Иегова кодэва, ко дя амэнди и жызня. Во приԥэндя, кай тэ на хас, тэ на пас и тэ на пэрэшас о рат (Бытие 9:3, 4). Андо законо, саво о Дэл дя пэстирэ народости, лэ израильтянонэнди, сас ԥэндо, кай тэ на хан о рат, важ кода кай андэр лэстэ и жызня. О Иегова ԥэндя: «О рат мэ витидэм важ о жэртвеннико, кай тумэ лэса [лэ ратэса] тэ витинэн пэстири жызня». Ай со если и мануша умарэн лэ жывотнонэн, кай тэ хан? О Дэл ԥэндя, кай если кадя, тоди «о мануш мэк вимэкэл анда кода, со астардя, о рат и зашол о рат ла ԥувьяса»a (Левит 17:11, 13). О Иегова упалэ и упалэ пала када ԥэнэнас (Второзаконие 12:16, 24; 15:23). Андэ ек еврейско источнико сас пистромэ: «О рат нащи тэ фэрис, лэс трэбуй тэ вишос пэ ԥув. Кадэлэса сыкавэс, кай лэ ратэса о мануш ужэ нащи нисо тэ терэл». Нисаво израильтянино нащи сас тэ стидэл, тэ фэрий или тэ использует о рат варикаско, важ кода кай и жызня лэ Иеговастар.

Дэкала и врачоря мангэн кодэлэс, кас лэна тэ личин, тэ сдэл о рат важ дэсавэ курте май англал жы каринг кода, сар тэ терэн и операцыя (предоперационный забор аутокрови, или ПЗА). Када нужно важ кода, если трэбуй авэла, кай вонэ тэ зашон лэ манушэсти лэско жэ рат. Кай тэ стидас или тэ фэрисарас варикай о рат, када на сжалпэ кодэлэса, сар ԥэнэнпэ андэ Библия андэ книжки Левит и Второзаконие. Котэ пистромэ, кай о рат трэбуй тэ вишон пэ ԥув или, можно тэ ԥэнэс, тэ рис лэс лэ Дэвлэсти. Канешно, амэ адес на жувас па лэ Моисеёско законо. Но амэ, лэ Иеговастирэ свидетеля, стас патив пэ кодэла принцыпоря, савэ о Иегова дя лэ израильтянонэнди через о законо. И амэ стас вся о зор, кай тэ на пэрэшас «о рат». Важ када амэ на сдас амаро рат, сар донороря, и на ласа лэс тэ фэрисарас, кай потом амэнди лэс тэ зашон. Важ кода кай када нэ уӷодно лэ Иеговасти.