Терэнпэ биды. Кала умэкэнпэ и вас, исин надежда?

«Андэ послидни деса авэла фартэ ԥари время» (2 ТИМОФЕЮ 3:2).

МОЖЭТ тумэнди прижыляпэ тэ ашунэн пала ек анда кадэла биды или дажэ тумэ екжэнэ ла диқлэ.

● Через о баро насвалимос, фартэ бут мануша хасардэ и жызня.

● Лэ боқалимастар мулинэ бут мануша.

● Кала сас бари землетрясения тысячи мануша мулинэ и бут мануша ашэлэпэ би цэрэнго.

Андэ пэрви статьи, андэ кадэва журнало пистромэ пала кода, со доԥэнэн, кай сас кадэла биды. Кадяжэ котэ пистромэ, кай андэ Библия пэ кадэя время ԥэнэнпэ «послидни деса».a

Кай кадэла статьи нинай цэль тэ доԥэнэн тумэнди, кай тумэ жувэн андэ люма, андэ сави фартэ бут ԥаримос. Тумэ када и екжэнэ диқэн. Наоборот, кадэла статьи дэна тумэнди надежда. Андэр лэндэ ԥэнэнпэ пала шов библейски пророчества, и кода, кай вонэ исполнинпэ сыкавэл, кай и «послидни деса» заканчиваюца. Кадяжэ андэ кадэла статьи ԥэнэнпэ пала кода, кай часто и мануша нэ соӷласни кодэлэса, пала со ԥэнэнпэ андэ кадэла пророчества и росԥэнэнпэ, васо всаек можно тэ патяс, кай англэ авэла лашимос.

[Сноска]

Пророчество 1. Землетрясения

«Авэла фартэ тэ тинойпэ и ԥув» (ЛУКИ 21:11).

● И журналисторя, савэ росԥэнэнас пала землетрясения, сави тердяпэ пэ Гаити, ашундэ, кай варико ровэл. Када сас бэята, савяти полтора ӷода и савя ақарэн Винни. Ла вилинэ тала розмардо цэр, вой ашэляпэ жунди, ай латирэ родителя най.

ПАЛА СО ԤЭНЭН КОДА, СО САС? Андо январё андо 2010 бэрш андэ Гаити сас землетрясения 7 баллов. Помулинэ май бут чем триста тысяч мануша. Варикай май набут чем милионо епашэса мануша ашэлэпэ би цэрэнго. Но кацави бари землетрясения сас най ек. Лэ апрелёстар лэ 2009 бэршэстар жы кай о апрелё 2010 бэрш, сас май бут чем восемнацать барэ землетрясении.

СО ԤЭНЭН И МАНУША? Землетрясения на ашэлэ май бут, просто через о интэрнэто и телевидения и радио амэ ашунас пала лэндэ май бут, чем и мануша ашунэнас дэлмут.

КАДА КАДЯ? Погиндон акэ пала со. Андэ Библия на ԥэнэнпэ, скати разоря авэна землетрясении андэ послидни деса. Но андэр латэ пистромэ, кай «андэ ек ҭан и андэ авэр ҭана лэла [фартэ] тэ тинойпэ и ԥув», и када сыкавэла, кай амэ жувас андэ ԥари время (Марка 13:8; Луки 21:11).

СО ГИНДОС ТУ? Исин адес барэ землетрясении, пала савэ ԥэнэнаспэ андэ Библия?

И землетрясении, када най ек, со доԥэнэн, кай амэ жувас андэ послидни деса. Вонэ сыкавэн, кай исполнисайля кати ек пророчество. Шон сама инке пэ авэр пророчество.

[Вставка]

«Амэ, и мануша, савэ изучаем и ԥув, ԥэнас кай кацавэ землетрясении фартэ барэ. Ай авэр мануша ԥэнэн пэ када страшнимос». (КЕНО ХАДНАТО, ГЕОЛОГИЧЕСКО СЛУЖБА АНДЭ США).

[Сведения важ и картинка]

© William Daniels/Panos Pictures

Пророчество 2. Боқалимос

«Авэла боқалимос» (МАРКА 13:8).

