Цэнин о барвалимос, саво на дицол!

1. Со о Иисусо ԥэндя пала «барвалимос по нэбо»?

НАЙ ВСЯ о барвалимос можно тэ додиқас. Само кучутно барвалимос на дицол. Андэ пэстири ашунгли дума по плай о Иисусо росԥэндя пала небесно барвалимос, саво пэ бутэстэ май куч кодэлэстар, саво исин пэ ԥув. Во ԥэндя: «Котэ, кай тиро барвалимос, авэла и тиро ди» (Матфея 6:19—21). Амаро ди цырдэл амэн каринг кода, со амэнди куч. Амэ стидас о «барвалимос по нэбо», кала старысавас тэ авас лашэ англа Дэл. Сар ԥэндя о Иисусо, кацаво барвалимос, саво никай на терэлапэ и лэс нико на чорэла.

2. а) Пэр со, сар ԥэндя о Павло, амэ тэ шас сама, сар пистромэ андэ 2 Коринфянам 4:17, 18? б) Пала со амэ подаса дума андэ кадэя статья?

² О апостоло Павло ԥэнэнас тэ шас сама пэ «кода, со на дицол». (Адиносар 2 Коринфянам 4:17, 18b.) Пала со о Павло гиндосардя, кала ԥэндя кадэла алава? Во гиндосардя пала лашимос, саво аштярас англэ андо раё пэ ԥув. Но дэсаво барвалимос, саво на дицол, исин амэндэ ужэ акана. Пэрво, када амари дружба лэ Дэвлэса. Дуйто, када и молитва. Трито, када о свынто духо, ай штарто, када, кай амэн подритярэн андэ служэния о Иегова, о Иисусо и анӷелоря. Андэ кадэя статья амэ подаса дума пала кадэва барвалимос и сар тэ сыкавас лэ Иеговасти амари блаӷодарность пала кадэла штар маменторя.

ДРУЖБА ЛЭ ИЕГОВАСА

3. а) Саво само кучутно барвалимос, саво на дицол? б) Со тэ терас, кай во амэндэ тэ авэл?

³ Само кучутно барвалимос, саво амэндэ исин, када дружба лэ Иеговаса (Псалом 25:14). Сар о свынто Дэл можэт тэ дружый лэ ӷрешнонэ манушэнца? О Иегова дружый лэ манушэнца, важ кода кай исин лэ Иисусоско выкупо, савэса о Иисусо «лэл пэр пэстэ о ӷрехо лэ мироско» (Иоанна 1:29). О Иегова ӷанэнас, кай о Иисусо на парашэла лэс тэ кандэл жы кай пэсти смэрть и спасыя лэ манушэн. Акэ васо о Дэл дружыяс лэ манушэнца, савэ жувэнас жы кай лэ Иисусостири смэрть (Римлянам 3:25).

4. Росԥэнэн пала дэсавэ лэ Дэвлэстирэ друӷоря, савэ жувэнас жы каринг о Христос.

⁴ Сгиндосарам пала мурша, савэ жувэнас жы каринг о Христос и савэ дружынас лэ Дэвлэса. О Авраамо фартэ патялас лэ Дэвлэсти. Дажэ, сар прожыля 1 000 бэрш посли лэстири смэрть, о Иегова ԥэнэнас пэр лэстэ, кай во лэско друӷо (Исаия 41:8). Вижал, дажэ тоди, кала мануша мэрэн, важ о Иегова вонэ всаек ашэнпэ лэстирэ лашэ друӷонэнца. Андэ лэ Иеговастири память о Авраамо вся инке жундо (Луки 20:37, 38). Инке ек мануш, када о Иово. Еқварэс о Иегова англа всаворэ анӷелоря хвалисардя лэ Иовос. О Иегова ԥэндя: «Во никала на хохавэл и вужо англа мандэ. Во мануш, саво дарал лэ Дэвлэстар и ритярдёлпэ дур лэ найлашимастар» (Иов 1:6—8). Ай сар о Иегова андярэлас пэс лэ Даниилоса, саво 80 бэрш на парашэлас тэ служый лэсти машкар мануша, савэ тэлёнас лэ хохавнэ дэвлэнди? И анӷелоря тривар ԥэндэ лэ Даниилости, саво сас ужэ ԥуро, кай во кучутно мануш важ о Дэл (Даниил 9:23; 10:11, 19). Амэ патяс, кай о Иегова фартэ аштярэл кодэва дес, кала рия каринг жызня пэстирэ любимонэ друӷонэн (Иов 14:15).

