ПОМОЩЬ ЛЭ ЕРЕСТИ
Сар тэ авэн нежни и тэ сыкавэн пэстири любовь
Дэкала, исин кацаво, кай через и бэрша о хулай и хулаи май ридко и май ридко сыкавэн пэстири нежность и любовь ек еқэсти. Если и тумэндэ исин кацаво, тоди трэбуй тэ пережываете пала када?
Со трэбуй тэ ӷанэн
Састо ери на авэла, если котэ нинай нежность. Кай тэ авэс састо и зорало, трэбуй вся и время тэ хас полезно хамос и тэ пэс бут паи, ай кай о ери тэ авэл састо и бахтало, обязательно трэбуй тэ авэл нежность и любовь. Дажэ кодэла хула́я и хулая́, савэ жувэн ужэ бут бэрша вмести, трэбуй вся и время тэ сыкавэн пэстири любовь и забота.
И чачуни любовь, вой анда ди. Через кацави любовь о мануш камэл, кай авэр мануш тэ авэл бахтало. Важ када о заботливо хулай или и хулаи́ сыкавэл пэстири нежность най кати тоди, кала лэстэ или латэ исин настроения. О хулай или и хулаи трэбуй тэ полэл, кай еқэсти андар лэндэ трэбуй нежность, и важ када кажно трэбуй тэ старыийпэ кадя тэ терэл.
Обычно май фартэ и нежность трэбуй ла хулаяти. Дажэ если о хулай фартэ любий пэстиря хулая, но сыкавэл пэстири любовь кати тэсара, вэчером или кала пэрэн тэ совэн, и хулаи можэт тэ на патял, кай вой чаче лэсти куч. И нежность трэбуй тэ сыкавэс най еқвар андо дес.
Со трэбуй тэ терэн
Сыкав и нежность андэ дума. Кацавэ прости алава, сар «мэ тут любисарав» и «ту мэрно сомнакоро», поможыя лэ хуласти или ла хулаяти тэ полэн, кай лэн цэнин.
Библейско принцыпо: «Со кай о мануш андо ди, пала кода во и дэл дума» (Матфеё 12:34).
Совето. Можно най кати тэ ԥэнэс, кай любис, но и тэ пистрос записки или сообщении.
Сыкав пэстири нежность пэ дила. Кала ту облэс, чуминдэс или просто вастэстар лэс тирэ манушэс, кадя ту сыкавэс, кай тирэ алава «мэ тут любисарав», ту ԥэнэс най просто кадя. Ту сыкавэс пэстири любовь инке тоди, кала лэспэ каринг пэско мануш, нежно подиқэс пэр лэстэ или стерэс варисаво сюрпризо важ лэстэ. Ай сар жэ дэ куч кода, кай ту поможыс ла хулаяти па цэр. Тэ доандярэс и сумки, тэ ԥэрнавэс и двэри, тэ вихалавэс и посуда, тэ халавэс и кирпэ, тэ гитос тэ хан — и када най просто помощь, кадя ту сыкавэс пэстири любовь пэ дила.
Библейско принцыпо: «Амари любовь трэбуй тэ дицол най андэ алава, ай пэ дила» (1 Иоано 3:18).
Совето. Ав пэстирэ манушэса кацаво жэ внимательно и нежно сар андэ кодэя время, кала тумэ кати общались.
Витидэн время ек важ еқэстэ. Кала тумэ проандярэн и время вместе, тоди тумаро ери ашэл май састо и кадя тумэ сыкавэн, кай тумэнди роздраго ек еқэса. Чаче, тэ ашэнпэ екжэнэ дэкала найвушэро, если тумэндэ исин бэяцэ или исин бут авэр дила, сави трэбуй тэ стерэн. Тоди, можэт, тумэндэ вижала тэ доԥэндён тэ вижан варикай тэ прожанпэ — кати дуйжэнэ.
Библейско принципо: «Кай тумэ вся и время тэ витидэн, со па чачимастэ важно» (Филипы 1:10).
Совето. Дэсавэ еря, савэ фартэ заняти, но камэн тэ проандярэн и время вместе, стерэн пэсти романтично вэчэро или романтични выходни.
Важно тэ ӷанэс, со трэбуй тирэ манушэсти. Кажнонэстэ исин пэско маменто, сар каринг лэстэ тэ сыкавэн и нежность. Роспушэн ек еқэстар, андэр со тумэ камлоп тэ диқэн ек еқэстири нежность, и погиндон, терэн тумэ кадя чи най. Потом старысав тэ терэс кадя, сар чалёл тирэ манушэсти. На бистэр, если нинай нежность, тоди о ери на авэла састо.
Библейско принцыпо: «Кодэва, ко любий... на гиндой кати пала пэстэ» (1 Каринфо 13:4, 5).
Совето. На виманг пэстирэ манушэстар, кай во тэ сыкавэл каринг тут пэстири нежность. Фэдэр пуш пэстар: «Со мэ тэ терав, кай мэрно мануш тэ обжалпэ манца нежно?»