Источникоря важ и тетрадка, кай тэ сытювас «Дром и служэния»
4—10 МАРТА
СОМНАК АНДА БИБЛИЯ | РИМЛЯНАМ 12—14
«Сар тэ сыкавэс пэ дила и христианско любовь»
(Римлянам 12:10) Любин ек еқэс, сар о ԥрал фартэ любий лэ ԥралэс. Пэрви стон патив пэ авэр.
it «Привязанность»
Привязанность
Любовь машкар и ԥрала (пэ ӷреческо шыб филаделфи́а, букв. «цырдэлпэ каринг о ԥрал») трэбуй тэ авэл кай всаворэ андэ собрания (Римлянам 12:10; Евреям 13:1; дик кадяжэ 1 Петра 3:8). Када сыкавэл, кай всаворэ андэ собрания трэбуй тэ любин и тэ полэн еқаврэс кадя, сар андо ери. Хоть и всаворэ андэ собрания ужэ анда вся оди любин ек еқэс, сар любин андо ери, лэнди трэбуй инке май фартэ када тэ терэн (1 Фессалоникийцам 4:9, 10).
О ӷреческо алав фило́сторгос («любий анда вся оди»), сыкавэл лэ манушэс, саво фартэ пашэ аврэ манушэсти. Кай кадэва алав исин дуй корнёря. Ек андар лэндэ, када сте́рго, саво часто сыкавэл любовь, сави исин андо ери. О апостоло Павло ԥэнэнас лэ христианонэнди тэ терэн кадя, кай тэ авэл кацави любовь (Римлянам 12:10). Кадяжэ о Павло ԥэндя, кай андэ послидни деса машкар и мануша на авэла любовь андо ери (пэ ӷреческо шыб а́сторгой) и кай кацавэ мануша затерэна смэрть (2 Тимофею 3:3; Римлянам 1:31, 32).
(Римлянам 12:17—19) Никасти на рин пала найлашимос, ай терэн аврэнди кати драго. 18 Терэн вся пэстиря ригатар, кай тэ авэл миро всаворэ манушэнца. 19 Мэрнэ лашэ, на рисарэн пала пэстэ, ашавэн када лэ Дэвлэсти, важ кода кай пистромэ: «Мэ рисарава, мэ отдава палпалэ, ԥэнэн о Иегова».
w09 15/10 8, абз. 3
«Терэн вся пэстиря ригатар, кай тэ авэл миро всаворэ манушэнца»
3 Адиносар Римлянам 12:17. О Павло росԥэндя, кай, кала амэн холярэн, амэнди на трэбуй тэ рисарас. Но май фартэ пала када трэбуй тэ сэрэн кодэла, кастэ андо ери най всаворэ патян андо Иегова. О христианино на подэлпэ тэ рисарэл важ о ӷрубо алав или дила, саво терэл о хулай или и хулаи. Если тэ рисарас о найлашимос, то нисо лашо анда када на вижала. Кадэлэстар авэла инке май хужэ.
w07 1/7 24—25, абз. 12, 13
«На рин пала найлашимос»
12 Авэр алава, савэ ԥэндя о Павло, сыкавэн, сар тэ андярэс пэс кодэлэнца, ко на патял андо Дэл и аврэ манушэнца. Во пистросардя: «Никасти на рин пала найлашимос». Кадэла алава сжанпэ кодэлэса, со май англал во ԥэндясас: «Вэрыцын о найлашимос». Чаче, сар варико можэт тэ ԥэнэн, кай вэрыцый о найлашимос, если по найлашимос, во рий найлашимаса? Када на сыкадоп, кай о мануш па чачимастэ любий анда оди. Кадяжэ о Павло ԥэнэн: «Терэн аврэнди кати драго» (Римлянам 12:9, 17). Сар амэ када терас?
13 Май англал, андэ пэско письмо лэ коринфянонэнди, о Павло пистрояс пала ԥаримос, кай ӷонинас лэ апосталонэн. «Амэ сар артисторя пэ сцэна важ о миро, важ и анӷелоря и важ и мануша. [...] Кала амэн дэн амрая, амэ ԥэнас, кай лэндэ тэ авэл лашимос, кала амэн ӷонин важ и вера, на холявас, кала хохавэн пар мэндэ, амэ ԥэнас лэнди лашэ алава» (1 Коринфянам 4:9—13). Кадя жэ и адес, пэ чачунэ христианоря диқэн и мануша анда кадэва миро. И мануша моӷут тэ ашунэн амари весть, кала вонэ диқэн, кай амэ терас лашимос дажэ тоди, кала амэнца обжанпэ нэсправедливо (1 Петра 2:12).