5. Со трэбуй, кай тэ авэл лащи дружба лэ Иеговаса?

⁵ Скати кай о Иегова адес исин друӷоря машкар найсовершэни мануша? Лэн фартэ бут! Амэ ӷанас када, важ кода кай милионоря мурша, жувля и бэяцэ старыинпэ тэ жувэн кадя, кай тэ радуин лэ Дэвлэс. Кай о Иегова фартэ лащи дружба лэ манушэнца, савэ на хохавэн и кандэн лэс (Притчи 3:32). Через кода кай о Иисусо потиндя о выкупо пала амэндэ, амэ можэм тэ ашас лэ Иеговастирэ друӷоря и тэ дас алав тэ жувас важ лэстэ и тэ болдювас. Кала амэ када ужэ стердям, амэ ашас машкар милионоря авэр христианоря, савэ радуинпэ, кай лэндэ исин лащи дружба лэ Всемоӷущёнэ Создателёса.

6. Сар тэ сыкавас лэ Иеговасти, кай амэнди куч и дружба лэса?

⁶ Сар тэ сыкавас лэ Иеговасти, кай амэнди куч и дружба лэса? О Авраамо и о Иово на парашэнас тэ кандэн лэ Дэвлэс май бут чем шэл бэрш. Амэнди кадяжэ трэбуй тэ на парашас тэ кандас лэ Иеговас, скати бы бэрш амэ лэсти тэ на служысарас. О Даниило цэнияс и дружба лэ Иеговаса май фартэ чем пэсти жызня. Кадя жэ трэбуй тэ терас и амэ (Даниил 6:7, 10, 16, 22). Лэ Иеговаса амэ можэм тэ виритярас любо ԥаримос и тэ на хасарас амари лащи дружба лэса (Филиппийцам 4:13).

МОЛИТВА

7. а) Сар о Иегова диқэл пэ амарэ молитвы, сар пистромэ андэ Притчи 15:8? б) Сар о Иегова дэл атвето пэ амарэ молитвы?

⁷ Инке о барвалимос, саво на дицол, када и молитва. Лашэ друӷонэнди чалёл тэ росԥэнэн ек еқэсти, пала со гиндон и со лэндэ по ди. Ай сар амэ можэм тэ дас дума лэ Иеговаса? Во дэл дума амэнца через и Библия. Котар амэ уӷанас пала лэстирэ гиндоря и со лэстэ по ди. Ай амэ дас дума лэ Дэвлэса, кала мангаспэ и росԥэнас лэсти кода, со никасти на росԥэндоп и кода, пала со гиндосарас. Лэ Иеговасти фартэ чалёл тэ ашунэл амарэ молитвы. (Адиносар Притчи 15:8c.) И во най просто ашунэл и молитва, ай инке и дэл атвето. Дэкала о Иегова сразу дэл атвето. Но дэкала амэнди прижалпэ тэ мангаспэ най еқвар. И всаек амэ можэм тэ патяс, кай кала поджала и время, о Дэл дэла атвето пэ амари молитва, сар май драго. Канешно, лэско атвето можэт тэ авэл най кацаво, сар амэ аштярасас. Можэт во на улэла о ԥаримос, ай дэла амэнди зор и мудрость, кай амэ када тэ пэрэандярас (1 Коринфянам 10:13).

8. Сар тэ сыкавас лэ Иеговасти пэстири блаӷодарность важ и молитва?

