Источникоря важ и тетрадка, кай тэ сытювас «Дром и служэния»
1—7 АПРЕЛЯ
СОМНАК АНДА БИБЛИЯ | 1 КОРИНФЯНАМ 7—9
«Када даро, кала найжэнато чи наймиростэ»
(1 Коринфянам 7:32) Мэ камав, кай тумэндэ тэ на авэн пэрэжывания. О найжэнато пэрэжэвает пала лэ Дэвлэстири дила, пала кода, сар тэ чалёл лэ Дэвлэсти.
w11 15/1 17, абз. 3
Терэн май бут, кала найжэнати чи наймиростэ
3 Кай о найжэнато мануш часто май бут время и свобода, чем кай кодэва, ко жэнато (1 Коринфянам 7:32—35). Кадэлэстар во можэт тэ стерэл май бут андэ служэния, тэ подружыйпэ май бутэ христианонэнца и тэ ашэл инке май пашэ каринг о Иегова. Най ек христианино, кала поля, саво лашимос анэн, кала найжэнато чи наймиростэ, витидя тэ ашэлпэ дэсави время би ереско. Дэко авэр камэнас, кай лэндэ тэ авэл пэско ери, но варисо паруделя и вонэ андэ молитва погиндосардэ и полинэ, кай лэ Иеговаса моӷут тэ ашэнпэ састэ андэ кода, со витидэ. Важ када вонэ витидэ тэ на гиндон пала брако (1 Коринфянам 7:37, 38).
(1 Коринфянам 7:33, 34) Но о жэнато мурш пэрэжывает пала кода, со трэбуй важ и жызня, сар тэ уӷодий ла хулаяти, 34 и лэс цырдэл пэ дуй рига. Кадяжэ и жувли, сави наймиростэ и и щей, сави на сас миростэ, пэрэжывает пала лэ Дэвлэстири дила, и сар тэ авэл свынто ла тиласа и ла годяса. Ай и жувли, сави миростэ, пэрэжывает пала кода, со трэбуй важ и жызня, сар тэ уӷодий пэстирэ хуласти.
w08 15/7 27, абз. 1
Интересни гиндоря анда 1 и 2 Коринфянам
7:33, 34. Со када «важ и жызня», пала со пэрэжывают и жэнати мурша и жувля, савэ миростэ? Андэ кадэва стихо дэлпэ дума пала кода, пала со лэ христианонэнди, савэндэ ери, прижалпэ тэ гиндон кажно дес, например када, со тэ хан, со тэ лэн пэр пэстэ и кай тэ жувэн. Када обычно дила, сави исин кажно дес, ай най варисо найлашо анда кадэва миро, состар и христианоря трэбуй тэ дурён (1 Иоанна 2:15—17).
(1 Коринфянам 7:37, 38) Но если варикасти када на трэбуй и во састо андо ди, и ритярэл пэс андэ вас и андэ пэско ди витидя тэ на жэнийпэ чи тэ на жал миростэ, то во терэл драго. 38 Кадяжэ и кодэва, ко жэнийпэ чи жал миростэ, терэл драго, но кодэва, ко на жэнийпэ чи на жал миростэ, терэл инке май драго.
w96 15/10 12, абз. 14
И найжэнати христианоря моӷут май бут тэ служын
14 О христианино, саво екжэно и кадэлэстар гиндой кати пала пэстэ, на терэл «май драго», чем и жэнати христианоря. Во ашэлпэ екжэно най важ лэ Дэвлэстири дила, ай важ кода, кай кати гиндой важ пэстэ (Матфея 19:12). О найжэнато мурш или и жувли, сави най миростэ, трэбуй тэ пэрэжывают пала лэ Дэвлэстири дила, пала кода, кай тэ чалён лэ Дэвлэсти, тэ на парашэн тэ служын лэсти и тэ на тратин и время пэ варисо авэр. Када сыкавэл, кай май бут пэстири время во лэла тэ отдэл пэ служэния лэ Иеговасти и лэ Иисусости. Кати тоди о христианино, саво екжэно, терэл «май драго», чем кодэла, ко жэнати.
Виарақас сомнак анда Библия
(1 Коринфянам 7:11) Но если ужылятар, тоди мэк ашэлпэ екжэни чи мэк поладий пэстирэ хуласа. И о хулай на трэбуй тэ ашавэл ла хулая.
lvs 251
Приложение
Дэко витидэл тэ жувэл отдельно пэстирэ хуластар или хулаятар, хоть и на сас стердо билажавардимос (1 Коринфянам 7:11). Акэ дэсавэ ситуацыи, савэндар лэ христианиности прижалпэ тэ витидэл тэ жувэл отдельно.
• Отԥэндёл тэ диқэл пала ери. О хулай отԥэндёл тэ затерэл важ пэско ери, и лэстири хулаи и бэятцэ ашэнпэ би ловэнго и би хамаско (1 Тимофею 5:8).
