Источникоря важ и тетрадка, кай тэ сытювас «Дром и служэния»
3—9 ИЮНЯ
СОМНАК АНДА БИБЛИЯ | ГАЛАТАМ 4—6
«Важ амэндэ „андэ вся када исин авэр смысло“»
(Галатам 4:24, 25) Андэ вся када исин авэр смысло, важ кода кай кадэла манушня сыкавэн дуй доӷовороря. Ек, када о доӷоворо, саво сас запистромэ по плай Сина́й, саво анэн бэятонэн важ о рабство, и када и Ага́рь. 25 Вижал и Ага́рь сыкавэл о плай Сина́й андэ Аравия, и вой сар адесутно Иерусалимо, важ кода кай вой пэстирэ бэятонэнца андо рабство.
it «Агарь», абз. 6
Агарь
Па лэ Павлостирэ алава, кода, со сас кай и Агарь, сыкавэлас авэр смысло. Вой сыкавэлас о народо Израилё. Кадэва народо паша плай Синай стердя лэ Иеговаса о доӷоворо пала законо, саво анэнас «бэятонэн важ о рабство». И израильтяноря слинэ ӷрешни, вонэ нэ моӷли тэ терэн кадя, сар пистромэ андэ кадэва доӷоворо. Кала сас кадэва доӷоворо и израильтяноря на ашэлэ свобднонэ манушэнца, но лэн сындонас сар ӷрешниконэн, савэ затердэ тэ мэрэн. Вонэ, ԥэнэса слинэ раборя (Иоанна 8:34; Римлянам 8:1—3). Андэ лэ Павлостирэ деса и Агарь сыкавэлас о Иерусалимо, важ кода кай кадэва форо сыкавэлас лэ израильтянонэн сар народос, саво пэстирэ бэятонэнца сас андо рабство. Но и израильтяноря, савэ лэ духостар, ашэлэ бэятонэнца анда «упруно Иерусалимо», саво сыкавэл лэ Дэвлэстиря хулая. Кадэва Иерусалимо, сар и свободно Сарра, никала на сас андо рабство. Но, кадяжэ сар и лэ Исаакос ӷонияс о Измаило, лэ бэятонэн анда «упруно Иерусалимо», савэн одмэкля о Шаво, ӷонинас и бэятцэ анда Иерусалимо, савэ андо рабство. Ла Агарья и латирэ шавэс видарадэ и када сыкавэл, кай о Иегова отбанделя лэ Израилёстар, сар народостар (Галатам 4:21—31; дик кадяжэ Иоанна 8:31—40).
(Галатам 4:26, 27) Но о упруно Иерусалимо свободно, и када амари дэй. 27 Сар пистромэ: «Радосав, кодэя, кастэ нэ моӷут тэ авэн бэятцэ, ко на анэн бэятонэн. Фартэ цыписав лошатар, кодэя, ко на ӷанэн и дук, кала анэн бэятонэн, важ кода кай, кодэлатэ, ко екжэни, май бут бэятцэ, чем кодэлатэ, кастэ исин хулай».
w14 15/10 10, абз. 11
На парашэн тэ патян андо Царство
11 О доӷоворо лэ Авраамоса стердяпэ, кала лэстирэ потомкоря линэ тэ жувэн пэ Обетованно ԥув. Но андэ Библия пистромэ, кай кадэва доӷоворо трэбуй тэ стерэлпэ инке и па аврятэ (Галатам 4:22—25). Через лэ Дэвлэско духо о апостало Павло росԥэндя, кай и пэрво часть анда лэ Авраамоско потомство, када о Христос, ай и дуйто часть, када и 144 000 помазани христианоря (Галатам 3:16, 29; Откровение 5:9, 10; 14:1, 4). И жувли, савятар жала о потомство, када «о упруно Иерусалимо», и небесно часть андэ лэ Дэвлэстири арӷанизацыя, андэ сави и анӷелоря (Галатам 4:26, 31). Андо доӷоворо лэ Авраамоса сас пистромэ, кай ла жувляко потомство анэна всаворэ манушэнди лашимос.
