Источникоря важ и тетрадка, кай тэ сытювас «Дром и служэния»
2—8 СЕНТЯБРЯ
СОМНАК АНДА БИБЛИЯ | ЕВРЕЯМ 7, 8
«Рашай пэ вся и вечность, кацаво жэ, сар о Мелхиседеко»
(Евреям 7:1, 2) Кадэва Мелхиседе́ко, лэ Салимоско царё, о рашай лэ Всевышнёнэ Дэвлэско, вижыля, кай тэ диқэл лэ Авраамос, саво рияспэ посли кода, сар победисардя лэ царёнэн, и блаӷослависардя лэс. 2 И лэсти о Авраамо дя десято часть анда вся, со лэстэ сас. Спэрва важ кода, кай о алав «Мелхиседеко» значит «Царё важ и праведность», ай тоди и важ кода, кай во лэ Сали́моско царё, саво значит «Царё, кай тэ авэл мирно».
it «Мелхиседек», абз. 1, 2
Мелхиседеко
О царё анда дэлмутно форо Салимо и «рашай лэ Всевышнёнэ Дэвлэско», лэ Иеговаско (Бытие 14:18, 22). О Мелхиседеко, када пэрво рашай, пала саво пистромэ андэ Писания. Сар рашай во служыяс жы каринг о 1933 бэрш жы кай И. Х. Важ кода кай о Мелхиседеко сас царё андо Салимо, саво значит «мирно», о апостоло Павло ԥэнэн пэр лэстэ «Царё, кай тэ авэл мирно». Ай кадяжэ во ԥэнэн пэр лэстэ па лэско алав, саво значит «Царё важ и праведность» (Евреям 7:1, 2). Ԥэнэн, кай о дэлмутно Салимо, када сас ҭан, пэ саво потом построисардэ о форо Иерусалимо. О алав «Салимо» ужал андо алав «Иерусалимо», ай дэкала по Иерусалимо ԥэнэн Салимо (Псалом 76:2).
Посли кода, сар о Аврамо (Авраамо) победисардя лэ царёс, савэс ақарэнас Кедорлаомеро, и аврэ царёнэн, во авеля андэ долина Шаве, или «Царско долина». Кордэ о Мелхиседеко «андя о марно и о вино», и котэ во блаӷословисардя лэ Авраамос. Во ԥэндя: «Мэк блаӷословий лэ Аврамос о Всевышнё Дэл, Кодэва, ко стердя о нэбо и ԥув, и мэк хвалин лэ Всевышнёнэ Дэвлэс, саво отдя тирэ враӷонэн андэ тирэ вас!» Тоди о Авраамо дя кадэлэ царёсти и рашасти «и десято часть» анда вся кода, со заля лэ царёнэндар, кала победисардя лэн (Бытие 14:17—20; Евреям 7:4).
(Евреям 7:3) Нисо най запистромэ ни важ лэско дад, ни важ лэстири дэй, ни важ лэстирэ ԥурэ, ни пала кода, кала во арақаделяпэ и кала муля. Кадэлэса, во шолпэ по лэ Дэвлэско Шаво и ашэлпэ рашаса пэ вечность.
it «Мелхиседек», подзаг. «В каком смысле Мелхиседек не имел „ни начала дней, ни конца жизни“?», абз. 1
Мелхиседеко
Сар тэ полас и алава, кай нисо на ԥэнэнпэ пала кода, кала о Мелхиседеко арақаделя и кала муля?
Кала о Павло дэлас дума важ о Мелхиседеко, во шутя сама пэ ек интересно маменто: «Нисо най запистромэ ни важ лэско дад, ни важ лэстири дэй, ни важ лэстирэ ԥурэ, ни пала кода, кала во арақаделя и кала муля. Кадэлэса, во шолпэ по лэ Дэвлэско Шаво и ашэлпэ рашаса пэ вечность» (Евреям 7:3). Сар и всаворэ мануша, о Мелхиседеко арақаделя и муля. Но андэ Библия на ԥэнэнпэ, сар ақарэнас лэстирэ родителёнэн. Андэр латэ кадяжэ нисо на ԥэнэнпэ ни важ лэстирэ ԥурэ, ни важ и потомкоря, ни пала кода, кала во арақаделя и кала муля. Вижал, о Мелхиседеко сас кодэва, ко шоласпэ по Иисус Христос, саво служый рашаса вечно. Сар дицол анда Писания, нико на сас рашаса жы кай о Мелхиседеко и на сас посли лэстэ. Кадя и лэ Христоса, жы каринг лэстэ на сас кацаво жэ, сар во само баро рашай и, сар запистромэ андэ Библия, нико на авэла пэ лэско ҭан. О Иисусо арақаделя андэ лэ Иудастири племя и сас анда лэ Давидоско потомство, важ када па родо во на ашэлоп рашаса. И кай во и рашай и царё, тожэ на сас кодэлэстар, анда саво во родо. Вся када лэстэ сас важ кода, кай о Иегова лэсти солахадя.
(Евреям 7:17) Важ кода кай сас ԥэндо: «Ту рашай пэ вся и вечность, кацаво жэ, сар о Мелхиседе́ко».
it «Мелхиседек», подзаг. «Прообраз Христа как священника»
Мелхиседеко
Рашай, саво шоласпэ по Христос. Андо ек важно пророчество пала Христос о Иегова солахадя лэ Давидостирэ «Ӷосподости»: «Ту рашай пэ вся вечность, кацаво жэ, сар о Мелхиседеко!» (Псалом 110:1, 4). Кадэва псалом, саво запистромэ через о свынто духо, поможыяс лэ евреёнэнди тэ патян, кай о Христос, пала саво о Дэл дя алав, трэбуй тэ авэл и рашаса и царёса. Кода, со ԥэнэнпэ андэ книӷа Евреям, дэл точно тэ полас, пала кастэ жал и дума андэ кадэва пророчество. О апостоло Павло ԥэнэн пала «Иисусо, саво пэ вечность ашэля само барэ рашаса, кацаво жэ, сар о Мелхиседеко» (Евреям 6:20; 5:10; дик СОГЛАШЕНИЕ).