• Марэлпэ. Лэ христианинос марэн андо ери и кадэлэстар лэско или лако зор можэт тэ римойпэ или моӷут тэ умарэн (Галатам 5:19—21).
• На дэл тэ тэлёл лэ Иеговасти. О хулаи или и хулаи на дэл лэ христианиности тэ служый лэ Иеговасти (Деяния 5:29).
(1 Коринфянам 7:36) Но если варико гиндой, кай во терэл найдраго, сар на жэнийпэ чи на жал миростэ, и если во най фартэ тэрноро, то када трэбуй тэ авэл. Мэк кацаво мануш терэл со камэл, во на терэл бэзэх. Мэк жэнийпэ.
w00 15/7 31, абз. 2
Тэ авэс нравствено мануш андэ кадэва билажавардо миро возможно
Лэ тэрнэ манушэнди на трэбуй тэ грабинпэ тэ жэнинпэ чи тэ жан миростэ кати важ кода, кай лэн цырдэл тэ авэн варикаса. Андо ери бут со трэбуй тэ терэн и важ када о мануш трэбуй тэ авэл взросло (Бытие 2:24). Фэдэр тэ поаштярэл, пока прожана и фартэ тэрнэ бэрша, када время, кала фартэ цырдэл варикаса тэ авэл и када можэт тэ парувэл кода, сар о мануш гиндой (1 Коринфянам 7:36). И сар дэ най годявэрнэс и вэрыто терэл о взросло мануш, если во совэл варикаса, просто важ кода кай инке на виарақля пэр кастэ тэ жэнийпэ чи пала кастэ тэ жал!
8—14 АПРЕЛЯ
СОМНАК АНДА БИБЛИЯ | 1 КОРИНФЯНАМ 10—13
«О Иегова на ашавэл»
(1 Коринфянам 10:13) Ԥаримос, саво тумэндэ исин, обычно важ и мануша. Но о Дэл на ашавэл, и во на домэкэла ԥаримос, саво май бут тумарэ зорэстар, но, кала авэла ԥарэс, дэла помощь, кай тумэ тэ виритярэн.
w17.02 29—30
Пушэн кодэла, ко адинон
Андэ 1 Коринфянам 10:13 пистромэ: «О Дэл... на домэкэла кода, со май бут тумарэ зорэстар». Сыкавэн ли кадэла лэ Павлостирэ алава, кай о Иегова май англал ӷанэн, саво ԥаримос амэ сможэм тэ виритярас, и важ када витидэл, саво ԥаримос тэ домэкэл?
▪ Если бы о атвето тэ авэл «да», со када авелоп важ амэндэ? Акэ со пушля ек ԥрал, савэстэ о шаво умардя корко пэс: «Ӷанэнас ли о Иегова май англал, кай амэ ла хулаяса сможэм тэ виритярас, кай амаро шаво умарэла корко пэс? Можэт вся стердяпэ важ кода, кай о Дэл витидя, кай амэ виритяраса кадэва ԥаримос?» Исин амэндэ васо тэ ԥэнас, кай о Иегова витидэл, саво ԥаримос амэ трэбуй тэ виритярас?
Кала амэ май драго роздиқас лэ Павлостирэ алава, савэ запистромэ андэ 1 Коринфянам 10:13, када дэл тэ полас важно гиндо. Андэ Библия пистромэ, кай о Иегова май англал на витидэл, саво ԥаримос амэ сможэм тэ виритярас и саво тэ домэкэл. Роздиқаса штар маменторя, васо када кадя.
Пэрво, о Иегова дя лэ манушэнди екжэнэнди тэ витидэн. Во камэл, кай амэ екжэнэ тэ витидас, сар тэ жувас (Второзаконие 30:19, 20; Иисус Навин 24:15). Если амэ правильно витидас, амэ ӷанас, кай о Иегова лэла тэ сыкавэл амэнди о дром (Притчи 16:9). Но если амэ витидаса най кодэва дром, амэ диқаса о найлашимос, саво кадэлэстар жал (Галатам 6:7). Если бы о Иегова тэ витидэл, саво ԥаримос тэ домэкэл, тоди на залиноп во амэндар о право, кай амэ екжэнэ витидас?
Дуйто, андэ Экклезиаст 9:11 ԥэнэнпэ, кай о Иегова на фэрий амэн кодэлэстар, кай андэ варисави время варисо можэт тэ терэлпэ. Любонэ манушэса можэт варисо тэ терэлпэ (дэкала дажэ бари бида), если во авэла най андэ кодэва ҭан и най андэ кодэя время. Кала о Иисусо росԥэндя пала кодэва случаё, кала пэля и башня и 18 мануша мулинэ, во сыкадя, кай када на сас лэ Дэвлэстар (Луки 13:1—5). Авэла годявэрнэс тэ гиндосарас, кай о Дэл май англал витидэл, саво мануш жувэла, ай саво мэрэла, важ кода кай во попэля най андэ кодэва ҭан и най андэ кодэя время?
