Тэрнэ ԥрала, сытён кай о Марко и кай о Тимофеё

1, 2. Со моӷло тэ тердярэл лэ Маркос и лэ Тимофеёс тэ терэн май бут важ о Дэл?

АМЭ ӷанас, кай тумэ, тэрнэ ԥрала, камэн тэ терэн май бут важ о Иегова и важ и ԥрала и ԥэя андэ тумари собрания. Сар жэ приятно, кай кадя бут тэрнэ мурш камэн тэ поможын аврэнди! (Пс. 110:3). Но можэт, тумэ варисостар даран. Например, кодэлэстар, со тумэн аштярэл англэ. Ай можэт тумэ гиндон, кай тумэндэ нисо на вижала и важ када отԥэндён тэ лэнпэ варисавя дилатэ. Тумэ най екжэнэ андэ када, кацавэ гиндоря исин и аврэндэ.

² Наверно, кай о Марко и кай о Тимофеё сас кадя жэ. Можэт, вонэ даранас, кай лэндэ фартэ парудёла и жызня, или гиндонас, кай на поджан важ кацави дила. Дажэ если лэндэ и сас кацави дар, вонэ всаек на парашэлэ тэ терэн дила важ о Иегова и важ авэр. Кала о Павло и о Варнава пэрво разо закамлэ тэ жан па фороря тэ росԥэнэн важ о Дэл, вонэ ақардэ пэса лэ Маркос. Андэ кодэя время, наверно, о Марко жувэлас андо баро цэр пэстиря даса (Дила 12:12, 13, 25). Но о Марко сас ӷотово тэ ашавэл пэско цэр, кай тэ терэл май бут важ о Иегова. Спэрва во пэрэлагля андэ Антиохия, ай потом вместе лэ Павлоса и лэ Варнаваса сас андэ авэр дурутнэ фороря (Дила 13:1—5). Наверно, о Тимофеё тожэ жувэлас лэ родителёнэнца, кала о Павло ақардя лэс пэса. О Тимофеё сас тэрноро и мог тэ пережывает, кай подвэдия лэ ԥралэн. (Сыстон 1 Каринфо 16:10, 11 и 1 Тимафеё 4:12.) Но во всаек жыля лэ Павлоса и андэ лэстири жызня сас бут со нэво и интересно (Дила 16:3—5).

3. а) Катар амэ ӷанас, кай о Павло любияс лэ Маркос и лэ Тимофеёс? (2 Тимафеё 4:6, 9, 11). (Кадяжэ диқэн и картинки.) б) Со амэ роздиқаса андэ кадэя статья?

³ Инке андэ тэрнэ бэрша о Марко и о Тимофеё сытелэ тэ терэн бут разно дила андэ собрания. О Павло фартэ цэнияс лэн. Май интя, кала во уӷангля, кай лэс ӥто умарэна, во мангля лэн тэ авэн каринг лэстэ. (Проадинон 2 Тимафеё 4:6, 9, 11.) Васо о Павло кадя любияс лэ Маркос и лэ Тимофеёс? Андэр со тумэ, тэрнэ ԥрала, можэте тэ шонпэ по Марко и по Тимофеё? И сар тумэнди моӷут тэ поможын лэ Павлостирэ советоря?

СТАРЫИНПЭ МАЙ БУТ ТЭ ТЕРЭН ВАЖ О ИЕГОВА И ВАЖ АВЭР, САР О МАРКО

4, 5. Пар со дицол, кай о Марко камэлас тэ терэл май бут важ авэр?

⁴ Кала о мануш камэл тэ терэл май бут важ авэр, во старыийпэ тэ поможый вся и время, дажэ кала када найвушэро, и пристол важ када вся о зор. О Марко сыкадя андэ када лашо примеро. Наверно, лэ Маркости сас обидно и найвушэро по ди, кала о Павло отԥэнделя до дуйто тэ лэл лэс пэса (Дила 15:37, 38). Но о Марко на парашэля через када тэ терэл май бут важ и ԥрала и ԥэя.

