Источникоря важ и тетрадка, кай тэ сытювас «Дром и служэния»
6—12 МАЯ
СОМНАК АНДА БИБЛИЯ | 2 КОРИНФЯНАМ 4—6
«Амэ на умэкас и вас»
(2 Коринфянам 4:16) Важ када амэ на умэкас и вас, и дажэ если амари тила ԥурёл, андрал амэ дес десэстар ашас май нэвэ.
w04 15/8 25, абз. 16, 17
Цыювас, но на умэкас и вас
16 Май англал всаворэстар трэбуй тэ диқас, кай амэндэ тэ авэл састи дружба лэ Иеговаса. Если амэ пашэ лэ Иеговаса, тоди амэ никала на цыюваса тэ служысарас лэсти, хоть амэ и можэм тэ вимардювас анда зор. О Иегова дэл зор кодэлэсти, ко цыеля, и кодэлэсти, ко вимардёл анда зор, дэл састимос (Исаия 40:28, 29). О апостало Павло па пэстири жызня диқля, кай кадэла алава чачимос и пистросардя: «Важ када амэ на умэкас и вас, и дажэ если амари тила ԥурёл, андрал амэ дес десэстар ашас май нэвэ» (2 Коринфянам 4:16).
17 Шам сама пэ алава «дес десэстар». Када сыкавэл, кай и помощь, сави дэл о Иегова, трэбуй тэ прилас кажно дес. Кай и мисианерка, сави служыяс лэ Иеговасти 43 года, сас время, кала вой фартэ цыёлас и лати сас ԥарэс по ди. Но вой на умэкля и вас. Акэ со вой ԥэнэн: «Мэ стодэм важ пэстэ правило тэ ущяв рано, кай тэ мангавпэ лэ Иеговасти и тэ адиносарав и Библия англа кода, сар варисо тэ терав. Важ кода кай мандэ кажно дес сас кацаво распорядко мэ смоӷла тэ виритярав о ԥаримос жы каринг кадэла деса». Амэ можэм тэ патяс, кай о Иегова подритярэла амэн пэстирэ зорэса, если амэ на промэкас, «дес десэстар», тэ мангаспэ лэсти и тэ гиндосарас пала лэстирэ качестворя и обещянии.
(2 Коринфянам 4:17) Кадя и о ԥаримос, хоть во вушэро и най пэ долӷонэстэ, анэн амэнди слава, сави май бари и вечно.
it «Стойкость», подзаг. «Как сохранять», абз. 2
Стойкость
Инке трэбуй тэ ритярас андо шэро и христианско надежда, кай аваса совершэни и жуваса вечно. Дажэ и смэрть кодэлэндар, ко тасавэл пар мэндэ важ и вера, на одлэла амэндар кадэя надежда (Римлянам 5:4, 5; 1 Фессалоникийцам 1:3; Откровение 2:10). О ԥаримос, саво амэндэ исин адес, нисо на ашэл, если тэ сыстосарас лэ лашимаса, саво аштярэл амэн англэ (Римлянам 8:18—25). Кала и жызня авэла вечно, дажэ о само баро ԥаримос, саво адес амэндэ исин, здэлапэ вушэро и най долӷо (2 Коринфянам 4:16—18). Кала о христианино сэрэл пала кода, кай о ԥаримос авэла най вся и время и сэрэл пала лашимос, саво авэла англэ, во на умэкэла и вас и на парашэла тэ кандэл лэ Иеговас.
(2 Коринфянам 4:18) и амэ диқас най пэ кода, со дицол, ай пэ кода, со на дицол. Важ кода кай, кода, со дицол, када пэ дэсави время, ай кода, со на дицол, пэ вечность.
