И ТЭРНЭ МАНУША ПУШЭН
Ай со, если пала мандэ розмэкэн сплетни?
Васо када неприятно
Дэсавэ мануша розмэкэн и сплетни, кай тэ стерэн вэрыто. Например, варико спецыально хохавэл, кай тэ римой тиро лашо алав. Но дажэ если и сплетни най кацавэ серьёзни, тути можэт тэ авэл неприятно, особено, если кадэла сплетни розмэкэл кодэва мануш, савэсти ту патясас! (Псалом 55:12—14).
«Мэ уӷанглэм, кай мэрни подружка дэл дума пала мандэ, и доԥэнэн всаворэнди, кай манди всаек, со аврэндэ терэлпэ по ди. Сас кадя обидно! Мэ не моӷла тэ полав, васо вой кацаво дэл дума пала мандэ» (Эшли).
Сар исин. Не важно, ко розмэкэл пала тутэ и сплетни — тиро пашутно друӷо чи авэр мануш, — неприятно тэ уӷанэс, кай авэр дэн дума пала тутэ абисимос.
Найлащи новость: дэкала када нисар на тердярэса
И мануша моӷут тэ сплетничают па разни причины, например:
Чачуно интересо. И мануша любин тэ общаюца. И важ када понятно, васо амэ дас дума ек еқэса (и ек пала ек). И андэ када нинай нисо вэрыто, важ кода кай андэ Библия ԥэнэнпэ, кай амэ тэ гиндосарас пала мануша (Филипы 2:4).
«И мануша — када само интересно тема важ и розӷовороря!» (Бьянка).
«Мэ камав тэ ԥэнав, кай манди чалёл тэ уӷанав новости пала авэр и потом тэ росԥэнав пала када пэстирэ друӷонэнди. На ӷанав васо, просто чалёл, и вся» (Кати).
Найсо тэ терэн. Андэ библейско время сас мануша, савэ «со май фартэ любинас тэ уӷанэн и тэ дэн дума пала варисо нэво, кала лэндэ сас время» (Дила 17:21). Адес мало со паруделя!
«Если и жызня скучно, и мануша лэн варисо тэ вигиндон, кай тэ авэл пала со тэ подэн дума» (Джоана).
Неуверени андэр пэстэ. Андэ Библия най евья ԥэнэнпэ, кай амэ тэ на сыстосарас пэс аврэнца (Галатия 6:4). Но дэсавэ мануша, кай тэ авэн май уверени андэр пэстэ, розмэкэн сплетни важ авэр.
«Кала о мануш андярэл вэрыто дума пала авэр, када обычно можэт тэ сыкавэл, саво во сыно. Май ӥто всаворэстар, во завидуий кодэлэсти, пала кастэ розмэкэл и сплетни. Во када терэл, кай тэ здэлпэ май лашо кодэлэ манушэстар и тэ авэл май уверено андэр пэстэ» (Фило).
Сар исин. Чалёл тути када чи най, но и мануша авэна тэ дэн дума пала авэр, ай кадяжэ и пала тутэ.
Лащи новость: када на трэбуй тэ змарэл тут па пэрнэ
Ту, май ӥто всаворэстар, не сможэш тэ улэс всаворэ сплетни, савэ жан пала тутэ, но ту можэш тэ решыс, со тэ терэс. Если ту уӷанглян, кай пала тут жал дума, тутэ исин дуй варианторя, со тэ терэс.
ВАРИАНТО 1. Тэ на шос сама пэр лэндэ. Часто со май фэдэр авэла — просто тэ на шос сама пэ сплетни, особено, кала вонэ най фартэ серьёзни. Тер кадя, сар пистромэ андэ Библия: «На грабисав тэ холявэс» (Экклезиаст 7:9).
«Жыля дума, кай мэ общаюсь еқэ шаворэса, ай мэ лэс дажэ андэ яқа на диқлэм! Када сас кацаво дилимос, кай мэ просто поасаем» (Элис).
«Кала ту пэс всегда драго андярэс, када фэрий тут. Если варико лэла пала тутэ найдраго тэ дэл дума, андэ када мало ко патяла, если тутэ райкани поведения. Лэ чачимасти пала тутэ патяна май ӥто» (Алисон).
Совето. Пистросар: 1) со сас ԥэндо пала тутэ и 2) со тутэ сас по ди. Кала ту видэса дума «андэ пэско ди», тути авэла май вушэро (Псалом 4:4).
ВАРИАНТО 2. Подэ дума кодэлэса, ко мэкля сплетни. Андэ дэсавэ ситуацыи ту можэш тэ решыс, кай када серьёзно и тути трэбуй тэ подэс дума кодэлэса, ко тут холярдя.
«Кала подэс дума кацавэ манушэнца, тоди вонэ полэн, кай пала лэндири дума всаек уӷанэна кодэва, пала кастэ вонэ андярдэ алав. Инке кацаво розӷоворо поможыя тэ поладин и тэ решын и проблема» (Элис).
Англа кода, сар тэ подэс дума кодэлэса, ко розмэкэл пала тутэ и сплетни, роздик кадэла библейски принцыпоря и задэ пэсти дэсавэ вопросоря.
«Тэ дэс ответо, кала на виашундян — най годявэрнэс» (Притчи 18:13). «Ӷанав мэ пала вся? Можэт, кодэва мануш, саво манди росԥэндя пала сплетни, просто варисо най кадя поля?»
«Кажно трэбуй тэ авэл ӷотово тэ ашунэн и тэ на грабийпэ тэ дэл дума и тэ холявэл» (Иаково 1:19). «Чаче щас само вой и время тэ подав дума лэ сплетникоса? Уверено мэ, кай щас мэ смоӷу спокойно тэ подав дума? Или можэт, фэдэр набут тэ поаштярав, пока на улавапэ?»
«Андэ вся обжанпэ лэ манушэнца кадя, сар камлоп тэ обжанпэ тумэнца» (Матфеё 7:12). «Если мэ тэ авав пэ лэско ҭан, сар мэ камлоп, кай во тэ андярэл пэс манца? Сар и ка́й мэ камлоп, кай амэ тэ подас дума? Саво ӷолосо и алава трэбуй тэ авэн, кала жала о розӷоворо?»
Совето. Англа кода, сар тэ подэс дума кодэлэса, ко тут холярдя, спэрва запистросар, со ту лэсти ԥэнэса. Потом промэк курко-дуй, пэрэадиносар вся када и дик, камлоп ту варисо тэ подлашарэс. Инке, подэ дума варикаса анда родителя пала кода, со ту закамлян тэ стерэс или варисавэ взрослонэ друӷоса и пуш лэстар совето.
Сар исин. Ту най всегда можэш тэ на домэкэс и сплетни, важ кода кай андэ жызня най вся андэ тирэ вас. Но када на сыкавэл, кай ту трэбуй фартэ тэ переживаеш, кай пала тутэ жан сплетни!