(Галатам 4:28—31) Ԥрала, ай амэ бэятцэ кодэлэ жэ алавэсти, сар и о Исаако. 29 Но сар и тоди, кодэва, ко арақаделя андэ манушыкани тила, ӷонияс кодэлэс, ко арақаделя андо духо, кадя и акана. 30 Но со пистромэ андэ Писания? «Видарав ла служанка и латирэ шавэс, важ кода кай ла служанкатирэ шавэсти на дэна кода жэ, со и лэ шавэсти кодэлако, ко свободно». 31 Ԥрала, важ када амэ бэятцэ най ла служанкатирэ, ай кодэлако, ко свободно.
Виарақас сомнак анда Библия
(Галатам 4:6) Ай важ кода кай тумэ шавэ, о Дэл бишалдя андэ амарэ одя о духо пэстирэ Шавэско, саво ақарэл: «А́вва, Дадэ!»
w09 1/4 13
Ай ту ӷанэс?
Васо, кала о Иисусо мангэласпэ лэ Иеговасти, во ԥэнэнас «Авва, Дадэ»?
О арамейско алав авва можэт тэ сыкавэл и «дадэ» или «О, Дад». Кажно анда трин моменторя, кала кадэва алав запистромэ андэ Библия, во пистромэ тоди, кала андэ молитва, взвинпэ каринг о небесно Дад, Иегова. Со када сыкавэл?
Андэ ек энциклопедия сас пистромэ: «Андэ время, кала жувэлас о Иисусо, о алав авва ԥэнэнас андэ дума кала и бэятцэ взвинаспэ каринг о дад и када сас фартэ пативалэс» (The International Standard Bible Encyclopedia). Кадэва алав сыкавэлас и любовь и часто кадэва алав сас пэрво, савэ ԥэнэнас о бэято. Кадя и взвияспэ о Иисусо каринг о Иегова, кала ԥэнэнас и молитвы анда вся оди. Например, андо Гефсиманско садо англа пэстири смэрть, о Иисусо андэ молитва каринг о Иегова ԥэндя: «А́вва, Дадэ» (Марка 14:36).
Андэ кодэя жэ энциклопедия май англэ ԥэнэнаспэ: «О алав а́вва, сар алав, савэса взвинпэ каринг о Дэл, фартэ ридко пистрояспэ андэ еврейско литература андэ греко-римско время. Када, май йто всаворэстар, важ кода, кай тэ взвинпэ каринг о Дэл кацавэ алавэса ашэля фартэ най пативалэс». Но «о Иисусо... ԥэнэнас кадэва алав андэ молитва и кадэлэса сыкавэлас, кай во фартэ пашэ лэ Дэвлэса». Андэ дуй авэр моменторя о алав «авва» пистромэ андэ лэ Павлостирэ письморя. Вижал, кай и пэрви христианоря тожэ ԥэнэнас о алав «авва» андэ молитвы (Римлянам 8:15; Галатам 4:6).
(Галатам 6:17) Акана мэк нико на терэл, кай мэ тэ на пэрэжываю, важ кода кай пэ мэрни тила исин клеймо, кай мэ лэ Иисусоско рабо.
w10 1/11 15
Ай ту ӷанэс?
Пала со дэлас дума о апостало Павло, кала ԥэндя, кай пэ лэстири тила исин клеймо, кай во лэ Иисусоско рабо? (Галатам 6:17).
▪ Кодэла, ко жувэнас лэ Павлоса андэ ек время, моӷли кадэла алава тэ полэн най еқэндар. Например, андэ дэлмутни время о клеймо, саво сас виԥабардо састреса, сыкавэлас, кай о мануш обчордя о храмо, сас халавдо андо плено или рабо, саво унашля. Кацаво клеймо сас позоро.
Но най вся и время по клеймо диқэнас кадя найдраго. Андэ дэлмутни время бут мануша стонас о клеймо, кай тэ сыкавэн анда сави вонэ племя или религия. Например, сар пистромэ андэ ек словарё, «кай и сирийцоря о клеймо по вас или пэ кор, сыкавэлас, кай вонэ служын лэ дэвлэсти Ададу и ла боӷиняти Атаргатис. [...] И мануша, савэ тэлёнас лэ Дионисости, ԥиравэнас клеймо, саво сас сар листо плюща» (Theological Dictionary of the New Testament).
Бут библиисторя гиндон, кай о Павло дэлас дума пала шраморя пэ пэстири тила, савэ ашэлэпэ посли кода, сар лэс марэнас, кала во сас андэ мисианерско служэния (2 Коринфянам 11:23—27). Но, май йто всаворэстар, о Павло дэлас дума най пала варисаво знако, саво дицол, ай пала кода, сар во андярэл и жызня, сави сыкавэлас, кай во христианино.
