Васо трэбуй тэ мангаспэ через лэ Иисусоско алав?

О ИИСУСО часто сытярэлас лэ манушэн пала кода, сави трэбуй тэ авэл и молитва. Кала во сас пэ ԥув, и иудейски барэ мануша андэ веры мангэнаспэ «пэ вуӷлоря лэ вулицэндэ, кай прожан бут мануша». Состэ? «Кай и мануша тэ диқэн лэн». Дицол, кай вонэ камэнас, кай и авэр мануша тэ шон сама, пэ скати вонэ дэ фартэ патян андо Дэл. Бут андар лэндэ мангэнаспэ долӷо и упалэ ԥэнэнас кодэла жэ алава. Вонэ гиндонас, «кай лэн ашунэна через бут алава» (Матфея 6:5—8). О Иисусо сыкадя, кай кацавэ молитвы на анэна нисаво лашимос. Кадя во сыкадя лэ манушэнди, савэ анда оди камэнас тэ уӷанэн о чачимос, со на трэбуй тэ терэн, кала вонэ мангэнпэ. Но во най просто сытярэлас, сар на трэбуй тэ мангэнпэ.

О Иисусо сытярэлас, кай амэ тэ мангас андэ молитва, кай тэ авэл свынто лэ Дэвлэско алав, кай тэ авэл лэско Царство и кай тэ авэл лэстири воля. Кадяжэ о Иисусо ԥэнэнас, кай можно тэ мангас лэ Дэвлэс тэ поможый андэ кода, со трэбуй лично амэнди (Матфея 6:9—13; Луки 11:2—4). Во призындярэлас примероря, кай тэ сыкавэл, кай амэ трэбуй тэ на парашас тэ мангаспэ, тэ патяс и тэ на гиндосарас пала пэстэ бут, кай амарэ молитвы тэ ашунэл (Луки 11:5—13; 18:1—14). И вся, сости во сытярэлас, во терэлас када екжэно (Матфея 14:23; Марка 1:35).

Канешно, лэ Иисусостирэ советоря поможысардэ лэстирэ учениконэнди, кай вонэ тэ полэн, пала со трэбуй тэ мангэнпэ. Но андэ рят, англа пэстири смэрть, о Иисусо сыкадя лэ учениконэнди со май важно уроко.

«Паруделя кода, сар линэ тэ мангэнпэ»

Андэ кодэя рят о Иисусо долӷо дэлас дума пэстирэ апостолонэнца, савэ на парашэнас лэс тэ кандэн, и подритярэлас лэн. Када сас лащи время, кай тэ росԥэнэн варисо нэво. О Иисусо ԥэндя: «Мэ, дром, чачимос и жызня. Нико на авэл каринг мэрно Дад па аврятэ, сар кати через мандэ». Тоди во дя алав лэ учениконэнди: «И со бы тумэ тэ на манглоп через мэрно алав, мэ стерава када, кай о Дад тэ авэл ашунгло через о Шаво. Если мангэна варисо через мэрно алав, мэ стерава када». Посли о Иисусо ԥэндя: «Жы каринг кадэва дес тумэ нисо на манглэ через мэрно алав. Мангэн и тумэндэ авэла, кай тумэндэ тэ авэл бари радость» (Иоанна 14:6, 13, 14; 16:24).

Кадэла алава сас фартэ важни. Андэ ек библейско справочнико ԥэнэнпэ, кай вонэ «парудэ кода, сар линэ тэ мангэнпэ». О Иисусо на сыкавэлас, кай акана трэбуй тэ мангэнпэ лэсти, ай най лэ Дэвлэсти. Но во сыкадя нэво дром, сар тэ авэн май пашэ каринг о Дэл Иегова.

Канешно, о Дэл вся и время ашунэлас и молитвы пэстирэ служытелёнэнди, савэ на парашэнас лэс тэ кандэн (1 Самуила 1:9—19; Псалом 65:2). Но, кала о Дэл стердя доӷоворо лэ израильтянонэнца, и мануша, савэ камэнас, кай лэндирэ молитвы тэ ашунэн, трэбуй сас тэ прижанэн, кай кадэва народо витидя о Дэл. Потом, анда время, кала жувэлас о Соломоно, вонэ трэбуй сас тэ шон сама пэ кода, кай и жэртвы трэбуй тэ анэн кати андо Иерусалимско храмо. Котэ, кай о Дэл ԥэндя када тэ терэн (Второзаконие 9:29; 2 Летопись 6:32, 33). Но када сас кати пэ дэсави время. О апостоло Павло пистросардя, кай о Законо, саво о Дэл дя лэ израильтянонэнди, и жэртвы, савэ вонэ анэнас андо храмо «када тень лэ лашимастар, саво авэла англэ, но най екжэно о лашимос» (Евреям 10:1, 2). Тень трэбуй сас тэ парудёлпэ пэ кода, со чачимос (Колоссянам 2:17). Важ када анда 33 бэрш лэ Иисусостар важ и дружба лэ Дэвлэса ужэ на трэбуй сас тэ ритярэн лэ Моисеёско законо. Акана трэбуй сас тэ кандэн лэ Иисусос, пэ саво сыкавэлас о Законо (Иоанна 15:14—16; Галатам 3:24, 25).