Трито, кажно андар мэндэ андо спорно вопросо. О Сатана ԥэнэн, кай и мануша, савэ служын лэ Дэвлэсти, отжана лэ Дэвлэстар, сар кати лэнди авэла ԥарэс (Иов 1:9—11; 2:4; Откровение 12:10). Если бы о Иегова тэ фэрий амэн лэ ԥаримастар, саво па лэстирятэ амэ нэ сможэм тэ виритярас, тоди авелоп чачимос кода, андэр со о Сатана дошалярэл амэн, кай амэ служысарас лэ Дэвлэсти важ варисаво лашимос.
Штарто, о Иегова можэт тэ диқэл, со авэла май англэ, но во най вся и время када терэл. Кай май англал тэ витидэл, саво ԥаримос амэ сможэм тэ виритярас, лэ Дэвлэсти трэбуй тэ ӷанэн вся пала амари жызня англэ. Но пала када андэ Библия на ԥэнэнпэ. Канешно, о Дэл можэт тэ диқэл, со авэла англэ (Исаия 46:10). Но сар пистромэ андэ Библия, во драго витидэл, кала када тэ терэл (Бытие 18:20, 21; 22:12). Во вся и время стол патив пэ кода, кай амэ можэм екжэнэ тэ витидас. Хэба най када трэбуй тэ аштярас лэ Дэвлэстар, саво цэний кода, кай амэ екжэнэ можэм тэ витидас и савэстэ всаворэ качестворя драго ладин ек еқэса? (Второзаконие 32:4; 2 Коринфянам 3:17).
Сар тоди тэ полас и алава, савэ ԥэндя о Павло: «О Дэл... на домэкэла кода, со май бут тумарэ зорэстар»? Катэ о Павло ԥэнэн пала кода, кай о Дэл варисо терэл най жы каринг о ԥаримос, ай кала во ужэ исин. Кадэла алава дэн амэнди тэ патяс, кай, саво бы ԥаримос амэндэ тэ на авэл, о Иегова подритярэла амэн, если амэ патяс лэсти (Псалом 55:22). Кай о Павло сас, васо тэ ԥэнэн кадэла алава.
Пэрво. О ԥаримос, саво амэндэ исин «обычно важ и мануша». Андэ кадэва миро никай на терасапэ лэ ԥаримастар. Но амэ сможэм лэс тэ виритярас, если патяс лэ Дэвлэсти (1 Петра 5:8, 9). Андэ 1 Коринфянам 10:6—11 о Павло пистрой пала ԥаримос, саво сас кай и израильтяноря андэ пустыня. Важ кодэла, ко патялас лэ Дэвлэсти, ни ек анда кадэва ԥаримос на сас кацаво дэ ԥаро, кай вонэ нэ моӷли тэ виритярэн лэс. Но дэсавэ израильтяноря, сар ԥэндя о Павло, на канглэ лэ Дэвлэс. Вонэ закамлэ кода, со нащи, важ кода кай парашэлэ тэ патян лэ Дэвлэсти.
Дуйто. «О Дэл на ашавэл». Кода, сар о Дэл андярэлас пэс пэстирэ народоса, сыкавэл, кай во на ашавэл кодэлэн, ко «любий лэс и терэл кадя, сар во камэл» (Второзаконие 7:9). Инке, анда кода, со сас лэ Дэвлэстирэ народоса, дицол, кай о Иегова терэл кода, пала со дя алав (Иисус Навин 23:14). Если кодэла, ко любин и кандэн лэ Дэвлэс, сэрэн када, тоди вонэ моӷут тэ патян, кай кала лэндэ авэла ԥаримос, о Иегова зритярэла о алав, саво дя андэ 1 Коринфянам 10:13. Пэрво, во на домэкэла, кай андо ԥаримос тэ авэл кадя ԥарэс, кай лэстирэ служытеля нэ смоӷут тэ виритярэн лэс. Дуйто, во «дэла помощь».
Сар о Иегова дэл помощь кодэлэнди, ко патял лэсти андо ԥаримос? Канешно, во можэт тэ стерэл кадя, кай амэндэ тэ на авэл ԥаримос. Но сэрэн, кода, со пистросардя о Павло: «О Дэл... дэла помощь, кай тумэ тэ виритярэн». Вижал, андэ бут маменторя о Иегова дэл амэнди помощь, кала дэл амэнди вся, со трэбуй, кай тэ виритярас о ԥаримос. Подам дума пала дэсо, со дэл о Иегова, кай амэнди тэ поможый.
▪ Во «подритярэл амэн андэ вся амаро ԥаримос» (2 Коринфянам 1:3, 4). О Иегова подритярэл амэн, кала поможый амэнди тэ улас и гиндоря, савэндар ԥарэс по ди. Во када терэл через и Библия, через о свынто духо и через и литература, сави дэл о верно рабо (Матфея 24:45; Иоанна 14:16, сноска; Римлянам 15:4).