10—16 ИЮНЯ
СОМНАК АНДА БИБЛИЯ | ЭФЕСЯНАМ 1—3
«О Иегова диқэл пала дила»
(Эфесянам 1:8, 9) Во фартэ бут дя амэнди кадэва лашимос андэ вся мудрость и андэ кода, кай вся полэл, 9 кала дя амэнди тэ ӷанас и свынто тайна пала кода, со во камэл. Кадэя тайна сжалпэ лэстирэ лашимаса, саво во екжэно загиндосардя,
it «Священная тайна», подзаг. «Мессианское Царство»
Свынто тайна
Лэ Христоско Царство. Андэ пэстирэ письморя о апостало Павло драго росԥэнэн важ и свынто тайна пала Христос. Андэ Эфесянам 1:9—11 о Павло росԥэнэн пала кода, кай о Дэл дя тэ ӷанас «и свынто тайна пала кода, со во камэл», и инке ԥэнэн: «Кадэя тайна сжалпэ лэстирэ лашимаса, саво во екжэно загиндосардя, кай тэ диқэл пала дила, кала прожала и время, сави во стодя, кай тэ стидэл вся андо Христос, вся, со по нэбо и со пэ ԥув. Да, андэр лэстэ, еқэҭанэ савэса и амэнди динэ кода, со и лэсти. Амэн витидя важ пэстири цэль кодэва, ко терэл кадя, сар загиндосардя и закамля». Андэ кадэя «свынто тайна» ужал лэ Дэвлэско правительство, лэ Христоско Царство. Кода, «со по нэбо», сыкавэл лэ манушэн, савэ еқэҭанэ лэ Христоса правина андо Царство по нэбо. Ай кода, «со пэ ԥув», сыкавэл лэ манушэн, савэ жувэна пэ ԥув, кала правия кадэва Царство. Кала о Иисусо дя дума пэстирэ учениконэнца, во шутя сама, кай андэ свынто тайна ужал о Царство. Во ԥэндя: «Тумэнди динэ тэ полэн и свынто тайна лэ Дэвлэстирэ Царствости» (Марка 4:11).
(Эфесянам 1:10) кай тэ диқэл пала дила, кала прожала и время, сави во стодя, кай тэ стидэл вся андо Христос, вся, со по нэбо и со пэ ԥув. Да, андэр лэстэ,
w12 15/7 27—28, абз. 3, 4
О Иегова стидэл пэско ери
3 О Моисеё ԥэндя лэ израильтянонэнди: «Амаро Дэл о Иегова, ек Иегова» (Второзаконие 6:4). Кода, со терэл о Иегова, никала на росжалпэ кодэлэса, со во загиндосардя. Кадя, «кала прожала и время, сави во стодя», о Дэл ля «тэ диқэл пала дила», кай тэ стидэл вмести лэ анӷелонэн и лэ манушэн, савэн во создал. (Адиносар Эфесянам 1:8—10.) Кай када тэ авэл, трэбуй акэ со. Пэрво, стидэлпэ и собрания анда памазаникоря каринг и жызня по нэбо тала лэ Христостири правления. Када ля тэ терэлпэ андэ Пятидесятница андо 33 бэрш лэ Иисусостар, кала о Иегова ля тэ стидэл кодэлэн, ко лэла тэ правий еқэҭанэ лэ Христоса по нэбо (Деяния 2:1—4). Кадя сар и памазаникоря ашэлэ праведни важ и жызня через лэ Христостири жэртва, вонэ анда оди прижанэн, кай вонэ сар «лэ Дэвлэстирэ бэятцэ» (Римлянам 3:23, 24; 5:1; 8:15—17).
4 Дуйто, стидэнпэ кодэла, ко лэла тэ жувэл андо Раё пэ ԥув тала лэ Христоско Царство. «Фартэ бут мануша», када пэрво часть анда кадэя ӷруппа (Откровение 7:9, 13—17; 21:1—5). Андэ время, кала лэ Дэвлэско Царство правия тысяча бэрш, кадэлэ манушэнца еқэҭанэ авэна и кодэла миллиардоря мануша, савэн о Дэл рия каринг и жызня (Откровение 20:12, 13). Представь, сар амэ ладисараса ек еқэса, кала и мануша лэна тэ ринпэ каринг и жызня! Кала прожана и тысяча бэрш, важ «вся... со пэ ԥув» о Дэл домэкэла послиднё ԥаримос. Кодэла, ко ашэнапэ кандинэ, авэна сар «лэ Дэвлэстирэ бэятцэ» пэ ԥув (Римлянам 8:21; Откровение 20:7, 8).