Виарақас сомнак анда Библия
(2 Коринфянам 4:7) Но кадэва сомнак амэндэ андэ ӷлиняни вазы, кай о зор, саво май баро, тэ авэл лэ Дэвлэстар, ай най амэндар.
w12 1/2 28—29
«О Иегова заасала лошатар»
Кадя называеца и речь, сави росԥэндя о ԥрал анда Руководящё совето, Дэйвидо Сплэйно (2 Коринфянам 4:7). Саво када сомнак? И знания или и мудрость? О ԥрал ԥэндя: «Най, о сомнак, пала саво ԥэндя о Павло, када и служэния, через сави дицол о чачимос» (2 Коринфянам 4:1, 2, 5). О ԥрал Сплэйно ԥэндя кодэлэнди, ко сытёнас, кай и панч шона андо Галаадо слинэ подӷотовка каринг и особо дила андэ служэния, сави трэбуй фартэ тэ цэнин.
Кала о ԥрал росԥэндя, кай и «ӷлиняни вазы», када амари тила, во сыстосардя и ӷлиняно ваза ла сомнакуняса. И сомнакуни ваза дорэсэн най часто. Ай и ӷлиняни вазы трэбуй постоянно. Кадяжэ, если тэ стас о сомнак андэ сомнакуни ваза, тоди пэ кадэя ваза лэна тэ шон скати жэ сама, скати и пэ кадэва сомнак. О ԥрал Сплэйно ԥэндя кодэлэнди, ко сытёнас: «Тумэ на камэн тэ шон сама пэр пэстэ. Сар мисианероря, тумэ камэн тэ сыкавэн лэ манушэнди о дром каринг о Иегова. Тумэ ӷлиняни вазы, савэ на гиндон пала пэстэ бут».
(2 Коринфянам 6:13) Ай важ када терэн кадя жэ, ԥэнав сар пэстирэ бэятонэнди, и тумэ кадяжэ ԥэрнавэн пэстирэ одя.
w09 15/11 21, абз. 7
Инке май фартэ любин ек еқэс, сар любин андо ери
7 Ай со можно тэ ԥэнас пала амэндэ? Сар амэ можэм тэ ԥэрнавас пэстирэ одя, кай тэ любисарас ек еқэс? И мануша еқэ бэршэнди или савэндэ ек нация моӷут лэ одеса тэ полэн, кай чалён ек еқэсти. И кодэла, ко еқэндар диқэн по отдыхо, часто проандярэн бут время еқэҭанэ. Но если кода, со амэнди чалёл еқэ христианонэнца, отделий амэн аврэ христианонэндар, тоди амэнди трэбуй тэ ԥэрнавас «пэстирэ одя». Авелоп драго тэ пушас пэстар: «Най фартэ ридко мэ служысарав и проандярав и время лэ ԥралэнца и лэ ԥэянца, савэнца мэ най фартэ пашэ дружысарав? Камав ли мэ май набут тэ общаюсь пэ собрания кодэлэнца, ко най дэлмут уӷангля о чачимос, важ кода кай гиндосарав, кай трэбуй время, кай вонэ тэ ашэн мэрнэ друӷонэнца? Шав сама мэ сар лэ ԥурэн, кадя и лэ тэрнэ ԥралэн и ԥэян анда собрания?»
13—19 МАЯ
СОМНАК АНДА БИБЛИЯ | 2 КОРИНФЯНАМ 7—10
«Поможын андэ служения важ и свынти»
(2 Коринфянам 8:1—3) Камас ԥрала, кай тумэ тэ ӷанэн важ лэ Дэвлэско лашимос, саво во дя лэ собраниенди анда Македония. 2 Пала кода, кай кала сас баро ԥаримос, кала лэнди сас ԥарэс, вонэ анда вся оди дэнас аврэнди и слинэ лошалэ, хоть и екжэнэ нуждались. 3 Вонэ стердэ вся, со сас па лэнго зор, и, мэ ԥэнав, кай дажэ май бут кодэлэстар, со сас па лэнго зор.
