Марко
16 Кала прожыля и субота, и Мария Магдали́на, и Мария, лэ Яковостири дэй, и Салами́я тиндэ ароматни зӷамимэ вулея, кай тэ жан и тэ обмақэн лэ Исусостири тила. 2 Тэсара андо пэрво дес андо курко, сар кати вижыля о қам, вонэ авелэ каринг и моӷилка. 3 Па дром вонэ дэнас дума машкар пэстэ: «Ко откотия о бар па входо андэ моӷилка?» 4 Но кала вонэ авелэ, тоди додиқлэ, кай о бар ужэ откотисардэ, хоть во сас фартэ баро. 5 Вонэ зажылэ андрэ и додиқлэ, кай справа бэшэл тэрно мануш андэ лунго парни ӥда, и подиляйлэ даратар. 6 Во ԥэндя лэнди: «На́ удивинпэ. Мэ ӷанав, кай тумэ родэн лэ Исусос анда Назаре́то, савэс казнисардэ по столбо. Во жунделя. Лэс катэ нинай. Диқэн, акэ кодэва ҭан, кай лэс стодэ. 7 Ай акана жан и ԥэнэн лэстирэ учениконэнди и лэ Петрости: „Во аштярэла тумэн андэ Галиле́я. Тумэ диқэна лэс котэ, сар во тумэнди и ԥэндясас“». 8 Кадэла манушня тинонаспэ даратар и сас фартэ удивлёни, вонэ вижылэ анда кодэва ҭан, кай сас гарадо о Исусо, и прастае. Вонэ никасти нисо на ԥэндэ, важ кода кай даранас*.