Виарақас сомнак анда Библия
(Эфесянам 3:13) Важ када мангав тумэн, на умэкэн и вас через мэрно ԥаримос ради тумэндэ, важ кода кай во, када тумари слава.
Мэк нисо нэ помешает, кай тумэндэ тэ авэл слава.
15 Кода, кай амэ на парашас тэ терас кадя, сар камэл о Иегова, поможый аврэнди, кай лэндэ тэ авэл слава. О Павло пистросардя ла собранияти андо Эфесо: «Мангав тумэн, на умэкэн и вас через мэрно ԥаримос ради тумэндэ, важ кода кай во, када тумари слава» (Эфесянам 3:13). Сар лэ Павлоско ԥаримос сас важ и эфесяноря «слава»? Кода, кай о Павло камэлас и май дур тэ служый лэ ԥралэнди андо Эфесо, дажэ кала фартэ ԥарэс, сыкадя лэнди, кай тэ авэс христианино и тэ служыс лэ Дэвлэсти, када фартэ бари честь. Если бы о Павло тэ сдэлпэ через о ԥаримос, тоди на сыкадоп када лэ эфесянонэнди, кай лэндири дружба лэ Иеговаса, лэндири служэния и лэндири надежда на сас фартэ куч? Кода, сар о Павло виритярэлас о ԥаримос, сыкавэлас, кай кода, сости сытярэнас и христианоря, ашэл, кай тэ жас пэ вся.
(Эфесянам 3:19) и уӷанглэ лэ Христостири любовь, сави май бари кодэлэстар, со ӷанэн, кай тумэндэ тэ авэл вся, со дэл о Дэл.
cl 299, абз. 21
«Тэ уӷанэн лэ Христостири любовь»
21 О греческо алав, саво пэрэандярдэ сар «тэ уӷанэн», сыкавэл тэ уӷанэс «пэ дила, пэ пэстири жызня». О Иисусо сыкавэлас пэстири любовь каринг и мануша, кала отдэлас пэско зор, кай тэ поможый аврэнди и пала када нисо на аштярэлас. Кадяжэ во жалуияс анда оди лэ манушэн и дэлас кода, со лэнди сас трэбуй и простияс лэн анда вся оди. Кала амэ сыкавас пэстири любовь кадя жэ сар и о Иисусо, амэ можэм тэ полас, со па чачимастэ лэстэ по ди. Кадя амэ пэ пэстири жызня уӷанас «лэ Христостири любовь, сави май бари кодэлэстар, со ӷанэн». Давайте вся и время тэ сэрас, кай со май бут амэ ласа тэ шаспэ по Христос, тоди со май пашэ амэ аваса каринг кодэва, пэр кастэ точно шоласпэ о Иисусо, када амаро любящё Дэл, о Иегова.
17—23 ИЮНЯ
СОМНАК АНДА БИБЛИЯ | ЭФЕСЯНАМ 4—6
«Лэн пэр пэстэ вся и йда лэ Дэвлэстар, кай тэ марэнпэ»
(Эфесянам 6:11—13) Лэн пэр пэстэ вся и йда, сави тумэнди дя о Дэл, кай тэ марэнпэ. Кай тумэ састэс тэ тердён против лэ Сатанаско хохаимос, савэса во жал пэр тумэндэ 12 Важ кода кай амэ мараспэ най кодэлэнца, кастэ исин и тила и о рат, но против и бэнга, савэ по нэбо, савэ исин правителёря, хулая, савэ правин андэ вся кадэва миро, саво андэ тэмнота. 13 Важ када лэн пэр пэстэ вся и йда, сави тумэнди дя о Дэл, кай тэ марэнпэ, кай андо найлашо дес, тумэ тэ сможэте тэ жан против и, кала вся драго стерэна, тэ виритярэн.
Шавэ и щея, тердён против Сатана!