w98 1/11 25, абз. 2
«О Дэл любий кодэлэс, ко лошало тэ дэл анда вся оди»
Спэрва о Павло росԥэндя лэ коринфянонэнди пала македоняноря, савэ сыкадэ лашо примеро кодэлэса, кай поможысардэ, кала лэн манглэ. О Павло пистросардя: «Пала кода, кай кала сас баро ԥаримос, кала лэнди сас ԥарэс, вонэ анда вся оди дэнас аврэнди и слинэ лошалэ, хоть и екжэнэ нуждались». Лэ ԥралэнди и лэ ԥэянди анда Македония на трэбуй сас упалэ тэ ԥэнэн пала помощь. О Павло росԥэндя, кай вонэ «упалэ и упалэ мангэнас амэн тэ мэкас лэн тэ дэн особо даро, кай тэ поможын андэ служэния важ и свынти». Кода, кай и македоняноря динэ анда вся оди, инке май фартэ лэл лэ одестар, кала уӷанас, кай вонэ екжэнэ жувэнас фартэ чорорэс (2 Коринфянам 8:2—4).
kr 209, абз. 1
Тэ дас помощь, када амари служэния
АНДЭ Иудея сас боқалимос варикай андо 46 бэрш лэ Иисусостар. И цэмина по хамос кадя вазглэпэ, кай лэ Иисусостирэ ученикоря нэ моӷли тэ тинэн дажэ набут зэрно. Вонэ моӷли тэ мэрэн боқалимастар. Но йто о Иегова заботисайля пала лэндэ кадя, сар инке на заботисайля ни пала кастэ анда лэ Христостирэ ученикоря. Со жэ сас?
(2 Коринфянам 8:4) И вонэ екжэнэ упалэ и упалэ мангэнас амэн тэ мэкас лэн тэ дэн особо даро, кай тэ поможын андэ служэния важ и свынти.
kr 209—210, абз. 4—6
Тэ дас помощь, када амари служэния
4 Андо дуйто письмо лэ коринфянонэнди о Павло росԥэндя, кай андэ христианско служэния исин дуй рига. Хоть во и дэлас дума пала памазаникоря, адес кадэла алава поджан и каринг авэр лэ Христостирэ бакрорэ (Иоанна 10:16). Ек риг андэ амари служэния, када и «служэния, кай тэ поладин». Аврэ алавэнца, када и дила, кала росԥэнас важ о Дэл и сытярас (2 Коринфянам 5:18—20; 1 Тимофею 2:3—6). Авэр риг, када служэния, сави амэ терас важ кодэла, ко андэ собрания. О Павло ԥэнэнас, кай када «служэния важ и свынти». Аврэ алавэнца, када служэния, кай тэ поможысарас кодэлэнди, ко свынто (2 Коринфянам 8:4). Андэ алава «служэния, кай тэ поладин» и «служэния важ и свынти», о алав «служэния» сыкавэл ек ӷреческо алав, диакони́а. Пала со када ԥэнэн?
5 Кала о Павло пистрояс пала кадэла дуй маменторя, во пистрояс ек ӷреческо алав. Кадя во сыкадя, кай тэ поможысарас аврэнди, када ек анда служэния, сави амэ терас андэ христианско собрания. Май англал во пистрояс: «И исин разно служэния, но кодэва жэ Ӷосподо. И дила исин разно... Но терэл всавори кадэя дила кодэва жэ духо» (1 Коринфянам 12:4—6, 11). О Павло ԥэндя пала разно служэния андэ собрания, кай када «свынто служэния» (Римлянам 12:1, 6—8). Акана полас, васо во витидя время, кай тэ служый важ и свынти (Римлянам 15:25, 26).
6 О Павло поможысардя лэ коринфянонэнди тэ полэн, кай, кала вонэ дэн помощь, када ужал андэ лэндири служэния лэ Иеговасти. Давай диқаса, со во пала када дя дума. И христианоря терэн кадя, сар росԥэнэн андэ лащи весть пала Христос (2 Коринфянам 9:13). И христианоря поможын андэ бида лэ ԥралэнди и лэ ԥэянди анда собрания, важ кода кай камэн тэ терэн кадя, сар сытярэлас о Христос. Ай кадэва лашимос важ и ԥрала, када, сар ԥэндя о Павло, па чачимастэ сыкавэл о лашимос лэ Дэвлэстар, саво на затердэ (2 Коринфянам 9:14; 1 Петра 4:10). Важ када андэ «Сторожэво башня» 1 декабря 1975 бэрш пала служэния лэ ԥралэнди, савэндэ сас ԥаримос лэ ловэнца, и кадяжэ пала помощь ԥэнэнаспэ: «Давайте вся и время ласа тэ патяс, кай о Дэл Иегова и лэско Шаво о Иисус Христос фартэ шон сама пэ кадэя служэния». Да, кала амэ дас помощь, кадя амэ терас и свынто служэния (Римлянам 12:1, 7; 2 Коринфянам 8:7; Евреям 13:16).