(Римлянам 12:20, 21) Но «кала тиро ворого боқало, правар лэс, камэл тэ пэл, дэ лэсти паи. Кала терэс кадя, ту стидэса лэсти по шэро ԥабардо янгар». 21 На домэк, кай тут тэ лэл и холи, улэ и холи лашимаса.
w12 15/11 29, абз. 13
Анда вся оди простин еқаврэс
13 Дэкала амэ можэм тэ дас помощь кодэлэсти, ко холярдя амэн, кай во тэ цэний и христиански нормы. О апостало Павло пистросардя: «„Кала тиро вороӷо боқало, правар лэс, камэл тэ пэл, дэ лэсти паи. Кала терэс кадя, ту стидэса лэсти по шэро ԥабардо янгар“. На домэк, кай тут тэ лэл и холи, улэ и холи лашимаса» (Римлянам 12:20, 21). Кала амэ терас лащи дила, амэндэ вижала, кай о мануш, саво фартэ холинако пар мэндэ, тэ на холявэл и амэндэ вижала тэ поможысарас лэсти тэ парудёл андэ лащи риг. Кала амэ полас, жалуисарас анда вся оди и через оди промэкас и дук кодэлэсти, ко тердя амэнди найлашимос, амэ можэм тэ поможысарас лэсти тэ уӷанэн о чачимос анда Библия. Амаро лашо алав дэла лэ манушэсти тэ погиндой пала амари дила (1 Петра 2:12; 3:16).
Виарақас сомнак анда Библия
(Римлянам 12:1) Ԥрала, важ кода кай лэ Дэвлэстэ лашо ди, мэ мангав тумэн, отдэн пэстири тила и жызня лэ Дэвлэсти, кабута тумэ анэн свынто жэртва, сави прилэла о Дэл. Кадя тумэ терэн свынто служэния лэ Дэвлэсти всаворя́ годяса.
lv 64, абз. 5, 6
Сар тэ витидэс лащи развлечения
5 Со бы амэ тэ на терас андэ амари жызня, вся жал кодэлэстар, кай амэ тэлювас лэ Иеговасти. О Павло росԥэндя када, кала ԥэндя: «Отдэн пэстири тила, кай тэ служин лэсти. Отдэн, сар и жертва, сави важ о Дэл и чалёл лэсти, сави, сар жунди и отдэн ла годяса» (Римлянам 12:1). О алав «тила» сыкавэл оди, и годи и о зор. Вся када трэбуй, андэ служэния лэ Дэвлэсти (Марка 12:30). Пэ кацави служэния, сави терэлпэ анда вся оди, о Павло ԥэндя, кай када жэртва. Андо Израилё, кала и мануша анэнас лэ жывотнонэн андэ жэртва лэ Иеговасти, вонэ трэбуй слинэ тэ анэн най насвалэ жывотнонэн. Если андэ жэртва сас варисо най кадя, о Дэл на прилэлас ла (Левит 22:18—20). Кадяжэ кода, сар амэ тэлювас лэ Иеговасти, можэт тэ на чалёл лэсти. Сар кацаво можэт тэ авэл?
6 О Павло ԥэндя лэ христианонэнди андо Римо: «На отдэн пэстири тила лэ бэзэхэсти». Во кадяжэ ԥэндя лэнди тэ умарэн «лэ бэзэхэстири дила» (Римлянам 6:12—14; 8:13). Май англал андэ пэско письмо о Павло росԥэндя, сави када «лэ бэзэхэстири дила». Пала мануша, савэ подэнпэ лэ бэзэхэсти, амэ адиносарас: «Пэстирэ вуштэнца вонэ бут дэн амрая», «Лэндирэ пэрнэ йто прастэн тэ умарэн», «Нинай дар лэ Дэвлэстар андэ лэндирэ яқа» (Римлянам 3:13—18). О христианино можэт тэ ашэл найвужо, кала отдэл пэстири тила, важ лэ бэзэхэстири дила. Например, если о христианино диқэл билажавардимос или кала марэнпэ и мучин аврэн, во отдэл пэстирэ яқа лэ бэзэхэсти и кадя терэл найвужи вся пэстири тила. Тоди вся, со во терэл андэ служэния лэ Дэвлэсти, можно тэ сыстосарас ла жэртваса, сави будэр найсвынто и найлащи англа Дэл (Второзаконие 15:21; 1 Петра 1:14—16; 2 Петра 3:11). Када фартэ кучутни цэмин важ о найлашимос!