⁵ О Марко и лэско упэрвых ԥрал о Варнава жылэ тэ росԥэнэн пала Дэл андэ авэр форо. Ай через 11 бэрш, кала лэ Павлос стодэ тала домашнё аресто андо Римо, о Марко сас паша лэстэ и поможыяс лэсти (Флм. 23, 24). О Павло сас блаӷодарно лэ Маркости и пистросардя, кай во лэс фартэ подритярэл (Клс. 4:10, 11).

6. Сости сытеля о Марко, кала проандярэлас и время лэ христианонэнца, савэ дэлмут терэн лэ Дэвлэстири дила? (Диқэн и сноска.)

⁶ О Марко бут сости сытеля, кала проандярэлас и время лэ христианонэнца, савэ дэлмут ӷанэн лэ Дэвлэс. Дэсави время о Марко сас лэ Павлоса андо Римо, ай потом жыля андо Вавилоно каринг о апостало Пётро. Вонэ ашэлэ кадя пашэ ек еқэсти, кай о Пётро ԥэндя пэр лэстэ «Марко, мэрно шаво» (1 Пёт. 5:13). Наверно, о Пётро росԥэнэнас лэсти бут интересни случаёря анда лэ Иисусостири жызня. Адес амэ можэм тэ адиносарас пала када андэ Евангелия лэ Маркостарa.

7. Сар о Сэнг Ву ля примеро лэ Маркостар? (Кадяжэ диқэн и картинка.)

⁷ О Марко на парашэлас тэ поможый аврэнди и терэлас дила лэ ԥралэнца и лэ ԥэянца, савэ састэ па лэ Дэвлэстири время. Сар тумэ, тэрнэ ԥрала, можэте тэ терэн, сар во? Если ту камэс тэ терэс май бут, например, тэ ашэс помошнико андэ собрания или старейшына, но пока на поджас важ кадэя дила, на умэк и вас. На параш тэ терэс дила важ о Иегова и старысав тэ поможыс лэ ԥралэнди и лэ ԥэянди. Кадя терэлас ек ԥрал, савэс ақарэн Сэнг Вуb. Кала во сас май тэрно, во часто сыстояс пэс лэ ровэсниконэнца. О Сэнг Ву росԥэндя лэ старейшынонэнди, со лэстэ сас по ди. Лэсти сас обидно. Ек анда старейшыноря дя лэсти совето тэ терэл май бут важ авэр, дажэ если пэ када дэкала на шон сама. О Сэнг Ву приашунделя каринг кадэва совето и ля тэ старыийпэ тэ поможый кодэлэнди, ко андэ бэршэндэ и кас трэбуй сас тэ подындярэс каринг о Зало Царства. Акана, сар старейшына, во ԥэнэн: «Акана мэ инке май драго полэм, со значит тэ терэс дила важ авэр. Кала мэ поможысарав лэ ԥралэнди и лэ ԥэянди, мандэ по ди кацави радость, сави на сыстояпэ нисоса».

АНДА ДИ ЗАБОТИНПЭ ПАЛА АВЭР, САР О ТИМОФЕЁ

8. Васо о Павло ақардя пэса лэ Тимофеёс? (Филипы 2:19—22).

⁸ Лэ Павлости трэбуй сас смили ԥрала. Най кажно жала интя, кай ӷонинас через и вера. Спэрва о Павло витидя лэ Силас, саво бут бэрша терэлас лэ Дэвлэстири дила (Дила 15:22, 40). Ай потом во ақардя пэса лэ Тимофеёс. Васо имено лэс? 1) О миро драго дэлас дума важ лэстэ (Дила 16:1, 2). 2) О Тимофеё анда ди заботияспэ пала мануша. (Проадинон Филипы 2:19—22.)

9. Пар со дицол, кай о Тимофеё анда ди заботияспэ пала ԥрала и ԥэя?