«О алав, саво май ашунгло и май лашо любонэ алавэстар»

О Иисусо, сар кодэва, кастэ исин власть, стердя, кай амарэ молитвы тэ ашунэл о Дэл. Но васо кай о Иисусо исин право амэнди тэ поможый?

Всаворэ амэ арақадювас ӷрешни, важ када нисави амари дила и нисавэ амарэ жэртвы на поможына тэ улэн амэндар кадэва ӷрехо, кай амэ тэ авас достойни друӷоря лэ свынтонэ Дэвлэса, лэ Иеговаса (Римлянам 3:20, 24; Евреям 1:3, 4). Но о Иисусо отдя пэстири совершэно жызня, и потиндя пала лэ манушэндирэ ӷрехоря, кай лэндэ тэ авэл и дружба лэ Дэвлэса (Римлянам 5:12, 18, 19). И акана всаворэ, ко камэн тэ ашэн вужэ англа Иегова, кай тэ авэл муй варисо тэ ԥэнэн англа Дэл, трэбуй тэ патян андэ кода, кай о Иисусо витиндя лэ манушэн и тэ мангэнпэ через лэ Иисусоско алав (Эфесянам 3:11, 12).

Кала амэ мангаспэ через лэ Иисусоско алав, амэ сыкавас, кай патяс, кай во бут со терэл, кай тэ авэл лэ Дэвлэстири воля. Роздиқам трин маменторя. Пэрво, о Иисусо, када «лэ Дэвлэско Бакроро», савэстири жэртва поможысардя, кай амарэ ӷрехоря тэ простинпэ. Дуйто, о Иегова рисардя лэ Иисусос каринг и жызня и акана во «пэрвосвященико», через саво амэндэ бут блаӷословении важ лэско выкупо. И трито, кати о Иисусо «дром», саво поможый тэ ашас май пашэ каринг о Иегова, кала мангаспэ (Иоанна 1:29; 14:6; Евреям 4:14, 15).

Кала амэ мангаспэ через лэ Иисусоско алав, амэ хвалисарас лэс. И када правильно, важ кода кай о Иегова камэл, «кай англа Иисусо тэ тэлён всаворэ... и кай всаворэ тэ сыкавэн, кай прижанэн, кай о Иисус Христос, када Ӷосподо, каринг лэ Дэвлэстири, лэ Дадэстири слава (Филиппийцам 2:10, 11). И со инке май важно, кала амэ мангаспэ через лэ Иисусоско алав, амэ прославляем лэ Иеговас, саво отдя важ амэндэ пэстирэ Шавэс (Иоанна 3:16).

Андэ Библия запистромэ разни лэ Иисусостирэ титулоря и алава, кай амэ май драго тэ полас, пэ скати дэ баро ҭан во залэл. Када поможый амэнди тэ погиндосарас пала вся, со о Иисусо стердя, терэл и инке стерэла, кай када тэ анэн амэнди лашимос. (Диқэн и рамка «Важно лэ Иисусостири дила».) Па чачимастэ, кай о Иисусо «алав, саво май ашунгло и май лашо любонэ алавэстар»a. Во хулай па вся нэбо и па вся ԥув (Филиппийцам 2:9; Матфея 28:18).

Най важ кода, кай просто кадя трэбуй

Сар дицол, если амэ камас, кай о Иегова тэ ашунэл амарэ молитвы, амэ трэбуй тэ мангаспэ через лэ Иисусоско алав (Иоанна 14:13, 14). Но амэ на камас тэ ԥэнас «через лэ Иисусоско алав» просто важ кода, кай кадя трэбуй. Васо?

Роздиқам примеро. Ԥэнаса, тути па бути авеля письмо, андэ саво май тэлэ пистромэ алава «анда вся оди». Сыкавэн кадэла алава, кай кодэва, ко бишалдя о письмо, па чачимастэ бишалдя лэс анда вся оди или во када пистросардя кати через кода, кай кадя трэбуй сас? Кадяжэ, кала амэ ԥэнас андэ молитва лэ Иисусоско алав, амэ трэбуй тэ полас, васо амэ када ԥэнас, ай най просто тэ ԥэнас, важ кода кай кадя трэбуй. Андэ Библия ԥэнэнпэ, «на парашэн тэ мангэнпэ». Но амэ трэбуй тэ мангаспэ каринг о Иегова «анда вся оди», ай най просто важ кода, кай присытелям кадя тэ терас (1 Фессалоникийцам 5:17; Псалом 119:145).

Сар тэ на домэкас, кай и алава «через лэ Иисусоско алав» амэ тэ ԥэнас кати важ кода, кай кадя трэбуй? Васо бы тэ на погиндосарас пала кода, саво о Иисусо? Погиндон, со во ужэ стердя и со инке камэл тэ стерэл важ амэндэ. Блаӷодарин лэ Иеговас андэ молитва и хвалин лэс важ кода, кай во дя лэ Иисусости тэ терэл кацави важно дила. Када поможыя май фартэ тэ патяс лэ Иисусостирэ алавэнди. Во ԥэндя: «Пала со тумэ тэ на манглоп лэ Дадэстар через мэрно алав, во дэла тумэнди» (Иоанна 16:23).