Погиндосар акэ пала со. Наверно, кай лэ Саламоностирэ хулая сас дэсо лашо андо характеро, но вонэ на полэнас лэ Иеговас. Полокорэс вонэ подмардэ лэ Саламонос тэ тэлёл лэ хохавнэ дэвлэнди (1 Цар. 11:1, 4).
18. Сости и родителя трэбуй тэ сытярэн пэстирэ бэятонэн?
18 Родителя, подэн дума пэстирэ бэятонэнца пала гиндоря анда кадэя статья, кай вонэ тэ закамэн тэ служын лэ Иеговасти. Поможын лэнди тэ полэн, васо важ о Иегова дэсавэ царёря сас лашэ, ай авэр най. Важ лэстэ сас важно, кай и царёря тэ тэлён лэсти и тэ сытярэн кадэлэсти аврэн. Росԥэнэн лэ бэятонэнди, кай ӷлавно андэ жызня трэбуй тэ авэл о Иегова. И екжэнэ сыкавэн лэнди примеро андэ када. Мэк и бэяцэ диқэн, кай ӷлавно андэ тумари жызня — май драго тэ уӷанэн и Библия, тэ ԥирэн пэ собрании и тэ росԥэнэн пала Дэл (Матф. 6:33). О Иегова трэбуй тэ авэл важ и бэяцэ друӷо, ай най просто лэ родителёнэнго Дэл. Если кай и бэяцэ на авэла любовь каринг о Иегова, вонэ на полэна, кай тэ тэлён лэсти фартэ важно, и моӷут дажэ тэ ашавэн лэс.
19. Со трэбуй тэ терэл кодэва, ко камэл тэ рийпэ каринг о Иегова? (Кадяжэ диқэн и рамка «Ринпэ каринг о Иегова!».)
19 Если варико парашэля тэ служый лэ Иеговасти, сыкавэл када, кай во ашадя лэс пэ вся и время? Най. Кацаво мануш можэт тэ каийпэ и тэ рийпэ каринг о Дэл. Важ када лэсти, возможно, авэла трэбуй тэ затасавэл пэстири ӷордость и тэ прилэл помощь лэ барэдэрэ ԥралэндар (Иак. 5:14). Када можэт тэ авэл найвушэро. Но хэба о Иегова на ашэл, кай важ лэстэ тэ пристас о зор?
20. Сар о Иегова лэла пар мэндэ тэ диқэл, если амэ ласа тэ сытювас кай и лашэ царёря?
20 Со амэ уӷанглям анда кадэя статья? Амэнди трэбуй тэ сытювас кай и лашэ царёря. Ай важ када трэбуй тэ фэрисарас пэско ди и андэ вся тэ кандас лэ Иеговас. Давайте на аваса ӷорди и ласа тэ сытювас пэ пэстирэ ошыбки, всаворэ́ одеса тэ каисавас андэ пэско бэзэх и тэ приашундювас каринг и советоря. Кадяжэ ласа тэ сэрас, пэскати дэ важно тэ тэлювас лэ чачунэ Дэвлэсти. Кала амэ ласа вся када тэ терас, амэ аваса лашэ андэ лэ Дэвлэстирэ яқа.
ДИЛИ 45 Кода, со по ди
a Кала андэ кадэя статья ԥэнэнпэ пала «израильски царёря» и дума жал пала всаворэ царёря андэ лэ Дэвлэско народо. Варико андар лэндэ правияс всаворэ́ народоса, андэ саво ужанас 12 коленоря. Дэсавэ правинас андэ Иудея, кай сас 2 коленоря, ай авэр андо Израилё, кай сас 10 коленоря.
b ОБЪЯСНЕНИЯ. Андэ Библия о алав «ди» часто сыкавэл, саво о мануш андрал — со во камэл, пала со гиндой, каринг во цырдэлпэ, лэско характеро, со во ӷанэн тэ терэл и сости камэл тэ домардёл.
c Возможно, во стердя кадя, сар терэласпэ кай и царёря, савэ тэлёнас хохавнэ дэвлэнди. Кала вонэ побединас авэр народоря, вонэ лэнас тэ тэлён лэндирэ дэвлэнди.
d Например, о царё Аса стердя най ек баро бэзэх (2 Лет. 16:7, 10). Но андэ Библии ԥэнэнпэ, кай во терэлас правильно андэ лэ Иеговастирэ яқа. Хоть во спэрва росхоляйля пэ лэ Дэвлэско мануш, ӷэт май интя во, возможно, каисайля. Но всаек андэр лэстэ сас май бут лашымос, чем вэрытимос. Ӷлавно, кай о Аса тэлёлас кати лэ Иеговасти и пристолас бут зор, кай тэ улэл хохавнэ дэвлэн анда пэско царство (1 Цар. 15:11—13; 2 Лет. 14:2—5).
e Андэ пэрви дуй законоря, савэ о Иегова дя через о Маисеё, ԥэнэнаспэ, кай нащи тэ тэлён варикасти или варисости кроме Иегова (Исх. 20:1—6). Када сыкавэл, пэскати дэ важно важ о Иегова, кай амэ тэ тэлювас кати лэсти.
f ПЭ КАРТИНКА. О тэрно барэдэр ԥрал шол сама, кай лэ ԥралэстэ исин проблема лэ пимаса и ԥэнэн лэсти пала када. О ԥрал анда вся ди виашунэл лэ тэрнэ ԥралэс, парудёл и май дур служый лэ Иеговасти всаворэ одеса.