Источникоря важ и тетрадка, кай тэ сытювас «Дром и служэния»
6—12 ЯНВАРЯ
СОМНАК АНДА БИБИЛЯ | БЫТИЕ 1—2
«О Иегова создает и жызня пэ ԥув»
(Бытие 1:3, 4) И о Дэл ԥэндя: «Мэк авэл свето». И ашэля свето. 4 О Дэл додиқля, кай о свето, када драго, и о Дэл ля тэ отделий о свето ла тэмнотатар.
(Бытие 1:6) И о Дэл ԥэндя: «Мэк авэл шушо ҭан, саво розделия о паи, и мэк о паи отделийпэ лэ паестар».
(Бытие 1:9) И о Дэл ԥэндя: «Мэк о паи, саво тала нэбо, стидэлпэ андэ ек ҭан и мэк дицол и ԥув». И ашэля кадя.
(Бытие 1:11) Тоди о Дэл ԥэндя: «Мэк пэ ԥув барёл чар, растении, савэндэ исин семена, и витки, савэ анэн плодоря, андэ савэ исин семена, па лэнго видо». И ашэля кадя.
it «Сотворение, творение», абз. 12—14
Сотворения, тварения
Кала андо пэрво дес о Дэл ԥэндя: «Мэк авэл свето», о свето, саво розжаласпэ, наверно, ля тэ прожал через и облака, хоть и кода, катар жалас о свето, инке на дицолас па ԥув. Здэлпэ, када сас полокэс, сар пистромэ андо переводо, саво стердя о Дж. Уоттсо: «И понабут о свето дицолас» (Бытие 1:3, Watts J. A Distinctive Translation of Genesis). О Дэл отделисардя о свето ла тэмнотатар и по свето ԥэндя Дес, ай пэ тэмнота Рят. Анда када дицол, кай и Ԥув болдэласпэ па орбита круӷом о Қам, ай кадяжэ круӷом пэстири ось. Через када пэ Ԥув парудёнас о дес и рят (Бытие 1:3, 4).
Андо дуйто дес о Дэл создал шушо ҭан, кала отделисардя о паи лэ паестар. Дэсави часть лэ паестар ашэляпэ пэ ԥув, но май бут паи о Дэл вазгля вучес понад и ԥув, и машкар кадэла пая ашэля шушо ҭан. О Дэл ԥэндя пэ кадэва шушо ҭан Нэбо. О Дэл кадя ԥэндя пэр лэстэ, важ кода кай никай на ԥэнэнпэ, кай о паи понад о шушо ҭан дожалас каринг и черӷая и каринг авэр тварении по нэбо (Бытие 1:6—8; дик ПРОСТРАНСТВО).
Андо трито дес, через лэ Дэвлэско зор, о паи пэ ԥув сас стидо вмести и дицэля и ԥув, пэ сави о Дэл кадя и ԥэндя. Кадяжэ андэ кадэва дес о Дэл создал чар, растении и витки анда кода, со сас найжундо. Када на вижыля случайно и на тердяпэ корко пэстар. Кадя линэ тэ барён и чар, растении и витки па пэско «видо» (Бытие 1:9—13).
(Бытие 1:14) И о Дэл ԥэндя: «Мэк по нэбо авэл кода, состар жал о свето, кай тэ отделин о дес ла рятятар, и мэк вонэ сыкавэн о йвэн, о милай, и осень и весна, ай кадяжэ деса и бэрша.
(Бытие 1:20) И о Дэл ԥэндя: «Мэк андо паи авэн бут жундэ тварении и мэк понад и ԥув па нэбо вурян птицы».
(Бытие 1:24) И о Дэл ԥэндя: «Мэк пэ ԥув авэн жундэ тварении па лэнго видо. Када и домашни жывотни, кодэла, ко ползыин, и дыки жывотни па лэнго видо». И ашэля кадя.
(Бытие 1:27) И о Дэл создал лэ манушэс кацавэс, сар во, во создал лэ манушэс пар пэстэ. Во создал лэн муршэса и жувляса.
it «Сотворение, творение», абз. 17—20
Сотворения, тварения
Трэбуй кадяжэ тэ шас сама, кай андэ Бытие 1:16 най пистромэ о еврейско алав бара́, саво сыкавэл «тэ создает». Катэ тердёл о еврейско алав аса́, саво сыкавэл «тэ терэл». Важ кода кай о қам, и луна и черӷая, савэ ужан андо «нэбо», пала саво пистромэ андэ Бытие 1:1, можно тэ полас, кай о Дэл лэн создал важ бут время жы каринг о штарто дес. Андо штарто дес о Дэл «создал», или «стердя», лэн кадя, кай вонэ тэ авэн важ авэр дила. И алава: «О Дэл стодя лэн по нэбо, кай вонэ тэ светин пэ ԥув» сыкавэн, кай акана вонэ линэ тэ дицон па ԥув, ԥэнэса вонэ слинэ андо нэбо. Кадяжэ через о қам, луна и черӷая, трэбуй слинэ тэ парудёл о сизоно, ай кадяжэ и деса и бэрша. Потом када поможыяс лэ мирости андэ жызня (Бытие 1:14).