⁸ Сар тэ сыкавас лэ Иеговасти блаӷодарность важ и молитва, важ кадэва кучутно даро? Амэ можэм тэ приашундювас каринг кода, со пистромэ андэ Библия и тэ на парашас тэ мангаспэ (1 Фессалоникийцам 5:17). О Иегова на заставий амэн тэ дас дума лэса андэ молитва. Во стол патив пэ кода, кай амэндэ исин свобода. Но во камэл, кай амэ тэ на парашас тэ мангаспэ (Римлянам 12:12). Важ када кажно дес часто мангампэ лэ Иеговасти и на бистрам кажно дес тэ восхваляем лэс (Псалом 145:2, 3).

9. Со ек ԥрал гиндой пала молитва, и со пала молитва гиндос ту?

⁹ Со май бут амэ служысарас лэ Иеговасти, со май драго диқас, сар во ашунэл амэн. Важ када амари блаӷодарность, кай можэм тэ мангаспэ лэсти, трэбуй тэ авэл май бари. Акэ со ԥэнэн ек ԥрал, саво служый полновременно ужэ 47 бэрш: «Манди кадя чалёл тэ ущяв май рано тэсара, кала инке тыхо и кати лэл тэ ваздэлпэ о қам, кай тэ подав дума лэ Иеговаса. Мэ блаӷодарно лэсти пала вся лэско лашимос, кадяжэ, кай мэ моӷу тэ мангавпэ. Кала о дес кончийпэ, мэ кадяжэ мангавпэ. Тоди манди по ди драго и спокойно».

О СВЫНТО ДУХО

10. Васо амэнди трэбуй тэ цэнисарас лэ Дэвлэско свынто духо?

¹⁰ О свынто духо, када инке ек фартэ кучутно даро лэ Иеговастар, саво на дицол. О Иисусо ԥэнэн пэстирэ учениконэнди, тэ на парашэн тэ мангэнпэ пала свынто духо (Луки 11:9, 13). Через пэско свынто духо о Иегова дэл амэнди зор. Во дажэ можэт тэ дэл амэнди «зор, саво май баро обычнонэстар» (2 Коринфянам 4:7; Деяния 1:8). Важ кода кай амэндэ исин свынто духо, амэ можэм тэ пэрэандярас любо ԥаримос.

11. Сар амэнди поможый о свынто духо?

¹¹ О свынто духо поможыя амэнди тэ терас и дила андэ собрания. Лэ Дэвлэско духо дэл амэнди зор тэ терас май драго кода, со ужэ ӷанас, кай май драго тэ служысарас лэ Иеговасти. Амэ полас, кай о лашимос, саво амэндэ исин андэ служэния, лэ Иеговастар, ай най кодэлэстар, кай амэндэ драго вижал тэ терас кадэя дила.

12. Пала со амэ можэм тэ мангаспэ, сар пистромэ андэ Псалом 139:23, 24?

¹² Ай сар инке амэ можэм тэ сыкавас лэ Иеговасти пэстири блаӷодарность пала лэско свынто духо? Тэ мангаспэ, кай кадэва духо тэ поможый амэнди тэ полас пэстирэ нэправильни гиндоря и кода, со камэлпэ. (Адиносар Псалом 139:23, 24d.) Кала амэ мангаспэ пала када, о Иегова пэстирэ духоса можэт тэ сыкавэл амэнди, андэр со трэбуй тэ парудювас. Ай сар амэ додиқас андэ пэско ди нэправильни гиндоря и кода, со камэлпэ, амэ трэбуй тэ мангаспэ, кай лэ Дэвлэско духо тэ дэл амэнди зор тэ улас лэн. Кадя амэ сыкаваса лэ Иеговасти, кай терас вся, кай о Иегова тэ на парашэл тэ подритярэл амэн пэстирэ свынтонэ духоса (Эфесянам 4:30).

13. Со поможыя амэнди май фартэ тэ цэнисарас о свынто духо?

