Мэ на патявас андо Дэл

НАБУТ ПАЛА ЛЭСТИ ЖЫЗНЯ

Мэ арақаделэмпэ андо гаворо, андэ Саксония. Мандэ сас лашо ери и мэрно дад и дэй любинас ман. Вонэ барярэнас ман кадя, кай мэ тэ авав лашо мануш. Амэ жувасас андэ коммунистическо страна Германия. Котэ мануша на патянас андо Дэл. Жы каринг мэрнэ 18 бэрш, мэ на патявас андо Дэл, ай патявас андо коммунизмо.

О коммунизмо манди чалёлас через кода, кай всаворэ мануша моӷут тэ авэн еқэндар и мэ камавас, кай англа мануша тэ на авэл разница, ек чоро, ай ек май барвало. И через када мэ лэм тэ терав и дила андэ коммунистическо арӷанизацыя. Кала манди сас 14 бэрш, мэ зашаваспэ пала природа, кай тэ на вишынэн и вэша, ай кай тэ пэрэтерэн и бумаӷа. И хоть мэ сымас андэ тэрнэ бэрша, мэ ужэ сымас ашунгло и ӷанавас бутэ манушэн анда политика. Мэ патявас, кай мэ по правильно дром андэ жызня и кай англэ авэла вся драго.

Андо 1989 бэрш резко вся паруделяпэ, и Берлинско стина роспэляпэ. О союзо, андэ саво ужанас коммунистически страны, тожэ роспэляпэ. Йто тердяпэ кадя, со мэ на аштярдэм. Мэ уӷанглэм, вижал вся, пала со мэ патявас андо коммунизмо, када вся сас хохаимос. Кодэла, ко на подритярэнас о коммунизмо, пала лэндэ гиндосарэнас, кай вонэ най мануш. Сар када кадя? Хэба и коммунисторя на ԥэнэнас, кай всаворэ мануша трэбуй тэ авэн еқэндар? Мэ фартэ лэм тэ пэрэжываю и на ӷанглэм андэр со ужэ тэ патяв.

Мэ парашэлэм тэ патяв андо коммунизмо. Посли када, мэ жылэм тэ сытював андо училище, важ кода кай камавас тэ авав художнико и музыканто. Мандэ вся драго вижалас, кай тэ попэрав андо университето. Кода, со сытярэлас ман мэрно дад и дэй, вся позабистэрделяпэ. Вся и время, сави мандэ ашэласпэ, мэ со кати на витеравас, ԥирявас лэ раклянца. И всаек, андэ жызня варисо на хутилэлас. Дажэ па кода, со мэ рисосаравас, дицолас, савэ мандэ барэ пэрэжывании и дар. Мэ вся и время гиндосаравас, со авэла англэ? Сости мэ жував?

Вэчэром, мэ бэшавас кодэлэнца, каса сытювавас и лям тэ дас дума пала кода, со авэла англэ. И Элькаa, сави манца сытёлас, сас лэ Иеговаско свидетелё. И вой манди ԥэндя, кай пала када ԥэнэнпэ андэ Библия. Кадя мэ уӷанглэм пала кода, пала со мэ вся и время гиндосаравас.

Манди на патяласпэ, но всаек сас фартэ интересно. И Элька ԥэндя манди пала пророчество, саво запистромэ андэ Даниила 2 ӷлава пала Мирови страны, кай котэ вонэ парувэнас ек еқэс жы каринг амари время. Вой кадяжэ росԥэндя и кода, со авэла англэ. Мэ фартэ удивисайлэм. Тоди мэ полэм, кай тэ виарақав и атветоря пэ пэстирэ вопросоря! Ко инке можэт кадя точно тэ росԥэнэн пала када? Неужэли о Дэл исин?

САР И БИБЛИЯ ПАРУДЯ МЭРНИ ЖЫЗНЯ?

Через и Элька мэ уӷанглэм пала ек ери, савэ сас лэ Иеговастирэ свидетеля. Лэн ақарэнас Ангелика и Хорст. Вонэ манца залинэ тэ адинон и Библия. Мэ йто полэм, кай када чачимос. Важ кода кай кати вонэ ԥэнэнас, кай лэ Дэвлэско алав Иегова, и росԥэнэнас пала када аврэнди (Псалом 83:18; Матфея 6:9). Мэ уӷанглэм, кай о Иегова дэл алав, кай и мануша лэна тэ жувэн вечно андо раё пэ ԥув. Андо Псалом 37:9 ԥэнэнпэ: «Ай ко патян лэ Иеговасти, лэнди ашэлапэ и ԥув». Манди фартэ чалеля, кай кажно, ко жувэл кадя, сар ԥэнэн о Дэл, можэт тэ жувэл андо раё пэ ԥув.

Манди сас ԥарэс тэ парудював. Через кода, кай мэ сымас лашо музыканто и художнико, мэ лэм фартэ бут тэ гиндосарав пала пэстэ. Кадяжэ манди сас ԥарэс тэ ашавав мэрни найлащи жызня. Наис лэ Иеговасти, важ кода кай во полэл, сар манди ԥарэс тэ ашавав вся о найлашимос, саво сас андэ мэрни жызня.

Мэ патявас андо коммунизмо и на патявас андо Дэл жы каринг мэрнэ 18 бэрш. Посли кода, мэ лэм тэ жував кати па Библия. Мэ полэм, васо мэ жував и парашэлэм тэ дарав кодэлэстар, со авэла англэ. Андо 1993 бэрш мэ болделэм и ашэлэм лэ Иеговаско свидетелё. Ай андо 2000 бэрш, мэ жэнисайлэм пэ лащи христианка, савя ақарэн Табита. Кала амэ росԥэнас пала Иегова, амэ диқас манушэн, савэ кадяжэ барелэ, сар и мэ, и савэн сытярдэ кадя жэ, сар и ман, тэ на патяс андо Дэл, ай тэ патяс андо коммунизмо. Манди чалёл тэ поможысарав кацавэ манушэнди тэ уӷанэн пала Иегова.

САР МЭРНИ ЖЫЗНЯ АШЭЛЯ МАЙ ЛАЩИ?

Мэрнэ родителёнэнди на чалеля кода, кай мэ лэм тэ адиносарав и Библия лэ Иеговастирэ свидетелёнэнца. Прожыля время и вонэ додиқлэ, сар мэрни жызня паруделяпэ андэ лащи риг. Мэ фартэ радо, кай вонэ акана адинон и Библия и ԥирэн пэ собрании.

Амэ ла хулаяса фартэ бахталэ, кай жувас па Библия. Када поможый, кай амэ тэ патяс ек еқэсти (Евреям 13:4).

Акана мэ драго ӷанав, со авэла англэ. Мандэ исин баро ери, савэса амэ патяс андэ ек Дэл и ладисарас машкар пэстэ. Мэ виарақлэм кода, со вся и время камэлас мэрно ди.