Андо панчто дес о Дэл создал пэрви жундэ тварении пэ ԥув. Через лэ Дэвлэско зор появисайлэ фартэ бут жундэ тварении, ай най ек тварения, сави па лэ Дэвлэско гиндо трэбуй авелоп тэ пэрэбарёл андэ авэр тварении. Андэ Библия ԥэнэнпэ: «О Дэл создал фартэ барэ чудовища, савэ андо паи, и всаворэ жундэ тварении, савэ андэ пая, па лэнго видо, и всаворэ тварении, савэ вурян и савэндэ исин крылоря, па лэнго видо». Лэ Дэвлэсти чалеля кода, со во стердя и во блаӷослависардя кадэла жундэ тварении. Во приԥэндя лэнди, кай лэн тэ ашэл бут, кала дя лэнди способность тэ розжанпэ «па лэнго видо» (Бытие 1:20—23).
Андо шовто дес «о Дэл создал дыконэ жывотнонэн па лэнго видо, домашнёнэ жывотнонэн па лэнго видо и всаворэн, ко ползыий па ԥув, па лэнго видо». Сар и всаворэ авэр тварении, савэн создал о Дэл, кода, со во создал андэ кадэва дес, кадяжэ сас драго (Бытие 1:24, 25).
Андо шовто дес в концэ о Дэл создал совсем нэви тварения, сави тердёл май вучес лэ жывотнонэндар, но май тэлэ лэ анӷелонэндар. Када сас мануш, савэс о Дэл создал пар пэстэ, кацавэс, сар во. Хоть и андэ Бытие 1:27 пала мануша набут ԥэнэнпэ, кай «во [о Дэл] создал лэн муршэса и жувляса», андэ Бытие 2:7—9 пистромэ, кай «о Дэл Иегова стердя анда ԥув манушэс и ԥурдя лэсти андэ ноздри ла жызняко духо, и о мануш ашэля жундо». О Дэл заботисайля, кай лэ манушэстэ тэ авэл райкано цэр и хамос. Андэ кадэва случаё о Иегова ля кода, андар со стерди и ԥув, ай посли кода, сар создал лэ манушэс, во создал ла жувля анда лэ Адамоско рэбло (Бытие 2:18—25). Посли кода, сар сас создано и жувли, появисайля манушыкано «видо» (Бытие 5:1, 2).
Виарақас сомнак анда Библия
(Бытие 1:1) Спэрва о Дэл стердя о нэбо и ԥув.
w15 1/6 5, рамка
Сар и наука влияет пэ тири жызня
Скати бэрш ла Ԥувьяти и ла Люмати?
И учони ԥэнэн, кай ла ԥувьяти варикай 4 милиардоря бэрш и кай и Люма появисайля варикай 13 или 14 милиардоря бэрш палпалэ. Андэ Библия на ԥэнэнпэ о дес, андэ саво сас создано и Люма. И андэр латэ никай най пистромэ, кай ла ԥувьяти кати дэсавэ тысячи бэрш. Андо само пэрво стихо андэ Библия пистромэ: «Спэрва о Дэл стердя о нэбо и ԥув» (Бытие 1:1). Кадэла алава домэкэн, кай и учони через и наука екжэнэ тэ полэн, скати бэрш ла Люмати.
(Бытие 1:26) И о Дэл ԥэндя: «Создадим манушэс пар пэстэ, кацавэс жэ, сар амэ, и мэк во авэл хулай пэ маще, савэ андэ моря, пэ птицы, савэ вурян па нэбо, пэ домашни жывотни, пэ вся и ԥув и пэ всаворэ жывотни, савэ ползыин па ԥув».
it «Иисус Христос», подзаг. «Не Сотворец»
О Иисус Христос
Най Создателё сар о Дэл. Кодэлэстар, кай о Шаво поможыяс вся тэ создаёт, во на ашэля Создателё, кацаво жэ, сар лэско Дад. О зор, кай тэ создаёт, жалас лэ Дэвлэстар через о свынто духо (Бытие 1:2; Псалом 33:6). И важ кода кай о Иегова, када Кодэва, ко дэл и жызня, всаворэ жундэ тварении, савэ дицон и на дицон, жувэн кати блаӷодаря лэсти (Псалом 36:9). Важ када о Шаво сас най кодэлэса, ко вся создовал лэ Дадэса, ай кодэлэса, ко поможыяс лэ Иеговасти, саво исин Создателё. О Иисусо екжэно ԥэнэнас пала Дэл сар пала Кодэва, ко вся создал, и када сжалпэ ла Библияса (Матфея 19:4—6; дик СОТВОРЕНИЕ, ТВОРЕНИЕ).