(2 Коринфянам 9:7) Мэк кажно терэл кадя, сар камэл андэ пэско ди. Най кай трэбуй тэ дэл и най важ кода кай варико тасавэл. Ай важ кода кай о Дэл любий кодэлэс, ко лошало тэ дэл анда вся оди.
kr 196, абз. 10
Катар лэнпэ и ловэ важ и дила, сави терэл о Царство
10 Пэрво, амэ дас анда оди важ кода, кай любисарас лэ Иеговас и камас тэ терас кода, со «лашо андэ лэстирэ яқа» (1 Иоанна 3:22). Лэ Иеговасти чалён кодэла служытеля, савэ дэн анда оди. Шам сама, со пала када пистросардя о апостало Павло. (Адиносар 2 Коринфянам 9:7.) О чачуно христианино дэл най кай трэбуй тэ дэл и най важ кода, кай варико тасавэл. Во дэл, важ кода кай кадя «камэл андэ пэско ди». Када сыкавэл, кай во погиндосардя пала кода, со трэбуй и сар во можэт тэ поможый. Кацаво мануш куч важ о Иегова, важ кода кай «о Дэл любий кодэлэс, ко лошало тэ дэл анда вся оди». Андэ ек переводо кадэва стихо пистромэ кадя: «О Дэл любий кодэлэн, ко любий тэ дэл».
Виарақас сомнак анда Библия
(2 Коринфянам 9:15) Мэ блаӷодарно лэ Иеговасти важ лэско райкано даро!
w16.01 12, абз. 2
Со ту камэс тэ терэс важ кода, кай тутэ исин «райкано лэ Дэвлэско даро»?
2 О Павло ӷанэнас, кай через лэ Христостири совершэно жэртва стерэлапэ вся, пала со о Дэл дя алав. (Адиносар 2 Коринфянам 1:20.) Кадя, кадэва «райкано даро» сыкавэл вся лэ Дэвлэско лашимос и лэстири любовь через о Иисус Христос. Кадэва даро фартэ кучутно, и пала лэстэ на росԥэнэса алавэнца. Со амэ ласа тэ терас, важ кода кай амэндэ исин кацаво фартэ кучутно подарко? Сави дила амэ тераса, кала гиндосараса пала кадэва даро англа Вэчэро, кала вспоминают лэ Иисусостири смэрть, саво авэла в среду, 23 марта андо 2016 бэрш?
(2 Коринфянам 10:17) «Но кодэва, ко хвалийпэ, мэк хвалийпэ андо Иегова».
g99 8/7 20—21
Со вэрыто андэ кода, кай тэ заваздэс о шэро?
Андэ Христиански Гречески Писании о глаголо кафха́омэ, саво пэрэандярэн алавэнца «ӷордийпэ, радуийпэ, хвалийпэ», пистрон сар найлащя ригатар, кадя и лащя ригатар. О Павло, например, ԥэнэн, кай амэ «хвалисавас андэ надежда важ лэ Дэвлэстири слава». Кадяжэ во ԥэнэн амэнди: «Кодэва, ко хвалийпэ, мэк хвалийпэ андо Иегова» (Римлянам 5:2; 2 Коринфянам 10:17). Када сыкавэл, кай амэ абуросарас кодэлэса, кай о Иегова, када амаро Дэл, и амаро ди радуийпэ лэстирэ лашэ алавэсти.