Виарақас сомнак анда Библия
(Евреям 8:3) Любо само баро рашай, столпэ, кай тэ анэн дароря и жэртвы, важ када и лэстэ екжэнэстэ трэбуй тэ авэл, со тэ анэн.
w00 15/8 14, абз. 11
И жэртвы, савэ чалёнас лэ Дэвлэсти
11 О апостоло Павло ԥэнэн: «Любо само баро рашай, столпэ, кай тэ анэн дароря и жэртвы» (Евреям 8:3). Шам сама, кай, кала о Павло ԥэнэнас важ и жэртвы, савэ трэбуй сас тэ анэн о само баро рашай андо Израилё, во ԥэндя пала «дароря» и пала «жэртвы», или «жэртвы важ о бэзэх» (Евреям 5:1). Кодэлэса, кай дарин и подаркоря, сыкавэн и любовь и блаӷодарность. О мануш лэн дарий, кай варико тэ шол сама пэр лэстэ, кай варикасти тэ чалёл или кала камэл варикаса тэ дружый (Бытие 32:20; Притчи 18:16). Кадяжэ пэ бут жэртвы анда кодэла, пала савэ ԥэнэнаспэ андо Законо, можно тэ ԥэнас «дароря» важ о Дэл, савэ и мануша анэн, кай во тэ шол сама пэр лэндэ и кай тэ чалён лэсти. Кодэла, ко жанас против Законо, трэбуй сас тэ рин кода, со римосардэ, и важ када лэнди трэбуй сас тэ анэн «и жэртвы важ о бэзэх». Андэ пэрви панч книӷи андэ Библия, особенно андэ книӷи Исход, Левит и Числа, пистромэ пала бут разни жэртвы. Тэ полас и тэ сэрас вся, со пала лэндэ пистромэ, найвушэро, но пэ важни маменторя важ дэсавэ жэртвы трэбуй тэ шас сама.
(Евреям 8:13) Кала во ԥэнэн «нэво доӷоворо», во терэл, кай о пэрво тэ ашэл пурано. Акана кода, со пурано и со пуравэл, йто на авэла.
it «Соглашение», подзаг. «Как соглашение Закона стало „отжившим“?»
Доӷоворо
Сар о доӷоворо пала Законо ашэля «пурано»?
О доӷоворо пала Законо андэ дэсаво смысло ашэля «пурано», кала через о пророко Иеремия о Дэл ԥэндя, кай авэла нэво доӷоворо (Иеремия 31:31—34; Евреям 8:13). Андо 33 бэрш лэ Иисусостар о доӷоворо пала Законо будэр на трэбуй сас, важ кода кай о Христос муля по столбо, и акана ашэля нэво доӷоворо (Деяния 2:1—4; Колоссянам 2:14; Евреям 7:12; 9:15).
9—15 СЕНТЯБРЯ
СОМНАК АНДА БИБЛИЯ | ЕВРЕЯМ 9, 10
«Тень лэ лашимастар, саво авэла англэ»
(Евреям 9:12—14) Во зажыля андо свынто ҭан, но най лэ бузнэндирэ и лэ гуруворэндирэ ратэса, ай зажыля пэстирэ ратэса, и кадэлэса витиндя амэн пэ вечность. 13 И рашая лэн о рат лэ бузнэнго и лэ гурувэнго, и обшон лэ пеплоса тэрня гурувняко, кодэлэн, ко ашэля найвужо, кай вонэ тэ авэн вужэ англа лэ Дэвлэстирэ яқа. 14 Тоди пэ скати жэ май баро лэ Христоско рат, саво о Христос, сар кодэва, ко на стердя нисаво найлашимос, через о свынто духо андя пэс андэ жэртва лэ Дэвлэсти, кай через о рат амари совесть тэ авэл вужи ла найлащя дилатар, кай амэ тэ терас свынто служэния лэ жундэ Дэвлэсти!
it «Прощение», абз. 6
Простин
Андо Законо, саво о Дэл дя лэ Израилёсти, ԥэнэнаспэ, со трэбуй сас тэ терэл о мануш, саво стердя бэзэх против о Дэл или против авэр мануш. Кай тэ простийпэ о бэзэх, спэрва во трэбуй сас па Законо тэ исправит кода, со най кадя стердя, ай тоди, обычно трэбуй сас, тэ анэн лэ Иеговасти о рат андэ жэртва (Левит 5:5—6:7). Важ када о Павло запистросардя принцыпо: «Чаче, почти вся па Законо ашэл вужо через о рат, и би ратэско нисо на простийпэ» (Евреям 9:22). Но па чачимастэ о рат лэ жывотнонэнго, савэн анэнас андэ жэртва, нэ моӷ тэ улэл о бэзэх и полностью тэ стерэл, кай лэ манушэстири совесть тэ авэл вужи (Евреям 10:1—4; 9:9, 13, 14). Но через о «нэво доӷоворо», пала саво сас ԥэндо, лэ манушэнди па чачимастэ моӷут тэ простин и ӷрехоря, важ кода кай о Иисусо отдя пэстири жызня, сар выкупо (Иеремия 31:33, 34; Матфея 26:28; 1 Коринфянам 11:25; Эфесянам 1:7). Кала о Иисусо инке сас пэ ԥув, во сыкадя, кай лэстэ исин власть тэ простий и ӷрехоря, кала исцэлисардя лэ манушэс, саво сас парализованно (Матфея 9:2—7).