● Кай тэ спасыйпэ лэ боқалимастар, ек мурш авэл андо гав Кваратаги (Нигер). Кордэ жэ авэн лэстирэ ԥрала и ԥэя, чаче и упэрвых. Но во ритярдёл лэндар май дур. Васо? О Сиди, барэдэр лэ гавэско, ԥэнэн: «Во нэ можэт тэ проправарэл [пэстирэ чачен], и лэсти лажаво тэ диқэл лэнди андэ яқа».

ПАЛА СО ԤЭНЭН КОДА, СО САС? Кажно седьмо мануш пэ люма надохал. Андэ страны каринг о юӷо от Сахары и ситуацыя инке май ԥари. Котэ всегда надохал кажно трито мануш. Пала со ԥэнэн кадэла цыфры? Прецтавь ерес, кай исин трин мануша, о дад, и дэй и о бэято. Если о хамос хутилэл кати пэ дуй мануш, тоди ко ашэлпэ боқало? О дад, и дэй или о бэято? Кацаво вопросо исин кай бут еря кажно дес.

СО ԤЭНЭН И МАНУША? Пэ ԥув адес май бут уражаё, чем трэбуй. Трэбуй кати май драго тэ диқэн, кай о хамос тэ авэл всаворэндэ.

КАДА КАДЯ? Чаче, адес, сар никала, исин фартэ бут хамос. О правительство трэбуй тэ ӷанэн тэ распределий о хамос кадя, кай тэ на авэл боқалимос. Хоть и прожылэ бут бэрша, лэндэ всаек нисо на вижал.

САР ГИНДОС ТУ? Исполнинпэ и алава анда Марка 13:8? На здэлпэ тути, кай хоть и мануша ужэ драго ӷанэн, со тэ терэн, кай тэ авэл бут хамос, о боқалимос всаек исин па вся и люма?

И землетрясения и о боқалимос часто анэн каринг и бида. Када кадяжэ доԥэнэн, кай амэ жувас андэ послидни деса. Пала када ԥэнэнпэ андэ авэр статья.

[Вставка]

«Май бут, чем трито часть бэятонэн, савэ мулинэ лэ насвалимастар пневмония, диарея и авэр, вижылоп тэ спасын, если лэндэ авелоп хамос, скати трэбуй» (ЭННО ВИНИМАНО, БЫВШО ДИРЕКТОРО АНДО ЮНИСЕФО).

[Сведения важ и картинка]

© Paul Lowe/Panos Pictures

Пророчество 3. Насвалимос

Кай и мануша авэла насвалимос, «саво йто розжалпэ и йто умарэл» (ЛУКИ 21:11).

● Андэ ек африканско страна, кай жалас и война, ек врачо, савэс ақарэн Бонзали, терэлас вся, со па лэско зор, кай тэ спасый лэ шахтёронэн анда пэско форо, савэ мэрэнас лэ насвалимастар марбург-вирусоa. Кала во мангля помощь кай и барэ мануша анда авэр форо, лэсти нико нэ атветил. Помощь динэ кати через штар шон. Но сас ужэ позно. О Бонзали заразисайля лэ манушэндар, савэн камэлас тэ виличий и муля.

ПАЛА СО ԤЭНЭН КОДА, СО САС? Кати важ о 2004 бэрш кацавэ насвалимастар андэ лёхки (например, сар пневмония), желудочно-кишэчно насвалимос, СПИДО, туберкулезо и малярия, мулинэ май бут, чем дэш милионоря мануша. Аврэ алавэнца, кадэлэ насвалимастар кажно трин секунды мэрэл ек мануш.

СО ԤЭНЭН И МАНУША? Пэ ԥув ашэн май бут мануша и важ када ашэл май бут насвалимос.

КАДА КАДЯ? Пэ ԥув чаче ашэлэ фартэ бут мануша. Но и мануша линэ драго тэ полэн, саво исин насвалимос, сар тэ тердярэн лэс и сар тэ личин. Тоди хэба найгодявэрнэс тэ аштярас, кай о насвалимос на авэла через кода, со домарделэ и мануша? Но терэлпэ вся наоборот.