▪ Во сыкавэл амэнди о дром через о свынто духо (Иоанна 14:26). Кала амэндэ ԥаримос, о свынто духо поможый амэнди тэ вспомним и библейски стихоря и принцыпоря, кай тэ полас, сар фэдэр тэ терас.
▪ Во можэт тэ бишалэл пэстирэ анӷелонэн, кай вонэ тэ поможын амэнди (Евреям 1:14).
▪ Во можэт тэ поможый амэнди через и ԥрала и ԥэя, савэ подритярэна амэн алавэнца и диласа (Колоссянам 4:11).
Сар амэ полям, лэ Павлостирэ алава анда 1 Коринфянам 10:13 на сыкавэн, кай о Иегова май англал витидэл, саво ԥаримос тэ домэкэл, ай саво най. Но, кала амэндэ ԥаримос, амэ ӷанас, кай если патяс лэ Иеговасти, во на домэкэла, кай амэнца тэ авэл кода, со най па амаро зор. Кадяжэ о Дэл дэла помощь, кай амэ тэ виритярас о ԥаримос. Сар жэ кадэлэстар ашэл май вушэро по ди!
(1 Коринфянам 10:13) Ԥаримос, саво тумэндэ исин, обычно важ и мануша. Но о Дэл на ашавэл, и во на домэкэла ԥаримос, саво май бут тумарэ зорэстар, но, кала авэла ԥарэс, дэла помощь, кай тумэ тэ виритярэн.
(1 Коринфянам 10:13) Ԥаримос, саво тумэндэ исин, обычно важ и мануша. Но о Дэл на ашавэл, и во на домэкэла ԥаримос, саво май бут тумарэ зорэстар, но, кала авэла ԥарэс, дэла помощь, кай тумэ тэ виритярэн.
Виарақас сомнак анда Библия
(1 Коринфянам 10:8) И на ласа тэ терас билажавардимос, сар дэсавэ андар лэндэ. Вонэ тердэ билажавардимос и андэ ек дес мулинэ 23 000 мануша.
w04 1/4 29
Вопросы читателей
Васо андэ 1 Коринфянам 10:8 ԥэнэнпэ, кай андэ ек дес важ о билажавардимос мулинэ 23 000 израильтяноря, ай андэ Числа 25:9 ԥэнэнпэ пала 24 000 мануша?
Исин дэсавэ маменторя, савэ моӷут тэ поможын тэ полас, васо андэ кадэла стихоря ԥэнэнпэ най еқэндар. Само просто можэт тэ авэл кода, кай па чачимастэ сас, можэт, варикай машкар 23 000 и 24 000 мануша. И кадэя цыфра можно тэ виадинос и андэ кодэя риг, кай май бут и андэ авэр риг, кай май набут.
Акэ инке ек, васо кадя можэт тэ авэл. О апостало Павло ԥэндя пала кода, со сас лэ израильтянонэнца анда форо Ситтимо, кай тэ фэринпэ и христианоря андо Коринфо. Када сас форо, саво ашундёлас кодэлэса, кай и мануша котэ андярэн пэс билажавардэс. О Павло пистрояс: «На ласа тэ терас билажавардимос, сар дэсавэ андар лэндэ. Вонэ тердэ билажавардимос и андэ ек дес мулинэ 23 000 мануша». Кала о Павло ԥэнэн пала кодэла, кас пала билажавардимос умардя екжэно о Иегова, во ԥэнэн пала 23 000 мануша (1 Коринфянам 10:8).
Ай андэ книӷа Числа, андэ 25 ӷлава, ԥэнэнпэ, кай о Израилё прилиписайля каринг о Ваал-Фегоро. И о Дэл фартэ росхоляйля по Израилё. Тоди о Иегова ԥэндя лэ Моисеёсти, кай во тэ умарэл всаворэн барэдэрэн андо народо. О Моисеё ԥэндя, кай када тэ стерэн и сындомаря. И кала о Финеесо умардя лэ израильтянинос, саво андя ла мадианитянка́, о мэримос парашэля. Андэ послидни алава, савэ росԥэнэн пала кадэва случаё, пистромэ: «Кодэлэн жэ, ко муля, сас 24 000 мануша» (Числа 25:1—9).
Андэ 24 000 мануша, пала савэ ԥэнэнпэ андэ книӷа Числа, ужанас сар и барэдэра анда народо, савэн умардэ и сындомаря, кадя и кодэла, кас умардя екжэно о Иегова. Май йто всаворэстар, и сындомаря умардэ 1 000 барэдэрэн, и всаворэн, ко муля сас 24 000 манушэн. Кадэла барэдэра, савэ зваздэнас лэ народос, или тердэ билажавардимос, или праздновали еқэҭанэ аврэнца о празднико лэ хохавнэ дэвлэнди, или домэклэ, кай када тэ терэн авэр. Сар бы тэ на авэл, вонэ слинэ дошалэ андэ кода, кай прилиписайлэ каринг о Ваал-Фегоро.