(Евреям 9:24—26) Важ кода кай о Христос зажыля най андо свынто ҭан, саво стердэ лэ манушэндирэ вас и саво шолпэ по чачуно, но андо нэбо, кай акана тэ авэл англа Дэл важ амэндэ. 25 И най важ кода, кай бут разоря тэ анэн пэс андэ жэртва, кадяжэ, сар о само баро рашай кажно бэрш зажал андо свынто ҭан чужунэ ратэса. 26 Тоди лэсти прижылопэ бут разоря тэ пэрэандярэл о ԥаримос жы кодэла времятар, сар сас создано и люма. Но акана во сыкадя пэс еқвар и пэ вся вечность, пока пашол о часо, кала кадэя время будэр на авэла. Во стердя када, кай тэ улэл о бэзэх.
cf 183, абз. 4
«И май дур тер кадя, сар мэ»
4 Андэ Библия нисо най пистромэ пала кода, со сас, кала о Иисусо рисайля по нэбо. Например, сар лэс прилинэ и анӷелоря и сар во упалэ ашэля еқэҭанэ пэстирэ Дадэса. Но андэ Библия май англал сас пистромэ, со трэбуй тэ авэл по нэбо через и время, сар о Иисусо рияпэ каринг о Иегова. Май бут чем 1500 бэрш о израильско народо еқвар андо бэрш диқэлас, сар о само баро рашай андо Дес, кала витинэн и бэзэха, зажалас андо Свынто май анда свынти. Котэ о само баро рашай англа ковчеӷо шолас лэ жывотнонэнго рат, савэн анэнас андэ жэртва. Андэ кодэва дес во сыкавэлас, со стерэла о Христос. Посли кода, сар о Иисусо рисайля по нэбо, во еқвар и пэ вся время стердя кадя, сар терэласпэ андэ кодэва дес. Во авеля каринг о Иегова андо само баро и свынто ҭан по нэбо и андя лэ Дэвлэсти и цэмин пэстирэ ратэсти (Евреям 9:11, 12, 24). Приля ла о Дэл чи най?
(Евреям 10:1—4) О Законо, када тень лэ лашимастар, саво авэла англэ, но най екжэно о лашимос, важ када и мануша никала нэ моӷут через кодэла жэ жэртвы, савэ вонэ анэн бэрш бэршэстар, тэ стерэн совершэни кодэлэн, ко авэл. 2 Тоди хэба на парашэлоп тэ анэн и жэртвы? Важ кода кай кодэла, ко терэн и свынто служэния, ашэлоп вужэ пэ вся время и тоди вонэ ужэ на полиноп, кай вонэ ӷрешни. 3 Но кадэла жэртвы кажно бэрш дэн тэ сэрэн пала бэзэх, 4 важ кода кай о рат лэ гурувэнго и лэ бузнэнго на улэл о бэзэх.
it «Совершенство», подзаг. «Совершенство Моисеева закона», абз. 1
Совершенство
Совершэно лэ Моесеёско Законо. Андо Законо, саво сас дино лэ Израилёсти через о Моисеё, ԥэнэнаспэ пала лэ рашандири дила и кай анэнас лэ жывотнонэн андэ жэртвы. О Законо сас лэ Дэвлэстар и, вижал, сас совершэно. Но о апостоло Павло пистросардя, кай ни через о Законо, ни через лэ рашандири дила, ни через и жэртвы, кодэла, ко жувэнас па кадэва Законо, на ашэнас совершэни (Евреям 7:11, 19; 10:1). О Законо на одмэкэлас анда рабство лэ бэзэхэстар и ла смэртятар, ай инке май фартэ сыкавэлас о бэзэх (Римлянам 3:20; 7:7—13). Но всаек всаворэ кадэла законоря поможынас, кай тэ авэл кода, со камэлас о Дэл, кала во лэн дя. О Законо, сар учителё, андярэлас лэ манушэн каринг о Христос и сыкавэлас и совершэно «тень лэ лашимастар, саво авэла англэ» (Галатам 3:19—25; Евреям 10:1). Сар тоди тэ полас лэ Павлостирэ алава анда Римлянам 8:3, кай андо Законо сас кода, со во нэ моӷ тэ терэл, «важ кода кай и мануша найсовершэни»? Дицол, о Павло дэлас дума, кай о иудейско само баро рашай (саво па Законо диқэлас, кай трэбуй тэ анэн и жэртвы и андо Дес, кала витинэн и бэзэха, зажалас андо Свынто май анда свынти лэ ратэса анда жэртва) нэ моӷ полностью тэ спасый кодэлэн, касти во служыяс. Када можно тэ ԥэнас па алава анда Евреям 7:11, 18—28. Хоть и жэртвы, савэ анэнас через и рашая анда лэ Аароноско родо, поможынас лэ манушэнди тэ авэн лашэ англа лэ Дэвлэстирэ яқа, кадэла жэртвы полностью на терэнас, кай и мануша тэ бистрэн, кай вонэ ӷрешни. О апостоло сыкавэл када, кала ԥэнэн, кай и жэртвы важ о бэзэх нэ моӷли тэ стерэн совершэни кодэлэн, ко анэнас и жэртвы, то есть тэ стерэн, кай лэндири совесть тэ авэл совершэно (Евреям 10:1—4; дик кадяжэ Евреям 9:9). О само баро рашай нэ моӷ тэ потинэл о выкупо, саво трэбуй, кай о мануш па чачимастэ тэ ашэл свободно лэ бэзэхэстар. Кати лэ Христостири служэния, сар рашасти, и лэстири жэртва, сави во андя еқвар и пэ вся и время, моӷут када тэ стерэн (Евреям 9:14; 10:12—22).
Виарақас сомнак анда Библия
(Евреям 9:16, 17) Важ када, кай тэ авэл о доӷоворо, трэбуй, кай тэ мэрэл кодэва мануш, саво стердя о доӷоворо. 17 О доӷоворо действует посли смэрть, но нэ действует, пока жундо кодэва, ко стердя о доӷоворо.
w92 1/3 31, абз. 5—7
Пушэн кодэла, ко адинон
О Павло ԥэндя, кай трэбуй сас смэрть, кай тэ ашэл действительно варисаво доӷоворо машкар Дэл и мануша. О доӷоворо пала Законо драго сыкавэл када. О Моисеё сас кодэва, через кастэ трэбуй сас тэ ашэл действительно о доӷоворо машкар Дэл и Израилё. Кадя о Моисеё сас ӷлавно мануш, саво залэласпэ ла диласа важ и израильтяноря, кала вонэ стердэ о доӷоворо лэ Дэвлэса. Важ када о Моисеё сас кодэва мануш, ко пистросардя о доӷоворо пала Законо, саво дя о Иегова. Но трэбуй сас тоди лэ Моисеёско рат, кай о доӷоворо пала Законо тэ ашэл действительно? Най. Вместо лэ Моисеёско рат, трэбуй сас лэ жывотнонэнго рат (Евреям 9:18—22).