13—19 ЯНВАРЯ
СОМНАК АНДА БИБЛИЯ | БЫТИЕ 3—5
«Саво найлашимос андя о пэрво хохаимос?»
(Бытие 3:1—5) О сап сас само хытро анда всаворэ зверёря, савэ жувэн пэ мал, савэн создал о Дэл Иегова. О сап задя дума ла жувляса и пушля латар: «Чаче о Дэл ԥэндя, кай тумэнди нащи тэ хан па всаворэ витки андо садо?» 2 Пэ када и жувли ԥэндя лэ сапэсти: «И плодоря па витки андо садо амэнди можно тэ хас. 3 Но пала плодоря па витка, сави машкар садо, о Дэл ԥэндя: „На хан пар латэ, на лэнпэ каринг латэ, кай тумэ тэ на мэрэн“». 4 Тоди о сап ԥэндя ла жувляти: «Най, тумэ на мэрэна. 5 Ай инке о Дэл ӷанэн, кай андэ кодэва дес, кала тумэ хана пар латэ, тумарэ яқа ԥэрнадёнапэ и тумэ ашэна сар о Дэл, и лэна тэ ӷанэн, со лашимос, ай со найлашимос».
w17.02 5, абз. 9
Кода, со загиндосардя о Иегова, точно авэла
9 О Сатана Бэнг через о сап обхохадя ла Ева, кай вой тэ на кандэл пэстирэ Дадэс, лэ Иеговас. (Адиносар Бытие 3:1—5; Откровение 12:9.) О Сатана пушля ла Еватар: «Чаче о Дэл ԥэндя, кай тумэнди нащи тэ хан па всаворэ витки андо садо?» Если тэ ԥэнас па аврятэ, во пушля: «Ту камэс тэ ԥэнэс, кай тумэ нэ можэте тэ терэн кода, со камэн?» Тоди во ворта ԥэндя о хохаимос: «Най, тумэ на мэрэна». Посли када во ля тэ доԥэнэн ла Евати, кай лати на трэбуй тэ кандэл лэ Дэвлэс. Во ԥэндя: «О Дэл ӷанэн, кай андэ кодэва дес, кала тумэ хана пар латэ [па витка, сави сыкавэл, со лашимос, ай со найлашимос], тумарэ яқа ԥэрнадёнапэ». Кадэлэса о Сатана камля тэ ԥэнэн ла Евати, кай о Иегова на мэкля лэн тэ хан па кадэя витка важ кода, кай камэлас тэ гаравэл лэндар варисаво лашимос. Тоди о Сатана дя хохавни обещяния: «Тумэ ашэна сар о Дэл, и лэна тэ ӷанэн, со лашимос, ай со найлашимос».
(Бытие 3:6) И жувли шутя сама, кай пэ витка лашэ плодоря, кай кадэя витка шукарни и кай пэр латэ приятно тэ диқэс. Вой ля о плодо и ля тэ хал. Ай потом дя пэстирэ хуласти, кала во сас паша латэ, и во тожэ халя.
w00 15/11 25—26
Сости амэн сытярэл кода, со сас лэ Адамоса и ла Еваса?
Моӷла и Ева тэ на стерэл о бэзэх? Канешно моӷла! Сто пэс пэ лако ҭан. О сап ԥэндя совсем най кода, со ԥэнэнас о Дэл и о Адамо. Со ту погиндосардоп, если чужо мануш линоп тэ дошалярэл андо хохаимос кодэлэс, касти ту патяс и кас любис? И Ева трэбуй сас тэ андярэл пэс па аврятэ. И алава, савэ ԥэндя о сап, трэбуй слинэ фартэ тэ холярэн ла и кацави дума тэ ашэл лати гряца. Авелоп май правильно дажэ тэ отԥэндёл лэс тэ ашунэл. И вобще, ко кацаво о сап, кай и Ева тэ на допатял лэ Дэвлэсти и кодэлэсти, со ԥэндя лако хулай? Вой трэбуй сас тэ стол патив по хулай и тэ пушэл лэстар англа кода, сар варисо тэ витидэл. Кадяжэ трэбуй тэ терас и амэ, кала амэнди попэрдёлпэ инфармацыя, сави на сжалпэ кодэлэса, со ԥэнэн о Дэл. Но и Ева патяя кодэлэсти, со лати ԥэндя о сап, лати чалеля о гиндо, кай вой екжэни можэт тэ полэл, со лашимос, ай со найлашимос. И со май фартэ вой пала када гиндояс, со май фартэ лати када чалёлас. Сар дэ фартэ вой шылисайля, кала ля тэ гиндой пала кода, со нэправильно, вместо кода, кай тэ отшол кадэва гиндо или тэ жал и тэ пушэл совето кай пэско хулай! (Иакова 1:14, 15; 1 Коринфянам 11:3).