⁹ Сар кати о Тимофеё ля тэ терэл дила лэ Павлоса, пар лэстэ сразу дицэля, кай во май бут гиндой пала авэр, чем пала пэстэ. Важ када о Павло на дарайля тэ ашавэл лэс андэ Верия. Во ӷанэнас, кай о Тимофеё анда ди позаботияпэ пала нэвэ ԥрала и ԥэя андо кодэва форо (Дила 17:13, 14). Ай инке андэ Верия сас о Сила, и о Тимофеё моӷ бут сости тэ сытёл лэстар. Май интя о Павло бишалдя лэ Тимофеёс андэ Фессалоники, када разо екжэнэс. Котэ во тожэ придэлас зор лэ ԥралэнди и лэ ԥэянди (1 Фес. 3:2, сноска). Бут бэрша о Тимофеё на парашэлас тэ любий лэ ԥралэн и лэ ԥэян. Во кадя фартэ лэн любияс, кай дэкала дажэ ровэлас вместе лэнца (Римо 12:15; 2 Тим. 1:4). Сости тумэ, тэрнэ ԥрала, можэте тэ сытён кай о Тимофеё?

10. Сар о ԥрал Ву Джэ сытеля май бут тэ шол сама аврэн?

¹⁰ Акэ сар о ԥрал, савэс ақарэн Ву Джэ, сытеля май бут тэ шол сама аврэн. Кала во сас тэрноро, лэсти сас ԥарэс тэ задэл дума лэ ԥралэнца и лэ ԥэянца, савэ сас май барэдэр лэстар. Важ када, кала во авэлас пэ собрания, во просто здоровкиияспэ лэнца и жалас дальшэ. Ек старейшына дя лэсти совето тэ ԥэнэн лэ пралэнди и лэ ԥэянди, со лэсти чалёл андэр лэндэ. Инке о старейшына ԥэндя лэсти тэ гиндой важ кода, со чалёл аврэ манушэсти. О Ву Джэ кадя и терэлас. Адес во старейшына. Во росԥэнэн: «Щас манди вушэро тэ дав дума и лэ тэрнэнца, и лэ ԥурэнца. Кала мэ дав дума лэнца, мэ уӷанав, сар вонэ жувэн, со за лэндэ ԥаримос. Кадя манди май вушэро тэ дав лэнди помощь»

11. Сар и тэрнэ ԥрала могут май бут тэ шон сама аврэн? (Кадяжэ диқэн и картинка.)

¹¹ Тэрнэ ԥрала, тумэ тожэ можэте тэ сытён май бут тэ заботинпэ пала авэр. Каринг и собрания или после латэ, старыинпэ тэ подэн дума разнонэ ԥралэнца и пэянца — и лэ тэрнэнца и лэ май ԥурэнца. Пушэн, сар лэндэ и дила, ай потом виашунэн лэн. Кадя тумэ май драго полэна, андэр со лэнди трэбуй помощь. Ԥэнаса, тумэ уӷанглэ, кай о хулай и хулаи, савэ андэ бэршэндэ, нащи розлэнпэ андэ амари приложэния или лэнди найкаса тэ жан тэ росԥэнэн важ о Дэл. Можэте тумэ тэ поможын лэнди? Кала тумэ шон сама, андэр со трэбуй тэ поможын аврэнди, и дэн помощь, тумэ сыкавэн райкано примеро важ авэр ԥрала и ԥэя.

ПРИАШУНДЁН КАРИНГ ЛЭ ПАВЛОСТИРЭ СОВЕТОРЯ

12. Сар лэ Павлостирэ алава моӷут тэ поможын лэ тэрнэ ԥралэнди?

¹² О Павло камэлас, кай о Тимофеё тэ андярэл бахтали жызня и драго тэ терэл лэ Дэвлэстири дила. Важ када во дя лэсти лашэ советоря (1 Тим. 1:18; 2 Тим. 4:5). Тэрнэ ԥрала, кадэла советоря моӷут тэ поможын и тумэнди. Сар? Адинон лэдуй письморя, савэ о Павло пистросардя лэ Тимофеёсти, ԥэнэса во пистросардя лэн тумэнди, и старыинпэ тэ терэн кода, со тумэ уӷанэн. Роздиқаса дэсавэ примероря.