¹³ Амэ май фартэ цэнисарас о свынто духо, кала гиндосарас, со амэндэ исин акана через лэстэ. Англа кода, сар тэ ваздэлпэ по нэбо, о Иисусо ԥэндя пэстирэ учениконэнди: «Но тумэндэ авэла зор, кала пэр тумэндэ сжала о свынто духо, и тумэ авэна мэрнэ свидетеля... жы кай само дурутнэ ҭана пэ ԥув» (Деяния 1:8). Адес амэ када и диқас. Важ кода кай о Иегова дэлас свынто духо, па вся и ԥув восемь епашэса милионоря мануша ашэлэ лэ Иеговастирэ служытеля. Кадяжэ о свынто духо терэл кадя, кай амэ тэ авас май радосни, тэ на грабисавас тэ холявас и тэ ӷанас тэ аштярас. Кадяжэ во поможый амэнди тэ терас лашимос, и тэ терас лэс, дажэ кала амэн пала када на мангэн. Инке через о свынто духо амаро ди ашэл май ковло и амэ ӷанас тэ ритярас пэс андэ вас инке май драго. Кадяжэ амэ май фартэ лас тэ патяс лэ Иеговасти (Галатам 5:22, 23). Важ кода кай амэндэ вся када исин, амэ ужэ жувас, сар андо раё. Да, о свынто духо, када фартэ кучутно даро лэ Иеговастар!

МОЖЭМ ТЭ ТЕРАС ЕК ДИЛА ЛЭ ИЕГОВАСА, ЛЭ ИИСУСОСА И ЛЭ АНӶЕЛОНЭНЦА

14. Ко подритярэл амэн андэ служэния?

¹⁴ Амэндэ исин инке барвалимос, када, кай амэ можэм тэ терас ек дила лэ Иеговаса, лэ Иисусоса и лэ анӷелонэнца (2 Коринфянам 6:1). Амэ терас лэнца ек дила, кала сытярас лэ манушэн па Библия. О Павло ԥэндя пала пэстэ и пала кодэла, ко лэса терэлас ек дила, кай вонэ терэн кадэя дила лэ Дэвлэса (1 Коринфянам 3:9). Кадяжэ, кала амэ андэ служэния, амэ служысарас еқэҭанэ лэ Иисусоса. О Иисусо ԥэндя пэстирэ учениконэнди, кай вонэ тэ сытярэн лэ манушэн, кай кодэла тэ ашэн лэстирэ ученикоря и кай тэ сытярэн лэ манушэн па вся и ԥув. Кадяжэ о Иисусо ԥэндя кацавэ алава: «Мэ авава тумэнца» (Матфея 28:19, 20). Ай сар амэ терас ек дила лэ анӷелонэнца? Кала амэ росԥэнас лащи весть, вонэ андярэн амэн кордэ, каринг амэнди трэбуй. Сар жэ амэ кадэлэстар лошавас! (Откровение 14:6).

15. Росԥэнэн о примеро, саво сыкавэл, кай о зор дэл о Иегова, кай о мануш тэ авэл лэ Иисусоско ученико?

¹⁵ Кала, о мануш сеий и семена, и вонэ попэрэн андэ лащи ԥув, и семена лэн тэ барён. Кадяжэ, кала амэ росԥэнас о чачимос важ о Царство, и мануша, кастэ лашо ди, прилэн кадэва чачимос и жувэн пар лэстэ (Матфея 13:18, 23). Ай ко дэл зор, кай кадэла семена тэ барён и тэ анэн и плодоря? О Иисусо ԥэндя, кай нико нэ можэт тэ ашэл лэско ученико, «если о Дад... на пашарэла лэс» (Иоанна 6:44). И андэ Библия исин примеро, саво доԥэнэн када. Сгиндосарам, со сас, кала о Павло росԥэнэнас важ о Дэл дэсавэ жувлянди паша форо Филиппы. Машкар лэндэ сас и Лидия, пала сави андэ Библия пистромэ: «О Иегова ԥэрнадя лако ди, кай вой тэ прилэл кода, со росԥэнэнас о Павло» (Деяния 16:13—15). Кадяжэ, сар и ла Лидия, о Иегова пашардя каринг пэстэ милионоря аврэ манушэн.

16. Ко амэнди поможый, кай амэндэ вижал драго тэ служысарас?

¹⁶ Ко амэнди поможый, кай амэндэ драго тэ вижал тэ служысарас? О атвето пэ кадэва вопросо амэ виарақаса анда письмо, саво пистросардя о апостоло Павло ла собранияти анда Коринфо. Во пистросардя: «Мэ садисаравас, о Аполоссо шолас о паи, но вибарярэлас о Дэл. Тоди вибарярэл най кодэва, ко садисардя и ко шолас о паи, ай вся вибарярэл о Дэл» (1 Коринфянам 3:6, 7). О Павло полэлас кода, кай лэстэ драго вижал тэ служый, када лэ Иеговастар. Ай амэ сытювас лэстар.

