Ай тумэ сэрэн?
Внимательно ту адиносардян и «Сторожэво башня» важ кадэва бэрш? Сможэш тэ дэс ответоря пэ кадэла вопросоря?
Саво примеро сыкавэл о Иегова андэ кода, сар тэ обжанпэ лэ жувлянца?
Во на гиндой, кай и жувля варисоса май хужэ, чем и мурш. О Дэл ашунэл лэ жувлян, лэсти най всаек, со лэндэ по ди, и пала со вонэ пережывают. Кадяжэ во дэл лэнди тэ терэн разно дила (w24.01, страницы 15—16).
Сар амэ можэм тэ прилас о совето «Мэк на́ авэл тумэндэ нисави дила лэнца» анда Ефесо 5:7?
О апостало Павло ԥэндясас, кай трэбуй тэ фэрисавас и тэ на вэдисавас кодэлэнца, ко на любий лэ Иеговас. Важ кода кай тоди лэ христианиности авелоп май ԥарэс тэ жувэл па лэ Дэвлэско законо. Адес када можэт тэ авэл най кати андэ жызня, но и андо интэрнэто (w24.03, страницы 22—23).
Сар тэ фэрисавас лэ хохаимастар?
Амэнди трэбуй тэ авас осторожни. И хохавни дума можэт тэ дожал каринг амэндэ разнонэ ригэндар. Например, через и ԥрала и ԥэя, савэ инке екжэнэ на полинэ, точно када чачуни дума чи най. Кадяжэ амэнди можэт тэ авэл письмо пэ электроно почта. Ай инке, кала терас лэ Дэвлэстири дила, амэнди можэт тэ попэрдёл мануш, саво одбанделя лэ Иеговастар, но терэл муй, кай лэсти интересно о чачимос анда Библия (w24.04, страница 12).
Со амэ ӷанас и со на ӷанас пала кода, сар лэла тэ сындой о Иегова лэ Саламонос и кодэлэн, ко муля андо потопо и андо Садомо и Гамора?
Амэ не можэм точно тэ ԥэнас, кай о Иегова никала на рия лэн каринг и жызня. Но амэ точно ӷанас, кай амаро одяло и жалуимаско Дэл прилэла справедливо решэния (w24.05, страницы 3—4).
Васо о Иегова сыстойпэ лэ плаеса? (Втор. 32:4).
Амэ можэм тэ гарадювас кай о Иегова. Пэр лэстэ можно тэ надеиспэ, важ кода кай во вся и время зритярэл пэско алав. Во никала на парудёл екжэно и никала на парувэл пэско гиндо (w24.06, страницы 26—28).
Со поможыя тэ присытёс каринг о нэво ӷурто?
Надеисав по Иегова. Инке андэ дэлмутни время во подритярэлас пэстирэ манушэн — на ашавэла во и тут. На́ сыстосар о нэво ӷурто кодэлэса, андэ саво ту санас. Екжэно поджа кай и ԥрала и ԥэя и старысав тэ арақэс пэсти друӷонэн (w24.07, страницы 26—28).
Сости амэ сытювас анда трин примероря, савэ запистромэ андэ 25-то ӷлава Матфеё?
О примеро пала бакрэ и бузнэ сыкавэл, кай амэнди трэбуй тэ кандас лэ Иеговас и тэ на ашавас лэс. О примеро пала годявэрнэ и найгодявэрнэ щея сыкавэл, кай амэнди трэбуй тэ авас ӷотови и тэ отшас и линдра. Ай о примеро пала таланторя сыкавэл, кай амэ трэбуй тэ авас хваткатирэ пэ дила (w24.09, страницы 20—24).
Саво вучимос сас кай о каридоро андэ лэ Саламоностири қандири?
Андэ дэсавэ пуранэ лила андэ 2 Летопись 3:4 ԥэнэнпэ, кай о каридоро сас андо вучимос «120 куя» (или 53 метроря). Андэ авэр ашунглэ лила андэ кадэва стихо пистромэ «20 куя» (или 9 метроря). Если тэ диқас, савэ сас стины кай и қандири, то и послиднё цыфра поджал май фартэ (w24.10, страница 31).
Со сыкавэн и алава «Кай о помошнико андо ӷурто трэбуй тэ авэл ек хулаи»? (1 Тим. 3:12).
Лэстэ трэбуй тэ авэл ек хулаи, и во трэбуй тэ ритярдёл май дур лэ билажавардимастар. Кадяжэ во трэбуй тэ на задиқэлпэ пэ авэр жувля (w24.11, страница 19).
Васо можно тэ ԥэнэс, кай андо Иоано 6:53 на ԥэнэнпэ важ лэ Барэ Хуластири мисяйля?
Андо Иоано 6:53 ԥэнэнпэ, кай и мануша трэбуй тэ хан лэ Исусостири тила и тэ пэн лэско рат. О Исусо ԥэндя кадэла алава андэ Галилея андо 32 бэрш андэ амари эра. Во ԥэндясас када лэ евреёнэнди, савэ трэбуй сас тэ патян андэр лэстэ. Ай тэ стон лэ Барэ Хуластири мисяйля о Исусо приԥэндясас варикай через бэршэстэ андо Иерусалимо. Пэр латэ сас кодэла, ко трэбуй сас тэ правий лэса по небо (w24.12, страницы 10—11).