Ай со можно тэ ԥэнас пала нэво доӷоворо или пала доӷоворо машкар Иегова и Нэво Израилё? О Иисусо сас кодэва, через кастэ трэбуй сас тэ ашэл действительно о доӷоворо машкар Дэл и Нэво Израилё. Хоть и о доӷоворо стердя о Иегова, действительно во сас через о Иисус Христос. Кадяжэ, кала о Иисусо сас пэ ԥув, во терэлас ек дила кодэлэнца, ко трэбуй сас тэ авэн пэрви, каса стерэна кадэва доӷоворо (Луки 22:20, 28, 29). Кадяжэ во моӷ тэ отдэл и жэртва, сави трэбуй, кай тэ ашэл действительно о доӷоворо. Када на сас и жэртва анда жывотни, но сас совершэно манушыкани жызня. Важ када о Павло моӷ тэ ԥэнэн важ о Христос, сар важ о мануш, саво пистросардя о нэво доӷоворо. Посли кода, сар «о Христос зажыля... андо нэбо, кай акана тэ авэл англа Дэл важ амэндэ», о нэво доӷоворо ашэля действительно (Евреям 9:12—14, 24).
Кала о Павло дэлас дума пала Моисеё и пала Иисусо, во на ԥэндя, кай варико андар лэндэ сас кодэва, ко стердя ек анда кадэла доӷовороря, савэ па чачимастэ стердя о Дэл. Но через кадэла дуй мануша ашэлэ действительни и доӷовороря, савэ стердя о Дэл. Андо кажно случаё трэбуй сас смэрть. Лэ жывотнонэндири смэрть, важ о Моисеё, и лэ Иисусостири смэрть, сави во отдя сар жэртва важ кодэла, каса стердо о нэво доӷоворо.
(Евреям 10:5—7) Важ када, кала во авэл андо миро, во ԥэнэн: «„И жэртвы и подаркоря ту на закамлян, но дян манди тила. 6 Тути на чалелэ и жэртвы, савэ сԥабарэнас, и жэртвы важ о бэзэх“. 7 Тоди мэ ԥэндэм: „Акэ! Мэ авелэм, сар пистромэ андо книжно свитко важ мандэ, кай тэ терав кода, со ту камэс, Дэвла“».
it «Крещение», подзаг. «Крещение Иисуса в воде», абз. 2
Болдён
О Лука пистрой, кай кала о Иисусо болделя, во мангляпэ (Луки 3:21). Ай андэ книӷа Евреям ԥэнэнпэ, кай о Иисус Христос, кала авэлас андо миро (най тоди, кала во кати арақаделяпэ и нэ моӷ тэ адиной и тэ ԥэнэн и алава, савэ пистромэ май тэлэ, ай тоди, кала во болделя и ля тэ служый), ԥэндя и алава анда Псалом 40:6—8 (LXX): «И жэртвы и подаркоря ту на закамлян, но дян манди тила. [...] ...Акэ! Мэ авелэм, сар пистромэ андо книжно свитко важ мандэ, кай тэ терав кода, со ту камэс, Дэвла» (Евреям 10:5—9). О Иисусо сас анда иудейско народо, савэса о Дэл стердя о доӷоворо пала Законо (Исход 19:5—8; Галатам 4:4). Кала о Иисусо авеля каринг о Иоанно, кай тэ болдёл, лэстэ ужэ сас о доӷоворо лэ Иеговаса. Вижал, о Иисусо стердя май бут, чем лэстар трэбуй сас па Законо. Во отдя пэс пэстирэ Дадэсти лэ Иеговасти, кай тэ терэл лэстири воля. Васо? Важ кода, кай о Дад камэлас, кай во тэ отдэл пэстири тила и через када тэ парашэн тэ анэн лэ жывотнонэн андэ жэртвы, савэ трэбуй слинэ па Законо. О апостоло Павло ԥэндя: «Па кадэя лэ Дэвлэстири „воля“ амэ ашэлям свынти через лэ Иисусостири Христостири тила, сави во отдя еқвар и пэ вся и время» (Евреям 10:10). Лэ Дэвлэстири воля важ о Иисусо сас кадяжэ андэ кода, кай во тэ росԥэнэн важ о Царство. О Иисусо отдя пэс и важ кадэя служэния (Луки 4:43; 17:20, 21). О Иегова сыкадя, кай лэсти чалёл, кай о Иисусо камэл тэ терэл лэстири воля, кала мақля лэ свынтонэ духоса лэс и ԥэндя: «Ту мэрно любимо Шаво, ту терэс кода, со манди чалёл» (Марка 1:9—11; Луки 3:21—23; Матфея 3:13—17).
16—22 СЕНТЯБРЯ
СОМНАК АНДА БИБЛИЯ | ЕВРЕЯМ 11
«Васо важно тэ патяс»
(Евреям 11:1) И вера, када, кала лэ манушэстэ исин, васо тэ патял и тэ аштярэл кода, со авэла англэ, со драго доԥэнэн, кай исин кода, со на дицол.
w16.10 27, абз. 6
Патян андэ лэ Дэвлэстирэ алава
6 Тэ полас па Библия, сави и вера, можно андэ Евреям 11:1 (адиносар). Исин дуй маменторя. Пэрво, «тэ аштярэл кода, со авэла англэ». Например, кода, со трэбуй тэ авэл англэ, кала авэла улино о найлашимос и авэла нэво миро. Дуйто, «исин кода, со на дицол». Андэ кадэва стихо и алава «со драго доԥэнэн», сыкавэн, со доԥэнэн, кай исин кода, со на дицол, када о Дэл Иегова, о Иисус Христос, и анӷелоря и лэ Дэвлэско Царство (Евреям 11:3). Сар амэ можэм тэ сыкавас, кай на парашас тэ аштярас кода, со авэла англэ, и кай патяс андэ кода, со на дицол, пала со ԥэнэнпэ андэ лэ Дэвлэско Алав? Амэ сыкавас када пэстирэ алавэнца и диласа. Би кадэлэско нисар на авэла и чачуни вера.
