5. Со о Иегова камэл пэстирэ друӷонэндар?

Амэ аштярас пэстирэ друӷонэндар, кай вонэ драго тэ обжанпэ амэнца.

• Саво ту камэс тэ авэл тутэ друӷо?

Адиносарам 1 Иоанна 5:3 и подам дума пала вопросо, саво май тэлэ.

• Со о Иегова аштярэл пэстирэ друӷонэндар?

Кай тэ служысарас лэ Иеговасти, трэбуй тэ парудювас андэ кода, сар амэ пэс андярас и дэсо тэ парувас андо пэско характеро. Адиносарам Исаия 48:17, 18 и подам дума пала вопросо, саво тэлэ.

• Васо о Иегова камэл, кай лэстирэ друӷоря тэ парудёнпэ?

Ашэля тири дружба лэ Дэвлэса май лащи ла времятар, сар ту лян тэ изучаеш и Библия чи най? Камэс ту, кай тутэ тэ авэл инке май лащи дружба лэса? Со ту можэш тэ стерэс, кай тэ дицол тири любовь каринг о Иегова? Если лэса тэ старыиспэ тэ полэс лэ Иеговас май фартэ и тэ любис лэс, тоди во лэла май фартэ тэ любий тут и тэ заботийпэ пала тутэ.

1. Сар тэ сыкавэс лэ Иеговасти, кай любис лэс?

Кала ту кандэс лэ Иеговас, када сыкавэл, кай ту любис лэс. (Адиносар 1 Иоанна 5:3.) Во никала на заставий, кай варико тэ жувэл па лэстирэ законоря. Во камэл, кай амэ екжэнэ тэ витидас, тэ кандас лэс чи най. Васо о Иегова кадя терэл? Во камэл, кай амэ тэ кандас лэс анда оди (Римлянам 6:17). Во камэл, кай лэс тэ кандэн най важ кода, кай кадя трэбуй, ай важ кода, кай любин лэс. Кода, со андэ 3 и 4 часть андэ кадэя книжка, поможыя тэ полэс, сар тэ терэс вся, со чалёл лэ Дэвлэсти, и тэ авэс май дур кодэлэстар, со во вэрыцый.

2. Васо дэкала найвушэро тэ кандас лэ Иеговас?

Андэ Библия пистромэ: «Бут ԥаримос кай о праведнико» (Псалом 34:19). Кажнонэстэ андар мэндэ исин варисо, со най кадя. Инке амэнди можэт тэ авэл ԥарэс лэ ловэнца, амэнца моӷут тэ обжанпэ кадя, сар амэ на затердям, или можэт тэ авэл авэр ԥаримос. Дэкала май вушэро тэ терас па пэстирятэ, чем тэ терас кадя, сар ԥэнэн о Иегова. Но кала ту терэс вся, сар ԥэнэн о Дэл, ту сыкавэс, кай любис лэс май фартэ всаворэстар. Кадэлэса ту сыкавэса, кай предано лэ Дэвлэсти и во никала на ашавэла тут. (Адиносар Псалом 4:3.)

4. Радуин лэ Иеговаско ди

Адиносарам Притчи 27:11 и подам дума пала вопросоря, савэ май тэлэ.

• Со кай о Иегова по ди, кала ту кандэс лэс и старыиспэ вся тэ терэс годявэрнэс, и васо?

5. Ту можэш тэ авэс предано лэ Иеговасти

ВИДЕО: «Никала на дар тэ зашоспэ пала кода, андэр со патяс» (5:09)

• Сас тутэ кацаво, кай ту дарасас тэ росԥэнэс аврэнди пала Иегова?

• Через со о Грейсоно ашэля май смило?

Амэнди авэла май вушэро вся и время тэ кандас лэ Иеговас, кала ласа тэ любисарас кода, со любий во, и ласа тэ вэрыцысарас кода жэ, со и во. Адиносарам Псалом 97:10 и подам дума пала вопросоря, савэ май тэлэ.

• Ту ужэ бут ӷанэс пала Иегова. Тоди сар ту ԥэндоп, со во любий, и со вэрыцый?

• Сар можно тэ сытювас тэ любисарас, со лашо и тэ вэрыцысарас, со найлашо?

6. Кала амэ кандас лэ Иеговас, кадэлэстар амэнди драго

Кала амэ кандас лэ Иеговас, када со май драго. Адиносарам Исайя 48:17, 18 и подам дума пала вопросоря, савэ май тэлэ.

• О Иегова май драго ӷанэн, со авэла фэдэр важ амэндэ. Патяс ту кадэлэсти и васо?