Андэ ек библейско справочнико пистромэ, кай о алав «тэ прилипийпэ» можно тэ ԥэнэн пала кода, кала «приԥандэл пэс каринг варикастэ». И израильтяноря слинэ лэ Иеговастирэ народоса, но кала о Израилё «прилиписайля каринг о Ваал-Фегоро», во парашэля тэ авэл лэ Иеговастирэ народоса. Прожылэ варикай 700 бэрш и о Иегова через о пророко Осия ԥэндя пала израильтяноря: «Вонэ жылэ каринг о Ваал-Фегоро, и стердэ билажавардимос, и екжэнэ ашэлэ гряцимос, сар и кодэла, кас вонэ полюбисардэ» (Осия 9:10). Всаворэ, ко када стердэ, затердэ, кай о Дэл тэ сындой лэн. О Моисеё ԥэндя лэ израильтянонэнди: «Тумарэ яқа диқлэ вся, со о Иегова стердя лэ фигорсконэ Ваалоса. О Иегова тиро Дэл умардя всаворэн машкар тумэндэ, ко тэлеля лэ фигорсконэ Ваалости» (Второзаконие 4:3).
(1 Коринфянам 11:5, 6) И кажно жувли, сави най ушарадэ шэрэса мангэлпэ или росԥэнэн, со авэла англэ, лажаварэл пэско шэро. Важ кода кай када кадя жэ, сар тэ авелоп вой бритонэ шэрэса. 6 Если и жувли на ушаравэл о шэро, тоди мэк и обшынэн и бал. Но если ла жувляти лажаво тэ авэл обшындэ балэнца, тоди мэк ушаравэл о шэро.
(1 Коринфянам 11:10) Важ када ла жувлятэ трэбуй по шэро тэ авэл знако важ и анӷелоря, саво сыкавэл, кай понад латэ исин власть.
w15 15/2 30
Пушэн кодэла, ко адинон
Трэбуй ли и христианка тэ ушаравэл о шэро, если сытярэл па Библия англа мурш, вазвещятелё?
▪ Андэ «Сторожэво башня» пала 15 июля 2002 бэрш андэ рубрика «Пушэн кодэла, ко адинон» сас пистромэ, кай и ԥэй трэбуй тэ ушаравэл о шэро, кала сытярэл па Библия англа мурш, саво вазвещятелё, хоть во болдо, хоть най. Но кала линэ май драго тэ розлэн кадэва вопросо, додиқлэ, кай трэбуй дэсо май драго тэ полас андэ када.
Если и христианка сытярэл па Библия англа мурш, крещёно вазвещятелё, тоди лати трэбуй тэ ушаравэл о шэро. Кадэлэса вой стол патив по ӷлавенство андэ собрания, саво стодя о Иегова, важ кода кай вой терэл дила, сави обычно трэбуй тэ терэн и ԥрала (1 Коринфянам 11:5, 6, 10). Или жэ вой можэт тэ мангэл лэ ԥралэс, кай во тэ сытярэл лэ манушэс па Библия, если во можэт када тэ стерэл и если када трэбуй.
Но если и ԥэй сытярэл па Библия англа некрещённо вазвещятелё, саво най лако хулай, тоди, па библейски принцыпоря, лати на трэбуй тэ ушаравэл о шэро. Но и совесть дэсавэ ԥэянди можэт тэ подԥэнэн лэнди, кай фэдэр тэ ушаравэл о шэро дажэ андэ кацаво маменто.
22—28 АПРЕЛЯ
СОМНАК АНДА БИБЛИЯ | 1 КОРИНФЯНАМ 14—16
«О Дэл авэла „всаворэса важ всаворэ“»
(1 Коринфянам 15:24, 25) Тоди авэла канец, кала во улэла всаворэ правительстворя, власти и зора и пэрэдэла о царство пэстирэ Дэвлэсти и Дадэсти. 25 Во трэбуй тэ правий, пока о Дэл на стола лэсти тала пэрнэ лэстирэ вороӷонэн.
w98 1/7 21, абз. 10
И смэрть будэр на авэла
10 «Канец», када канец тысячилетнё правления, кала о Иисус Христос най завазглэ шэрэса и анда оди пэрэдэла о Царство пэстирэ Дэвлэсти и Дадэсти (Откровение 20:4). Лэ Дэвлэстири цэль, кай «тэ стидэл вся андэ лэ Христостири правления, со по нэбо и пэ ԥув», стерэлапэ (Эфесянам 1:9, 10). Но англа када о Христос улэла «всаворэ правительстворя, власти и зора», савэ жан против кода, со камэл о Дэл. Када сыкавэл май бут, чем кода, со авэла улино андо Армагеддоно (Откровение 16:16; 19:11—21). О Павло ԥэнэн: «Во [о Христос] трэбуй тэ правий, пока о Дэл на стола лэсти тала пэрнэ лэстирэ вороӷонэн. Послиднё вороӷо, савэс улэла пэ вся время, када смэрть» (1 Коринфянам 15:25, 26). Да, будэр на авэла вся, со сас лэ бэзэхэстар и ла смэртятар, савэ пэрэдинэпэ лэ Адамостар. Вижал, о Дэл рия каринг и жызня кодэлэн, ко муля (Иоанна 5:28).