(Римлянам 13:1) Мэк кажно мануш кандэл кодэлэн, кастэ исин власть, важ кода кай вся власть лэ Дэвлэстар. И барэ мануша, савэ исин адес, правин важ кода, кай кадя домэкля о Дэл.
w08 15/6 31, абз. 4
Интересни гиндоря анда книӷа Римлянам
13:1. Сар тэ полас, кай и мануша, кастэ исин власть, «правин важ кода, кай кадя домэкля о Дэл»? И правительстворя залэн кодэла ҭана, савэ лэнди дя о Дэл, важ кода, кай во када домэкля. Ай андэ дэсавэ маменторя, кода, кай вонэ лэна тэ правин, во ԥэндя май англал. Када доԥэнэн и пророчества пала дэсавэ правителя, савэ запистромэ андэ Библия.
11—17 МАРТА
СОМНАК АНДА БИБЛИЯ | РИМЛЯНАМ 15, 16
«Манг лэ Иеговас тэ дэл тэ виритярэс о ԥаримос и тэ подритярэл»
(Римлянам 15:4) Вся, со сас пистромэ, сас пистромэ, кай амэ тэ сытювас. Через када, кай амэ виритярас о ԥаримос и кай амэн подритярэн алавэнца анда Писании, амэ аштярас англэ о лашимос.
w17.07 14, абз. 11
«Ровэн кодэлэнца, ко ровэл»
11 И дума пала кода, сар муля о Лазарё и сар дэ ԥарэс сас кадэлэстар лэ Иисусости, када кати дэсо анда Библия, со подритярэл. И када чаче кадя, важ кода кай «вся, со сас пистромэ, сас пистромэ, кай амэ тэ сытювас. Через када, кай амэ виритярас о ԥаримос и кай амэн подритярэн алавэнца анда Писании, амэ аштярас англэ о лашимос» (Римлянам 15:4). Если тути ԥарэс по ди, тути ашэла май вушэро, кала адиноса кацавэ библейски стихоря.
▪ «О Иегова паша кодэва, ко бидаса умардо, и фэрий кодэлэс, касти ԥарэс по ди» (Псалом 34:18, 19).
▪ «Кала мандэ слинэ гиндоря, савэндар ԥарэс по ди, ту терэсас кадя, кай манди ашэлас май вушэро по ди» (Псалом 94:19).
▪ «Инке екжэно амаро Ӷосподо о Иисус Христос и о Дэл, амаро дад, пэрво ля тэ любий амэн. Кадяжэ во дя лашимос пэ вся вечность, саво на затердям и дя тэ аштярас о лашимос англэ. Вонэ стерэна май вушэро амарэ одести и дэна зор, кай амэ тэ авас састэ андэ кажно лащи дила и лашо алав» (2 Фессалоникийцам 2:16, 17).
(Римлянам 15:5) Мэк о Дэл, саво дэл тэ виритярас о ԥаримос и подритярэл, дэла тумэнди тэ гиндон кадя жэ, сар о Иисус Христос,
w16.04 14, абз. 5
Терам вся, кай тэ виритярас о ԥаримос
5 Мангэн лэ Иеговас тэ дэл зор. О Иегова, када Дэл, саво дэл тэ виритярас о ԥаримос и подритярэл (Римлянам 15:5). Ек о Иегова полэл най кати, саво ԥаримос амэндэ исин, но и сар пар мэндэ влияет кода, со терэлпэ круӷом, со амэндэ андо ди и дажэ кода, со пэрэдэлпэ лэ родителёнэндар. Кати во можэт тэ поможый амэнди тэ виритярас о ԥаримос. Андо Псалом 145:19 ԥэнэнпэ: «Во стерэла кода, со камэн и мануша, савэ даран лэстар. Во ашунэла, кала и мануша цыпина важ и помощь и фэрия лэн». Но сар о Иегова дэл атвето пэ амарэ молитвы, кала амэ мангас лэс тэ дэл тэ виритярас?
(Римлянам 15:13) Мэк о Дэл, савэстар амэ аштярас англэ о лашимос, дэла тумэнди андэ вся тэ лошавэн и тэ ладин через пэстири вера. И кадя тумэ лэна инке май фартэ тэ аштярэн англэ о лашимос через о свынто духо.
w14 15/6 14, абз. 11
«Любисар пэстирэ Дэвлэс лэ Иеговас»
11 О Иегова, кодэва, кастар амэ аштярас англэ о лашимос, дэл амэнди тэ лошавас и тэ ладисарас (Римлянам 15:13). Важ кода, кай о Дэл дя амэнди тэ аштярас англэ о лашимос, амэ можэм тэ виритярас о ԥаримос, кай и вера тэ ашэлпэ састи. Лэ памазаниконэнди, савэ ашэлэпэ кандинэ «жы каринг пэстири смэрть», о Дэл дэла жызня по нэбо (Откровение 2:10). Ай и мануша, савэ кандэн лэ Дэвлэс и аштярэн англэ тэ жувэн пэ ԥув, авэна вечно тэ лошавэн лэ лашимасти пэ райско ԥув, пала сави о Дэл дя алав (Луки 23:43). Со амэндэ по ди, кала амэ гиндосарас пала кадэва лашимос? Хэба нинай амэндэ по ди миро и лош, ай кадяжэ любовь каринг о Дэл, саво дэл амэнди вся о лашимос? (Иакова 1:17).