• Саво лашимос тутэ исин ужэ акана, кай ту изучаеш и Библия и кай ту уӷанглян пала чачуно Дэл Иегова?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай амэ сыкаваса пэстири любовь каринг о Иегова, если на парашаса тэ кандас лэс дажэ андэ ԥари время.

Сар ту гиндос?

• Со ту сытелян кай о Иово?

• Сар ту можэш тэ сыкавэс, кай любис лэ Иеговас?

• Со поможыя тути и май англэ тэ кандэс лэ Иеговас?

ДИК ИНКЕ

Уӷан, сар ту можэш тэ сыкавэс тири преданость лэ Иеговасти андэ собрания.

«Ту на ашавэса кодэлэс, ко на парашэл тут тэ кандэл» (16:49)

Уӷан май бут пала кода, андэр со о Сатана дошалярэл лэ манушэн.

«Иов хранит непорочность» («Библия и её главная тема», часть 6)

Дик, сар дажэ и бэяцэ моӷут тэ сыкавэн пэстири любовь каринг о Иегова.

«Радосар лэ Иеговас» (8:16)

Дик, сар и тэрнэ мануша моӷут тэ ашэнпэ предани лэ Дэвлэсти, дажэ если пэр лэндэ тасавэн?

«На умэк и вас, кала пэр тутэ тасавэн тирэ ровэсникоря» (3:59)

О мануш бут со витидэл, например, тэ жэнийпэ или тэ жал миростэ, кай тэ жувэл и пэ сави бути тэ терэл. Андэ лэ манушэстири жызня дицол, со во витидэл, и дицол, сави лэстэ дружба лэ Иеговаса. Кала о мануш правильно витидэл, кадэлэстар радуийпэ о Иегова и екжэно мануш.

1. Сар и Библия поможыя тути тэ витидэс правильно?

Англа кода, сар тэ витидэс варисо, мангпэ кай о Иегова и уӷан, со пала када ԥэнэнпэ андэ Библия. Кадя ту полэса, сар о Иегова диқэл пэ кода, со ту камэс тэ витидэс. (Адиносар Притчи 2:3—6.) Кала андэ Библия о Иегова пала варисо ԥэнэн ворта, можно када или нащи, тоди авелоп фэдэр тэ стерэс имено кадя, сар во ԥэнэн.

Ай со если андэ Библия на ԥэнэнпэ ворта, со тэ терэс? О Иегова всаек можэт тэ сыкавэл, па саво дром тэ жас (Исайя 48:17). Во сыкавэл када через и принцыпоря анда Библия. И принцыпоря, када ӷлавно, со поможыя тэ полас лэ Дэвлэстирэ гиндоря. Дэкала и случаёря анда Библия поможын тэ полэс, сар о Дэл диқэл пэ разни ситуацыи. Тоди ту уӷанэса, со кай о Иегова сас по ди и ту полэса, сави ришэния тэ прилэс, кай тэ радуис лэс.

2. Пала со трэбуй тэ погиндос англа кода, сар варисо тэ витидэс?

Андэ Библия пистромэ: «Годявэрно обгиндой, со лэла тэ терэл» (Притчи 14:15). Дицол, кай на трэбуй тэ грабис англа кода, сар варисо тэ терэс. Кала витидэс, пуш пэстар: «Савэ принцыпоря анда Библия поджан андэ кадэя ситуацыя? Авэла мандэ драго по ди кодэлэстар, со мэ витидава? Сар пэ кода, со мэ витидава диқэна авэр? И со май ӷлавно, чалёла када лэ Иеговасти чи най?» (Второзаконие 32:29).

Кай о Иегова исин право тэ ԥэнэн амэнди, со правильно, ай со най. Кала ту уӷанэса лэ Дэвлэстирэ законоря и принцыпоря и закамэса тэ терэс кадя, сар котэ ԥэнэнпэ, тоди ту лэса тэ сытярэс пэстири совесть. Совесть, када кала о мануш полэл, со драго, ай со най (Римлянам 2:14, 15). Кала драго сытярэс пэстири совесть, тоди тутэ вижала правильно тэ прилэс и ришэнии.

УӶАНАМ МАЙ БУТ

3. И принцыпоря анда Библия подԥэнэн

ВИДЕО: «Жувэн па библейски принцыпоря» (5:54)

• Саво подарко дя о Иегова?

• Васо о Иегова стердя кадя, кай о мануш можэт екжэно тэ витидэл?

• Со о Иегова дя амэнди, кай амэндэ тэ вижал правильно тэ витидас?