20—26 МАЯ
СОМНАК АНДА БИБЛИЯ | 2 КОРИНФЯНАМ 11—13
«„И колючка андэ... тила“ кай о Павло»
(2 Коринфянам 12:7) кати важ кода, кай манди динэ райканэ видении. Важ када, кай мэ фартэ тэ на заваздав о шэро, о Дэл домэкля и колючка андэ мэрни тила, лэ Сатанаско анӷело, тэ марэл ман, кай мэ фартэ тэ на заваздав о шэро.
w08 15/6 3, абз. 3
Зоралэ, хоть и слаби
О апостало Павло мангэлас лэ Иеговас, кай во тэ улэл лэстар «и колючка андэ... тила», кода, со на дэлас лэсти покоё. Кадэва верно лэ Иеговаско служытелё тривар мангэлас лэ Иеговас, кай во тэ улэл лэстар о ԥаримос. Со бы тэ на авэл кода, состар лэ Павлости сас дуқанэс, када на дэлас лэсти тэ радуийпэ андэ служэния лэ Иеговасти. Лэ Павлостэ андо ди сас кадя, ԥэнэса лэс вся и время марэнас па фалки. Но о Иегова ԥэндя лэсти: «Хутила тути мэрно лашимос, саво ту на затердян, важ кода кай мэрно зор ашэл совершэно андэ слабость». О Иегова на уля лэстар «и колючка андэ... тила». Лэ Павлости прижаласпэ тэ жувэл и постояно тэ борийпэ, но во ԥэндя: «Кала мандэ на хутилэл зор, тоди мэ зорало» (2 Коринфянам 12:7—10). Со сыкавэн кадэла алава?
(2 Коринфянам 12:8, 9) Тривар мэ фартэ мангавас лэ Ӷосподос, кай када тэ ужал мандар. 9 Но во ԥэндя манди: «Хутила тути мэрно лашимос, саво ту на затердян, важ кода кай мэрно зор ашэл совершэно андэ слабость». И важ када мэ баря радостяса фэдэр лава тэ хвалисавав кодэлэса, кай мэ слабо, кай лэ Христоско зор, сар катуна, тэ авэл понад мандэ.
w06 15/12 24, абз. 17, 18
О Иегова «дэл о свынто духо кодэлэнди, ко мангэл лэстар»
17 Кала о Павло мангэласпэ, о Дэл ԥэндя лэсти: «Хутила тути мэрно лашимос, саво ту на затердян, важ кода кай мэрно зор ашэл совершэно андэ слабость». О Павло пистросардя: «И важ када мэ баря радостяса фэдэр лава тэ хвалисавав кодэлэса, кай мэ слабо, кай лэ Христоско зор, сар катуна, тэ авэл понад мандэ» (2 Коринфянам 12:9; Псалом 146:5). Аврэ алавэнца, о Павло поля, кай о Дэл через о Христос сыкавэл пэско зор и фэрий лэс, сар ԥэнэса андэ катуна. Адес о Иегова кадяжэ дэл атветоря пэ амарэ молитвы. Во фэрий пэстирэ служытелёнэн, сар ԥэнэса ростол понад лэндэ и катуна.
18 И катуна нэ можэт тэ улэл о брышын или тэ тердярэл и балвал, но вой можэт тэ фэрий, кала найлащи поӷода. Кадя и о ҭан, андо саво можэм тэ гарадювас, и саво исин через «лэ Христоско зор», нэ можэт тэ фэрий амэн лэ ԥаримастар. Но во фэрий амари дружба лэ Иеговаса лэ найлашимастар, саво исин андэ кадэва миро и лэ Сатанастар, саво правий кадэлэ мироса (Откровение 7:9, 15, 16). И важ када патя, кай дажэ если о ԥаримос на «ашавэл» тут, о Иегова ӷанэн пала тири борьба и взвийпэ пэ тиро ӷолосо, кала ту цыпис (Исаия 30:19; 2 Коринфянам 1:3, 4). О Павло пистросардя: «Но о Дэл на ашавэл, и во на домэкэла ԥаримос, саво май бут тумарэ зорэстар, но, кала авэла ԥарэс, дэла помощь, кай тумэ тэ виритярэн» (1 Коринфянам 10:13; Филиппийцам 4:6, 7).