Виарақас сомнак анда Библия
(Римлянам 15:27) Да, вонэ стердэ када анда оди, хоть и полэнас, кай вужылэ лэнди. Важ кода кай если авэр народоря прилинэ лэнца о лашимос, саво лэ Дэвлэстар, тоди акана вонэ трэбуй варисо тэ стерэн важ лэндэ, кай тэ поможын лэ ловэнца.
w89-E 1/12 24, абз. 3
«Кай тэ дицол, сави тутэ любовь»
Дицол, кай лэндирэ ԥрала, савэ слинэ найевреёря, закамлэ тэ поможын лэнди, кала сас ԥарэс. Важ кода кай вонэ слинэ вужылэ лэ христианонэнди анда Иерусалимо. Лэ христианонэндар анда Иерусалимо вонэ ашунглэ и лащи весть. О Павло гиндояс кай: «если авэр народоря прилинэ лэнца о лашимос, саво лэ Дэвлэстар, тоди акана вонэ трэбуй варисо тэ стерэн важ лэндэ, кай тэ поможын лэ ловэнца» (Римлянам 15:27).
(Римлянам 16:25) О Дэл можэт тэ подритярэл тумэн через и лащи весть, сави мэ росԥэнав через и дума пала Иисус Христос. Кадэя лащи весть сжалпэ кодэлэса, со сас росԥэндо пала свынто тайна. Пала кадэя тайна бут время на росԥэнэнаспэ.
it «Предвидение, предопределение», подзаг. «Предопределение Мессии», абз. 3
Предвидения, предопределения
О Христос трэбуй сас тэ авэл потомко, пала саво о Дэл дя алав и через саво о Дэл блаӷословия всаворэ́ лашэ манушэн анда авэр народоря (Галатам 3:8, 14). Пэрво разо пала «потомство» сас ԥэндо андо Эдэмо посли кода, сар и мануша жылэ против о Дэл, но инке сар на арақаделяпэ о Авелё (Бытие 3:15). Кати сар прожыля варикай 4000 бэрш, кала сас ԥэрнади «и свынто тайна», полинэ, ко авэла кадэва потомко. Пала кадэя тайна, па чачимастэ «бут время на росԥэнэнаспэ» (Римлянам 16:25—27; Эфесянам 1:8—10; 3:4—11).
18—24 МАРТА
СОМНАК АНДА БИБЛИЯ | 1 КОРИНФЯНАМ 1—3
«Саво ту мануш, лэ Дэвлэско чи най лэ Дэвлэско?»
(1 Коринфянам 2:14) Но о мануш, саво най лэ Дэвлэско на прилэл, со лэ Дэвлэстирэ духостар, важ кода кай важ лэстэ када дилимос, и во нащи полэл када. Важ кода кай када трэбуй тэ полэн кадя, сар када полэл о Дэл.
Со када тэ авэс мануш, саво лэ Дэвлэско?
4 Спэрва дикаса, сар андярэл пэс най лэ Дэвлэско мануш. Кацаво мануш пэрэлэл кода, сар гиндон и со кай и мануша андо ди андэ кадэва миро. Кадэва миро терэл кадя, кай о мануш тэ гиндой, кай тэ терэл кати, со во камэл. О Павло ԥэнэн, сар «акана гиндон и со андо ди кай и мануша, савэ на кандэн» (Эф. 2:2). Када вся терэл, кай и мануша тэ терэн, сар всаворэ. Важ када и мануша терэн, кода со па лэндирятэ драго. Вонэ дажэ на камэн тэ жувэн па лэ Дэвлэско законо. Най лэ Дэвлэско мануш фартэ загиндойпэ, сар пала лэстэ лэна тэ дэн дума авэр мануша, загиндойпэ пала ловэ и кода, кай о законо вся время тэ авэл кати пэ лэстири риг.
5 Сар инке андярэл пэс най лэ Дэвлэско мануш? Во терэл, со «камэл лэсти ӷрешно тила» (Гал. 5:19—21). Андэ пэрво письмо коринфянам о Павло ԥэнэн, пала инке авэр дилы, саво терэл най лэ Дэвлэско мануш. Кацаво мануш терэл вся, кай и мануша тэ споринпэ, тэ подэн пэ ек аврэстэ по сындо, тэ на стон патив пэ кода, со ԥэнэн и ԥрала, тэ на ладин и тэ розделинпэ андэ собрания и мануша пэ дуй рига. Кадяжэ во бут время отдэл кодэлэсти, кай тэ хал и тэ пэл. Но кала лэстэ ашэл варисаво ԥаримос, во йто здэлпэ (Прит. 7:21, 22). О Иуда ԥэнэнас, кай и мануша авэна инке май вэрыти и пэр лэндэ можно тэ ԥэнэс, кай вонэ най лэ «Дэвлэстирэ мануша» (Иуды 18, 19).