О Адамо кандэл ла хулая
Йто и о Адамо жыля пала Ева и стердя о бэзэх. Васо во кадя вушэро кангля ла хулая? (Бытие 3:6, 17). Лэ Адамости трэбуй сас тэ витидэл, кас во тэ кандэл. Кандэла во лэ Создателёс, саво дя лэсти вся, ай кадяжэ и лэстиря хулая, ла Ева? Пушэла о Адамо кай о Дэл, со лэсти тэ терэл чи най? Или во вмести ла Еваса жала против Дэл? О Адамо драго полэлас, кай вся, со камэлас и Ева, кай латэ тэ авэл, када сас хохаимос. О апостоло Павло пистросардя: «Най о Адамо сас обхохадо, ай и жувли андэ вся патяя лэ хохаимасти и тердя бэзэх» (1 Тимофею 2:14). О Адамо вся драго полэлас, кала витидя тэ жал против Иегова. Во май фартэ даралас тэ ашэлпэ би ла хулаяко, чем тэ патял, кай о Дэл сможэт вся тэ исправит.
(Бытие 3:15—19) Мэ стерава кадя, кай авэла вражда машкар тутэ и жувли, машкар тирэ потомкоря и лако потомко. Ту дэндалэса лэс андэ пятка, ай во ростасавэла тути о шэро». 16 Ла жувляти во ԥэндя: «Мэ стерава кадя, кай и беременность тэ анэн тути бари дук, ту лэса тэ анэс бэятонэн ԥаримаса. Ту авэса фартэ тэ цырдэспэ каринг пэско хулай, и во авэла хулай пэр тутэ». 17 Ай лэ Адамости во ԥэндя: «Важ кода кай ту канглян пэстиря хулая и хасас о плодо па витка, пала сави мэ ԥэндэм тути: „На ха пар латэ и плодоря“, пэ вся и ԥув амрая через тутэ. Вся и жызня ту авэса тэ вимардёс анда зор, кай тэ правардёс. 18 Пэ ԥув лэна тэ барён колючки и бурьяноря, и ту лэса тэ хас и чар па маля. 19 Фартэ ԥарэс авэла тэ правардёс, пока на рисапэ андэ ԥув, важ кода кай ту андар латэ лино. Ту анда ԥув создано и андэ ԥув рисапэ.
w12 1/9 4, абз.2
Заботийпэ о Дэл пала жувля?
Дя амрая ли о Дэл лэ жувлян?
Най. О Дэл дя амрая най лэ жувлян, ай лэ сапэс, «пэ саво ԥэнэн Сатана» (Откровение 12:9; Бытие 3:14). Кала о Дэл ԥэндя, кай о Адамо авэла хулай пэ пэстири хулаи, во на камэлас тэ ԥэнэн, кай акана кай о мурш исин право тэ гиндой пала жувли, кай вой най мануш (Бытие 3:16). Во кати ԥэндя пала кода, со авэла посли бэзэх, саво стердэ о Адамо и Ева.
w04 1/1 29, абз. 1
Интересни гиндоря анда книӷа Бытие. Часть 1
3:17. Сар тэ полас, кай пэ ԥув сас амрая и скати время када сас? Через кадэя амрая фартэ ԥарэс авэла тэ залэнпэ ла ԥувьяса, пэ сави барён колючки и бурьяноря. Лэ Адамостирэ потомконэнди кадя сас ԥарэс кадэлэстар, кай о Ламехо, лэ Ноёско дад, ԥэнэнас пала фартэ ԥари дила пэ ԥув, сави дя амрая о Иегова (Бытие 5:29). Посли Потопо о Иегова блаӷословисардя лэ Ноёс и лэстирэ шавэн и ԥэндя лэнди, кай вонэ тэ розжанпэ тэ жувэн па вся и ԥув (Бытие 9:1). Дицол, кай лэ Дэвлэстири амрая будэр на сас (Бытие 13:10).
it «Родовые муки», абз. 1
Дук, кай трэбуй тэ анэн
Ԥаримос кодэлэстар, кала анэн бэятонэн. Посли кода сар и Ева стердя бэзэх, о Дэл ԥэндя лати, кай лако бэзэх авэла и пэ кода, кай анэн лэ бэятонэн. Тэ канглоп вой, о Дэл и май дур диноп лати лашимос, и тэ анэн лэ бэятонэн авелоп андэ радость, важ кода кай «лэ Иеговастири блаӷословения, дэл бут лашимос, и во каринг када на дэл [ԥаримос]» (Притчи 10:22). Но андэ амари время, через кода, кай и тила кай о мануш найсовершэно, када анэн дук. Вижал, о Дэл ԥэндя (часто пала кода, кай о Дэл варисо домэкэл, ԥэнэнпэ сар пала кода, кай во када терэл): «Мэ стерава кадя, кай и беременность тэ анэн тути бари дук, ту лэса тэ анэс бэятонэн ԥаримаса» (Бытие 3:16).