(2 Коринфянам 12:10) Важ када мэ лошавав, кала исин слабости, кала ԥэнэн найлашэ алава, кала нуждаюсь, кала ӷонин важ и вера и кала о ԥаримос ради Христос. Важ кода кай, кала мандэ на хутилэл зор, тоди мэ зорало.
«Во дэл зор кодэлэсти, ко цыеля»
8 Адиносар Исаия 40:30. Всаворэнди амэнди трэбуй тэ полас акэ со. Со бы амэндэ драго тэ на вижал, всаек исин кода, со амэ нэ можем тэ терас пэстирэ зорэса. Када поля и о апостоло Павло. Хоть лэстэ и драго бут со вижалас, во всаек нэ мог тэ терэл кода, скати во камэлас. Кала во росԥэндя лэ Дэвлэсти пала со во фартэ загиндойпэ, о Дэл лэсти ԥэндя: «Мэрно зор май драго дицол, кала кай о мануш лэс на хутилэл». О Павло драго поля, со ԥэндя лэсти о Иегова. Важ када о Павло ԥэндя: «Кала мандэ на хутилэл зор, тоди мэ зорало» (2 Кор. 12:7—10). Со сыкавэнас кадэла алава?
9 О Павло полэлас, кай пэстирэ зорэса во мог тэ стерэл кати набут. Кай тэ стерэл варисо май бут, лэсти трэбуй сас, кай о Дэл лэсти тэ поможый. Кала о Павло сас цыено, через пэско свынто духо о Дэл дэлас лэсти зор. Кадэлэ зорэса о Павло мог тэ терэл кода, со во никала на стердоп екжэно. Када поджал и каринг амэндэ. Амэ па чачимастэ зоралэ тоди, кала о Иегова дэл амэнди пэско свынто духо!
Виарақас сомнак анда Библия
(2 Коринфянам 12:2—4) Мэ ӷанав манушэс андо Христос, саво 14 бэрш палпалэ, на ӷанав, андэ тила чи най андэ тила, мэ на ӷанав, о Дэл ӷанэн, сас ундярдо каринг о трито нэбо. 3 Да, мэ ӷанав кацавэ манушэс, на ӷанав андэ тила чи най андэ тила, о Дэл ӷанэн, 4 кай во сас ундярдо андо раё и ашундя алава, пала савэ нащи тэ дэн дума и савэ нащи тэ росԥэнэн аврэнди.
Пушэн кодэла, ко адинон
«О трито нэбо», пала саво пистромэ андэ 2 Коринфянам 12:2, май йто всаворэстар, сыкавэл по «нэво нэбо», када лэ Христоско Царство, андо саво правий о Иисусо и еқэҭанэ лэса правина и 144 000 (2 Петра 3:13).
И алава «трито нэбо» о Павло пистросардя, кай тэ шол сама, кай о Царство, када со май бари правления.
О «раё» андэ саво сас «ундярдо» о Павло андэ пэстири видения, май йто всаворэстар, сыкавэл, 1) о раё, саво авэла пэ ԥув, 2) о духовно раё, саво авэла англэ и во авэла май баро чем о духовно раё, саво исин адес, 3) «лэ Дэвлэско раё», саво по нэбо. Андо нэво миро авэна всаворэ кадэла раёря андэ ек время.
(2 Коринфянам 13:12) Кала диқэнпэ, чуминдэн ек еқэс вужэ одеса.
it «Поцелуй», подзаг. «Святой поцелуй»
Чуминдэс
«Чуминдэн вужэ одеса». И пэрви христианоря, кала диқэнаспэ, чуминдэнас ек еқэс «вужэ одеса» (Римлянам 16:16; 1 Коринфянам 16:20; 2 Коринфянам 13:12; 1 Фессалоникийцам 5:26), или чуминдэнас ек еқэс, кай тэ сыкавэн и любовь (1 Петра 5:14). Май йто всаворэстар, кадя терэнас и мурша лэ муршэнца и и жувля лэ жувлянца. Можэт, и христианоря линэ тэ терэн кадя, сар терэнас и евреёря, кала диқэнаспэ варикаса. Кала кадя терэнас, када сыкавэлас, кай андэ христианско собрания машкар ԥрала и ԥэя исин любовь и вонэ ек пала ек, хоть андэ Библия пала када и на ԥэнэнпэ (Иоанна 13:34, 35).