Диқам ек принцыпо анда Библия. Адиносарам Эфесянам 5:15, 16. Росԥэн, со ту можэш тэ терэс, кай тутэ тэ вижал:

• кажно дес тэ адинос и Библия,

• тэ авэс лашо хулай или хулаи, лашо дад или лащи дэй, лашо шаво или лащи щей,

• тэ ԥирэс пэ собрания.

4. Сытяр пэстири совесть

ВИДЕО: «Тер вся, кай тири совесть тэ ашэлпэ вужи» (5:13)

• Со стердя и ԥэй, кай латири совесть тэ подԥэнэн лати тэ витидэл кода, со чалёла лэ Иеговасти?

Васо на трэбуй тэ мангас аврэн, кай вонэ тэ витидэн важ амэндэ? Адиносарам Евреям 5:14 и подам дума пала вопросоря, савэ май тэлэ.

• Сости амэ никала на сытюваса, кала вся и время мангас аврэн, кай вонэ тэ витидэн важ амэндэ?

• Со поможыя тути тэ сытярэс пэстири совесть и тэ витидэс кода, со правильно?

5. Стон патив пэ кода, со витидэн авэр

И мануша разни и важ када кажно витидэл па пэстирятэ. Сар тоди тэ стас патив пэ кода, со вонэ витидэн? Диқам дуй ситуацыи.

Пэрво ситуацыя. Ек ԥэй, сави любий тэ красыйпэ, пэрэладэл андэ собрания, андэ сави бутэ ԥэянди на чалёл, кала и ԥэя красынпэ.

Адиносарам Римлянам 15:1 и 1 Коринфянам 10:23, 24 и подам дума пала вопросоря, савэ май тэлэ.

• Со и ԥэй моӷла бы тэ терэл, кала погиндосардоп пала кадэла стихоря? Сар кадэла стихоря поможына тути, если тири совесть домэкэл тэ терэс кода, со на терэла авэр мануш?

Дуйто ситуацыя. О ԥрал ӷанэн, кай андэ Библия пистромэ, кай можно тэ пэс, кати кай тэ на доматёс. Но важ пэстэ во витидя совсем тэ на пэл. Кала и христианоря тидэнпэ тэ побэшэн, лэс тожэ ақарэн, и котэ во диқэл, кай и ԥрала бэшэн и набуточка подпэн.

Адиносарам Экклезиаст 7:16 и Римлянам 14:1, 10 и подам дума пала вопросоря, савэ май тэлэ.

• Со лэ ԥралэсти фэдэр тэ на терэл, сар пистромэ андэ кадэла стихоря? Сар поможына тути кадэла стихоря, кала тири совесть на домэкэл тэ терэс кода, со терэн авэр?

Сар тэ витидэс кода, со правильно?

1. Мангпэ кай о Иегова, кай во тэ поможый тути тэ витидэс, со тэ терэс (Иакова 1:5).

2. Родэ андэ Библия и андэ амарэ публикацыи принцыпоря, савэ поджан каринг тири ситуацыя. Кадяжэ, ту можэш тэ пушэс совето кай и христианоря, савэ моӷут тути тэ подԥэнэн.

3. Погиндосар, со вижала. Сар пэ кода, со ту витидэса, диқэна авэр и сави кадэлэстар авэла тири совесть?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай амэ витидас правильно тоди, кала уӷанас, со гиндой пала када о Иегова, ай потом гиндосарас, поможыя када аврэнди или кадэлэстар лэнди авэла вэрыто.

Сар ту гиндос?

• Сар тэ витидэс кадя, кай када тэ чалёл лэ Иеговасти?

• Сар тэ сытярэс пэстири совесть?

• Сар ту можэш тэ сыкавэс, кай стос патив пэ кода, со витидэн авэр?

ДИК ИНКЕ

Сар ту можэш тэ прилэс кацавэ ришэнии, кай через када тэ авэл май лащи дружба лэ Иеговаса?

«Принимайте решения, которые прославляли бы Бога» («Сторожэво башня» важ 15 апрелё пала 2011 бэрш)

Уӷан, сар о Иегова подԥэнэн амэнди.

«Иегова направляет своих служителей» (9:50)

Дик, со поможысардя еқэ тэрнэ манушэсти тэ прилэл правильно ришэния.

«Важ кода кай о Иегова дэл алав» (5:46)

Ай со, если андэ Библия ворта на ԥэнэнпэ, со тэ терэс? Уӷан, сар тоди тэ витидэс кода, со чалёла лэ Иеговасти.

«Анда Библия тути кажно разо трэбуй имено о законо?» («Сторожэво башня» важ 1 декабрё пала 2003 бэрш)