(1 Коринфянам 15:26) Послиднё вороӷо, савэс улэла, када смэрть.
kr 237, абз. 21
О Царство стерэл пэ ԥув кода, со камэл о Дэл
21 Ай со авэла ла смэртяса, каринг сави анэн о бэзэх и о насвалимос? Вой амаро «послиднё вороӷо», вороӷо, саво андэ пэстири время всаек лэл пэско (1 Коринфянам 15:26). Но кацаво ли страшно вороӷо и смэрть важ о Иегова? Акэ со ԥэндя о Исаия: «Во улэла и смэрть пэ вся вечность, и о владыка Ӷосподо Иегова виқосэла всаворэ ясва» (Исаия 25:8). Можэш ту тэ представиш кодэя время? На авэна никас тэ гаравэн и на авэна мулэ! На авэна ясва важ о ԥаримос, ай авэна ясва важ и радость, кала о Иегова рия лэ мулэн каринг и жызня! (Адиносар Исаия 26:19.) Будэр на авэла дук андо ди кодэлэстар, кай варико мэрэл.
(1 Коринфянам 15:27, 28) О Дэл «вся стодя тала лэстирэ пэрнэ». Но кала во ԥэнэн, кай «вся стодя», дицол, кай кроме кодэва, ко вся када стодя. 28 Но кала вся када авэла стодо лэсти тала пэрнэ, тоди и екжэно о Шаво лэла тэ кандэл Кодэлэс, ко вся стодя тала лэстирэ пэрнэ, кай о Дэл тэ авэл всаворэса важ всаворэ.
w12 15/9 12, абз. 17
Миро пэ тысяча бэрш и пэ вся и вечность!
17 Посли тысяча бэрш о Дэл авэла «всаворэса важ всаворэ». Савэ дэ райканэ алава! Со вонэ сыкавэн? Погиндон пала время, кала и совершэни мануша, о Адамо и Ева жувэнас андо Эдэмо, слинэ лэ Дэвлэстирэ ереса, кай всаворэ ек пала еқэстэ и ладинас машкар пэстэ. О Иегова, Верховно Владыка, екжэно правияс всаворэса, со создал, лэ анӷелонэнца и лэ манушэнца. Вонэ моӷли тэ дэн дума лэ Дэвлэса, тэ тэлён лэсти и тэ авэн бахталэ. Во сас «всаворэса важ всаворэ».
Виарақас сомнак анда Библия
(1 Коринфянам 14:34, 35) мэк и жувля ашэн мулком андэ собрании, важ кода кай лэнди нащи тэ дэн дума, но мэк кандэн, сар и ԥэнэнпэ андо Законо. 35 Если вонэ камэн варисости тэ сытён, мэк пушэн цэрэ пэстирэ хуландар, важ кода кай ла жувляти на трэбуй тэ дэл дума андэ собрания.
w12 1/9 9, рамка
Ԥэнэнас ли о апостало Павло, кай лэ жувлянди нащи тэ дэн дума?
О апостало Павло пистросардя: «Мэк и жувля ашэн мулком андэ собрания» (1 Коринфянам 14:34). Пала со во ԥэнэнас? Гиндояс во, кай вонэ най кацавэ годявэрнэ? Най. Па чачимастэ о Павло най еқвар драго ԥэнэнас пала кода, сар и жувля моӷут тэ сытярэн (2 Тимофею 1:5; Титу 2:3—5). Андо письмо, саво о Павло пистросардя лэ христианонэнди андо Коринфо, во ԥэнэнас, кай най кати и жувля трэбуй тэ ашэн мулком. Кодэла, кастэ сас даро тэ дэн дума пэ авэр шыб и тэ росԥэнэн со авэла англэ, тожэ трэбуй сас тэ ашэн мулком, кала дэл дума авэр христианино (1 Коринфянам 14:26—30, 33). Дэсавэн жувлян, кадя ля лэ одестар лэндири нэви вера, кай вонэ пэрэмарэнас лэ ԥралэс, кай тэ задэн вопросоря, сар када терэнас андэ кодэла краёря. Кай пэ собрании тэ авэл порядко, о Павло ԥэнэнас лэ жувлянди тэ пушэн цэрэ пэстирэ хуландар (1 Коринфянам 14:35).