Виарақас сомнак анда Библия
(Бытие 4:23, 24) О Ламехо ԥэндя пэстирэ хулаянди, савэн ақарэн А́да и Ци́лла: «Ашунэн мэрно ӷолосо, лэ Ламехостирэ хулая́, ашунэн мэрнэ алава! Мэ умардэм манушэс важ кода, кай во ман ранил, тэрнэ муршэс важ кода, кай во ман дядап. 24 Если пала Каино авэла рисардо 7 раз, то пала Ламехо 77 раз».
it «Ламех», № 1, абз. 2
Ламехо
Андэ стихоря, савэ о Ламехо пистросардя важ пэстирэ хулая́, дицол, сар дэ жэстоко о миро андярэлас пэс андэ кодэя время (Бытие 4:23, 24). Акэ лэстирэ стихоря: «Ашунэн мэрно ӷолосо, лэ Ламехостирэ хулая́, ашунэн мэрнэ алава! Мэ умардэм манушэс важ кода, кай во ман ранил, тэрнэ муршэс важ кода, кай во ман дядап. Если пала Каино авэла рисардо 7 раз, то пала Ламехо 77 раз». Наверно, о Ламехо камэлас тэ ԥэнэн, кай умардя лэ манушэс найспецыально, сар о Каино, ай кай тэ фэрийпэ кодэлэстар, ко лэс дядап и ранил. Важ када и алава, савэ ԥэндя о Ламехо, можно тэ ԥэнас, сыкавэн лэстири просьба, кай лэс тэ на умарэн. О Ламехо даралас, кай варико закамэла тэ рий лэсти важ кода, кай во умардя лэ манушэс, саво лэс дядап.
(Бытие 4:26) Кай о Сифо тожэ арақаделя шаво и во дя лэсти алав Ено́со. Андэ кодэя время и мануша линэ тэ ақарэн лэ Иеговас па алавэстэ.
it «Богохульство», абз. 3
Найлашэ алава по Дэл
Андэ время, кала жувэлас о Еносо, жы каринг о Потопо, и мануша «линэ тэ ақарэн лэ Иеговас па алавэстэ». Дицол, кай вонэ линэ тэ терэн када нэправильно, ведь май англал о Авелё ужэ ԥэнэнас лэ Дэвлэско алав (Бытие 4:26; Евреям 11:4). Сар гиндон дэсавэ учони, и мануша линэ тэ ақарэн лэ Дэвлэс па алавэстэ нэправильно или най кадя, сар трэбуй, кала приԥэнэнас кадэва алав лэ манушэнди и лэ идолонэнди. Если када сас кадя, тоди кадэлэса вонэ акушэнас лэ Дэвлэс. (Дик ЕНОС.)
20—26 ЯНВАРЯ
СОМНАК АНДА БИБЛИЯ | БЫТИЕ 6—8
«Точно кадя во и стердя»
(Бытие 6:9) Акэ лэ Ноёстири жызня. О Ноё сас праведно мануш. Во андэ вся сас вужо англа Дэл машкар кодэла, ко жувэнас лэса андэ ек время. О Ноё ԥирэлас лэ чачунэ Дэвлэса.
(Бытие 6:13) Тоди о Дэл ԥэндя лэ Ноёсти: «Мэ ришыл тэ умарав всаворэ манушэн пэ ԥув, важ кода кай вонэ андярэн пэс жэстоко. Важ када мэ умарава лэн и ԥув ашэла шущи.
Патян и кандэн сар о Ноё, о Даниило и Иово
4 Ԥаримос, саво сас кай о Ноё. Кала сас жундо лэ Ноёско пропапо о Енохо, и мануша ужэ терэнас кати о найлашимос. Вонэ дажэ ԥэнэнас по Иегова «вэрыти алава» (Иуды 14, 15). О миро ашэлас вся май холинако и андэ лэ Ноёстирэ деса пэ ԥув и мануша марэнас и умарэнас аврэн. И анӷелоря, савэ жылэ против о Дэл, ашэлэ сар и мануша, кай тэ лэн пала пэстэ лэ манушнян. Лэндэ арақадёнаспэ шавэ, савэ ашэлэ ашунглэ кодэлэса, кай сас фартэ холинатирэ и лэндар жалас бари бида (Быт. 6:2—4, 11, 12). О Ноё ни андэр со на шоласпэ пэ авэр мануша. Андэ Библия ԥэнэнпэ: «О Ноё чалеля лэ Дэвлэсти. [...] Во андэ вся кандэлас лэ Дэвлэс машкар кодэла мануша, савэ жувэнас лэ Ноёса андэ ек время. О Ноё ԥирэлас лэ чачунэ Дэвлэса» (Быт. 6:8, 9).