(1 Коринфянам 2:15, 16) О мануш, саво лэ Дэвлэско полэл вся, ай лэс нико анда мануша нащи полэн.16 «Ко поля, сар гиндой о Дэл, кай тэ сытярэл лэс?» Ай амэ гиндосарас, сар о Христос.
Со када тэ авэс мануш, саво лэ Дэвлэско?
6 Ай со када, кала по мануш ԥэнэн, кай во лэ Дэвлэско? Важ лэстэ куч лэстири дружба лэ создателёса. И када на шолпэ, сар гиндой о мануш, саво най лэ Дэвлэско. Лэ Дэвлэско мануш терэл кадя, сар о Дэл. Во камэл тэ полэл, сар о Дэл гиндой пала варисавэ дилы и тэ терэл кадяжэ (Эф. 5:1). О Дэл важ лэстэ исин па чачимастэ. Кадэва мануш терэл, сар ԥэнэнпэ андэ лэ Дэвлэско законо (Пс. 119:33; 143:10). Во на терэл, со «камэл лэсти ӷрешно тила». Ай терэл кадя, кай тэ андярэл пэс, сар сытярэл о «свынто духо» (Гал. 5:22, 23). Кай май фэдэр тэ полас, ко када лэ Дэвлэско мануш, диқаса акэ со. Пэ кодэва, кастэ исин бизнесо, ԥэнэн, кай во добисяри, ай пэ кодэва, ко па чачимастэ служий лэ Дэвлэсти, ԥэнэн, кай во лэ Дэвлэско мануш.
Со када тэ авэс мануш, саво лэ Дэвлэско?
15 Андэр со кажно может тэ сытёл лэ Христостар? Андэ 1 Коринфянам 2:16 ԥэнэнпэ, кай амэ трэбуй «тэ гиндосарас [кадя жэ], сар о Христос». Ай андэ Римлянам 15:5 запистромэ кацавэ алава: «Мэк... тумэ тэ гиндон кадя же, сар о Иисус Христос». Вижал, кай тэ сытювас лэ Иисусостар, амэнди трэбуй тэ ӷанас, сар во гиндояс и сар во пэс андярэлас. Кадяжэ амэнди трэбуй тэ терас кадя, сар во када стердоп. Важ о Иисусо май куч нисо на сас, чем и дружба лэ Иеговаса. Вижал, кала сытювас лэ Иисусостар, амэ ашас май пашэ лэ Иеговаса. Важ када амэнди фартэ трэбуй тэ гиндосарас кадя, сар о Христос.
Виарақас сомнак анда Библия
(1 Коринфянам 1:20) Кай андэ кадэя люма о мудро? Кай кодэва, ко драго ӷанэн о право? Кай кодэва, ко любий тэ спорийпэ? Хэба о Дэл на сыкадя, кай и мудрость кадэлэ миростири, када дилимос?
it «Мудрость», подзаг. «Противопоставлена священной тайне Бога», абз. 3
Мудрость
О миро пэстиря мудростяса отԥэнделя, сар лэ дилимастар, кодэлэстар, кай о Дэл спасый через о Христос. Ай лэ миростирэ правителя, хоть можэт и слинэ годявэрнэ, кай тэ правин, дажэ «умардэ... по столбо» лэ Ӷосподос (1 Коринфянам 1:18; 2:7, 8). Но о Дэл доԥэндя, кай и мудрость кадэлэ мирости, када дилимос. Во лажавардя лэ годявэрнэн анда миро, кай тэ стерэл кода, со загиндосардя. Сар? Через кода, со важ о миро «дилимос лэ Дэвлэско» и через и мануша, савэ важ лэндэ слинэ дилэ, найзоралэ и найашунглэ (1 Коринфянам 1:19—28). О Павло ԥэндя лэ христианонэнди анда Коринфо, кай «и мудрость кадэла люматири» и и мудрость, сави кай и правителя андэ кадэя люма, ни каринг со на анэна. Важ када андэ лащи весть, пала сави росԥэнэнас о апостало, на сас кацави мудрость (1 Коринфянам 2:6, 13). Во кадяжэ ԥэндя лэ христианонэнди андо форо Колоссы, кай вонэ тэ фэринпэ кодэлэстар, сости сытярэл «и филасофия [пэ ӷреческо шыб философи́ас, буквально «любовь каринг и мудрость»] и лэ шушэ хохаимастар па лэ манушэндирэ традицыи» (Колоссянам 2:8; сыстосар стихоря 20—23).