13. Сар тэ сытювас анда ди тэ кандас лэ Иеговас?

¹³ «Мэк важ тутэ авэл важно тэ стос бари патив по Дэл, и пристов вся о зор, кай тэ домардёс када» (1 Тим. 4:7б). Сар амэ можэм када тэ терас? Кала всаворэ́ одеса кандас лэ Иеговас и радосарас лэс. Амэ на лас тэ кандас лэ Дэвлэс жы анда ԥарнэндэ, амэнди трэбуй тэ пристас зор, кай тэ сытювас тэ терас када. Со амэнди поможыя? О греческо алав, саво пэрэандярдо сар «пристов вся о зор», часто ԥэнэнас по спортсмено, саво бут тренеруется англа соревнования. Кай лэстэ вся тэ вижал, во трэбуй тэ ритярэл пэс андэ вас. И амэнди никаринг би кадэлэско, если амэ камас тэ ашас май пашэ каринг о Иегова.

14. Васо амэ адиносарас и Библия и сар када тэ терас?

¹⁴ Амэнди фартэ важно тэ присытярас корко пэс кажно дес тэ адиносарас и Библия. Но кадяжэ важно тэ сэрас, васо амэ ла адиносарас. Амэ камас тэ ашас май пашэ каринг о Иегова. Например, сости амэ сытювас анда случаё, кала лэ Иисусоса задя дума ек тэрно барвало мануш? (Мар. 10:17—22). Кадэва тэрно мануш патялас, кай о Иисусо авеля тэ спасый лэ мирос. Но лэсти на хутилэлас вера, кай тэ ашэл лэско ученико. И всаек лэ Иисусости ашэля жалко лэс и во дя дума лэса ковлэс. Во камэлас, кай кадэва мануш тэ прилэл правильно решэния. Па кода сар о Иисусо обжыляпэ кадэлэ манушэса, дицол, сар диқэлас пэр лэстэ о Иегова (Иоан. 14:9). Кала ту гиндос пала кадэва случаё и пала пэстэ, пуш пэстар: «Со мэ трэбуй тэ стерав, кай тэ ашав май пашэ каринг о Иегова и май бут тэ терав важ авэр?»

15. Васо тэрно ԥрал трэбуй тэ сыкавэл лашо примеро аврэнди? (1 Тимафеё 4:12, 13).

¹⁵ «Но важ кодэла, ко на парашэл тэ терэл лэ Дэвлэстири дила, подэ примеро». (Проадинон 1 Тимафеё 4:12, 13.) О Павло сытярэлас лэ Тимофеёс най кати драго тэ адиной и тэ сытярэл аврэн. Инке о Тимофеё трэбуй сас тэ сытёл май фартэ тэ любий, тэ патял и тэ андярэл вужи жызня. Тэрнэ ԥрала, сар тумэ гиндон, васо када кадя важно? Важ кода кай фэдэр тэ авэс лашо пэ дила, чем пэ алава. Ԥэнаса, тути андэ речь трэбуй тэ сытярэс аврэн инке май бут тэ пристон зор, кай тэ росԥэнэн важ о Дэл. Тути авэла май вушэро када тэ терэс, кала ту екжэно анда вся оди росԥэнэс важ о Дэл аврэнди. Если ту сыкавэс лашо примеро, тирэ алава май ӥто прилэна каринг оди (1 Тим. 3:13).

16. а) Андэр со и тэрнэ ԥрала моӷут тэ сыкавэн примеро аврэнди? б) Сар о тэрно ԥрал можэт тэ авэл примеро андэ дума?