САР ГИНДОС ТУ? Исполнийпэ о библейско пророчество, кай лэ манушэндэ авэла ԥаро насвалимос?

Землетрясения, боқалимос и насвалимос, када фартэ барэ биды, савэндар мэрэн милионоря мануша. Но май бут лэ манушэндэ ԥаримос пэстирэ чачендар, кодэлэндар, ко трэбуй лэн тэ фэрий. Диқэн, со пала када ԥэнэнаспэ андэ Библии.

[Сноска]

[Вставка]

«Страшно, если тут похала лево или авэр зверё. Но кадяжэ страшно, кала тут схал ԥаро насвалимос и ту диқэс, кай кадяжэ терэлпэ и аврэ манушэнца» (ЭПИДЕМИОЛОГО МАЙКЛО ОСТЕРХОЛМО).

[Сведения важ и картинка]

© William Daniels/Panos Pictures

Пророчество 4. На хутилэл любовь

И мануша «на полэна лэ родос» (2 ТИМОФЕЮ 3:1—3).

● Андо северно Уэльсо, о Крисо терэл андэ служба, сави поможый кодэлэнди, каса найдраго обжанпэ андо ери. Во росԥэнэн: «Сэрав, сар амэндэ авеля ек манушни, сави ужэ варикала авелясас, и мэ ла на ӷатярдэм. Вой сас фартэ помарди. Дэсавэ манушнянди кадя ԥарэс по ди, кай лэнди лажаво тэ диқэн лэ манушэнди андэ яқа».

ПАЛА СО ԤЭНЭН КОДА, СО САС? Андэ ек африканско страна, варикай кажно трито жувли, кала сас бэята, пэрэжудя кода, кай ласа нахально тердэ билажавардимос. Кала тердэ опросо андэ кодэя страна, полинэ, кай кажно трито мурш гиндой, кай тэ марэл пэстиря хулая, када нармально. Но андо ери найдраго обжанпэ най кати лэ жувлянца. Например, андэ Канада варикай 30 процэнтов мурш, каса жэстоко обжанпэ лэндирэ хулая́.

СО ԤЭНЭН И МАНУША? Андо ери найдраго ек еқэса обжанаспэ вся и время. Просто андэ амарэ деса пэ када шолпэ май бут сама, чем дэлмут.

КАДА КАДЯ? Бут бэрша пала када дэнас дума фартэ бут. Но парашэлэ через када андо ери и мануша найдраго тэ обжанпэ ек еқэса? Най. Адес, сар никала и мануша на полэн лэ родос.

САР ГИНДОС ТУ? Исполняюца и алава анда 2 Тимофею 3:1—3? Диқэс ту, кай андэ бут еря нинай любовь?

Авэр, панчто пророчество, саво амэ диқас, кай исполняеца, када пала ԥув. Шув сама, со пала када ԥэнэнпэ андэ Библия.

[Вставка]

«И мануша гиндон, кай лэнди на росԥэнэн вся о чачимос пала кода, скати исин случаёря, кай фартэ найдраго обжанпэ ек еқэса андо ери. И када кадя, важ кода кай, кала о хулай марэл ла хулая варикай 35 разоря, кати тоди вой жал андэ ваздии». (ПРЕДСТАВИТЕЛЁ АНДА УЭЛЬССКО СЛУЖБА, КАЙ ПОМОЖЫН КОДЭЛЭНДИ, КАСА НАЙДРАГО ОБЖАНПЭ АНДО ЕРИ).

Пророчество 5. Римойпэ и ԥув

Авеля и время, кай о Дэл умарэла «кодэлэн, ко римой и ԥув». (ОТКРОВЕНИЕ 11:18).

● О Пирри анда гав Кпор (Нигерия) терэлас пальмово вино. Но лэсти прижыляпэ тэ парашэл кадэлэса тэ залэлпэ, важ кода кай андэ лэн Нигер фартэ бут попэля нефть. Во ԥэнэн: «И нефть римой амари тила, умарэл амаро мащё, мэлярэл амарэ лэна. Манди будэр най пэр со тэ жував».