О АПОСТОЛО Павло ԥэндя пала христианоря, кай вонэ андэ дэсо шонпэ пэ римски воиноря. Амэ мараспэ андэ война. И хоть амарэ вороӷонэн на дицол, вонэ па чачимастэ исин. Амэ мараспэ най лэ манушэнца, амэ мараспэ лэ Сатанаса и лэ бэнгэнца. Вонэ фартэ лашэ воиноря. Вонэ терэн найлашимос фартэ бут бэрша. И важ када амэнди дэкала здэлпэ, кай амэ на вицэласа кадэя война. Ай лэ тэрнэ манушэнди када здэлпэ инке май фартэ. Ай вижала тэ вицэлэн кай и тэрнэ мануша и война кай кадэла фартэ холинатирэ и хохавнэ вороӷоря? Да, вижала. И тэрнэ мануша уже вицэлэн и инке вицэлэна май англэ. Васо лэндэ када вижал? Важ кода кай о Иегова дэл лэнди зор. Но када инке най вся. Сар и воиноря, савэн драго сытярдэ, лэн пэр пэстэ и йда, кай тэ марэнпэ, кадя же и тэрнэ мануша лэн пэр пэстэ вся и йда, сави лэнди дя о Дэл, кай тэ марэнпэ. (Адиносар Эфесянам 6:10—12.)
(Эфесянам 6:14, 15) И акэ, тердён андо чачимос, саво заԥангло, сар и кущик, и лэн по колин и чачунэ законоря, сар о гад анда састри. 15 И лэн пэ пэрнэ, кай тэ авэл тумэндэ, со тэ росԥэнэн пала лащи весть важ о лашимос.
w18.05 22, абз. 4; 23, абз. 7; 24—25, абз. 10
Шавэ и щея, тердён против Сатана!
4 Сар и кущик, о чачимос анда лэ Дэвлэско алав фэрий амэн. Состар фэрий? Кодэлэстар, сости сытярэн и хохавнэ веры (Иоанна 8:31, 32; 1Иоанна 4:1). Сар амэ май фартэ любисарас о чачимос анда лэ Дэвлэско алав, тоди амэнди май вушэро авэла тэ ритярас лэ Дэвлэстирэ законоря. Када сар тэ ԥиравас «по колин и чачунэ законоря» (Псалом 111:7, 8; 1 Иоаннна 5:3). Инке, сар амэ май драго полас о чачимос анда Библия, амэ май драго зашаспэ пала кадэва чачимос англа амарэ вороӷоря (1 Петра 3:15).
7 Чачунэ лэ Дэвлэстирэ законоря фэрин кода, со амэндэ андо ди (Притчи 4:23). О воино никала на парудоп о гад анда састри по гад, саво стердо анда варисо най кацаво састо. Кадяжэ и амэ никала на паруваса лэ Дэвлэстирэ чачунэ законоря пэ пэстирэ. Амэндэ нинай скати годи, сар кай о Иегова и важ када амарэ законоря на фэрина амэн кадя, сар лэ Иеговастирэ (Притчи 3:5, 6). Важ када амэнди трэбуй кажно разо тэ продиқас, фэрисардо амаро ди лэ гадэса анда састри, саво дя о Иегова чи най.
10 Кода, со лэнас пэ пэрнэ и римски воиноря, поможыяс лэнди тэ вицэлэн и война. И христианоря, ԥэнэса, кадяжэ лэн пэ пэрнэ, сар и римски воиноря. Када лэнди поможый тэ росԥэнэн пала лащи весть важ о лашимос (Исаия 52:7; Римлянам 10:15). Но всаек лэнди трэбуй сас тэ на даран тэ росԥэнэн о чачимос важ о Дэл. Акэ, со ԥэнэн о Бо, савэсти 20 бэрш: «Варикала мэ даравас тэ росԥэнав важ о Дэл кодэлэнди, каса мэ сытювавас андэ школа. Манди сас лажаво. Акана мэ полав, кай най состар сас тэ лажав и манди чалёл тэ росԥэнав важ о Дэл кодэлэнди, каса сытював».
(Эфесянам 6:16, 17) Но май англал, патян лэ Иеговасти, када тумаро баро щито, савэса тумэ одмарэна всаворэ лэ Сатанастирэ стрелы ягаса 17 Кадяжэ лэн и саструни стади, кай тэ фэринпэ и лэ духоско мечо, када лэ Дэвлэско алав,
w18.05 25, абз. 13, 16; 26, абз. 20
Шавэ и щея, тердён против Сатана!