17. Сар тэ сыкавас, кай амэ цэнисарас тэ служысарас лэ Иеговаса, лэ Иисусоса и лэ анӷелонэнца?

¹⁷ Сар тэ сыкавас, кай амэ цэнисарас тэ служысарас лэ Иеговаса, лэ Иисусоса и лэ анӷелонэнца? Амэнди трэбуй тэ старысавас тэ росԥэнас лэ манушэнди лащи весть. Када амэ можэм тэ терас по разному. Амэ можэм тэ росԥэнас па цэра, чи котэ кай бут мануша (Деяния 20:20). Бутэнди чалёл тэ дэн дума пала Дэл котэ, кай вонэ сынэ. Кала вонэ диқэн манушэс, вонэ доровкыинпэ лэса и старыинпэ тэ залэн и дума. Сар о мануш камэл тэ дэл дума, тоди вонэ понабут росԥэнэн лэсти пала лэ Дэвлэско Царство.

18. Со амэ терас, кай тэ шас о паи пэ семена?

¹⁸ Сар кодэла, ко терэл лэ Дэвлэса ек дила, амэнди трэбуй тэ сеисарас семена, када тэ росԥэнас важ о чачимос анда Библия. Но кадяжэ амэнди трэбуй тэ шас о паи пэ кадэла семена. Кала амэ диқас, кай лэ манушэсти чалёл кода, со амэ росԥэнас, тоди амэ старысавас тэ авас каринг лэстэ инке еқвар. Состэ? Кай амэ тэ сытярас лэс па Библия чи кай лэс тэ залэл тэ сытярэл авэр лэ Иеговаско свидетелё. Кала амэ сытярас лэ манушэс па Библия, амэ лошалэ тэ диқас, сар о Иегова парувэл и гиндоря и кода, со андо ди кай о мануш.

19. Сар о Иегова поможысардя манушэсти, саво сытёлас па Библия?

¹⁹ Подам дума пала кода, со сас лэ ԥралэса анда ЮАР, саво варикала личияс лэ манушэн кодэлэса, кай терэлас териматэ. Лэсти чалёлас тэ сытёл па Библия лэ Иеговастирэ свидетелёнэнца. Но кала во уӷангля, со пистромэ андэ Библия пала териматэ, лэсти када сас ԥарэс тэ прилэл (Второзаконие 18:10—12). Но прожыля время и во ля тэ гиндой пала када, сар трэбуй. Во парашэля тэ терэл териматэ, хоть кадэлэса во затерэлас. Акана лэ ԥралэсти 60 бэрш. Во ԥэнэн: «Мэ фартэ блаӷодарно лэ Иеговастирэ свидетелёнэнди, кай вонэ ман подритярэнас. Например, поможысардэ тэ виарақав бути. Но май фартэ мэ блаӷодарно лэ Иеговасти. Када во поможысардя манди тэ жував па аврятэ. Мэ ужэ болделэм и ашэлэм лэ Иеговаско свидетелё и ла радостяса служысарав лэсти».

20. Со амэ закамлям тэ терас посли кода, сар адиносардям кадэя статья?

²⁰ Анда кадэя статья амэ уӷанглям пала барвалимос, саво на дицол, подям дума пала штар маменторя. Пэрво и само ӷлавно барвалимос када, кай дружысарас лэ Иеговаса. Кацави дружба ԥэрнавэл амэнди о дром инке каринг авэр барвалимос. Амэндэ исин молитва, амэ можэм тэ мангас кай о Дэл свынто духо и можэм тэ служысарас вмести лэ Дэвлэса и лэ анӷелонэнца, савэ лэс кандэн. Давайте тэ авас инке май фартэ блаӷодарни лэ Иеговасти пала барвалимос, саво на дицол, и пала кода, кай амэндэ исин кацаво лашо Друӷо!