ПАЛА СО ԤЭНЭН КОДА, СО САС? Дэсавэ учони ԥэнэн, кай кажно бэрш андо мирово океано попэрэл 6,5 милионоря тоноря мусоро. Варикай епаш анда кадэва мусоро, када пластико, саво на тернёл фартэ бут бэрш. Но и мануша най кати римон и ԥув, но и бут со вилэн андар латэ. И исследования сыкадэ, кай тэ рийпэ кода, со и мануша важ о бэрш вилинэ анда ԥув, трэбуй бэрш и панч шон. Андэ австралийско ӷазета «Сидней морнинг геральд» пистромэ: «Если пэ ԥув авэна кадяжэ бут мануша, сар и адес, и анда ԥув лэна тэ вилэн скати жэ, тоди каринг о 2035 бэрш амэнди трэбуй авэла инке ек ԥув».

СО ԤЭНЭН И МАНУША? И мануша бут со моӷут тэ стерэн. И амэ виарақаса, сар тэ улас кадэя проблема и тэ спасысарас и ԥув.

КАДА КАДЯ? Бут мануша и арӷанизацыи старыинпэ тэ шон лэ манушэндири сама пэ проблема, кай мэлярэн и ԥув. Сар бы тэ на авэл, и ԥув всаек римон кадя, сар никала.

САР ГИНДОС ТУ? Трэбуй лэ манушэнди, кай о Дэл тэ зашолпэ и тэ спасый и ԥув, кай ла тэ на римон, и кадя тэ зритярэл пэско алав?

Кроме кадэла панч пророчества, савэ амэ роздиқлям, андэ Библия ԥэнэнаспэ, кай андэ послидни деса авэла и варисо лашо. Давай уӷанаса пала када.

[Вставка]

«Манди здэлпэ, кай о райско ҭан, пэ саво мэ жувавас, ашэля свалка, каринг вишон о мусоро» (АКЭ, СО ԤЭНДЯ И ЭРИН ТАМБЕР ПАЛА КОДА, КАЙ ВИШУТЯПЭ И НЕФТЬ АНДО 2010 БЭРШ, И САВИ ЖУВЭЛ АНДЭ США, ПЭ ПОБЕРЕЖЬЕ, КАЙ О МЕКСИКАНСКО ЗАЛИВО)

[Рамка]

Дошало о Дэл чи най?

Можно ли тэ дошалярас лэ Дэвлэс андо найлашимос, саво амэ диқас адес андэ люма, кати важ кода, кай када запистромэ андэ Библия? Через лэстэ амэндэ о ԥаримос? И атветоря пэ кадэла вопросоря, тумэ можэте тэ виарақэн андэ 11 ӷлава андэ книжка «Сости сытярэл амэн и Библия?», сави вимэклэ лэ Иеговастирэ свидетеля.

[Сведения важ и картинка]

U.S. Coast Guard photo

Пророчество 6. Росԥэнэн пала дэл па вся и люма

«Кадэя лащи весть пала Царство росԥэнэна па вся и ԥув» (МАТФЕЯ 24:14).

● Ек жувли жувэл пэ ек анда островоря Туамоту андо Тихо океано. Пэ 78 кораллови островоря кай архипелаго Туамоту, савэстэ площадь варикай восемьсот десять тысяч квадратни километроря, жувэн кати шеснацать тысяч мануша. И всаек дажэ котэ, кай кадэя жувли и кай латирэ сосидоря авэнас лэ Иеговастирэ свидетеля. И када найудивительно, важ кода кай лэ Иеговастирэ свидетеля старыинпэ тэ андярэн и лащи весть пала лэ Дэвлэско Царство всаворэ манушэнди, кай бы вонэ тэ на жувэн.

