УРОКО 2

Дэ дума естествено

2 Коринфянам 2:17

СО ТРЭБУЙ ТЭ СТЕРЭС. Дэ дума естествено и анда вся оди, кай тэ сыкавэс, сар ту диқэс пэ тема и со тутэ андо ди каринг и мануша.

САР КАДА ТЭ СТЕРЭС

Мангпэ и драго ӷотовся. Манг лэ Иеговас, кай тэ поможый тути тэ гиндос най пала кода, сар пэр тутэ диқэна, ай пала кода, со ту камэс тэ ԥэнэс. Полэ важ пэстэ, савэ гиндоря ту камэс тэ росԥэнэс лэ манушэнди. На адиносар о напечатано тексто точно кадя, сар запистросардо. Дэ дума пэстирэ алавэнца.

Если тути трэбуй тэ адинос анда Библия или анда варисо авэр, май англал продик о тексто, кай драго тэ адинос. Кала трэбуй тэ адинос и алава аврэ манушэндирэ, адиносар кадя, сар обычно дэн дума и мануша.
Дэ дума анда оди. Погиндосар, васо лэ манушэнди трэбуй тэ ашунэн кода, со ту лэнди камэс тэ ԥэнэс. Тоди па тирэ жэсторя, па тиро муй и па кода, сар ту тердёс, дицола, кай ту всаворэ́ одеса каринг и мануша.

Сэр, кай и естествено дума и найсэжо дума када най ек. Дэ дума пативалэс, правильно и кай и мануша тэ полэн тут.
Дик пэ кодэла, ко тут ашунэн. Кала ту дэс дума, на трэбуй тэ диқэс просто андо зало. Фэдэр тэ диқэс то пэ ек мануш, то пэ авэр.