13 О Сатана мэкэл андар мэндэ и стрелы ягаса. Со када? Када о хохаимос важ о Иегова. О Сатана камэл, кай тумэ тэ гиндон, кай о Иегова тумэн на любий и кай тумэ екжэнэ и никасти на трэбуй. И Ида, савяти 19 бэрш гиндояс, кай вой екжэни и никасти на трэбуй. Акэ, со вой росԥэнэн: «Мэ гиндосаравас, кай лэ Иеговас нинай паша мандэ и кай во на камэл тэ авэл мэрнэ друӷоса». Со лати дэл зор? Вой ԥэнэн: «И собрании манди фартэ дэн зор. Варикала мэ ашавас мулком пэ собрания. Манди здэласпэ, кай нико на камэл тэ ашунэл, со мэ гиндосарав. Акана мэ гиндосарав, со ԥэнава пэ собрания и ваздав о вас пэ собрания най еқвар. Када найвушэро, но манди фэдэр, кала мэ када терав. Ай сар ман подритярэн и ԥрала и ԥэя! Сар прожал и собрания, мэ лэ одеса полав, кай о Иегова ман любий».
16 И саструни стади фэрияс лэ воиноско шэро. Кадяжэ, кала амэ аштярас англэ о лашимос, када фэрий и мудрость, сави амэндэ исин и сави трэбуй важ и амари жизня (1 Фессалоникийцам 5:8; Притчи 3:21). Кала аштярас о лашимос, када дэл зор тэ на умэкас и вас и тэ на бистрас пала алава, савэ дя о Дэл (Псалом 27:1, 14; Деяния 24:15). Но, кай и саструни стади тэ фэрий амэн, амэнди трэбуй ла тэ ԥиравас по шэро, ай най андэ вас.
20 О Павло ԥэндя, кай лэ Дэвлэско алав, сар о мечо, саво дя амэнди о Иегова. Но амэ пэстиря ригатар трэбуй драго тэ ӷанас, савэ стихоря тэ ԥэрнавас. Кадяжэ трэбуй драго тэ ӷанас тэ росԥэнас пар лэндэ, кай тэ зашаспэ пала кода, андэр со патяс чи тэ парувас кода, со амэ най кадя полас (2 Коринфянам 10:4, 5; 2 Тимофею 2:15). Со амэ терас, кай када май драго тэ вижал? Акэ, со ԥэнэн о Себастиано, савэсти 21 бэрш: «Кала мэ адиносарав и Библия, мэ випистросарав анда кажно ӷлава по ек стихо. Кадя мэ стидав и стихоря, савэ манди фартэ чалён. Через када мэ май драго полав, сар гиндой о Иегова». Акэ, со ԥэнэн о Дэниело, пала саво сас пистромэ май англал: «Кала мэ адиносарав и Библия, мэ родав и стихоря, савэ па мэрнятэ дэна зор кодэлэнди, касти мэ росԥэнав важ о Дэл. Мэ полэм, кай и мануша май драго ашунэн, кала диқэн, кай тути чалёл тэ дэс дума пала Библия и кай ту стос зор, кай тэ поможыс лэнди».
Виарақас сомнак анда Библия
(Эфесянам 4:30) И на холярэн лэ Дэвлэско свынто духо, савэса пэр тумэндэ стодэ печать важ кодэва дес, андэ саво освободин через о выкупо.
it «Святость», подзаг. «Святой дух»
Свынто
Свынто духо. Лэ Иеговаско зор или лэско духо, кандэл лэс и вся и время терэл кода, со камэл о Дэл. Кадэва духо вужо андэ вся, свынто и отделимэ, кай тэ терэл лэ Дэвлэстири воля. Акэ васо пэр лэстэ ԥэнэн «свынто духо» (Псалом 51:11; Луки 11:13; Римлянам 1:4; Эфесянам 1:13). Кала о свынто духо влияет по мануш, во поможый лэсти тэ терэл вся, кай тэ авэл свынто или вужо. Но кала о мануш присытеля тэ терэл варисо найлашо или найвужо, тоди во жал против кадэва духо и холярэл лэс (Эфесянам 4:30). Хоть о свынто духо, када най анӷело или мануш, андэр лэстэ дицол свынто лэ Дэвлэстири личность, важ када о свынто духо можно тэ холярэс. Если о мануш присытеля тэ терэл варисо найлашо, тоди во можэт тэ мударэл «лэ духостири яг» (1 Фессалоникийцам 5:19). И если о мануш на парашэл тэ терэл кадя, сар присытеля, то во можэт тэ холярэл лэ Дэвлэско свынто духо, и тоди о Дэл ашэла враӷоса кацавэ манушэсти, саво жал против (Исаия 63:10). Кодэва, ко холярэл о свынто духо, можэт дажэ тэ ԥэнэн найлашэ алава пэр лэстэ и кадэлэса тэ терэл бэзэх, саво, сар ԥэндя о Иисусо, на простияпэ «ни андэ кадэя время, ни андэ время, сави авэла» (Матфея 12:31, 32; Марка 3:28—30; см. ДУХ).
