На хохавэн ни андэр со

Всаворэнди трэбуй друӷоря, савэ на хохавэн. О Иегова кадяжэ камэл, кай лэстирэ друӷоря тэ на авэн хохавнэ. Тэ авэс кацавэ манушэса найвушэро, важ кода кай андэ кадэя люма бут хохавэн. Саво авэла лашимос кай о мануш, кала во ни андэр со на хохавэл?

1. Со май ӷлавно, васо о мануш трэбуй тэ на хохавэл?

Кала амэ на хохавас, амэ сыкавас, кай любисарас и стас патив по Иегова. Во драго ӷанэн, пала со амэ гиндосарас, и диқэл вся, со амэ терас (Евреям 4:13). Во диқэл, кала амэ на хохавас, и фартэ цэний када. Андэ Библия пистромэ: «Хохавно мануш гряца лэ Иеговасти, ай кодэва,.. [ко на хохавэл], лэско лашо друӷо» (Притчи 3:32).

2. Сар андэ вся тэ авэс чачуно?

О Иегова камэл, кай амэ тэ ԥэнас ек еқэсти чачимос (Захария 8:16, 17). Со када сыкавэл? Амэ на хохаваса лэ ерести, кодэлэнди, ко андэ собрания и каса ԥирас андэ гава или терас пэ бути, инке лэ барэ манушэнди андэ страна, и на ласа тэ хытросарас лэнца. И чачунэ мануша на чорэн и на хохавэн. (Адиносар Притчи 24:28 и Эфесянам 4:28.) Вонэ потинэн всаворэ налоӷоря (Римлянам 13:5—7). Амэ «ни андэр со на камас тэ хохавас» (Евреям 13:18).

3. Со кодэлэстар, кала о мануш ни андэр со на хохавэл?

Кала андэ собрания на хохавэн, када сар ек ери, андэ саво всаворэ патян и любин ек еқэс. Если ту ни андэр со на хохавэс, тутэ авэла вужи совесть, и мануша лэна тэ патян тути и через када дицола «инке май шукарнэс кода, сости сытярэл амаро Спасителё, Дэл» и тоди и мануша закамэна лэс тэ уӷанэн (Титу 2:10).

УӶАНАМ МАЙ БУТ

4. О чачимос радуий лэ Иеговас

Адиносарам Псалом 44:21 и Малахия 3:16 и подам дума пала вопросоря, савэ май тэлэ.

• Васо найгодявэрнэс тэ патяс андэ кода, кай о чачимос можно тэ гаравас?

• Сар ту гиндос, со кай о Иегова по ди, кала амэ ԥэнас о чачимос, дажэ кала када найвушэро?

5. Вся и время ԥэн о чачимос

ВИДЕО: «Со трэбуй важ и чачуни радость? Вужи совесть» (2:32)

Адиносарам Евреям 13:18 и подам дума пала кода, сар тэ авэс чачуно мануш:

• андо ери,

• кала ԥирэс андэ гава, пэ бути, чи андэ школа,

• андэ авэр ситуацыи.

6. Лашимос кодэлэстар, кай найхохавнэс андярэн пэс

Тути можэт тэ здэлпэ, кай лэ чачимастар и жызня ашэл май ԥари. Но сар прожала и время, ту диқэса, кай витидян правильно пэс тэ андярэс. Адиносарам Псалом 34:12—16 и подам дума пала вопросо, саво май тэлэ.

• Саво лашимос лэ чачимастар?

1. 1. О ери ашэл май лашо

2. 2. Лэ манушэсти патян, кала во терэл пэ бути

3. 3. Кацаво мануш ашундёлпэ лашимаса англа мануша, савэ терэн пэ правительства

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иегова камэл, кай амэ, сар лэстирэ друӷоря, со тэ на терас или тэ на дас дума, тэ на хохавас.

Сар ту гиндос?

• Сар тэ авэс чачуно мануш?

• Васо найгодявэрнэс тэ патяс андэ кода, кай о чачимос можно тэ гаравас?

• Камлоп ту тэ авэс, сар о мануш, саво ни андэр со на хохавэл? Васо?

ДИК ИНКЕ

Сар и родителя тэ сытярэн лэ бэятонэн, кай вонэ тэ на хохавэн?

«На хохав» (1:44)

Саво лашимос кодэлэстар, кай амэ зритярас пэско алав?

«О Иегова блаӷословий кодэлэн, ко зритярэл пэско алав» (9:09)

Васо амэнди трэбуй тэ потинас и налоӷоря, дажэ если амэнди варисо на чалёл?

«Трэбуй тэ потинэн и налоӷоря?» («Сторожэво башня» важ 1 сентябрё пала 2011 бэрш)

Сар паруделя о мануш, саво фартэ любияс тэ хохавэл лэ манушэн и тэ цэлэл андэ азартни иӷры?

«Я узнал, что Иегова милосерден и готов прощать» («Сторожэво башня» важ 1 маё пала 2015 бэрш)