(Евреям 11:6) Ай ко на патял, нэ сможэт тэ уӷодий лэ Дэвлэсти, важ кода кай кодэва, ко пашол каринг о Дэл, трэбуй тэ патял, кай во исин и кай во дэл бут лашимос кодэлэнди, ко фартэ родэл лэс.
«Во дэл бут лашимос кодэлэнди, ко фартэ родэл лэс»
Со трэбуй, кай тэ уӷодисарас лэ Иеговасти? О Павло пистрой: «Ко на патял, нэ сможэт тэ уӷодий лэ Дэвлэсти». Шон сама, о Павло на ԥэнэн, кай, если нинай вера, тэ уӷодисарас лэ Дэвлэсти авэла ԥарэс. Во ԥэнэн, кай када вобще нэ сможэм тэ стерас. Аврэ алавэнца, кай тэ уӷодисарас лэ Дэвлэсти, обязательно трэбуй тэ авэл вера.
Но сави трэбуй тэ авэл и вера андо Дэл? Исин дуй важни маменторя. Пэрво, амэнди трэбуй тэ патяс, «кай во исин». Хэба амэ можэм тэ чалювас лэ Дэвлэсти, если на допатяс, кай во исин? Но и чачуни вера, када май бут, чем просто тэ патяс, кай о Дэл исин, важ кода кай дажэ и бэнга кадэлэсти патян (Иакова 2:19). Через амари вера андэ кода, кай о Дэл исин, амэ трэбуй тэ камас варисо тэ терас, то есть тэ жувас кадя, сар чалёл лэ Дэвлэсти (Иакова 2:20, 26).
Дуйто, амэ трэбуй тэ патяс, «кай во [о Дэл] дэл бут лашимос». О мануш, савэстэ исин чачуни вера, фартэ патял, кай вся, со во терэл, кай тэ жувэл кадя, сар чалёл лэ Дэвлэсти, када най евья (1 Коринфянам 15:58). Хэба амэ можэм тэ уӷодисарас лэ Дэвлэсти, если на допатяс, кай во можэт и камэл тэ дэл амэнди лашимос? (Иакова 1:17; 1 Петра 5:7). Кодэва, ко на патял, кай о Дэл заботливо, блаӷодарно и щедро, па чачимастэ на ӷанэн лэ Дэвлэс, савэстар и Библия.
Касти о Иегова дэл лашимос? О Павло ԥэнэн: «Кодэлэнди, ко фартэ родэл лэс». Андэ ек книжка важ ла Библиятирэ переводчикоря пистромэ, кай о древнегреческо алав, саво пэрэандярдэ «фартэ родэл», на сыкавэл, кай о мануш трэбуй варикаринг тэ жал тэ родэл. Када сыкавэл о гиндо, кай во трэбуй тэ пашол каринг о Дэл, кала тэлёл лэсти. Андэ авэр книжка росԥэнэнпэ, кай кадэва древнегреческо алав сыкавэл, кай о мануш трэбуй май бут и май драго тэ родэл. Дицол, кай о Иегова дэл лашимос кодэлэнди, ко через кода кай патял, камэл тэ тэлёл лэсти анда вся оди (Матфея 22:37).
(Евреям 11:33—38) савэ кодэлэса, кай патян, побединас и царстворя, терэнас, кай тэ авэл справедливо, лэнди о Дэл дэлас и обещянии, вонэ ԥандавэнас и муя лэ левонэнди, 34 виритярэнас ла ягако зор, спасынаспэ лэ мечонэндар, анда слаби ашэнас зоралэ, вонэ драго марэнаспэ пэ война и розмарэнас лэ чужонэ воинонэн. 35 Через кода, кай о Дэл рий каринг и жызня лэ мулэн, каринг и жувля ринаспэ лэндирэ чаче, савэ мулинэ. Аврэн мучинас, кай вонэ на закамлэ, кай через варисави цэмин лэнди тэ дэн свобода, важ кода кай вонэ аштярэнас май лащи жызня через кода, кай о Дэл рия лэн каринг и жызня. 36 Варикастар приасанаспэ, варикас марэнас и пэ варикастэ дажэ шонас цэпоря и бэшарэнас андэ барунэ. 37 Лэн зашонас барэнца, пэр лэндэ тасавэнас, лэн пэрэпилинас, вонэ мэрэнас кодэлэстар, кай лэн шындярдэ мечоса, ԥирэнас андэ лэ бакрэндири и лэ бузнэндири мурцы, слинэ андэ нужда, андэ биды, виритярэнас, кала лэнца жэстоко обжанаспэ. 38 Кодэла, кас и мануша на ашэнас, скитались па пустыни и па плая, па пещеры и па ла ԥувьятирэ ямы.
w16.10 23, абз. 10, 11
Патян май фартэ андэ кода, со аштярэн
10 Андэ 11 ӷлава андэ книӷа Евреям о апостоло Павло пистросардя пала ԥаримос, саво пэрэандярдэ бут лэ Дэвлэстирэ служытеля, савэн на ԥэндя па алавэстэ. Кадя, о Павло ԥэндя пала манушня, савэндэ сас састи вера. Вонэ хасарэнас пэстирэ шавэн, но май англэ, «через кода, кай о Дэл рий каринг и жызня лэ мулэн... ринаспэ лэндирэ чаче, савэ мулинэ». Май англэ о Павло пистросардя пала кодэла, ко «на закамлэ, кай через варисави цэмин лэнди тэ дэн свобода, важ кода кай вонэ аштярэнас май лащи жызня через кода, кай о Дэл рия лэн каринг и жызня» (Евреям 11:35). Хоть о Павло и на ԥэндя лэндирэ алава, можэт, во ԥэнэнас пала кацавэ лэ Дэвлэстирэ служытеля, сар о Навуфеё и о Захария, савэн зашутэ барэнца важ кода, кай вонэ кандэнас лэ Дэвлэс и терэнас кода, со во камэл (1 Царей 21:3, 15; 2 Летопись 24:20, 21). Лэ Даниилости и лэстирэ друӷонэнди моӷли тэ дэн свобода, если вонэ парашэлоп тэ кандэн лэ Дэвлэс. Но через и вера андэ кода, кай о Дэл можэт тэ подритярэл лэн пэстирэ барэ зорэса, вонэ «ԥандавэнас и муя лэ левонэнди, виритярэнас ла ягако зор» (Евреям 11:33, 34; Даниил 3:16—18, 20, 28; 6:13, 16, 21—23).