(1 Коринфянам 2:3—5) И мэ авелэм тумэндэ, кала манди сас ԥарэс, и кала мандэ сас дар, и кала мэ фартэ тиносававас. 4 Кала мэ давас дума и сытяравас, мэ на ԥэнавас годявэрнэ алава, савэ исин мудрость лэ манушэндар, но мэ ԥэнавас алава, савэ сыкавэнас о зор кай лэ дэвлэско духо. 5 Кай тумари вера тэ ритярдёл най пэ мудрость лэ манушэндири, ай по зор лэ Дэвлэско.
w08 15/7 27, абз. 6
Интересни гиндоря анда книӷи 1 Коринфянам и 2 Коринфянам
2:3—5. О Павло росԥэнэнас важ о Дэл андо Коринфо, андэ саво сас бут ӷреческо философия и наука. Во моӷ пэрэжывать, патяна лэстирэ алавэнди и мануша, савэ жувэнас андэ кадэва форо чи най. Но о Павло на домэкэлас, кай и дар, кода, кай во най вся ӷанэнас и кай лэстэ най вся драго вижалас, тэ на дэн лэсти тэ терэл и служэния, сави лэсти дя о Дэл. Кадяжэ и амэ на трэбуй тэ домэкас, кай варисо кацаво тэ на дэл амэнди тэ росԥэнас и лащи весть важ лэ Дэвлэско царство. Сар и о Павло, амэ можэм тэ патяс андэ помощь лэ Иеговастар.
25—31 МАРТА
СОМНАК АНДА БИБЛИЯ | 1 КОРИНФЯНАМ 4—6
«И набут дрожи зваздэн вся о хумэр»
(1 Коринфянам 5:1, 2) Мэ уӷанглэм, кай тумэндэ терэлпэ билажавардимос, и инке кацаво билажавардимос, саво нинай дажэ машкар авэр народоря. Дэко жувэл пэстирэ дадэстиря хулаяса. 2 Ай тумэ со терэн? Вместо кода, кай тэ ровэн и тэ видаравэн кодэлэс, ко стердя када, тумэ инке и завазглэ о шэро?
(1 Коринфянам 5:5—8) тэ отдэн кацавэ манушэс лэ Сатанасти, кай тэ умарэн кодэва найлашимос, саво жал кадэлэ манушэстар, кадя, кай о духо тэ спасыйпэ андэ лэ Ӷосподоско дес. 6 Найдраго тумэнди тэ хвалинпэ. Хэба на ӷанэн, кай и набут дрожи зваздэн вся о хумэр? 7 Вишон и пуранэ дрожи, кай тумэ тэ авэн нэво хумэр, важ кода кай тумэ трэбуй тэ авэн сар о хумэр би дрожэнго. Чаче, о Христос, кала отдя пэстири жызня андэ жэртва, ашэля амаро ла патрадяко бакроро. 8 Важ када на трэбуй тэ лас дэлмутнэ дрожи по празднико, ай кадяжэ амэ на трэбуй тэ лас и дрожи, савэ сыкавэн о ӷрехо и о найлашимос. Но амэ трэбуй тэ хас кати кодэва би дрожэнго марно, саво сыкавэл лашимос и чачимос.
(1 Коринфянам 5:13) ай о Дэл сындой кодэлэн, ко андо миро? «Улэн анда собрания лэ манушэс, саво терэл о найлашимос».
it «Закваска», подзаг. «Символический смысл», абз. 2
Дрожи
О апостало Павло кадяжэ сыстосардя када, кала ԥэндя лэ христианонэнди анда Коринфо, кай тэ исключин анда собрания лэ манушэс, саво терэл билажавардимос. О Павло ԥэндя: «Хэба на ӷанэн, кай и набут дрожи зваздэн вся о хумэр? Вишон и пуранэ дрожи, кай тумэ тэ авэн нэво хумэр, важ кода кай тумэ трэбуй тэ авэн сар о хумэр би дрожэнго. Чаче, о Христос, кала отдя пэстири жызня андэ жэртва, ашэля амаро ла патрадяко бакроро». Инке о апостало росԥэндя, пала со во дэлас дума, кала ԥэнэнас пала «дрожи». Во ԥэндя: «Важ када на трэбуй тэ лас дэлмутнэ дрожи пэ кадэва празднико посли патради. Ай кадяжэ амэ на трэбуй тэ лас и дрожи, савэ сыкавэн о ӷрехо и о найлашимос. Но амэ трэбуй тэ хас кати кодэва би дрожэнго марно, саво сыкавэл лашимос и чачимос» (1 Коринфянам 5:6—8). Катэ о Павло ԥэндя пала кода, со сыкавэлас о иудейско празднико, саво стонас сразу посли патради. Кадя сар и набут дрожи йто зваздэн вся о хумэр, о найлашимос, саво жал кодэлэстар, ко стердя билажавардимос и ашэлпэ андэ собрания, можэт тэ стерэл найвужи вся и собрания андэ лэ Дэвлэстирэ яқа. Кадэла христианоря трэбуй сас май йто тэ вишон и «дрожи», кадя сар и лэ израильтянонэнди андэ пэстири время нащи сас тэ ритярэн пэстэ андо цэр и дрожи, кала жалас о празднико.
