9. Со ԥэндя о Иегова тэ терэл лэ Моисеёсти, но со во стердя?

⁹ Со тердя о Моисеё, кала о народо звазгляпэ? Во упалэ пушля кай о Иегова, со тэ терэл. Но пэ кадэва разо о Иегова на ԥэндя лэ Моисеёсти тэ дэлдап па плай. Во ԥэндя лэ Моисеёсти, кай во тэ лэл пэстири рувли, тэ стидэл лэ манушэн каринг о плай и тэ дэл дума лэ плаеса (Числа 20:6 жы кай 8). Стердя о Моисеё кадя? Най. Во фартэ росхоляйля и зацыписайля: «Ашунэн ман, кодэла, ко звазглэпэ! Амэнди анда кадэва плай тэ дас тумэнди паи?» Туди во дядап па плай, и най еқвар, ай дувар (Числа 20:10, 11).

О МОИСЕЁ ЗВАЗГЛЯПЭ

12. Васо файма инке о Иегова, холяйля по Моисеё и Аароно?

¹² Исин инке ек, васо, о Иегова, файма, фартэ холяйля по Моисеё и Аароно. О Моисеё ԥэндя лэ манушэнди: «Ашунэн ман, кодэла, ко звазглэпэ! Амэнди анда кадэва плай тэ дас тумэнди паи?» Кала о Моисеё ԥэндя «амэнди», во, файма, ԥэнэнас пала пэстэ и пала Аароно. Лэстири дума сыкадя, кай во на стол патив по Иегова, саво стердя кадэя чуда. Андо Псалом 106:32, 33 пистромэ пала када: «Вонэ витонас лэсти оди паша паи Мери́ва. Через лэндэ кай о Моисеё стердяпэ бида. Вонэ фартэ холярдэ лэс и во на ля тэ гиндой, со дэл дума» (Числа 27:14)f. О Моисеё на стодя патив по Иегова. О Иегова ԥэндя лэ Моисеёсти и лэ Аароности: «Тумэ лэдуй вазглэпэ против кода, со мэ приԥэндэм» (Числа 20:24). Када сас баро бэзэх!

13. Васо ԥэнаса, кай о Иегова обжыляпэ лэ Моисеёса кадя, сар во затердя?

¹³ О Моисеё и о Аароно диқэнас пала лэ Иеговаско народо, важ када о Иегова лэндар май бут спушэлас (Луки 12:48). Май англал о Иегова на мэкля цыло поколения лэ израильтянонэн тэ зажан пэ ԥув Ханаано, важ кода кай вонэ вазглэпэ против лэстэ (Числа 14:26 жы кай 30, 34). О Иегова обжыляпэ лэ Моисеёса кадя, сар во затердя, кала кодэва вазгляпэ против лэстэ. Сар лэ израильтянонэн о Иегова на мэкля тэ зажан пэ ԥув Ханаан, кадя на мэкля и лэ Моисеёс.