(1 Коринфянам 15:53) Кода, со римомэ, трэбуй тэ авэл найримомэ, и кода, со мэрэл, трэбуй тэ на мэрэл.
it «Нетление», подзаг. «Воскресение к бессмертию и нетлению», абз. 2
Нетление
Еқэҭанэ лэ Иисусоса, кадя сар и во рисайля каринг и жызня, кодэла, ко правина лэса, тожэ ринпэ най просто каринг и вечно жызня по нэбо сар анӷелоря, но кай инке вонэ тэ авэн бесмертни и лэндири тила тэ на римойпэ. Кодэла, ко правина лэса, вся и время слинэ кандинэ и кала мулинэ андэ манушыкани тила, вонэ, сар пистросардя о Павло андэ 1 Коринфянам 15:42—54, жундён сар анӷелоря. Вижал, о алав бесмертно, сыкавэл, сави авэла жызня. Вонэ жувэна вечно и тэ умарэн лэн будэр никастэ на вижала. Ай о алав найримомэ, сыкавэл, сави тила лэнди авэла лэ Дэвлэстар. Кадэя тила на лэла тэ тернёл и тэ римойпэ. Вижал, о Дэл, кала рий лэн каринг и жызня, дэл лэнди кацаво зор, кай лэн на трэбуй нико и нисо тэ подритярэл, кай вонэ тэ жувэн. Кадэлэса вонэ на шонпэ пэ авэр создании, сар и пэ кодэла, кастэ исин тила, кадя и пэ кодэла, ко сар анӷело. Када драго доԥэнэн, кай о Дэл патял андэр лэндэ. Но хоть лэндири жызня нико на подритярэл и лэн нико никала на умарэла, вонэ всаек трэбуй тэ кандэн лэ Дэвлэс. Сар и лэнго правителё, о Иисус Христос, вонэ на парашэн тэ терэн кадя, сар камэл и ԥэнэн лэнго Дад (1 Коринфянам 15:23—28; диқэн БЕССМЕРТИЕ; ДУША).
29 АПРЕЛЯ — 5 МАЯ
СОМНАК АНДА БИБЛИЯ | 2 КОРИНФЯНАМ 1—3
«О Иегова, када Дэл, „саво терэл май вушэро по ди“»
(2 Коринфянам 1:3) Хвалин лэ Дэвлэс и амарэ Ӷосподостирэ лэ Христостирэ Дадэс, саво полэл и жалуий анда вся оди и саво терэл май вушэро по ди,
w17.07 13, абз. 4
«Ровэн кодэлэнца, ко ровэл»
4 Лэ Иеговасти, саво полэл и жалуий анда вся оди, сас ԥарэс, кала мулинэ кодэла, кас во любияс, о Авраамо, о Исаако, о Иаково, о Моисей и о Давидо (Числа 12:6—8; Матфея 22:31, 32; Деяния 13:22). Сар пистромэ андэ Библия, о Иегова пала лэндэ фартэ скучий и фартэ аштярэл кодэя время, кала рия лэн каринг и жызня (Иов 14:14, 15). Лэн аштярэл райкани жызня андо раё, андэ саво лэндэ авэла лашо зор. Погиндон кадяжэ пала кода, кай лэ Дэвлэско любимо Шаво, саво радуияс лэс, мучительно муля (Притчи 8:22, 30). Кадэлэстар лэ Иеговасти сас фартэ ԥарэс (Иоанна 5:20; 10:17).
(2 Коринфянам 1:4) саво подритярэл амэн андэ вся амаро ԥаримос, кай и амэ тэ подритярас аврэн андэ лэндири любо бида кадя жэ, сар о Иегова подритярэл амэн.
w17.07 15, абз. 14
«Ровэн кодэлэнца, ко ровэл»
14 Амэ полас, кай дэкала амэ на ӷанас, со тэ ԥэнас кодэлэсти, кастэ тердяпэ бида. Но андэ Библия ԥэнэнпэ, кай кодэва, «ко дэл дума годявэрнэс, дэл зор» (Притчи 12:18). Бут мануша виарақлэ гиндоря, савэнца можно тэ подритярэн аврэн, андэ брашура «Когда умер близкий тебе человек». Но май часто поможый, кала амэ терас кадя, сар пистромэ «Ровэн кодэлэнца, ко ровэл» (Римлянам 12:15). И Габи, савятэ муля о хулай, ԥэнэн: «Дэкала мэ моӷу тэ сыкавав вся и дук анда мэрно ди кати лэ ясвэнца». Кадяжэ вой ԥэнэн: «Акэ васо манди ашэл май вушэро, кала мэрнэ друӷоря ровэн вмести манца. Тоди мэ полав, кай мэ най екжэни андэ пэстири бида».
Виарақас сомнак анда Библия
(2 Коринфянам 1:22) И во стодя пар мэндэ пэстири печать и дя амэнди о духо андэ амарэ одя, сар залоӷо кодэлэсти, со трэбуй тэ авэл.
w16.04 32
Пушэн кодэла, ко адинон
Саво «залоӷо» и сави «печать» авэла кажнонэ памазаникости лэ Иеговастар? (2 Коринфянам 1:21, 22).