ПАЛА СО ԤЭНЭН КОДА, СО САС? И новость пала лэ Дэвлэско Царство ашунделя па вся и ԥув. Кати андо 2010 бэрш лэ Иеговастирэ свидетеля андэ двести трицать шэсть страны и тиритории росԥэнэнас пала Дэл май бут чем 1,6 милиардоря часоря. Када сыкавэл, кай кажно андар лэндэ варикай по полчаса кажно дес росԥэнэнас пала Дэл. Важ и послидни бэрша лэ Иеговастирэ свидетеля вимэклэ и роздинэ май бут чем 20 милиардоря библейски публикацыи.

СО ԤЭНЭН И МАНУША? И весть анда Библия росԥэнэн ужэ фартэ бут викоря.

КАДА КАДЯ? Чаче, бут мануша старыинаспэ тэ росԥэнэн и новость анда Библия. Но бут андар лэндэ терэнас када кати набут время и най андэ бут ҭана. Ай лэ Иеговастирэ свидетеля арӷанизовано росԥэнэн и лащи новость па вся и люма, и ла ашунэн милионоря мануша. Вонэ на парашэнас тэ росԥэнэн, дажэ кала лэн фартэ ӷонинас и власти (Марка 13:13)a. Кадяжэ лэ Иеговастирэ свидетелёнэнди на потинэн пала лэндири дила. Вонэ анда оди отдэн пэстири время и би ловэнго роздэн библейско литература. Лэндири дила жал блаӷодаря кодэлэсти, кай и мануша дэн корко пэстар и пожэртвовании.

САР ГИНДОС ТУ? Па чачимастэ и «лащи весть пала Царство» росԥэнэн па вся и ԥув? Можэт кода, кай исполнийпэ кадэва пророчество, тэ сыкавэл, кай англэ вся парудёла андэ лащи риг?

[Сноска]

[Вставка]

«Пока о Иегова домэкэл, амэ ласа и май англэ анда оди тэ росԥэнас и лащи новость пала Царство» («ЕЖЕГОДНИКО КАЙ ЛЭ ИЕГОВАСТИРЭ СВИДЕТЕЛЯ» ВАЖ 2010 БЭРШ).

Йто вся парудёла

«Инке найбут, и найлашэ манушэс будэр на авэла... Ай кодэлэнди, кастэ ковло ди, ашэлапэ и ԥув. И вонэ авэна лошалэ кодэлэстар, кай авэла мирно жызня» (ПСАЛОМ 37:10, 11).

КАМЛОП ту тэ диқэс, сар исполнияпэ кадэва пророчество? Канешно! Амэндэ исин бут васо тэ патяс, кай фартэ йто во исполница.

Андэ кадэла статьи росԥэнэнаспэ кати пала дэсавэ библейски пророчества, савэ сыкавэн, кай амэ жувас андэ «послидни деса» (2 Тимофею 3:1—5). О Дэл дя пэстирэ служытелёнэнди тэ запистрон кадэла пророчества, кай амэндэ тэ авэл надежда (Римлянам 15:4). Кода, кай исполняюца кадэла пророчества, сыкавэл, кай о ԥаримос, саво амэндэ исин, будэр на авэла.

Со авэла потом? Па вся и ԥув лэла тэ правий лэ Дэвлэско Царство (Матфея 6:9, 10). Акэ со андэ Библия ԥэнэнпэ пала кода, сави жызня авэла пэ ԥув андэ кодэя время.

● На авэла боқалимос. «Пэ ԥув авэла бут марно, упрэ пэ плая, лэс авэла ԥэрдо» (Псалом 72:16).

● На авэла насвалимос. «И нико анда мануша, савэ катэ жувэн, на ԥэнэна: „Мэ насвало“» (Исаия 33:24).

● И ԥув ашэла нэви. «И пустыня и шуки ԥув авэна тэ радуинпэ, и ԥув би паестири авэла тэ асал и тэ цветий, сар о шафрано» (Исаия 35:1).

Када кати дэсавэ райканэ библейски пророчества, савэ йто исполняца. Пушэн кай лэ Иеговастирэ свидетеля, васо вонэ патян андэ кода, кай фартэ йто вся парудёла андэ лащи риг.