it «Сатана», подзаг. «Что означает предать человека Сатане для уничтожения плоти?», абз. 1
Сатана
Со када тэ отдэн лэ манушэс лэ Сатанасти, кай тэ умарэн о найлашимос?
О Павло подԥэнэнас, со тэ терэн лэ манушэса, саво терэлас баро бэзэх, кай жувэлас пэстирэ дадэстиря хулаяса. Во пистросардя лэ христианонэнди андо Коринфо, кай вонэ «тэ отдэн кацавэ манушэс лэ Сатанасти, кай тэ умарэн кодэва найлашимос, саво жал кадэлэ манушэстар» (1 Коринфянам 5:5). Аврэ алавэнца, во приԥэндя тэ исключин кадэлэ манушэс анда собрания, кай тэ парашэн лэса тэ дэн дума (1 Коринфянам 5:13). Тэ отдэн лэс лэ Сатанасти сыкавэлас тэ вишон лэс анда собрания и тэ ашавэн андо миро, савэско дэл и правителё о Сатана. Сар и найбут дрожи андо хумэр, кадэва мурш сас андэ собрания манушэса, саво жувэл кадя, сар камэл и ӷрешно тила. Кала и собрания вишутоп лэ ӷрешникос, саво терэл билажавардимос, вой умардоп кодэва найлашимос, саво жал кадэлэ манушэстар (1 Коринфянам 5:6, 7). Точно кадя жэ о Павло отдя лэ Сатанасти лэ Именияс и лэ Александрос. Вонэ отԥэнделэ тэ патян и кай и совесть тэ авэл вужи, и лэндири дружба лэ Иеговаса розмарделя, сар о караблё (1 Тимофею 1:20).
(1 Коринфянам 5:9—11) Андэ пэско письмо мэ пистросардэм тумэнди, кай тумэ будэр тэ на общается кодэлэнца, ко терэл билажавардимос. 10 Но най вобще всаворэнца андэ кадэва миро, ко терэл билажавардимос, или лэ чорымастирэ манушэнца и лэ манушэнца, савэ вимарэн и ловэ, или лэ манушэнца, савэ тэлён хохавнэ дэвлэнди. Тоди тумэнди авелоп трэбуй тэ вижан анда кадэва миро. 11 Но акана мэ пистросарав тумэнди, кай тумэ будэр тэ на общаетесь ни каса, ко ԥэнэн, кай во ԥрал, но терэл билажавардимос, или чорымос, или тэлёл лэ хохавнэ дэвлэнди, или дэл амрая аврэн, или бут пэл, или вимарэл и ловэ, и дажэ тэ на хан кацавэ манушэса.
lv 207, абз. 2, 3
Сар тэ андярэс пэс лэ манушэса, саво исключоно анда собрания
Сар тэ андярэс пэс лэ манушэса, саво исключоно анда собрания? Андэ Библия ԥэнэнпэ, кай «будэр тэ на общаетесь ни каса, ко ԥэнэн, кай во ԥрал, но терэл билажавардимос, или чорымос, или тэлёл лэ хохавнэ дэвлэнди, или дэл амрая аврэн, или бут пэл, или вимарэл и ловэ, и дажэ тэ на хан кацавэ манушэса» (1 Коринфянам 5:11). Пала кодэва, ко на сытярэл кодэлэсти, сости сытярэлас о Христос, амэ адиносарас: «На прилэн лэс андэ пэско цэр и на ԥэнэн лэсти доров, важ кода, кай кодэва, ко ԥэнэн лэсти доров, ашэл дошало андэ лэстири найлащи дила» (2 Иоанна 9—11). Амэ на дас дума лэса пала Дэл и пала Библия и на проандярас лэса и время. Андэ «Сторожэво башня» 1 марта 1982 бэрш, страница 17 ԥэнэнпэ, кай если амэ просто ԥэнас доров, када пэрво, со анэн каринг кода, кай тэ дас дума и можэт, дажэ, кай тэ дружысарас варикаса. Потом задэласпэ вопросо пала кода, трэбуй ли амэнди варисо тэ терас, кай тэ авас май пашэ кодэлэса, ко исключоно анда собрания?