¹⁶ Андо 1 Тимафеё 4:12 о Павло пэндя, андэр со инке и тэрнэ ԥрала моӷут тэ подэн примеро аврэнди. Розуӷан пала када май драго. Ԥэнаса, ту камэс тэ сыкавэс лашо примеро андэ кода, сар дэс дума. Погиндосар, со ту можэш тэ ԥэнэс, кай тэ придэс зор аврэнди. Если ту пока жувэс лэ родителёнэнца, старысав май часто тэ блаӷодарис лэн пала вся, со вонэ терэн важ тутэ. Ай инке посли собрания старысав тэ блаӷодарис кодэлэн, ко дэлас каментарии и кастэ сас задании, и ԥэн, со имено тути чалеля. Кадяжэ старысав пэ собрания тэ отвечаешь пэстирэ алавэнца. Кода, кай ту пристос зор, кай тэ авэс примеро андэ дума, анэна лашымос. И всаворэнди дицола, сости ту домарделян па лэ Дэвлэстири время (1 Тим. 4:15).

17. Со поможыя лэ тэрнэ ԥралэсти тэ отдэл май бут время важ лэ Дэвлэстири дила? (2 Тимафеё 2:22).

¹⁷ «Старысав тэ унашэс кодэлэстар, каринг со цырдэлпэ оди андэ тэрнэ бэрша, и пристов о зор, кай тэ терэс вся правильно». (Проадинон 2 Тимафеё 2:22.) О Павло приԥэндя лэ Тимофеёсти тэ ритярдёл май дур всаворэстар, со можэт тэ мешыий лэсти тэ терэл май бут дила важ о Иегова и со можэт тэ римой лэстири дружба лэ Дэвлэса. Андэ дэсави дила нинай нисо вэрыто. Но через латэ тутэ можэт тэ ашэлпэ набут время важ о Иегова. Погиндосар, скати время тутэ ужал по спорто, по интэрнэто или пэ видеоиӷры. Ай можэш ту хотя бы дэсави анда кадэя время тэ тратис пэ кода, кай тэ терэс май бут важ о Иегова и важ и ԥрала и ԥэя? Например, ту можэш тэ дэс помощь, кай тэ диқэс пала амаро Зало или тэ жас варикаса тэ росԥэнэс важ о Дэл. Если ту вся и время лэса кадя тэ терэс, ту точно виарақэса нэвэ друӷонэн, савэ поможына тути тэ камэс тэ терэс май бут важ о Дэл.

ТИРИ ЖЫЗНЯ АШЭЛ МАЙ БАХТАЛИ, КАЛА ТУ ПОМОЖЫС АВРЭНДИ

18. Васо можно тэ ԥэнэс, кай лэ Маркостэ и лэ Тимофеёстэ сас бахтали жызня?

¹⁸ О Марко и о Тимофеё бут состар отԥэнделэ, кай май бут тэ терэн важ авэр, и лэндири жызня ашэля инке май бахтали (Дила 20:35). О Марко сас андэ разни страны и котэ во придэлас зор лэ ԥралэнди и лэ ԥэянди. Ай инке о Марко пистросардя розынтересно книӷа пала лэ Иисусостири жызня и служэния. О Тимофеё поможыяс лэ Павлости тэ стидэл и собрания и дэлас зор лэ ԥралэнди и лэ ԥэянди. Кала о Иегова диқэлас, кай кадэла тэрнэ ԥрала гиндон пала авэр май бут, чем пала пэстэ, во фартэ лошавэлас.

19. Васо и тэрнэ ԥрала трэбуй тэ приашундён каринг лэ Павлостирэ алава, савэ во пистросардя лэ Тимофеёсти, и со лэн аштярэла англэ, если вонэ када стерэна?

¹⁹ Анда лэ Павлостирэ письморя дицол, кай во фартэ любияс пэстирэ друӷос лэ Тимофеёс. Но тэ запистрой кадэла письморя лэ Павлости дя зор о Иегова. Через лэндэ дицол, сар во диқэл пэ всаворэ тэрнэ ԥрала. Во фартэ любий тумэн и камэл, кай тумэ тэ авэн бахталэ. Важ када приашундён каринг лэ Павлостирэ советоря и старыинпэ май бут тэ терэн важ авэр. Када анэна тумэнди бут радость ужэ акана и поможыя «састэс тэ ритярдён пала чачуни жызня», сави аштярэл англэ (1 Тим. 6:18, 19).