И ТЭРНЭ МАНУША ПУШЭН
Васо трэбуй тэ ԥирэс пэ христиански собрании андо Зало Царства?
Кай лэ Иеговастирэ свидетеля исин ҭан, кай вонэ дуварэс андо курко стидэнпэ, кай тэ уӷанэн пала Дэл. Пэ кадэва ҭан ԥэнэн Зало Царства. Сар прожан кадэла собрании и васо тути трэбуй кордэ тэ ԥирэс?
Сар прожан и христиански собрании андо Зало Царства?
Андо Зало Царства росԥэнэн, сар тэ жувас па библейски принцыпоря. Если ту авэса пэ собрания, ту можэш тэ уӷанэс
пала Дэл.
васо андэ люма кадя бут ԥаримос.
сар тэ ашэс инке май лашэ манушэса.
сар тэ витидэс чачунэ друӷонэн.
Ту ӷанэс? Лэ Иеговастирэ свидетеля ԥэнэн по ҭан, кай прожан и собрании, Зало Царства, важ кода кай котэ вонэ бут дэн дума пала лэ Дэвлэско Царство (Матфея 6:9, 10; 24:14; Луки 4:43).
Васо трэбуй тэ авэс пэ христиански собрании?
Андо Зало Царства ту уӷанэса бут со полезно. Пэ собрании кай лэ Иеговастирэ свидетеля росԥэнэнпэ, сар и Библия поможый, кай ту тэ авэс май мудро (Притчи 4:5). Ту полэса, кай ла Библиятар па чачимастэ исин польза и сытёса, сар тэ прилэс правильни ришэнии. Инке ту виарақэса атветоря пэ ӷлавни вопросоря андэ жызня, кацавэ сар
Акэ, пэ савэ темы росԥэнэн и библейски речи андо Зало Царства пэ выходни.
Васо трэбуй тэ жувэс па Библия?
Кай тэ арақас и помощь, кала терэлпэ и бида?
Со терэл адес лэ Дэвлэско Царство важ амэндэ.
«Еқварэс пэ христианско собрания авеля мэрно однокласнико. Во бэшля амарэ ереса, и амэ дям лэсти Библия и журнало. Посли собрания во росԥэндя, кай лэсти фартэ чалеля, кай можно сас тэ дэл атвето по вопросо. Ай кадяжэ во ԥэндя, кай андэ қандири, андэ сави во ԥирэл, нико кадя серьёзно нэ изучает и Библия» (Бренда).
Ту ӷанэс? Андо Зало Царства можэт тэ зажал любо, и котэ ловэ никастар на магэн.
Катэ стидэнпэ лашэ мануша, савэнца драго. Андэ Библия пистромэ, кай и христианоря трэбуй тэ стидэнпэ, кай тэ диқэнпэ и кай тэ подритярэн ек еқэс (Евреям 10:24, 25). Амэ жувас андэ кацави люма, кай май бут мануш гиндон кати пала пэстэ. Важ када тэ авас кодэлэнца, ко камэл тэ терэл май бут важ о Дэл и важ авэр мануша, када дэл зор!
«Дэкала каринг о вэчэро мэ фартэ цыював. Ай кала мэ авав андо Зало Царства, котэ ман подритярэн и мануша. Кала мэ рисавав цэрэ, мандэ драго по ди и исин зор, кай тэ терав варисо пэ авэр дес» (Элайза).
Ту ӷанэс? Пэ вся люма май бут чем 120 000 собрании. Кай лэ Иеговастирэ свидетеля май бут чем 60 000 Залов Царства. Кодэлэн, ко авэл пэ христиански собрании кажно разо ашэл май бут и май бут. Кажно бэрш строин варикай 1 500 нэвэ Залоря Царства.a
a Кай тэ уӷанэн, кай прожан и христиански собрании, зажан пэ страница «Собрании кай лэ Иеговастирэ свидетеля» и тасавэн пэ ссылка «Найти ближайшее к вам место».