(Эфесянам 5:5) Тумэ ӷанэн када и драго полэн, кай ни еқэ манушэсти, саво терэл билажавардимос, саво най вужо или саво чорымаско, со сыкавэл, кай во тэлёл хохавнэ дэвлэнди, на дэна нисо андэ лэ Христоско и лэ Дэвлэско царство.
it «Жадность», подзаг. «Проявляется в делах»
Чорымаско
Дицол па дила. Лэ манушэс, саво чорымаско, дицола па кода, кай во терэл нэправильно и фартэ бут камэл. Андэ пэско письмо о Иаково ԥэнэн, кай кода нэправильно, со камэлпэ лэ манушэсти, анэн каринг о бэзэх (Иакова 1:14, 15). Вижал, о чорымаско мануш дицол па дила. О апостало Павло сыстой лэ манушэс, саво чорымаско, манушэса, саво тэлёл хохавнэ дэвлэнди (Эфесянам 5:5). Кала лэ манушэсти, саво чорымаско фартэ варисо камэлпэ, важ лэстэ кода, со во камэл, ашэл сар дэл, саво важ лэстэ май важно, чем кода, кай тэ тэлёл и тэ служый лэ Создателёсти (Римлянам 1:24, 25).
24—30 ИЮНЯ
СОМНАК АНДА БИБЛИЯ | ФИЛИППИЙЦАМ 1—4
«Ни пала со нэ пэрэжывайте»
(Филиппийцам 4:6) Ни пала со нэ пэрэжывайте, ай важ вся росԥэнэн лэ Дэвлэсти андэ молитва и анда вся оди мангэн и блаӷодарин лэс.
w17.08 10, абз. 10
О Дэл дэл «миро андо ди, саво май баро чем всаворэ гиндоря»
10 Со поможыя тути ни пала со тэ на пэрэжываеш и кай о Дэл тэ дэл тути «миро андо ди»? Анда кода, со о Павло пистросардя андэ Филиппы, дицол, кай и молитва поможый тэ на пэрэжываеш. Важ када, кала тути ԥарэс кодэлэстар, кай ту пэрэжываеш, трэбуй андэ молитва тэ росԥэнэс пала када лэ Дэвлэсти. (Адиносар 1 Петра 5:6, 7.) Росԥэн лэ Иеговасти кода, пала со ту пэрэжываеш и патя, кай во пала вся диқэла. Мангпэ лэсти анда вся оди и на бистэр пала кода, со во ужэ стердя важ тутэ. Ту лэса инке май фартэ лэсти тэ патяс, если лэса тэ сэрэс, кай во «можэт тэ стерэл май бут всаворэстар, пала со амэ мангас или можэм кати тэ погиндосарас» (Эфесянам 3:20).
(Филиппийцам 4:7) Тоди о Дэл дэла тумэнди миро андо ди, саво май баро чем всаворэ гиндоря и фэрия тумаро ди и годи через о Иисус Христос.
w17.08 10, абз. 7
О Дэл дэл «миро андо ди, саво май баро чем всаворэ гиндоря»
7 Кала и ԥрала анда Филиппы проадиносардэ лэ Павлоско письмо, вонэ вспомнили кода, со лэнца сас андэ лэнго форо. Нико тоди на аштярэлас, кай вся кадя авэла. Саво гиндо о Павло камэлас тэ пэрэдэл лэнди? Во камэлас, кай вонэ тэ на пэрэжывают. Лэнди трэбуй сас тэ мангэнпэ, кай о Дэл тэ дэл лэнди «миро андо ди». Но шу сама, кай миро андо ди «май баро чем всаворэ гиндоря». Со када сыкавэл? Дэсавэ переводчикоря пистрон кадэла алава кадя, «май баро всаворэстар, со о мануш камэл», «май баро всаворэстар, со о мануш камэл тэ стерэл или со о мануш загиндосардя». О Павло ԥэнэн пала кода, кай «миро андо ди», саво дэл о Дэл, пэ бутэстэ май райкано, чем амэ можэм пэсти тэ представим. Дэкала тути можэт тэ здэлпэ, кай ужэ най каринг тэ терэспэ, но о Иегова кадя на гиндой и во можэт тэ стерэл кадя, сар ту и на аштярэсас. (Адиносар 2 Петра 2:9.)