27 МАЯ — 2 ИЮНЯ
СОМНАК АНДА БИБЛИЯ | ГАЛАТАМ 1—3
«Мэ жылэм против лэстэ»
(Галатам 2:11—13) Но, кала о Ки́фа авеля андэ Антио́хия, мэ жылэм против лэстэ, важ кода кай во затердя, кай лэс тэ сындон. 12 Кала инке на авелэ дэсавэ мануша лэ Иакавостар, во халас кодэлэнца, ко слинэ анда авэр народоря. Но кала вонэ авелэ, во ля тэ дурёл лэндар, важ кода кай даралас кодэлэндар, ко сас обрезано. 13 Кадя, тэ притерэнпэ лэса линэ и авэр иудеёря, кай дажэ о Варнава терэлас кадяжэ сар вонэ.
w17.04 27, абз. 16
Диқэс ту пэ справедливость кадяжэ, сар и о Иегова?
16 Адиносар Галатам 2:11—14. О Пётро ля тэ дарал лэ манушэндар (Притчи 29:25). Во драго ӷанэнас, сар о Иегова диқэл пэ найевреёря. Но во пэрэдарайля кодэлэстар, со пала лэстэ лэна тэ гиндон и обрезани христианоря анда евреёря, савэ служынас андэ иерусалимско собрания. О апостало Павло, саво кадяжэ сас пэ собрания андо Иерусалимо андо 49 бэрш, ворта ԥэндя лэ Петрости, кала вонэ слинэ андэ Антиохия, кай во притерэлпэ (Деяния 15:12). Сар андярдэ пэс и христианоря, савэ на слинэ евреёря, кай о Пётро андярдя пэс нэсправедливо лэнца? Закамлэ вонэ через када тэ парашэн тэ служын лэ Дэвлэсти? Хасардя о Пётро кодэя особо дила, сави лэстэ сас?
(Галатам 2:14) Кала мэ диқлэм, кай вонэ на жувэн па чачуни лащи весть, мэ ԥэндэм лэ Кифости англа всаворэ: «Если ту, иудеё, жувэс кадя, сар трэбуй кай авэр народоря, ай най кадя, сар трэбуй кай и иудеёря, тоди васо ту тасавэс пэ кодэла, ко анда авэр народоря, кай вонэ тэ жувэн кадя, сар трэбуй кай и иудеёря?»
Кодэлэн, ко любий лэ Иеговас, нисо на змарэла па лэско дром
12 Кала о Пётро дэкала фартэ шылияспэ, во сыкавэлас, кай лэстэ исин дар лэ манушэндар, но во на парашэлас тэ кандэл лэ Иеговас и лэ Иисусос. Например, во отԥэнделясас пэстирэ Ӷосподостар най еқвар, ай аж тривар (Луки 22:54—62). Потом о Пётро андярдя пэс най сар христианино. Во андярэлас пэс лэ ԥралэнца анда авэр народоря кадя, сар ԥэнэса вонэ слинэ хужэ, чем и христианоря анда обрезани евреёря. Но о апостало Павло полэлас, кай андэ собрания на трэбуй тэ авэл кацаво и кай о Пётро андярэлас пэс нэправильно. И пока через кода, сар пэс андярэлас о Пётро, и ԥрала на парашэлэ тэ ладин ек еқэса, о Павло ворта дя дума лэса (Галатам 2:11—14). Холярдя када лэ Петрос кадя, кай во парашэля тэ прастэл важ и жызня? Най. Во драго погиндосардя пала кода, со лэсти ԥэндя о Павло, стердя кадя и на парашэля тэ прастэл.
