Сар тэ на попэрэс андэ бида, кала зажас андэ социальни сети?

ВАСО КАДА ВАЖНО. Сар и любо инструменто, социальни сети моӷут тэ анэн най кати о лашимос, но андэр лэндэ кадяжэ исин кода, состар трэбуй тэ фэриспэ. Дэсавэ христианоря витидэ, кай тэ на зажан андэ социальни сети. Ай авэр зажан интя важ кода, кай тэ подэн дума лэ родоса и лэ друӷонэнца. Но кала амэ на фэрисавас, тоди амэ можем тэ хасарас и дружба лэ Дэвлэса и пала амэндэ лэна найдраго тэ дэн дума. Ай о Сатана кати када и камэл. Кай тэ полас кода, состар трэбуй тэ фэрисавас и тэ обжас лэн кадя, сар о Иисусо, поможына и алава, пэ савэ ритярдёлпэ лэ Дэвлэско законо (Лк 4:4, 8, 12).

КОДА, СО АНЭН БИДА

• Кода, со чорэл и время. Кала амэ часонэнца бэшас андэ социальни сети, амэндэ ужалтар и время, андэ сави амэ бут со стердоп важ Дэл.

  Алава, пэ савэ ритярдёлпэ лэ Дэвлэско законо. Эф 5:15, 16; Фп 1:10.

• Кода, со андярэл каринг о найлашимос. Кала о мануш диқэл абисавэ картинки или видео, во может тэ присытёл каринг када и через када во может стерэл билажавардимос. О мануш может тэ хасарэл и вера, кала во адиной кода, со андо интернето пистрон кодэла, ко сас лэ Иеговастирэ свидетеля, ай акана жан против о Дэл.

  Алава, пэ савэ ритярдёлпэ лэ Дэвлэско законо. Мф 5:28; Фп 4:8.

• Абисавэ алава и карточки. Оди может тэ обхохавэл и тэ подԥэнэн лэ манушэсти, кай во андэ социальни сети тэ пистрой найлашэ алава или тэ вистол абисавэ карточки. Но через када лэ манушэс моӷут тэ уӷанэн авря найлащя ригатар чи через када лэ манушэстэ и вера ашэл най кацави састи сар сас.

  Алава, пэ савэ ритярдёлпэ лэ Дэвлэско законо. Рм 14:13; Эф 4:29.

ДИК ВИДЕО «СОЦИАЛЬНИ СЕТИ. НА АНДЯРЭН ПЭС САР БЭЯТЦЭ!» И ПОГИНДОСАР, СО МОЖНО САС ТЭ СТЕРЭС, КАЙ ТЭ НА АВЭН ПРОБЛЕМЫ.