(Бытие 6:14—16) Стер пэсти ковчеӷо анда каш, андэ саво исин смола. Стер пэрэӷородки андо ковчеӷо и обмак лэс смоласа андрал и упрал. 15 Акэ саво трэбуй тэ авэл ковчеӷо. О лунгимос 134 метроря, о буглимос 22 метроря, ай о вучимос 13 метроря. 16 Стер андо ковчеӷо фэлястра важ о свето пэ епаш метро май тэлэ ла крышатар. И вудар, кай тэ зажан андо ковчеӷо, мэк авэл ригатар. Стер андрэ пэрво, дуйто и трито этажо.
Во «ԥирэлас лэ чачунэ Дэвлэса»
О ковчеӷо строинас варикай 40 или 50 бэрш. Трэбуй сас тэ отшынэн и витки, тэ анэн лэн кордэ, кай авэла и стройка, тэ обшынэн и брусоря и тэ стидэн лэн. Андо ковчеӷо слинэ трин этажоря, пэрэӷородки, ай кадяжэ и вудар ригатар. Упрэ слинэ фэлястры, ай кадяжэ кацави крыша, па сави спитялас о паи (Бытие 6:14—16).
(Бытие 6:22) И о Ноё стердя кадя, сар ԥэндя лэсти о Дэл. Точно кадя во и стердя.
w11 15/9 18, абз. 13
На парашэн тэ прастэн
13 Со поможысардя кадэлэ лэ Иеговастирэ служытелёнэнди тэ виритярэн и тэ допрастэн до конца? Шу сама, со о Павло пистросардя пала Ноё. (Адиносар Евреям 11:7.) Важ о Ноё о «потопо», через саво о Дэл трэбуй сас тэ умарэл «всаворэ тварении, андэ савэ исин ла жызняко духо», сас кодэлэса, «со инке на дицолас» (Бытие 6:17). Хоть о потопо жы кай кодэя время инке никала на сас, о Ноё на гиндояс, кай кацаво на авэла или кай када варисави сказка. Во патялас, кай о Иегова можэт тэ зритярэл любо пэско алав. О Ноё на гиндояс, кай и дила, сави лэстэ сас, фартэ ԥари. Во «стердя кадя, сар ԥэндя лэсти о Дэл» (Бытие 6:22). Тэ терэл «вся кадя» сас найвушэро, если тэ сэрас, кай лэ Ноёсти трэбуй сас тэ строий о ковчеӷо, тэ стидэл лэ жывотнонэн, тэ позаботийпэ пала хамос важ и мануша и важ и жывотни, тэ росԥэнэн и новость пала потопо и тэ диқэл, кай лэстирэ ерестэ тэ авэл лащи дружба лэ Дэвлэса. Но кода, кай о Ноё патялас и виритярэлас о ԥаримос, андя бут лашимос и лэсти и лэстирэ ерести.
Виарақас сомнак анда Библия
(Бытие 7:2) Лэ пэса анда кажно видо вужэ жывотнонэн, кай тэ авэн по семь, во и вой, ай анда кажно видо найвужэ жывотнонэн кати по дуй, во и вой.
w04 1/1 29, абз. 6
Интересни гиндоря анда книӷа Бытие. Часть 1
7:2. Васо лэ жывотнонэн розделисардэ пэ вужэ и найвужэ? Када сас най важ кода кай, со можно тэ хан, ай со нащи, ай важ кода, кай тэ ӷанэн, кас можно тэ анэн андэ жэртва лэ Дэвлэсти, ай кас нащи. Жы кай о Потопо и мануша на ханас лэ жывотнонэн. Кати андо лэ Моесеёско законо сас ԥэндо пала «вужэ» и «найвужэ» жывотни важ о хамос и када сас ужэ на трэбуй, кала о Законо пэрашэля тэ действует (Деяния 10:9—16; Эфесянам 2:15). Дицол, кай о Ноё ӷанэнас, со можно сас тэ анэн андэ жэртва лэ Иеговасти. Сар кати во вижыля анда ковчеӷо, во ля тэ строий «о жэртвеннико лэ Иеговасти, ля дэсавэн анда вужэ жывотни и вужэ тварении, савэ вурян, и сԥабардя лэн по жэртвеннико» (Бытие 8:20).
(Бытие 7:11) Андо кодэва бэрш, кала лэ Ноёсти сас 600 бэрш, андо дуйто шон, андо 17 дес, ԥэрнаделэ всаворэ барэ пая и лэ нэбостирэ вудара.
w04 1/1 30, абз. 1
Интересни гиндоря анда книӷа Бытие. Часть 1
7:11. Катар ляпэ о паи важ о Потопо? Кала сас дуйто дес, андэ саво о Дэл создал «шушо ҭан», када и атмосфера пэ Ԥув, о паи сас «тала шушо ҭан» и «понад шушо ҭан» (Бытие 1:6, 7). О паи «тала шушо ҭан», када о паи, саво ужэ сас пэ ԥув. О паи «понад шушо ҭан», када и влаӷа, сави сас вучэс ла ԥувьятар и сави потом жыля пэ ԥув андэ лэ Ноёстирэ деса.