Виарақас сомнак анда Библия
(Галатам 2:20) Ман лэ Христоса умардэ по столбо. И акана най мэ жував, но жувэл манца о Христос. Чаче, кала акана мэ жував андэ манушыкани тила, мэ жував кодэлэса, кай патяв андэ лэ Дэвлэско Шаво, саво сыкадя пэстири любовь каринг мандэ и отдя пэс важ мандэ.
w14 15/9 16, абз. 20, 21
На парашэн тэ служын лэ Дэвлэсти, дажэ кала тумэндэ «бут ԥаримос»
20 Ай сар можно тэ на попэрас андэ лэ Сатанастирэ ловушки, савэ на дицон? Например, сар тэ на умэкас и вас, кала ԥарэс? Ек со фартэ поможый, када тэ гиндосарас пала выкупо. Кадя и терэлас о апостало Павло. Времяса лэстэ сас по ди кацаво, кай во най бахтало. Но во ӷанэнас, кай о Христос муля най важ и совершэни мануша, ай важ и ӷрешникоря. И ек анда кацавэ ӷрешникоря сас во екжэно. Во пистрояс: «Мэ жував кодэлэса, кай патяв андэ лэ Дэвлэско Шаво, саво сыкадя пэстири любовь каринг мандэ и отдя пэс важ мандэ» (Галатам 2:20). Да, о Павло полэлас, сар поможый о выкупо. Во полэлас, кай о выкупо сас потиндо и важ лэстэ.
21 Фартэ важно кадяжэ тэ гиндос, кай о выкупо када подарко, саво о Иегова дя и тути. Када на сыкавэл, кай сразу авэла вушэро и ту на лэса тэ умэкэс и вас. Варикасти андар мэндэ, можэт, прижалапэ жы каринг о нэво миро тэ терас вся, кай тэ на попэрас андэ кадэла лэ Сатанастирэ ловушки, савэ най сразу дицон. Но сэр, кай вицэлэла кати кодэва, ко на сдэлапэ. Амэ сар никала пашэ каринг кодэва дес, кала лэ Дэвлэско Царство стерэла кадя, кай всаворэ лэна тэ ладин и кай всаворэ мануша, савэ кандэн лэ Дэвлэс, ашэна совершэни. Давайте жэ ласа тэ терас вся, кай тэ жувас андэ кодэя время, кала правия кадэва Царство, дажэ если трэбуй авэла тэ виритярас бут ԥаримос!
(Галатам 3:1) О найгодявэрнэ галаторя, ко кадя дэ най драго пэр тумэндэ повлиял? Тумэ жэ почти пэстирэ яқэнца диқлэ лэ Иисусос Христос, савэс умардэ по столбо.
it «Галатам письмо», подзаг. «Кому адресовано», абз. 2
Гала́там письмо
Лэ Павлостирэ алава «О найгодявэрнэ галаторя» на сыкавэн, кай о Павло дэлас дума кати пала ек нацыя, пала галлы, савэ жувэнас пэ северно часть андэ Галатия (Галатам 3:1). Наоборот, о Павло ворта ԥэнэнас дэсавэнди андэ собрания, кай вонэ линэ тэ терэн кадя, сар дэсавэ иудеёря, савэ слинэ машкар лэндэ и савэ патянас андо иудаизмо. Кадэла иудеёря камэнас тэ сытярэн пэстирэ лашимасти через лэ Моисеёско законо, ай най лэ лашимасти через и вера, сави можэт тэ авэл через и нэви соӷлашэния (Галатам 2:15—3:14; 4:9, 10). И мануша анда «собрании андэ Галатия» (Галатам 1:2), савэнца дэлас дума о Павло, слинэ евреёря и найевреёря. И найевреёря, када и прозелиторя, савэ слинэ обрезани, и найобрезани мануша анда авэр народоря, машкар савэ сас кадяжэ о народо, пэ саво ԥэнэнас кельты (Деяния 13:14, 43; 16:1; Галатам 5:2). Пэ всаворэ пэр лэндэ о Павло ԥэндя галаторя, важ кода кай пэ область андэ сави вонэ жувэнас, ԥэнэнас Галатия. Всаворэ письморя, савэ пистрояс о Павло, сыкавэн, кай во пистрояс лэ христианонэнди, савэн во драго ӷанэнас и савэ жувэнас по юго андэ кадэя римско местность. Ай най кодэлэнди, кас во на ӷанэнас и ко жувэлас по северо, кай во никала на сас.