w17.08 12, абз. 16
О Дэл дэл «миро андо ди, саво май баро чем всаворэ гиндоря»
16 Со терэлпэ, кала о Дэл дэл амэнди «миро андо ди, саво май баро чем всаворэ гиндоря»? Андэ Филиппийцам 4:7 пистромэ, кай во «фэрия тумарэ одя и годя через о Иисус Христос». О греческо алав, саво пэрэандярдэ сар «фэрия», сыкавэл алав, саво ԥэнэнас машкар и халавдэ, савэ фэринас и фороря. Ек анда кацавэ фороря сас Филиппы. И рят и мануша андэ кадэва форо моӷли тэ совэн спокойно, важ кода кай ӷанэнас, лэн драго фэрин. Кадяжэ, кала о Дэл дэл амэнди «миро андо ди», амари годи и оди спокойни. Амэ патяс, кай о Иегова любий амэн и камэл, кай амэ тэ авас па чачимастэ бахталэ (1 Петра 5:10). Када фэрий амэн, кай амэ тэ на пэрэжываем или тэ на умэкас и вас.
Виарақас сомнак анда Библия
(Филиппийцам 2:17) И дажэ если мэ, вишавпэ, сар о пимос, саво анэн андэ жэртва, пэ служэния важ о народо, каринг сави тумэн андя и вера, мэ лошавав и радосавав всаворэнца тумэнца.
it «Приношения», подзаг. «Питьевые приношения»
Жэртвы
О пимос, саво анэн андэ жэртва. О пимос анэнас вмести бутэ аврэ жэртвэнца, особенно посли кода, сар и израильтяноря линэ тэ жувэн андэ Обетованно ԥув (Числа 15:2, 5, 8—10). Када сас вино («крепко напитко»), саво вишонас по жэртвенико (Числа 28:7, 14; сыстосар Исход 30:9; Числа 15:10). О апостало Павло пистросардя лэ христианонэнди андэ Филиппы: «Если мэ, вишавпэ, сар о пимос, саво анэн андэ жэртва, пэ служэния важ о народо, каринг сави тумэн андя и вера, мэ лошавав». По примеро важ о пимос, саво анэн андэ жэртва, во сыкавэл, кай ӷотово тэ отдэл пэстири жызня, кай лэ ԥралэнди тэ авэл драго (Филиппийцам 2:17). Англа кода, сар тэ мэрэл, о Павло пистрояс лэ Тимофеёсти: «Мэ ужэ вишавпэ, сар о пимос, саво анэн андэ жэртва, и пашэ кодэя время, кала мэ ашава свободно» (2 Тимофею 4:6).
(Филиппийцам 3:11) и тэ диқав, на домардювава ли мэ хоть варисар, кай тэ авав машкар кодэла, кас пэрвонэн рина каринг и жызня.
w07 1/1 26, абз. 5
Лэ пэрвонэн ужэ рин каринг и жызня!
5 Дуйто, и памазани христианоря анда «лэ Дэвлэско Израилё», трэбуй тэ авэн еқэҭанэ лэ Христоса каринг и слава по нэбо и вонэ «вся и время авэна лэ Ӷосподоса» (Галатам 6:16; 1 Фессалоникийцам 4:17). Пэ када ԥэнэн «кодэла, кас пэрвонэн рина каринг и жызня» и «кодэла, кас спэрва рина каринг и жызня» (Филиппийцам 3:10, 11; Откровение 20:6). Кала кадэя время закончица, авэла и время важ и милионоря мануша, савэн о Дэл рия каринг и жызня, кай тэ жувэн вечно андо Раё пэ ԥув. Вижал, аштярас амэ англэ о лашимос по нэбо или катэ пэ ԥув, амэнди всаек интересно и время, кала лэ пэрвонэн рин каринг и жызня. Сави када время? Кала када терэлпэ?