11 Важ пэстири вера лэ пророконэнди лэ Михеёсти и лэ Иеремиясти прижыляпэ тэ виритярэн кода, кай лэндар «приасанаспэ... и бэшарэнас андэ барунэ». Авэр лэ Дэвлэстирэ служытеля, например о пророко Илья, «скитались па пустыни и па плая, па пещеры и па ла ԥувьятирэ ямы». Всаворэ вонэ смоӷли тэ виритярэн о ԥаримос, важ кода кай патянас андэ кода, со аштярэнас (Евреям 11:1, 36—38; 1 Царей 18:13; 22:24—27; Иеремия 20:1, 2; 28:10, 11; 32:2).
Виарақас сомнак анда Библия
(Евреям 11:4) Важ кода, кай о А́велё патялас, во андя лэ Дэвлэсти и жэртва, сави сас май лащи, чем лэ Каиностири жэртва. Через и вера о Дэл ԥэндя важ лэстэ, кай во праведно, кала приля лэстирэ подаркоря, и через и вера во инке дэл дума, хоть и муля.
it «Вера», подзаг. «Примеры веры в древности», абз. 1
Вера
И примероря анда дэлмутни время. Кодэлэндири вера, ко сас «машкар фартэ бут свидетеля», ритярдёлас по састо фундаменто (Евреям 12:1). Например, о Авелё ӷанэнас пала лэ Дэвлэстири обещяния важ о потомство, саво умарэла лэ «сапэс». Во диқэлас кода, со доԥэнэнас, кай вся терэласпэ па приӷоворо, саво о Дэл ԥэндя лэстирэ родителёнэнди андо Эдэмо. Лэ Адамости и лэстирэ ерести, сар вонэ ужылэ анда Эдэмо, сас ԥарэс тэ правардён, важ кода кай о Дэл дя амрая и ԥув и пэр латэ линэ тэ барён и колючки и чаря. Кадяжэ о Авелё диқэлас, кай и Ева фартэ цырдэласпэ каринг о Адамо и кай во сас хулай пэр латэ. Лэстири дэй ровэласпэ пэ дук, сави сас, кала вой сас беременно. Ай о входо андо Эдэмо фэринас и херувиморя и о мечо ягаса, саво болдэласпэ (Бытие 3:14—19, 24). Вся када доԥэнэнас лэ Авелёсти, кай и свобода лэ ԥаримастар авэла через о Потомко, пала саво о Дэл дя алав. Важ када, через и вера, о Авелё «андя лэ Дэвлэсти и жэртва, сави сас май лащи, чем лэ Каиностири жэртва» (Евреям 11:1, 4).
(Евреям 11:5) Важ кода кай о Енохо патялас, во сас пэрэандярдо кадя, кай на диқля и смэрть, и лэс никай на виарақлэ, важ кода кай о Дэл пэрэандярдя лэс. И, англа кода, сар лэс тэ пэрэандярэл, лэсти сас сыкадо, кай во уӷодисардя лэ Дэвлэсти.
wp17.1 12—13
«Во уӷодисардя лэ Дэвлэсти»
Сар тэ полас, кай о Енохо «сас пэрэандярдо кадя, кай на диқля и смэрть»? Наверно, о Иегова вушэро «пэрэандярдя» лэ Енохос анда жызня андэ смэрть, и кадя фэрисардя лэс, кай лэс тэ на умарэн андэ бари холи. Но англа када лэ Енохости «сас сыкадо, кай во уӷодисардя лэ Дэвлэсти». Со када сас? Можэт, англа смэрть кай о Енохо сас видения лэ Дэвлэстар и во диқля о раё пэ ԥув, саво трэбуй тэ авэл англэ. Посли кода, сар о Енохо диқля, кай во чалеля лэ Дэвлэсти, во муля. Акэ со пистросардя о апостоло Павло пала Енохо и пала авэр мурша и жувля, савэ кандэнас лэ Дэвлэс: «Всаворэ вонэ мулинэ андэ вера» (Евреям 11:13). Посли када и враӷоря, наверно, камэнас тэ виарақэн лэ Енохостири тила, но када сас евья, важ кода кай о Иегова стердя кадя, кай лэ Енохостири тила никай тэ на авэл, кай ла тэ на маӷрин или кай через латэ тэ на сытярэн лэ хохаимасти.
23—29 СЕНТЯБРЯ
СОМНАК АНДА БИБЛИЯ | ЕВРЕЯМ 12, 13
«Кала о Иегова сытярэл, када доԥэнэн, кай во любий»
(Евреям 12:5) Но дажэ набут на сэрэн, со тумэнди приԥэнэнас, сар лэ шавэнди: «Шаво мэрно, на гиндосар, кай кала о Иегова сытярэл, када нинай нисо, но и на умэк и вас.
w12 15/3 29, абз. 18
На дик пэ кода, со сас
18 Совето, саво на чалёл. Со если амэ холявас через о совето, саво амэнди варикала динэсас? Через када амэнди можэт тэ авэл най кати ԥарэс, када инке и залэл о зор, и кадэлэстар амэ можэм тэ умэкас и вас (Евреям 12:5). Если амэ отԥэндювас лэ советостар и гиндосарас, кай во нинай нисо, или умэкас и вас, важ кода кай спэрва прилям лэс, ай потом нэ смоӷли кадя тэ стерас, всаек вижала кода жэ, амэ на домэкас, кай о совето тэ поможый амэнди тэ парудювас. Пэ скати дэ драго тэ приашундювас каринг лэ Соломоностирэ алава: «Ритярдю лэ законости, на одмэк лэс, фэрисар лэс. Важ кода кай о законо, када тири жызня» (Притчи 4:13). Сар о водителё, саво шол сама пэ знакоря, давайте тэ прилас о совето и тэ на парашас тэ ладас англэ (Притчи 4:26, 27; адиносар Евреям 12:12, 13).