27 ЯНВАРЯ — 2 ФЕВРАЛЯ
СОМНАК АНДА БИБЛИЯ | БЫТИЕ 9—11
«Пэ вся и ԥув дэнас дума пэ ек шыб»
(Бытие 11:1—4) Пэ вся и ԥув дэнас дума пэ ек шыб и еқэ алавэнца. 2 Кала и мануша жылэ по востоко, вонэ виарақлэ далина пэ ԥув Сеннааро и линэ котэ тэ жувэн. 3 Вонэ ԥэндэ еқаврэсти: «Давайте стераса кирпичоря и обԥабараса лэн». О кирпичо сас лэндэ вместо бара и о асфальто вместо растворо. 4 Потом вонэ ԥэндэ: «Давайте строисараса пэсти форо и вучи башня жы каринг о нэбо и аваса ашунглэ, кай амэ тэ на розжаспэ па вся и ԥув».
it «Вавилон Великий», абз. 4
Вавилоно Велико
Соса сас интересно о пурано Вавилоно. Кала линэ тэ строин и Вавилонско башня, тоди ашэля о форо Вавилоно пэ ԥув Сеннааро (Бытие 11:2—9). Ӷлавно, васо и мануша камэнас тэ строин кадэя башня, када най кай тэ прославляют лэ Дэвлэско алав, ай кай вонэ екжэнэ тэ ашэн ашунглэ. И башни, савэ шонпэ пэ пирамиды, виарақлэ най кати машкар розмардо пурано Вавилоно, но и па вся Месопотамия. Кадэла башни доԥэнэн, кай и Вавилонско башня построисардэ важ и религия, хоть амэ и на ӷанас, сави сас кадэя башня. О Дэл Иегова йто тердярдя лэ манушэн, савэ линэ тэ строин и Вавилонско башня, и када сыкавэл, кай лэсти на чалеля кадэя стройка, важ кода кай вой жалас анда хохавни религия. О еврейско алав Вавилоно означает «смешения», ай о шумерско алав (Кадингирра) и аккадско алав (Бабилу), када «лэ дэвлэстирэ вороты». Када сыкавэл, кай и мануша, савэ ашэлэпэ тэ жувэн андо форо, парудэ и названия, кай вой тэ на напоминает пала сындо по форо, саво виандярдя о Дэл. Но и нэви названия лэ форостири всаек сыкавэлас, кай о форо сԥангло ла религияса.
it «Язык, I», абз. 8
Шыб
Андэ Бытие росԥэнэнпэ пала кода, сар посли Потопо дэсавэ анда мануша, кала стидэпэ вмести, отԥэнделэ тэ терэн кода, со ԥэндя о Дэл лэ Ноёсти и лэстирэ шавэнди (Бытие 9:1). Вместо кода кай тэ розжанпэ па вся и ԥув, вонэ закамлэ тэ жувэн андэ ек ҭан, саво сас андэ Месопотамия, андэ далина, пэ сави потом линэ тэ ԥэнэн Сеннааро. Дицол, кай кадэва ҭан кадяжэ трэбуй сас тэ ашэл ӷлавно ҭан важ и религия, кай авэла и храмово башня (Бытие 11:2—4).
(Бытие 11:6—8) Тоди о Иегова ԥэндя: «Всаворэ вонэ ек народо, и лэндэ ек шыб, и акэ со вонэ линэ тэ терэн. Акана вонэ смоӷут тэ стерэн вся, со загиндосардэ. 7 Змэкампэ и даса лэнди разни шыба, кай вонэ тэ на полэн ек еқэс». 8 О Иегова росшутя лэн котар па вся и ԥув, и вонэ парашэлэ тэ строин о форо.
it «Язык, I», абз. 9
Шыб
Но о Всемоӷущё Дэл на домэкля, кай вонэ тэ стерэн кадэва найлашимос. Во дя разни шыба кодэлэнди, ко жылэ против лэстэ и важ када лэндэ ужэ на вижалас тэ терэн дила вмести. Тоди вонэ розжылэпэ па вся и ԥув. Кадяжэ, кала о Дэл дя лэ манушэнди разни шыба, во стердя кадя, кай и май англэ лэнди тэ авэл май ԥарэс тэ жан лэ найлашэ дромэса, саво на сжалпэ кодэлэса, со во камэл. Лэндэ на вижылоп тэ полэн и гиндоря еқаврэстирэ и вмести тэ используют кода, со лэндэ исин, кай тэ домардён варисо найлашо или тэ висытён аврэ народонэндар, кода, со жал най лэ Дэвлэстар, ай лэ манушэндар. (Дик Экклезиаст 7:29; Второзаконие 32:5.) Вижал, кай, хоть о Дэл и дя лэ манушэнди разни шыба и через када вонэ розделисайлэ, па чачимастэ када андя лэнди о лашимос. Када поможысардя тэ зритярэл лэн, кай вонэ тэ на стерэн о найлашимос, саво загиндосардэ (Бытие 11:5—9; дик Исаия 8:9, 10). Адес амэ диқас, со ашэля кодэлэстар, кай и мануша нэправильно используют кода, со вонэ ӷанэн. И када поможый тэ полас, со авелоп лэ манушэнца, если о Дэл, саво вся ӷанэн, тэ на диноп разни шыба лэ манушэнди андо Вавилоно.