Трэбуй ли вобще тэ парашас тэ общаемся? Да, и исин васо. Пэрво, када сыкавэл, кай амэ кандас лэ Дэвлэс и терас кода, со во ԥэнэн. Амэ кандас лэ Иеговас най кати тоди, кала амэнди када вушэро, но и тоди кала амэнди када фартэ ԥарэс. Амэ прижанас, кай о Иегова справедливо и любящё и кай лэстирэ законоря анэн амэнди баро лашимос, и важ кода, кай любисарас лэс, амэ камас тэ терас вся, со во ԥэнэн амэнди (Исаия 48:17; 1 Иоанна 5:3). Дуйто, кала амэ нэ общаемся кодэлэса, ко стердя о бэзэх и на каийпэ, амэ фэрисарас пэс и вся и собрания кодэлэстар, со можэт тэ маӷрий и тэ римой, и тоди на лэна тэ дэн дума вэрыто пала собрания (1 Коринфянам 5:6, 7). Трито, кала амэ жувас па библейски принцыпоря, дажэ кала найвушэро, када можэт дажэ тэ поможый кодэлэсти, ко исключоно анда собрания. Кала амэ прилас кода, со ԥэндя о правово камитето, кадя амэ, можэт, поможысараса лэ манушэсти, саво исключоно и саво май англал нисар на прилэлас и помощь лэ старейшынонэндар. Кала о исключоно на проандярэл и время кодэлэнца, ко лэсти куч, во, можэт, полэла пэ скати дэ ԥаро лэско бэзэх, ай тоди стерэла варисо, кай тэ рийпэ каринг о Иегова (Луки 15:17).
Виарақас сомнак анда Библия
(1 Коринфянам 4:9) Манди здэлпэ, кай о Дэл стодя амэн, апостолонэн, послиднёнэнца, кай тэ диқэн всаворэ, сар кодэлэн, кас сындосардэ пэ смэрть. Амэ сар артисторя пэ сцэна важ о миро, важ и анӷелоря и важ и мануша.
w09 15/5 24, абз. 16
И анӷелоря поможын андэ служэния
16 Кала кай и христианоря ԥаримос, вонэ сар «артисторя пэ сцэна... важ и анӷелоря» (1 Коринфянам 4:9). Кала и анӷелоря диқэн, кай амэ кандас, вонэ фартэ лошавэн. Вонэ кадяжэ лошавэн, кала каинпэ кодэла, ко стердя бэзэх (Луки 15:10). И анӷелоря кадяжэ диқэн, кай и христианки андярэн пэс кадя, сар чалёл лэ Дэвлэсти. Андэ Библия ԥэнэнпэ, кай ла жувлятэ трэбуй тэ авэл знако по шэро важ и анӷелоря, саво сыкавэл, кай вой кандэл (1 Коринфянам 11:3, 10). Да, лэ анӷелонэнди чалёл тэ диқэн, сар и христианки и всаворэ авэр лэ Дэвлэстирэ служителя пэ ԥув, жувэн па лэ Дэвлэско порядко и стон патив по ӷлавенство. Лэ Дэвлэстирэ шавэ, савэ по нэбо, цэнин када.
(1 Коринфянам 6:3) Хэба на ӷанэн, кай амэ ласа тэ сындосарас лэ анӷелонэн? Васо тоди тэ на розласпэ андэ дила, сави терэлпэ андэ жызня?
it «Закон», подзаг. «Закону подвластны ангелы»
Законо
И анӷелоря терэн па законо. И анӷелоря, савэ май барэдэр лэ манушэндар, жувэн па лэ Дэвлэстирэ законоря (Евреям 1:7, 14; Псалом 104:4). Дажэ пэстирэ вороӷости лэ Сатанасти, о Дэл на дя тэ терэл вся, со во камэл (Иов 1:12; 2:6). О арханӷело Михаило сыкадя, кай стол патив и прижанэн, кай о Иегова само баро Сындомари, кала спорияспэ лэ Сатанаса и ԥэндя: «Мэк о Иегова сындой тут» (Иуды 9; сыстосар Захария 3:2). О Дэл Иегова дя власть лэ Иисусости Христости пэ всаворэ анӷелоря (Евреям 1:6; 1 Петра 3:22; Матфея 13:41; 25:31; Филиппийцам 2:9—11). Кадя, о Иисусо ԥэндя, кай о анӷело веснико тэ авэл каринг о Иоанно (Откровение 1:1). Но, сар ԥэндя о апостало Павло андэ 1 Коринфянам 6:3, лэ Христостирэ ԥралэн, савэ по нэбо, стодэ тэ сындон лэ анӷелонэн. Када сыкавэл, кай вонэ варисар лэна тэ розлэнпэ, кала авэла о сындо пэ бэнга.