8 ӶЛАВА
Ту можэш тэ авэс лэ Иеговаско друӷо
О Дэл о Иегова камэл, кай ту тэ уӷанэс лэс май драго, кай во тэ ашэл важ тутэ, сар друӷо. Но бут ко ԥэнэн: «Во жэ Дэл, сар лэса тэ дружыс?» Но анда Библия ту уӷанэса, кай о мануш можэт тэ авэл лэ Дэвлэско друӷо и со во трэбуй тэ терэл, кай тэ уӷанэн лэ Дэвлэс май пашэ. Кадяжэ ту уӷанэса, васо о Иегова со май лашо друӷо анда всаворэ. О Дэл Иегова камэл, кай ту тэ уӷанэс, саво во, и со во загиндосардя важ амэндэ. Ай о мануш можэт тэ авэл важ о Дэл, сар друӷо? (Адиносар Псалом 25:14.)
1. Со ԥэнэн тути о Иегова?
«Авэн май пашэ каринг о Дэл, и во пашола каринг тумэндэ» (Иакова 4:8). О Иегова камэл тэ ӷанэн тут, сар пэстирэ друӷос. Дэко ԥэнэн: «О Дэл дур амэндар, кай во, ай кай амэ». Но через и Библия о Иегова росԥэнэн пала пэстэ вся, кай ту тэ авэс май пашэ каринг лэстэ. Кала ту адиноса и Библия, тутэ авэла май лащи дружба лэса.
2. Васо о Иегова само лашо друӷо?
Нико на любий тут кадя дэ фартэ сар о Иегова. Во камэл, кай тутэ тэ авэл май бахтали жызня и кай ту тэ мангэспэ лэсти, кай во тэ поможый. Андэ Библия пистромэ: «И вся, пала со пэрэжываете, пэрэстон пэр лэстэ, важ кода кай во фэрий и диқэл пала тумэндэ» (1 Петра 5:7). О Иегова андэ любо время подритярэла и виашунэла тут, сар пэстирэ друӷос. (Адиносар Псалом 94:18, 19.)
3. Саво трэбуй тэ ашэс, кай тэ авэс лэ Иеговаско друӷо?
Андэ Притчи 3:32 пистромэ: «Кодэва, ко кандэл лэс, лэско лашо друӷо». О Иегова любий всаворэ манушэн, но во камэл, кай лэстирэ друӷоря тэ старыинпэ тэ терэн правильно англа лэстэ, и тэ на терэн кода, со лэсти на чалёл. Варико можэт тэ гиндой, кай лэстэ на вижала тэ жувэл па лэ Дэвлэско законо. И о Иегова полэл, васо кацавэ гиндоря моӷут тэ авэн кай о мануш. Лэ Иеговасти куч всаворэ, ко па чачимастэ любий лэс и старыийпэ тэ кандэл лэс (Псалом 147:11; Деяния 10:34, 35).
УӶАНАМ МАЙ БУТ
Анда кадэя ӷлава амэ уӷанаса, сар можно тэ авас лэ Иеговастирэ друӷоса, и васо о Иегова со май лашо друӷо.
4. О Авраамо сас лэ Иеговаско друӷо
Кода, со росԥэнэнпэ андэ Библия пала Авраамо, кадяжэ пэр лэстэ ԥэнэн Аврам, поможый тэ полас, сар тэ авас друӷоря лэ Дэвлэса. Адиносарам пала Авраамо андэ Бытие 12:1—4 и подам дума пала вопросоря, савэ май тэлэ.
Со о Иегова ԥэндя лэ Авраамости тэ стерэл?
Пала со о Иегова дя алав лэ Авраамости?
Со стердя Авраамо?
5. Со о Иегова камэл пэстирэ друӷонэндар?
Амэ аштярас пэстирэ друӷонэндар, кай вонэ драго тэ обжанпэ амэнца.
Саво ту камэс тэ авэл тутэ друӷо?
Адиносарам 1 Иоанна 5:3 и подам дума пала вопросо, саво май тэлэ.
Со о Иегова аштярэл пэстирэ друӷонэндар?
Кай тэ служысарас лэ Иеговасти, трэбуй тэ парудювас андэ кода, сар амэ пэс андярас и дэсо тэ парувас андо пэско характеро. Адиносарам Исаия 48:17, 18 и подам дума пала вопросо, саво тэлэ.
Васо о Иегова камэл, кай лэстирэ друӷоря тэ парудёнпэ?
О лашо друӷо подԥэнэна амэнди кода, со анэна лашимос и кода, со амэн фэрия. Кадяжэ терэл и о Иегова
6. Со о Иегова терэл важ пэстирэ друӷоря?
О Иегова поможый пэстирэ друӷонэнди тэ пэрэандярэн о ԥаримос. Диқам о ВИДЕО и подам дума пала вопросо, саво посли видео.
Сар о Иегова поможысардя ла жувляти, кала лати сас ԥарэс?
Адиносарам Исаия 41:10, 13 и подам дума пала вопросоря, савэ май тэлэ.
Со о Иегова обещяет тэ стерэл важ пэстирэ друӷоря?
Сар гиндос, можэт о Иегова тэ авэл лашо друӷо важ тутэ? Росԥэн васо?
И друӷоря всегда поможына. Кадяжэ терэл и о Иегова
7. Кай тэ авас лэ Иеговастирэ друӷоря, амэ трэбуй лэса тэ дас дума
Кай и друӷоря и дружба ашэла май лащи, кала вонэ дэн дума ек еқэса. Адиносарам Псалом 86:6, 11 и подам дума пала вопросоря, савэ май тэлэ.
Сар амэ можэм тэ дас дума лэ Иеговаса?
Сар о Иегова дэл дума амэнца?
Амэ дас дума лэ Иеговаса, кала мангаспэ, ай о Иегова дэл дума амэнца, кала амэ адиносарас и Библия
ТУТИ ВАРИКО МОЖЭТ ТЭ ԤЭНЭН: «Во Дэл, сар када тэ дружыс лэ Дэвлэса?».
Саво стихо анда Библия ту сыкавэса, кала росԥэнэс, кай о мануш можэт тэ авэл лэ Дэвлэско друӷо?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай о Иегова камэл, кай ту тэ авэс лэско друӷо и во поможыя андэ када.
Сар ту гиндос?
Сар о Иегова поможый пэстирэ друӷонэнди?
Васо о Иегова камэл, кай лэстирэ друӷоря тэ парудён?
Фартэ бут о Иегова мангэл пэстирэ друӷонэндар, кай вонэ тэ парудён? Васо ту кадя гиндос?
ДИК ИНКЕ
Сар тири жызня можэт тэ парудёл, если о Иегова авэла тиро друӷо?
«О Иегова, Дэл, савэс трэбуй тэ уӷанэс» («Сторожэво башня» лэ 15 февралёстар пала 2003 бэрш)
Уӷан, со тэ терэс, кай тири дружба лэ Дэвлэса тэ авэл май лащи.
«Сар тэ авэс лэ Дэвлэско друӷо?» («Атветоря пэ тирэ вопросоря. Том 2», ӷлава 35)
Адиносар, сар через кода, кай ек жувли драго полэлас лэ Иеговас, латири жызня ашэля май фэдэр.
«Манди на камэласпэ тэ мэрав!» («Сторожэво башня» № 1 пала 2017 бэрш)
Дик, со дэсавэ тэрнэ мануша ԥэнэн пала кода, кай о Иегова лэнго лашо друӷо.