▪ Залоӷо. Андэ ек справочнико пистромэ, кай о греческо алав «залоӷо», саво пистромэ андэ 2 Коринфянам 1:22, сыкавэл «юридическо и коммерческо термино». Кадэва алав сыкавэлас «о пэрво взносо, залоӷо, то есть ловэ, савэ потиндэ сар задатко, кай тэ авэл гарантия пэ варисави вещь или кай тэ действует о доӷоворо». Важ и памазаникоря пала кадэя оплата, или пала лашимос, саво трэбуй тэ авэл англэ, ԥэнэнпэ андэ 2 Коринфянам 5:1—5. Котэ пистромэ, кай лэндэ авэла и тила сар кай и анӷелоря. Кадяжэ и памазаникоря авэна бесмертни (1 Коринфянам 15:48—54).
Андэ адесутни ӷреческо шыб кацавэ жэ алава ԥэнэн, кала и дума жал пала обручально янгрусни. Када сыкавэл, пэ скати дэ драго поджал о алав «залоӷо» каринг кодэла, ко ашэла сар, ԥэнэса, лэ Христостири хулаи (2 Коринфянам 11:2; Откровение 21:2, 9).
▪ Печать. Андэ дэлмутнэ деса и печать стонас, кай тэ подпистрон о лил важ варисави собственность, варисави доверенность или соӷлашэния. Можно тэ ԥэнас, кай пэ памазаникоря стоди печать лэ свынтонэ духоса или клеймо, сар пэ кодэла, ко лэ Дэвлэско (Эфесянам 1:13, 14). Но када най послиднё печать. Пэ памазаникоря авэла стоди и послиднё печать, или англа лэндири смэрть, или англа кода, сар тэ залэлпэ и фартэ бари бида, сави инке никала на сас (Эфесянам 4:30; Откровение 7:2—4).
(2 Коринфянам 2:14—16) Мэ блаӷодарно лэ Дэвлэсти, саво вся и время андярэл амэн, кай амэ шукарнэс тэ жас лэ Христоса и во андо кажно ҭан через амэндэ росԥэнэн пала пэстэ о чачимос, саво шолпэ по шукарно запахо! 15 Важ о Дэл амэ сар фартэ шукарно запахо, сар кодэла, ко росԥэнэн пала Христос машкар кодэла, ко трэбуй тэ спасыйпэ и машкар кодэла, ко трэбуй тэ мэрэн. 16 Важ и послидни, када о запахо, саво жал ла смэртятар и саво андярэл каринг и смэрть. Ай важ и пэрви, када шукарно запахо, саво жал ла жызнятар и саво андярэл каринг и жызня. И ко поджал важ када?
Ай ту ӷанэс?
Пала со дя дума о апостало Павло, кала ԥэндя «шукарнэс тэ жас»?
▪ О апостало Павло пистросардя: «[О Дэл] андярэл амэн, кай амэ шукарнэс тэ жас лэ Христоса и во андо кажно ҭан через амэндэ росԥэнэн пала пэстэ о чачимос, саво шолпэ по шукарно запахо! Важ о Дэл амэ сар фартэ шукарно запахо, сар кодэла, ко росԥэнэн пала Христос машкар кодэла, ко трэбуй тэ спасыйпэ и машкар кодэла, ко трэбуй тэ мэрэн. Важ и послидни, када о запахо, саво жал ла смэртятар и саво андярэл каринг и смэрть. Ай важ и пэрви, када шукарно запахо, саво жал ла жызнятар и саво андярэл каринг и жызня» (2 Коринфянам 2:14—16).
Андэ кадэла алава о Павло шол сама пэ кода, саво абычаё сас кай и римляноря. Вонэ стонас празднико и шукарнэс жанас па вулица важ кодэва, ко победисардя лэндирэ вороӷонэн. Кала прожалас кадэва празднико, англа всаворэ андярэнас кода, со залинэ лэ вороӷонэндар, кодэлэн, кас залинэ андо плено, ай кадяжэ лэ гурувэн, савэн анэна андэ жэртва. И мануша ӷромко подзравляли кодэлэс, ко победисардя, и лэстирэ воинонэн. Посли вонэ анэнас андэ жэртва лэ гурувэн, ай лэ манушэн, савэн залинэ андо плено, обычно, умарэнас.
Андэ ек библейско инцыклопедия ԥэнэнаспэ пала алава «шукарно запахо... пала Христос», савэ еқэнди дэнас и жызня, ай аврэнди и смэрть: «Наверно, када жал анда римско абычаё тэ ԥабарэн о фимиамо андэ кодэя время, кала жанас па улица. О запахо, саво сыкавэлас пэ победа важ кодэла, ко победисардя, дэлас тэ сэрэн кодэлэнди, кас залинэ андо плено, кай лэн умарэна» (The International Standard Bible Encyclopedia).