(Евреям 12:6, 7) Важ кода кай, кас любий о Иегова, кодэлэс сытярэл тэ парудёл, и дажэ марэл ла чукняса кажнонэс, кас прилэл сар шавэс». 7 Тумэ виритярэн о ԥаримос и на холявэн, и кадэлэстар тумэ сытён. О Дэл обжалпэ тумэнца, сар лэ шавэнца. Исин кацаво шаво, савэс о дад на сытярэл?
w12 1/7 21, абз. 3
«Кала мангэнпэ, ԥэнэн: „Дад“»
О дад, саво любий пэстирэ бэятонэн, сытярэл лэн, важ кода кай лэсти най всаек, савэ вонэ авэна, кала вибарёна (Эфесянам 6:4). Во можэт састэс тэ ритярэл о алав, кала сытярэл пэстирэ бэятонэн, но во никала на лэла тэ терэл када жэстоко. Амарэ небеснонэ Дадэсти тожэ дэкала прижалпэ тэ ԥэнэн, андэр со амэнди трэбуй тэ парудювас. Но о Иегова вся и время када терэл через и любовь и никала на обжалпэ амэнца жэстоко. О Иисусо, сар лэско Дад, никала на андярэлас пэс лэ учениконэнца жэстоко, дажэ если вонэ най сразу кандэнас лэс (Матфея 20:20—28; Луки 22:24—30).
(Евреям 12:11) Чаче, кала тумэн сытярэн важ тумаро бэзэх, андэ кадэя время здэлпэ, кай кадэлэстар кати дуқал оди, ай нинай радость, но май интя через када, тумэндэ авэла лашимос.
«Ашунэн кода, сости сытярав и ашэн годявэрнэ»
18 Лэ манушэсти на чалёл, кала лэс сытярэн тэ парудёл. Но амэнди авэла май ԥарэс, сар амэ на закамаса тэ парудювас (Евр. 12:11). Уӷанаса пала дуй мануша, пала Каино и царё Седекия. О Дэл диқля, кай лэ Каиностэ сас фартэ бари холи пэ пэско ԥрал. Тоди о Дэл ԥэндя лэсти: «Васо ту холяйлян и васо тиро муй калеля? Сар терэс лашимос, хэба на ваздэна тут? Ай сар на терэс лашимос, тоди кай и вудара аштярэл о бэзэх. И во камэл тэ захутилэл тут. Но авэса ту важ лэстэ хулай чи най?» (Быт. 4:6, 7). О Каино на кангля лэ Дэвлэс, во стердя бэзэх, ԥэнэса, о бэзэх захутилдя лэс. Скати же лэстэ сас ԥаримос! Ай када вся на авелоп тэ канглоп о Каино лэ Дэвлэс (Быт. 4:11, 12).
Виарақас сомнак анда Библия
(Евреям 12:1) Важ кода кай амэ машкар фартэ бут свидетеля, злам пар пэстэ вся, состар ԥарэс, и о бэзэх, савэсти кадя вушэро тэ запутыий амэн, и дажэ, кала ԥарэс, на парашам тэ прастас па дром, саво амэндэ исин.
w11 15/9 18, абз. 11
На парашэн тэ прастэн, дажэ кала ԥарэс
11 Кодэла, ко машкар «фартэ бут свидетеля», най просто диқэнас, сар прастэн авэр или камэнас тэ диқэн, сар вицэлэла лэнго любимо спортсмено или команда. Вонэ екжэнэ драго прастэнас и допрастае. Хоть вонэ ужэ мулинэ, лэнго примеро можэт тэ поможый кодэлэнди, ко кати ля тэ прастэл. Представь, со авелоп андо ди кай о мануш, саво прастэл, тэ ӷанглоп во, кай паша лэстэ со май лашэ спортсменоря. Хэба на тердоп во вся, кай тэ прастэл со май драго и дажэ фэдэр, чем лэстэ обычно вижал? Кодэла свидетеля анда дэлмутни время моӷли бы тэ ԥэнэн лэ христианонэнди анда евреёря, кай, сар бы тэ на авэл ԥарэс тэ прастэн, лэндэ вижала тэ победин. И иудейски христианоря анда пэрво вико на бистрэнас, сар андярэнас пэс кодэла «бут свидетеля» и моӷли тэ ашэн смили и тэ прастэн, дажэ кала ԥарэс. Кадя жэ адес можэм тэ терас и амэ.
(Евреям 13:9) На домэкэн, кай разни чужи учения тэ одындярэн тумэн андэ риг. Фэдэр тэ терас оди састо лэ Дэвлэстирэ лашимаса, ай най лэ хамаса, саво на анэн нисаво лашимос кодэлэнди, ко лэс любий.
br1 14, абз. 10
Анас и жэртвы, савэ чалён лэ Иеговасти
10 Важ када лэ евреёнэнди трэбуй сас тэ на домэкэн, кай лэн тэ одындярэн андэ риг и «разни чужи учения», савэ ужанас андэ кода, сости сытярэлас о иудаизмо (Галатам 5:1—6). Оди ашэл састо най через кацавэ учения, ай через лэ Дэвлэско лашимос, саво поможый састэс тэ ритярдювас пала чачимос. Дэсавэ споринаспэ важ о хамос и важ и жэртвы, важ кода кай о Павло ԥэнэнас, кай оди ашэл састо «най лэ хамаса, саво на анэн нисаво лашимос кодэлэнди, ко лэс любий». О лашимос лэ Дэвлэстар амэндэ авэла, если амэ на парашас тэ кандас лэс и цэнисарас о выкупо, ай най кала амэ фартэ пэрэжываем, кай тэ хас варисаво особо хамос и тэ ритярас особи деса (Римлянам 14:5—9). Кадяжэ лэ Христостири жэртва стердя, кай и жэртвы, савэ анэнас андо Израилё, нисо тэ на ашэн (Евреям 9:9—14; 10:5—10).