(Бытие 11:9) Акэ васо по форо ԥэндэ Вавилоно, важ кода кай котэ о Иегова дя лэ манушэнди разни шыба, и котар о Иегова росшутя лэн па вся и ԥув.
it «Народ, нация», абз. 3
Народо, нацыя
Посли кода сар и мануша парашэлэ тэ полэн еқаврэс, кай кажно шыб ашэля пэстири культура, искусство, обычаи и религия (Левит 18:3). И разни народоря, савэ ашэлэ май дур лэ Дэвлэстар, стердэ пэсти розбут идолоря, дэвлэн, савэн вигиндосардэ (Второзаконие 12:30; 2 Царей 17:29, 33).
Виарақас сомнак анда Библия
(Бытие 9:20—22) О Ноё ля тэ залэлпэ ла ԥувьяса и посадисардя о виноӷраднико. 21 Еқвар во пиля о вино, мателя и пашлёлас нанго андэ пэстири катуна. 22 О Хамо, лэ Ханааноско дад, диқля пэстирэ дадэс нангэса и, кала вижыля, росԥэндя пала када пэстирэ дуе ԥралэнди.
(Бытие 9:24, 25) Кала о Ноё прошутяпэ твэрэзо и уӷангля, со лэса стердя лэско цэкнэдэр шаво, 25 во ԥэндя: «Мэк авэл и амрая по Ханаано! Мэк во авэл само послиднё рабо кай пэстирэ ԥрала».
it «Хам», № 1, абз. 5
Хамо
Файма, о Ханаано екжэно учавствовал андэ кода, со тердяпэ, ай лэско дад, о Хамо, нэ исправил лэс. Или жэ о Ноё ԥэндя пророчество лэ Дэвлэстар, кай о дилимос, саво сас кай о Хамо и саво, можэт, ужэ дицолас кай лэско шаво Ханаано, авэла и кай лэ Ханааностирэ потомкоря. Кадэя амрая андэ дэсо исполнилась, кала и израильтяноря захутилдэ и ԥув, сави сас кай и Хананеёря. Кодэла, кас на умардэ (например, и гаваонитяноря [Иисус Навин 9]), ашэлэ лэ израильтянонэндирэ раборя. Через бут бэрш кадэя амрая инке сас, кала и мирови правительстворя, савэ жан лэ Иафетостар, ашэлэ хула́я пэ потомкоря лэ Ханааностирэ, када Мидо-Персия, Греция и Римо.
(Бытие 10:9, 10) Во ашэля зорало охотнико, саво жалас против Иегова. Важ када и ԥэнэнпэ: «Сар о Нимродо, зорало охотнико, саво жалас против Иегова». 10 Пэрви фороря андэ лэско царство слинэ о Вавилоно, Эрехо, Аккадо и Халне пэ ԥув Сеннааро.
it «Нимрод», абз. 3
Нимродо
Пэрви фороря андо царство кай о Нимродо слинэ кацавэ фороря, сар о Вавилоно, Эрехо, Аккадо и Халне пэ ԥув Сеннааро (Бытие 10:10). Май йто всаворэстар, о Вавилоно и Вавилонско башня линэ тэ строин тала лэско руководство. Кадэва гиндо и иудейски традицыи сжанпэ ек екэса. О Иосифо Флавиё пистрой пала Нимродо (Немвродо): «Прожыля набут время и о Немвродо ля тэ домардёл бари власть. Во патялас, кай и мануша парашэна тэ даран и одбандёна лэ Дэвлэстар, если витидэна тэ жувэн тала лэ Немвродостири власть. Но кадяжэ во путёлас и ԥэнэнас, кай фэрия лэн лэ Ӷосподостар лэ Дэвлэстар, если Во упалэ закамлоп тэ стерэл пэ ԥув потопо. О Немвродо подԥэнэнас лэнди тэ строин и башня май вучес, чем о паи мог тэ ваздалпэ, и кадя тэ отомстин пала кода, кай о Дэл умардясас лэндирэ ԥурэн. И мануша закамлэ тэ стерэн кадя, сар ԥэндя о Немвродо и линэ тэ гиндон, кай тэ кандэн лэ Ӷосподос лэ Дэвлэс, када [позорно] рабство. И акэ вонэ линэ тэ строин и башня... ...И башня ваздэласпэ май йто, чем вонэ аштярэнас» (Иудейские древности. I. 4. 2, 3).