30 СЕНТЯБРЯ — 6 ОКТЯБРЯ
СОМНАК АНДА БИБЛИЯ | ИАКОВА 1, 2
«О дром каринг о бэзэх и смэрть»
(Иакова 1:14) Но кажнонэстэ ԥаримос кодэлэстар, кай во фартэ лэл тэ гиндой пала кода, со лэсти камэлпэ и када зацырдэл лэс.
g17.4 14
Искушэния
И искушэния, када кода, со цырдэл каринг пэстэ, особенно каринг варисо найлашо. Представь, кай ту андо маӷазино и диқэс кода, со тути чалёл. Ту лэс тэ гиндос: «Можэт, просто тэ лав и тэ чорав када? Нико и на додиқэла». Но тири совесть ԥэнэн: «Най!» Ту вишос о найлашо гиндо анда шэро и жас май дур. Кадя тутэ вижыля тэ на стерэс кода, со нэправильно. Ту победисардян и искушэния.
СО ԤЭНЭНПЭ АНДЭ БИБЛИЯ
Если тут цырдэл каринг кода, со найлашо, када на ԥэнэн, кай ту вэрыто мануш. Андэ Библия ԥэнэнпэ, кай всаворэндэ амэндэ дэкала када исин (1 Коринфянам 10:13). Ӷлавно, сар амэ пэс андярас, кала кацаво терэлпэ. Дэсавэ лэн тэ обгиндон кода, со нэправильно и всаек па дэсави время терэн кода, пала со гиндонас. Ай авэр сразу жэ вишон и найлашэ гиндоря анда шэро.
«Но кажнонэстэ ԥаримос кодэлэстар, кай во фартэ лэл тэ гиндой пала кода, со лэсти камэлпэ и када зацырдэл лэс» (Иакова 1:14).
(Иакова 1:15) Тоди, кала исин жылания, када анэн каринг о бэзэх, ай о бэзэх, саво стердо, анэн каринг и смэрть.
g17.4 14
Искушэния
И Библия росԥэнэн, со анэн каринг о бэзэх. Андэ Иакова 1:15 пистромэ: «Кала исин [нэправильно] жылания, када анэн каринг о бэзэх». Аврэ алавэнца, если о мануш обгиндой кода, со нэправильно, во можэт тэ зажал кадя дур, кай лэстэ нисар на вижала тэ зритярдёл. Сар и жувли, сави ԥирэл, всаек анэна лэ бэятос, кадя и о мануш, саво гиндой пала найлашимос, всаек стерэла бэзэх. Но тэ авэс рабо или хулай кодэлэсти, со тути камэлпэ, витидэс ту.
Виарақас сомнак анда Библия
(Иакова 1:17) Всаворэ лашэ и совершэни подаркоря па нэбо, важ кода кай вонэ лэ Дадэстар, саво создал о свето по нэбо, и во на парудёл, сар парудёл и тень.
it «Свет», подзаг. «Источник света», абз. 4
Свето
О Иегова, када Дад, саво создал о свето по нэбо (Иакова 1:17). Во дэл най кати «о қам, кай тэ авэл светло десэ, и законоря важ о шон и важ и черӷая, кай тэ авэл светло и рят», но и о свето лэстирэ чачимастар (Иеремия 31:35; 2 Коринфянам 4:6). Лэско законо, сындо и алав, када свето важ кодэла, ко жувэл пар лэндэ (Псалом 43:3; 119:105; Притчи 6:23; Исаия 51:4). О псалмопевцо ԥэндя: «Через тиро свето, амэ можэм тэ диқас о свето» (Псалом 36:9; дик кадяжэ Псалом 27:1; 43:3). Сар о свето лэ қамэстар ашэл май ярко, пока на ваздэлапэ о қам, кадя и лэ кандинэ манушэнго дром, пэ саво светий лэ Дэвлэстири мудрость, ашэл май ярко и май ярко (Притчи 4:18). Тэ жас дромэса, савэса андярэл о Иегова, значит тэ ԥирэс андэ лэско свето (Исаия 2:3—5). Ай кодэва, кастэ пэ вся найвужэ или найлашэ гиндоря, ԥирэл андэ тэмнота. О Иисусо ԥэндя: «Если тири як найлащи, тоди и вся тири тила авэла тэмно. Если о свето, саво тутэ исин, када тэмнота, тоди пэ скати дэ бари кадэя тэмнота!» (Матфея 6:23; дик кадяжэ Второзаконие 15:9; 28:54—57; Притчи 28:22; 2 Петра 2:14).
(Иакова 2:8) Но если тумэ ритярэн о царско законо, саво запистромэ андэ Писания: «Любисар аврэс, сар корко пэс», тоди тумэ драго терэн.
it «Закон», подзаг. «Царский закон»
Законо
«Царско законо». Сар о царё машкар мануша, «о царско законо» май важно и май ашунгло машкар авэр законоря, савэ сыкавэн, сар и мануша трэбуй тэ обжанпэ еқаврэса (Иакова 2:8). Само важно андо доӷоворо пала Законо сас и любовь, ай о законо «Любисар аврэс, сар корко пэс» (царско законо) сас дуйто анда дуй законоря, пэ савэ ритярдёнас всаворэ Законоря и Пророкоря (Матфея 22:37—40). Хоть и христианоря на жувэн па доӷоворо пала Законо, вонэ па нэво доӷоворо трэбуй тэ жувэн па законо, саво дя о Царё Иегова и лэско Шаво, о Царё Иисус Христос.